سامحوني انا من خذله فما العمل والنصيحة؟؟

[i_was_happy]

مشكوووووووووووووووووووووووووووووورين

 

[تووب سكرت]

اختي طووول مانتي تلحينه بارسايل راح يهرب اكثر هو الان في كهفه والي يقرب منه ممكن يحترق ويخسر اتريييييييييييكه اختفي فتره عنه واقطعي كل اخبارك عنه وعن كل مين له صله ممكن يوصله شي عنك خلييييه هو يقلقل يفكر يتسل ولا تردين اما تلاحقينه بالرسايل معنها انتي معاه وهو مرتاح وعارف انك بس تفكرين فيه وانك تمام التمام ومافيك شي الحمدلله لاكن لو اختفيتي فترره مو يوم مومينن وترجعين ترسلين او يتصل عليك على طووول تردين شووووي خليه وبعدها تردي عليه واسمعييييييه ثم اسمعييييه ثم اسمعيييه وحلي المشكله بس بطريقه ذي ما راحه صدقيني نصييييييحه
تحياتي

 

[totaali]

لا تعليق
الله يعينك ويهدي القلوب

 

[*شوكليت*]

الله يفرج همج يالطيبة *

 

[ضمايـ انتـ]

الله يرجعكم لبعض ويصلح حالكم

 

[يارحيم ارزقني]

الله يرجعك زوجك ..ويسخرة لك ..ويحنن قلب زوجك وابوك عليك

 

[ملك روحـي]

إن شاء الله يرجع لك في أقرب وقت وتنتهي المشاكل

 

[hot pepper]

الله يساعدك ...

بس انتي وضحي لزوجك ان روحتك لاهلك من كثر شوقك لهم وانهم في النهايه اهلك مهما صآآآر

وماتقدرين تبعدين عنهم ,, ولا تنسين وقفته معك وذكريه فيها وانك مب ناكره لللجميل لكن الشوق غلاآب

 

[ياغيابه]

هوت بيبر ياقلبي والله مهما كان شوقها ماراح يفهم لانها اصلا ماشاورته ولافتحت الموضوع معاه من اصله يمكن لو صبرت سوى لها مفاجئه في زيارتهم لكن قدر الله وماشاء فعل ...


ننتظركـ

 

[i_was_happy]

بنات انا بعد استخارتي البارحة حسيت اني ما اقدر اعيش من دون زوجي..
ماني قادرة انساه ولا انسى طيبه معاي

والأدهى ان ابوي حاليا بدأ يغير معاملته للأسوأ معاي وصار يجيب سيرته كثير وقسم بالله قلبي مقبوض احس ان ابوي مو ناوي على خير وهو لمح انه يبيني انزل المحكمة اعمل له توكيل بخلعي من زوجي!!!

أمانة الدعاء لي بقلب صادق
ومشكورين

 

[ليتني احتويك]

بنات انا بعد استخارتي البارحة حسيت اني ما اقدر اعيش من دون زوجي..
ماني قادرة انساه ولا انسى طيبه معاي

والأدهى ان ابوي حاليا بدأ يغير معاملته للأسوأ معاي وصار يجيب سيرته كثير وقسم بالله قلبي مقبوض احس ان ابوي مو ناوي على خير وهو لمح انه يبيني انزل المحكمة اعمل له توكيل بخلعي من زوجي!!!

أمانة الدعاء لي بقلب صادق
ومشكورين

لاحول ولا قوة الابالله لاتسووووووووي خلع:surrender: نصييييييييحه طيب كلمي اختتتتتتتتتتتتتته ضروري علشااااان توصله الخبر الله يهدييييه ويرجعكِ​

 

[ياغيابه]

انتبهيييييييييييييييييييييييييييييييييييييي



ولو شد عليكـ كلمي القاضي بينكـ وبينه وفهميه بس لا تسوين التوكيل ابدا


وبعدين يااختي حولي موضوعكـ ع موقع الشيخ محمد العريفي احسها بدت تدخل بالدين اكثر واكثر من انها مشكله وغلطه وابوكـ متهور ..


انتي كتبتي لابوكـ رساله ؟ تكلمتي معه ؟ حاولتي ؟ ولو حاولتي اذكري لنا محاولاتكـ


يااختي لو مااهتميتي لنصحنا وش الفايده من مشورتنا ؟؟

 

[وتين الحب]

انا رأيي من راي الاخوااات>>> [/COLOR]ياغياابه..... وليتني احتويك
انتي فعلا لازم تستشيرين شيخ.وبعد كذا طرف من اهله تخبرينه ويروح يخبره
وانا اشوف انك اذا سوتي هالامرين خلاص بعد لاتسوين اكثررررررررر
ليش لانك خلاص ترجيتيه بما فيه الكفااايه اعتقد خلاااص
يعني لو بيأدبك خلاص يكفي تأديب ولو زعلان بعد يكفي زعل..
ما ادري كيف افسر تعامل زوجك معك اول لما كان يعاملك بحب يعني معقوله
اول كل معاني الحب كانت فيه والحين وبلحظه تجرد منهااااا؟!!

ياحبيبتي انتي... اللي يحب بصدق مايضحي بحبيبه بسهووووله واللي يشتري بعد مايبيع بسهوووله
اللي بينك وبينه اكبر بكثيييييير

حتى لو قلنا انتي غلطتي وهو زعل منك و و وانتي وانتي بس بعد مو لهالدرجه يعااملك ومو هذا مبرر لافعااله
يعني وصل لدرجة تخبرينه بنزيفك وماحس نهائيا ااا؟!
وانتي تقولين اول يخاف علي من نسمة الهوا طيب ليش وش اللي صااار؟
يعني لهادرجه اللي سويتيه جريمه عشان يعااقبك اشد العقااب!
يعني لهالدرجه إلى الان ماطاح اللي براسه؟

مو معقول ياختي انتي فكري بعقلك وخلي قلبك على جنب...
ابيك تقولين.. اذا يحبني ويبيني بصدق ماراح يضيعني من ايدينه
واذا حبه كان مجرد وقت واتحول ووقت الجد باااع الحب ...حبه والله لابيعه..

خليك قويه مع نفسك وتحرري من عواطفك خلالاص احنا جينا بوقت الجد والمواقف الصعبه
ولااا تحرك ولا كلف نفسه يشوف وش فيك لما رحتي المستشفى
اللي يخااف يخااف طول عمره واللي يحب مايسوي كذا ابد

انا ما ابي اضلمه بس ما ابيك تمشين خلف سرااب
ما ابيك تذلين نفسك اكثررر كفاايه اللي سويتيه
واذا يحبك وربي راااح يرجع لك..وتأكدي من هالشيء حتى لو رجع ابوك ومنعك بيرجع هو وياخذك بالقوه
بس انتي وكلي امرك لرب العالمين واكثري الاستغفاااار
واللي ربي كاتبه بيصير
اذا ربي كاتب لك تعيشون مع بعض راح تعيشون حتى لو العالم كلها ضدكم واذا ربي ماكتب خلالاص ماراح تعيشين معه لو حاولتي بكل الطررررق..

اللله يسهل امرك ويحنن قلب زوجك عليك
ويهدي ابوك ويفتح عليه ياااارب..

طمنينا عن جديدك...

تقبلي مروري ..واتاسف لو قسيت عليك..

 

[i_was_happy]

حبايبي أكيد نصايحكم على راسي من فوق

وفعلا انا حاولت مع ابوي كثسر لكن ابوي يتبلى على زوجي والله العظيم بكلام يستقذر اللسان ان يتفوه به
ما حبيت اقول ذا الكلام بس الآن اكتبلكم لانكم يا بنات فكرتوا اني ما اعمل بنصايحكم..

عموما أبوي من الآخر مايبي الا الطلاق و والله ما ادري ليش هو كذا وليش هو ما يبي يعترف انه غلطان وليش ما يبي يسمع اي شي من اخوانه واخواته الكبار ....!!!

واذا على زوجي انا ارسلت له عن حكاية التوكيل والخلع ولا رد علي بأي شي.. ولا كمان يوم اتصل يقفل بوجهي بعدها

وأهل زوجي ما اتمنى اتكلم معاهم لأنه قبل يومين اتصلت على بيتهم واللي رد كان أبو زوجي
سلمت عليه وسألت عنه وعن الأهل وفجأة يوم جيت بقوله اني بجي بس استقبل زوجي يوم يرجع من السفر , قبل ما اكمل كلامي قال لالالالالالالا مافي جيه لبيتي اللي ما احترمتيه ورميتيه وراكي ولا حسبتي حساب لأهله وكباره..

اكيد أخذت الطردة فقلبي وسكت بس رديت عليه اني لا ما ابغ اجي بيتك تاني لاني عارفة انك ما تبغاني بس انا كان قصدي اجي عشان اسلم على زوجي وارجع!!!!!!

وغير ذا كله أهل زوجي ناس بحالها ما تحب المشاكل وقالوها لي ببداية مشكلتي عشان كذا ما اقدر اكلمهم بمشاكلي مع ولدهم..

بنات أعوذ بالله احس انها قفلت بوجهي وهو مو معبرني!!!
اليوم بنكمل شهر ونص على ذا الكلام وهو قلبه لا حن ولا رق!!
كل نصايحكم جربتها ومافي فايدة..
والله انا اكتب وانا ابكي من حسرتي على نفسي وماني قادرة اكمل!!!
مشكورين وسامحوني....

 

[وتين الحب]

يا اختي تعوذي من الشيطااان واستغفري ربك
قلت لك اللي ربي كاااتبه بيصير ..بس انتي وكل امرك لله وحده وهو اعلم بعبااده
خلالاص انتي مالك الا الدعاااء والاستغفااار مافي يدك حل ثااااااني
لا تتعبين نفسك ربي كاتب لك من يومك في بطن امك
لا تبكين ماراح يفيدك بكائك بشيء بالعكس صلي وادعي بسجودك وبين الاذان والاقاامه وبااخر الليل
اخر لليل يوميا ارفعي يدك للي ماتنام عينه والحي في الدعااء
اشكي لله وحده هو اللي يسمعك وهو اللي ارحم من الام على ولدها ربك غفوور رحيم
وهو اعلم مافي النياات ..وانتي كانت نيتك صافيه وحسنه خلالاص ليش معذبه نفسك
يا اختي بقولك شيء ماتردين ترى يمكن اللي صار لك هذا خير من رب العاالمين ماتدرين الايام الجاايه وش مخبيه
ماتدرين بعدين وش ممكن يصير يمكن خير لك لو ما اجتمعتو مع بعض يا اختي خذي المشكله من جانب ايجابي
مو سلبي
ربك هو اعلم بحكمته ..ماتدرين يمكن زوجك لو ترجعين يتغير ويصير واحد ثاني
يمكن ويمكن احنا ماندري وين الخيره فيه هو وحده اعلم فيها وبس
والمؤمن مبتلى ياحبيتي هدي نفسك ومايصير تجزعين او تعترضين على قضاء رب العالمين
الدنيا هذي فيها ارزاق مقسمه وكلن بجيه رزقه ونصيبه من هالدنيا
مالك الا الدعااااء وبس وغيره مايفيد بشيء
وعليك بصلاة الاستخاره لانه اذا فيه خير لك راح تتسهل الامور باذن الله واذا فيه شر عليك راح تتعقد اكثر
وهذا خير لك لانه معناه ربي اختارك الافضل وربي اعلم بالخيره ويكن تكون
بس انتي خلي ايمانك بالله قوي
واذكري ربك واستغفريه ليل ونهار
ربي مايخيب رجاا عبده..

خلي الامور تمشي على طبيعتها وانتي سوي اللي قلت لك عليه وراح تشوفين بعينك اللي راح يصير

الله يفرج همك ويفرج همي وجميع المهمومين يا ارحم الرااحمين.......

اختك ..وتين الحب

 

[الخطأمني وفيني]

الله يصلحك يااختي كيف تخرجين من بيت زوجك من غير اذنه حتى لوكان لبيت اهلك ، حبيبتي حاولي تكلمينه ولاتيأسي يمكن هو سوى هاذي الحركه عسب تتعلمين ان ماتخرجين إلا باذنه ، إذا حسيتي الوضع تأزم كلمي وحده من خواته اللي تعرفين انها تتفاهم معاك ، الله يفرج همك ويرجع زوجك لك ، عليك بالدعاء والأستغفار

 

[prnsesحلا]

انا اقول لاتتصلين عليه ولاشي وارسلي له مسج قولي له فيه (انا احبك واموت فيك وانت احلى حاجه فحياتي واغلى انسان على قلبي ولايمكن فرط فيك وانا غلطت واعترف بغلطتي واظن اني اخذت جزاي ودفعت ثمنها يكفي بعدك عني هو اشد عقاب بالنسبه لي كيف تقسى علي هالقسوه وانا الي كنت احسبك احن الناس علي كيف يعطيك قلبك تبعد عني وانت الهوا الي اتنفسه الله سبحانه وتعالى غفر لعبد قتل 99نفس وانت موراضي تسامحني على غلطتي قولي له هذا اخر مسج يجيك مني واوعدك ماراح ارسلك ولاراح اتصل بعد اليوم انا فوضت امري لله والي ربي كاتبه لي بيصير لي وكل الي اقدر عليه سويته )واهم شي لاتتصلين عليه ابد ولا ترسلين له طنشششششششششششششششششيه خليه يشتاق لصوتك ولرسايلك اما اذا كل شوي متصله ومرسله مسج ماراح يفقدك ابد ولاراح يشتاق لك يمكن اذا بعدتي عنه يحس بقيمتك

 

[vdhq]

الله يكون معك


بنات
لاتنسونها من الدعاء

 

[بنت الباطنه]

مرحباااا اختي
انا اقول انه مافي مشكله مالها حل اكييييييد في حل
وانا اشوف انك لازم تكلمي زوجك بأي طريقه حتى لو تضغطي عليه بس لازم توضحيله الموضوع
انتي صح غلطتي لانك رحتي لأهلك بدون علمه بس الغلط وااااااارد واذا يحبك بجد اكيييييييييد راح
يتفهم سبب تهورك ورجعتك لاهلك:sadwalk:
وانتي لازم اللي تحاولي ترجعيله حتى لو تروحي لبيته وتشرحيله الموضوع وصدقيني اللي يحب يسااااااااااااااااااااااامح
واذا كان يحبك اكييييييييييد بيسامحك ويمكن هو ناوي يرجعلك بس يبي يحسسك بغلطتك وبعد هو معذور
لانه وقف معك وساعدك وتحمل الكثيييييييييلر من ابوك وانتي جازيتي الحسنه بالسيئه
حااااااولي حبيبتي والله يوفقك وان شاء الله ترجعون لبعض وما تنحرمون من بعض والله يدوم المحبة بينكم.........:icon26::icon26::icon26:

 

[*شوكليت*]

كان النبي اذا حزبه -أحزنه-أمر هم الى الصلاة ,, روحي ياأختي وصلى ركعتين واطيلييييييييييي السجود وابكيييييي لربك واشكي لربك لأنه سبحانه الأعلم بما ينفعك فضفضي اللي في قلبك لربك في السجودوالله ستحسين برااااحة عجيبة بعد الصلاة ,,


قولي دائما : اللهم آجرني في مصيبتي واخلفني خيرا منها ,
إنا لله وإنا إاليه راجعون


اكثري من الذكر غاليتي وثقيييييييي بأن الفرج قريب فانتظريه من رب العباد,
اسأل الله العظيم أن يحنن قلب أبوك عليك , وزوجك ان كان فيه خير لك في دينك ودنياك ربي راح يسوقه لج عاجلا أم آجلا **