سوالف زوجات الجنوبيين..

[ملاذي]

مرحبا بنات..
حياكم في الموضوع اليديد....

بعد التفاعل الحلو في موضوع الزوجه الحكيمه...
اكتشفت انه في واايد ريايل جنوبيين ..وانا كنت احسب ريلي ياي من المريخ بروحهه...:tears:

قبل كنت استخسر فيه موضوع كامل:schmoll:...اتحرا محد يعاني مثلي...

ظهروا وايدين لي يعانون..:thumbdown:.

هالموضوع لنا كلنا نسولف ونضحك ..ناخذ ونعطي..ونناقش...ونقارن..

أي وحده تدخل..
تعطينا موقف فرش...طازج
صار اليوم ...أو البارحه بالليل...هههههه..:bleh:.......لازم يكون عليه تاريخ صلاحيه...
.
بس اسمحولي انا ما بكتب موقف بكتب...شي كنت البارحه سهرانه عليه..
وعقب بكتب سالفه النهارده

متفقين:icon30:

:icon26:اترياكم يا دلوعات
وحياكم اقييييين:icon26:​

 

[ملاذي]

أشياء يحبها زوجي...​

يمكن هو كجنوبي يمثل بعض الجنوبيين...​

ويمكن ما يمثل إلا نفسه...​

المهم...​

هو جنوبي شرقي...
وانا غربيه جنوبيه​

هو ...يحب النعومه والدلع بصوره مبالغ فيها (مباااااااااااااااااااااالغ مبااااااااااااااالغ فيها)​

انا .....اسلوبي شقاوه اكثر شي, في اللبس والكلام (دورت احسن كلمه)​

هو يحب الشعر الناعم...والسااااااااايح مررره​

انا....شعري ناعم بس ويفي ..وعايبني بطبيعته!...​

هو ...ما يحب الذكاء والشطاره...​

انا ..احب ابين ذكاءي وثقافتي! واتفلسف احيانا ((احيانا كثيره))​

هو ...شايف نفسه بيبي..وتوه بيستمتع بالمراهقه وبيكتشف الدنيا...يجرب ويغلط...يخسر ومايهمه يكسب​

انا ....مش مستوعبه انه في رياييل يفكرون بهالطريقه!!...احاول اتقبل هالفلسفه في الحياه..حق ريال...بس عندي عسر هضم​

هو ....مطنش الكلام الجارح من صوب الناس واهله بس...​

انا... الكلام من صوبي حكم اعدام علي بالقتل البطيئ​

هو ..يتخلى عني من اقل نقاش..ويسوي نفسه هو الي زعلان​

انا ...قبل كنت الاحقه اذا تركني...بس الحين..اجلب الطاولة عليه (مجازيا وليس فعليا)​

بحررررررررر يالجنوبي​

و اه اه اه ا ه يا بحر...​

 

[سفيرة السعداء]

​

ملاذي​

يالله أحس اني بعاااني وااايد من امثلتج اللي تضربينها لأن أنا بعد زوجي جنوبي شرقي​

يحب النعوووووووووومة والشعر السايح والأناقة والأتكيت ولازم اكون على سنجة 10 طول الوقت :schmoll: حشى عذاااب خخخخ​

وشااايف نفسة بيبي وااايد حتى يوم ايي يزورني اول ما يطلع يتصل ها شموخ شرايج فيني بيبي فيس صح :busted_red: عاد انا اجكر اقولة تراك شيبة لا تصبب :blush-anim-cl:
من القهر والله لأن المعنى اللي يوصلني ان انتي شكلج كبييييييييير وااايد عن سنج وانا ما يبين علية :tears:​

فضووووووووووووووووووووووووولي لدرجة تلوع جبدي :surrender:
يبى يعرف العوق ودواه ,, ما يحب شي يفوتة ,, البارحة وانا اكلمة في التلفون شفت شي يديد كاتبتنة الأستاذة ناعمة وشهقت وقت له بخليك بخيك عقب بتصل منو يقول لالالالالالا ليش بتبندين أحين ببند بس بتقوليلي بعدين ,,
شو اسوي في اشيا ما اقدر اقولة ايلس ارقع خخخ مني:blow:​

المزااااجية آآآآآآآآآآآآآآآه منها آآآآآآآآآآآآآآآه
البارحة كنت وااايد متضايقة لدرجة اني خذت كورس صياح في الحوش أتصل بي ما عرف اني حزينة إلا بعد 5 دقايق يوم صحت بصوت ما يعرف يوااااسي شوي ويصيح وياية :bleh:
المهم يالة اتصال من اهلة ويدخلون في حياتنا مودة انقلب 180% قمت انا اواسية :surrender: ولو اني ما عندي خبرة في هالسوالف ما اعرف اواسي حد اللي اعرفة اني اصيح وياهم خخخ​

لي عودة بالتأكيييييييد
لأن يبالنا وااايد شغل
استعدوا يا زوجات الجنوبيين

​

 

[ملكة الشوق]

مين زوجها جنوبي غربي ؟!! :sadwalk:

 

[شهلاء]

مرحبا زوجات الجنوبين ان شاء الله نشكل تجمع ناجح

زوجي جنوبي شرقي وانا جنوبيه شريقه نوعا ما متفاهمين لكن فيه اختلفات في وجهات النظر تؤدي الى عواصف رعديه مزعجه

 

[الفرج قريب]

حبيباتي انا زوجي جنوبي شرقي وانا جنوبية غربية والصفات الي ذكرتوها ماتنطبق كلها عليه
من ناحية كونه جنوبي فتلاقيه حنون حساس طيب ينجرح بسرعة يحب المراة الهادية المطيعة يكره الصراخ ويحب التقدير

كونه شرقي فهو يحب تكون الكلمة كلمته يحب الاحتشام غيرته شديدة على اهله يتحمل المسؤولية وحده.... الى غير ذلك

المهم انا التقي وياه في صفة الجنوبي واختلف معاه في صفة كونه شرقي وانا غربية وطبعا هذا يسوي مشاكل بينا
فالعقلية الغربية غير الشرقية والله المستعان
ان شاء الله لي عودة معاكم
تحياتي

 

[لحن الوداع]

هههههههههه

والله موضوع رائع بمعنى الكلمه

انا بعد زوجي جنوبي الله يحفظه

اللحين ماعندي أي موقف لو تذكرت أرجع لكم

بس أحب أقول رغم الصفات الكثير المو حلوة بالجنوبي

هناك صفات كثثثثثثثثثير حلوة فيهم
:shiny:

 

[شعلة نشاط]

ياحبي لكم والله كنت احسب مافيه الازوجي في هذي الدنيا بهذي الصفات .....لان كل الاستشارات لشماليين واذا شفت المشاكل ...احس اني دلوعه وشلون تشكين من زوجك......وكل المتمشكلات يتمنون لو نص زوجي علشان كذا احس اني ما راح القى احد يفهمني ....انا مااشكي لعدم معرفة نعمت الله علي ...انا ابغى اعرف اتعامل مع زوجي ....الحمد لله زوجي نعمه من رب العالمين ....بس فيه مشاكل بسيطه ...مهما كان تضايق ...وسوء تفاهم واختلاف وجهات النظر ....تنرفز....والله ماتدرون وش سويتوا فيني ....زي الي لقت لها صديقه تفضفض لها ....كانك قاعده في صحراء ولقيتي المنقذ ...الله ينور عليكم ويسخر لكم ازواجكم ...ويعم التفاهم بين كل المتزوجين.....

 

[شهلاء]

بصراحه قلتي كل لي يدور في صدري خلينا نفكك هالشخصيه وانعرف اسراره

احس الكل يحسدني عليه الا انا مب عارفه اتعامل معاه:dunno:

 

[سفيرة السعداء]

:nosweat:

:nosweat:

:nosweat:


سؤال يطرح نفسة هل الرجل الجنوبي الشرقي يغااار ؟


شهلاء

أنا بعد ألاحظ الكل يحسدنا عليهم ونحن مب قادرين عليهم

:sad_1:

 

[(مزاجية)]

ثانكس ملاذي عالموضوع اللي فتحتيه للجنوبيين

لي عودة قريبا

 

[شهلاء]

انا احس ان زوجي شديد الغيرة ولازم اكون حذره في كلامي او تعليقي على اي رجل ولا تكون مصيبه:nosweat:

 

[ملاذي]

مرحبا بنات..


والله اني استانست لما شفت ردودكم...

احس مثل ماقالت ..شعله نشاط...

كأننا غرقانين..ولقينا واحه نرتوي منها...

وصدقتي يا شهلا ...محسودين ...على ازواجنا ...وجنه احنا رافسين النعمه...

بس الي جرب وعاشر غير الي يشوف المظهر الخارجي ...



كلنا انشالله بنفيد بعض...

انشالله هالتجمع يكون فعال...

ترا البيت بيتكم...والموضوع موضوعكم...

وكلنا في الهم واحد...

كلنا نقول لي نبيه ..ونقترح ونسأل...​

 

[Sweety Me]

عندي سؤال .... ما معنى الجنوبي و الشرقي و الشمالي ؟؟

 

[ملاذي]

شحالج شموخه...

انا اشوف ريلي متذبذب بين الغيره وعدم الغيره...

احيانا يغار لو حطيت روج حلو وكنت سايره عرس...

او كنت في البيت ومتعطره بريحه واايد حلوه...

او يمكن يقولي بدلي لي لابستنه, ماتحسين انه يلفت؟؟ (يمكن لانه يديد ويخاف حد من اهله يعلق؟؟!!)



بس سااعات احسه يستوي ...مادري شو اقول...

ينزح نحو الشخصيه الشماليه

يمشي بكل ثقه وانا وياه

يبا يرتز فيني..وبكشختي واناقتي..واسلوبي..

حتا لو جدام موظفه في محل..او حتى عالتلفون حق حجوزات...

وبكل فخر يقول حق اهله انا وين اسير وشو اسوي ..وكيف اني ذكيه بالشراء...

بس تعالي يا شموخه ماقلتيلنا انتي شو رايج!!....​

 

[صجة ورجة]

انا عن نفسي شرقيه جنوبيه

وهو جنوبي غربي

ونحب بعض كثير بس في مشاكل تصادمات مع اهله يدخلون وامه من النوع القيادي تتدخل ببيت كل واحد من عيالها

 

[شعلة نشاط]

انا زوجي جنوبي شرقي ....ويغارعلى كثير ....ويفضل الحشمه زي ماقلتوا وهذا يسبب لي نرفزه ......اذالبست ميدي يقول غيري البسي طويل ....ودايم تكون بينا مناقشات ويرفض اطلع واحيانا يمشي الموضوع ....ودايم يقول صغري النقاب لاتطلع عيونك ...يعني تحسين انك تحت المراقبه ...والله شي يطفش..

 

[حامل المسك]

و الله زين يا ملاذ انك فتحتي الموضوع

برد لكم بعدين

 

[شهلاء]

انا نفس الشي يحب الحشمه والستر بزياده علي وعلى اخواته ماحد يخرج معاه لمشوار الابس قفزات وشراب اسود وعبايه فوق الراس بغطى بدون نقاب
وانا مسايرته او تقولين تاقلمت على الوضع

 

[شعلة نشاط]

اختي شهلاء الحمد لله ماهمني الحجاب والستر عند الرجاجيل انا مقتنعه وبقوه ....بس المشكله عند الحريم بس زي ماتعرفين مجتمعنا محافظ...ولا فيه جمعات الاحريم بس وش المشكله ....الغيره الزايده الي مالها داعي ......فيه شي اقدر اسويه يخليه مايتدخل في شؤني ...دايما اقوله ...انا مااتدخل في شؤنك انت خلني ولاتدخل في شؤني .........احس اني حست الدعوه.....المشكله انه دايم يقول ...لاتسوين كذا ....لاتروحين لكذا ....حتى اسوق يقول وشوله تروحين لسوق هذا روحي لثاني اقرب ...يعني انسان تقليدي 100%على الي تعود عليه......وانا احب التغيير ومااحب احد يقيدني بااشياء خاصه فيني .....وش التصرف الزين معه....