سر خاص وبفضفض لكم

[من إماراتي]

الأفضل أنج ما تعودينه على الاتكالية و بالتدريج و بعد بدون عصبية ..... يعني حطي اعصابج في الثلاجة و أي شي ينقصكم لا تجيبينه حتى لو كان من أهم الضروريات ........ اعرف وحدة عودت زوجها و الحين حتى المكيف و الفريزر هي اللي تروح تشتريهم .... ادعو الله ان يسخر زوجج لج و يخليه مثل ما تتمنين .

 

[ثقتي عاليه]

هلا حبيبتي الغلط منج انتي مو من زوجج
انتي اللي عودتيه على هالطبع..اولا سوي عمرج انج متفقره وان ماعندج فلوس
وخليه يحس بالمسؤليه ويوم يروح الويكند وينام بين هله روحيي معاه وونامي بعد جي هله بيحسون انكم ثقال عليهم ويمكن يقولونله لاتجي المره الثانيه
يعني اللي ابي اقوله انج لاتهدينه ولا مينيت..ولاتشتكين له ولاتقارنين عشان لايملج وتكلمي معاه بكل جديه عن رغبتج للذهاب للسوق ..
ومو فقه

 

[زارعة الريحان]

عزيزتي يمكن طبع زوجك ما يحب الطلعه للمولات مو متعود ويحس نفسه بين الناس غريب لان اخواني كذا

 

[lolo2008]

الحمدالله على العافيه اهم شى ولا تزعلين يا قلبي وانا اقوال الدعاء ثم الدعاء ثم الاستغفر

 

[um s3o0ody]

الله يعييينج وصبرج
والله يهديييه ويسخره لج

 

[جورية الخبر]

غاليتي ..
كان الله في عونك ..
لكن المفروض من البداية ما علمتيه التملص من مهامه كرجل ..
انتي في بداية الامر اعجبك الموضوع لان امورك كانت تمشي وما تتعطل ..
بس الان اكيد ما راح تصبرين لانها ماهي من مهامك كإمرأة ..
ويمكن زوجك في داخله شاعر بأنك ما تحتاجينه وهذا اصعب شيء ممكن الرجال يحسه من زوجته وكأنه زيادة عدد..
غاليتي اعيدي حساباتك من جديد ..
وألزميه ان يقوم بمسؤولياته كرجل واصبري عليه واعطيه وقت الى ان يتجاوب ويشوف ما فيه فايده انه يتهرب ..
ولا تحاولين تقولين له على حسابي ابدا احذري هذه الكلمه لانها تشعره بالدونيه او ربما بالاحراج كرجل ..
وفقك الله
وتقبلي مروري​

 

[الوفــ طبعي ـا]

يأختي قولي الحمدلله انه يخليك تروحين مع السواقين بعد

فيه رجال اتكالييين وكسولين وايضا معقدين

انا زوجي كان مايوديني ابدااااااا

ومايسمح لي برضو اروح مع سواقين

يعني استنى لما اخوي تصير له روحة سوق علشان الصق فيه

انتي عالأقل مخليك على راحتك

اهم شيء التفاهم

مأدام ان موضوعك بسيط لا تعقدينه وتحسين ان الوضع مشكلة

 

[انا الرياض]

12سنه وتبغينه يتعدل المشكله انه اتكالي درجه اولى وانت رضيتي بها الوضع يبغالك وقت طويل على مايتغير والحل انه ماتتكلي على اهلك ابدا او سيارات الاجره وتجبرينه انه يشيل عنك بعض الامور صحيح بالاول الامر صعب لكن انت قاعده تغيرين طبع شين ولازم تتحملين حتى لو ادى الامر لبعض المشاكل بينكم اصبري ولا تياسين حتى الاغراض الاساسيه للبيت هو يجيبها مو انت الله يعينك

 

[معاني مجهوله]

ادعي دعاء الاستخاره
ان ربي يسخر لك زوجك وكثري من الاستغفار بنية ان زوجك يكون معك
وان شاء الله ربي بيكون معك

 

[هـــنادي 999]

الله يفرج همك ......

 

[ساندرا]

انا من رايي انو طنشيه وبس يرجع للبيت اقضيها طلعات ونزلات وخدي انتي اجازه منو او ابعدي عنو
لانو شو هالنظام الغريب بصراحه انتي طبقي النظام عليه بس وانتي بالبيت واعتبريه مش موجود وازا قلك ليش احكيلو باخد اجازه ..وخليه يتقبل وضعك زي ما انتي تقبلتي وضعو الغريب..عنجد الرجال شي غريييييييييب

 

[بنتي هي دنيتي]

الله يكووون بعووونك يارب ويفرج كربتك.............

 

[غلا نادر]

وانا اضم صوتي للاخوات امسكي راتبك احرمي نفسك وابنك فالبدايه راح تتعبين بس بعدين بتشوفين النتايج ودايما كرري عليه البيت يبغى اغراض وابنك محتاج واهم شي انك تكوني قدامه في منته البرود عشان ينفرس اكثر ويصدق انه ماعندك راتب مبقي لان وراكي التزامات ثانيه وعندك مناسبات يعني مافيشي بقامن الراتب خليه يرضى بالواقع مثل ماانتي رظيتي قبل

 

[الحوت الابيض]

عسى ربي يهديه

 

[روزة حمرة]

الله يعينك ومشكلتك تهون قدام مشاكل الاخوات والله يعطي كل مين سؤلو

 

[shamseyah]

الله يصبرج بصراحه

 

[تحيه للعلم]

دلعي وغروري منك نكج بصوب وانتي بصوب ثاني الله يهداج ..وين الدلع؟؟؟ وين الغرور؟؟؟

انتي الرياااال والمره بنفس الوقت تلعبين دورين بفلم واحد ماودي اجرحج بس عفواً اختي شناطره اكثر

من جذي؟

ممكن سؤال اختي ؟؟؟

ليش ساكته ومتحمله كل هذا ومتحمله حتى كلام الناس عليج:e130: وهو ولا همه ولا حتى درى عن مشاعرج

عند الناس انا لو منج اتصل على ازواج خواتي جدامه وافتح الاسبيكر واخليه يسمع تجريحهم لج عنه

عشان يعرف الزواج شنو ... واذا تبين الصراحه ومن غير زعل انتي الغلطانه:blushing: انتي علمتيه يتكل عليج

لو مسويه معاه نفس طريقته من اول ما تزوجج جان ماوصل اهو لي هالمستوى بتصرفاته ....

سامحيني حبيبتي:icon1366: بس من حر مافي قلبي عليج الحين لازم تحاولين تغيرين من وضعج وباصرار اسعى ياعبدي

وانا اسعى معاك انتي زوجته وانتي اللي ابخص فيه وباللي يضايقه وباللي يريحه وباللي يفرحه

تعالي له بالسياسه وبقعده حلوه منج وتقولين له انا مالي غناة عنك وهذي حياتنا مشتركه بيننا يعني انا

اشيل وانت معاي كلنا بنفس السفينه لو هالسفينه لا سمح الله غرقت غرقنا كلنا وحاولي تعطينه مكانته

وتقديرج لحد ما يتعدل باذن الله ومن رجا ربه ماخاب ياوخيتي وعليج بالدعاء والاستغفار وصلاة الليل

والصدقه يوميا طلعي مبلغ بسيط تحطين بحصاله وتقولين انه خالص لوجهك الكريم ياارب وان شاءالله

منتي شايفه الا كل خير من رب العالمين التغيييييييييييييييييييير يبدأ منج انتي يعني نبي نشوف شطاااااااارتج:flex:

 

[الأسطـــــورة]

يؤسفني اني اقوللك صح النوم تو تصحي على طبع زوجك 12 سنه ولا حركتي ساكن صعب تغيري طبعه الحين
بس عامليه بالمثل يعني اذا ماقام بشؤونك لاتخدميه في البيت لانها وحده بوحده


والله يسخرلك زوجك