ساعدوني مابي جنوني يسوي لي مصيبة

[*روعة*]

اتوقع زوجج مب صادق ويراوغج فالرمسه عسب تسكتين .......

انتي دقي ع البنت وهدديها انج بتفضحينها اذا ما اعترفت واذا اعترفت قوليلها

مابفضحج وبستر عليج ....... بس ف كلى الحالات استري عليها وامسحي صورتها

اذا هي ماخافت ع شرفها ...... وعرضها في ناس امثالج عندهم ذمه وضمير ومايغضبون

الله لاعشان زوج ولا غيره ....... هذا احسن حل عسب تقطعين الشك باليقين وحاولي

تسجلين صوتها ..... بس عشان تواجهين زوجج اذا انكر وتسكتينه

بالضبط

 

[هموم الكون]

صدقيني لازوجة صاحبه ولاشئ هو اللي يعرفها زوجة صاحبه يخلي صورها عند الرجال وين الغير وانتي تقولين انه عاقل
خلك وراه ترى هذه كلبه من الكلبات خرابين البيوت وشدي عليه احتفضي برقمها عندك وخليه يغير رقمه وقولي لزوجة صاحبه بس اعطيها فكره انك مو متاكده هي مع زوجها او مع زوجك
ياماما هذا طريق لو كمله معها مايخليها ويمكن يبيعك عشانها انتبهههههي مضبووووووووط
واقطعي عليها الطريق وخليك صاحيه دافعي عن بيتك وزوجك وطز في غيرك بلا لاتقولين لحرمه صاحبي بلا هم
والرجال يحب الحرمه القويه اللي تدافع عن نفسها وعن حقها لوتركتيلها المجال بيعيش الدور انه روميو والنت راميه نفسها عليه وينبسط
والله يوفقك
ودمتي بود

 

[أريج الحب]

اختي الغالية لاتخلين اعصابك وعصبيتك تدمر كل شي استرخي وحاولى تبردين

قلبك لانك لو اناربقلبك راح تتصرفين غلط انا عاذرتك الخيانه موسهلة

لكن فكر شوى اي رجال عنده صور او اى شي بيخلى جواله مفتوح بدون رمز قفل

وعند زوجته لوهى له كان احرص من كذا كان حط رمز القفل وقال مابيها تكشفني

واذا كانت الصورة له لاتكلمين صاحبت الصورة خدي رقم جديد وارسيلى رسالة

وكتبي فيها انا صاحب فلان هو عطاني رقمك عشان اوزعه على الشباب وصورك

لانه يلعب فيك ومايبيك شوهى صورته قدامها عشان تكرهه وتبعد عنها وكتبي

انا اعرف انه عنده بدال الوحده الف وراقبي جوال زوجك وشوفي

لاتهدمين بيتك الرجال اذا كان يصلي وحلف فأكيد حلفه صح

الله يبعد عنك الهم ويسهل امرك

 

[رهوفة 33]

الله يكون بعونك اختي في التأني السلامه وفي العجلة الندامه فتحي عيونك وتوخي الحذر ومثل ماقالولك الاخوات راقبي من بعيد لبعيد وخليك انسانه غامضه يعني سوي نفسك مصدقته وعدي السالفه بمزاجك لين تتاكدين من الموضوع كله . اشتغلي له من تحت لتحت وين كيد النساااااااااااااء

 

[@باونتي@]

وش بقول لك؟؟؟؟؟
الله يكون بعونك اولا
وثانيا من قلتي ان زوجك مصور وعنده استديو والصوره طلعت واضحه بعيوني
قلبي......فتحي عيونك زين وراقبيه مع انك ماشاءالله قويه ماينخاف عليك وموقفك معه اعجبني مرررررررره احسن يستاهل ولو انك صاكته بالاباجوره كان ياسلاااااااام احسن واحسن...

 

[روعة مشاعر]

الله يعينج يالغاليه - ارتفع ضغطي من الرياييل

 

[~نواعم~]

لحد الان مانحلت المشكلة وانا قلبي يعورني من التفكير واحس اني تعبانة حيل

بس ماادري احس فيني قوة مو طبيعية على المواجهة وابغى اصيح يمكن ارتاح بس دموعي مو راضية تنزل

الله يخليكم يابنات لانكم وقفتو معاي في المشكلة

وادعولي بحل هالمشكلة

 

[~نواعم~]

بنات الحمد لله انحلت المشكلة الف الحمد لله والشكر لك يارب

اتصلت على صاحبة الصور

وعلى طول عرفت صوتي وسالتها وقالت مالي خص في زوجك واقسم لك بالقران اني مااعرفه

طبعا صديق زوجي اهو عطاها رقم زوجي لانه اهو شريحة جواله اتصالات وزوجي موبايلي والبنت موبايلي وتخيلو النذالة اللي فيه انه ماقال لها انه هذا رقم صديقي

علنه هذا رقمه طبعا هالبنت زوجته مسيار انصدمت من تصرفه وانا هددتها لو ماقالت الصدق بفضحها وقالت لي الصدق انه ماتعرف زوجي ولا تدري انه هذا رقم زوجي

طبعا انا انحلت مشكلتي واهي صارت لها مشكلة مع صديق زوجي

واحس ضميري يأنبني لاني هددتها وعلمتها انه زوجته الاولى حامل انصدمت حيل البنت

احس اني نذلة ومو مصدقه اني انا كذا فيني هالجراة ولا نزلت دمعه

وكله بفضل الاستاذة ناعمة وكتابتها اللي اتابعها من فترة

وتعلمت منكم الكثير اخواتي

الله يسعدكم دنيا واخره

 

[الدكتورة نبضة قلب]

يا اختي لا ما انحلت المشكله

خلي عينج مفتحه زين

ترا السالفه مب مقنعه

اي صورة تطلع واضحه من موبايل؟
واي زوج يعطي زوجته ان كانت زوجته فعلا رقم صديقه! لا وصورها بعد!!
يا سلام على الغيرة

وبعدين حطي نفسج مكان زوجة صديق زوجج
هل بترضين تكونين مستغفلة !

​

 

[بنت الكـــويت ~]

والله اللي تفتش ورا زوجها تتعب تبي تتعب قهر وتعب نفسي اذا لقت شي
واللي يبي يغازل ويخون موبس يحط له ارقام سريه بجهازه يحط له جهاز ثاني خاص لهالسوالف
كلهم خونه الا مارحم ربي...

 

[الهما]

احس ان زوجج ما هو صادق و قام لصقها بصديقة
كل الرجاييل جذي اذا حريمهم شافو شي قالو هذي صديقة رفيجي
شكو ترسل لك ...​

 

[هموم الكون]

لاحبيبتي لانتي نذله ولا شئ بسسسسس ماتبين تكونين خبله هههههه
انتي انسانه طبيعيه تدافعين عن حقك وزوجك وبيتك
وترى هالموقف خدمك كثير بما انه ماهو زوجك بمعنى العيار اللي مايصيب يدوش
بحرم زوجك انه يسوي الموقف معك
وخلك ذيبه وفتحي عيونك زين زين
الحريم بعضهن موكلهن مايهمهن الا مصلحتهن والاولى بالطقاق
لكن انتي خليها هي بالطقاق وحافضي على زوجك باي طريقه
والله يوفقك
وحاولي تبعدين زوجك عنه هذا الصاحب مو ذاك الزود ماعجبني
ودمتي بود

 

[memo_a]

حبيبتي لاتكلمين زوجة صديقه وانتي مو متأكده وتخربين بيتها لأن القصة واضح انها مفبركه حاولي تتأكدين أول زي ما قالو البنات هدديها انك راح تفضحينها وانه اذا اعترفت ماراح تسوين لها شي واذا كان لها علاقه بزوجك شوفي شغلك معه بس كل شي يجي بالهدوء مو بالعصبيه وخططي وش راح تسوين
موفقه عزيزتي

 

[البدر المدفون]

شوفي ياقمر تأكدي قبل لاتخربين بيوت الناس ويش دخل الصورة في صديقة وليش محتفظ فيها على اي اسا س وعموما اغلب الرجال كذا بعدها يتوبون تغافلي ورانسي الموضوع مدام زوجك طيب معاكي بس لا تتسرعي وتظلمي زميل زوججك

 

[كيلويترا]

حلو والله زوجك امداريك واحد غيره كان قالك باي حق تفتحين جوال وقلبها عليك