ساعدوني جسمي مشوه وزوجي يبي ياخذ الثانية

[ولاء يوسف]

السلام عليكم اخواتي في الله

مشكلتي كبيرة وارجو منكم مساعدتي ,,,جسمي مشوه جدا جدا

مسامات كبيرة في رجلي وابطي اسود جدا وخطوط الحمل واضحه ,,,

صرت استحي البس قصير قدام زوجي وماارضى يلمس رجولي لأنها خشنه كأنها رجول رجال,,مالبس عاري قدامه اتفشل من جسمي

والله العظيم ودي البس واستانس وارتاح واريح زوجي بس زوجي من النوع اللي يدقق في كل شئ

اليوم قالي زوجي ياتكشخي لي ياباخذ الثانية استانس وياها وتلبس كل اللي نفسي فيه

ارجووووكم ساعدوني ساعدوني اللي يفرج كربكم خواتي

 

[كلي حنو]

طيب يالغلااا وش فيها لما تكشخي له ..

معروفه اي رجال يبي زوجته ع طوول كشخه ..

واذا ع رجلك خشن روحي عند صيدليه واشتري كريم ..

او روحي نكتار قولي له ابي حاجه تنعم الرجال واليد ع طوول راح يعطيك ايااه ..

انا عجبني حاجه من نكتار بس ما اعرف اسمه بس لونه احمر هو طويل ..

ع طوول من تحطيه بيدك تصير اليد ناعمه حطيه بعد برجلك ..

او روحي مستشفى وشوفي وش المشكله اللي صارت لك فجاه ..

موفقه خيتوو .. وماعليك منه مارااح ياخذ عليك بس اهم شيء تكشخي قدامه

وتعدلي ولا تخليه يشووف شيء مايعجبه ..

 

[موبايل]

خشنه كأنها رجول رجال
ههههههههههههههههههههههههههههههه الله يقطع ابليسك 0 طيب ياقلبي اهتمي بنفسك انتي تبين الزين يجيك وانتي قاعده لازم تحطين كريمات للجفاف وتحطي صابون مغربي وبعد صنفره واذا الجفاف قوي مرره حطي فازلين والبسي بنطلون وشراب بعدين تروشي واذا كلش انتي كسوله روحي للمشاغل يسوون لك مغربي وصنفره وبديكير (من بغى الدح ماقال اح )

 

[كلي حنو]

اي صح نسيت الابط استخدمي نشأ ويا ليموون ..

سمعت عنه كثير بالنت ويرووح السواد ..

ابدأي حركي بالنشأ وبصير لونه اسود هوو واستمري فيه ..

ولا تستخدمي مزيل عرق شوفي جربي الشبه اللي يبيعوها بالسووق ..

يمكن تناسبك ولا تصير ابطك سودااء ..

 

[أنا قلب زوجي]

حبيبتي البسي لة وكل مشكلة ولها حل ازا تبغي راضى زوجك عليكي لازم تتعبي شوي يعني شوي خلطات تبيض الباط والخطوط حقة الحمل تروح بجلسات اليزر وانحفي شوية مدام نحنا في رمضان
لاتخلي يطالع برا زوجك يحب انك تلبسي لة وتتشيكي يا عسل لازم تتغيري لازم تملي عينة في كريمات وخلطات لليل انتي اعزمي واحتسبي الاجر والله يعينك

 

[أم نهيان*]

ياربي...

اهتمي فنفسج سوي ليزر روحي عيادات جلديه اشتري كريمات بالقليل خلطات طبيعيه
ادهني نفسج بزيت زيتون وانتبهي على طريقة شيل الشعر
استخدمي السكراب والشاور جل والبودي لوشن

حطي اي مرطب والبسي زلاغ او شرابراح تنعم صدقيني
مايصير انتي انثى بالقليل احساسج بنفسج خليه عالي^^
بالتوفيق

 

[هلا الرياض]

اهتمي بنفسك ما قال كذا الا يبيك تهتمين معليش لصراحتى شكله مل سوى لك نيولك

 

[1409]

حبيبتي ابسطي نفسك وابسطي زوجك ولا يمنعك شي هو اهم شي عنده انك تتكشخيله انا زوجي مثلك يدقق بس انت لاتوضحي ان انتي فيك اي عيب لانه مايلاحظ الا اذ انت نبهتيه
كريم جيلسوليد ينعم واستمري عليه
اعملي رياضه لشد الترهل مو عشانه عشانك
واذ في يوم حسيتي انك بتهملي تخيلي ان اليوم زواجه صدقيني بتفزي من مكانك بدون ماتحسي
وانت تخيلي لو لن زوجك هو اللي مهمل نفسه بتتقبلينه
انت جربي اليوم استحمي وبعدها عطري شعرك وجسمك وحطي الجيلسوليد الاحمر واذ حسيتيه ثقيل خففيه بشوية كريم معطر من عندك وادهني جسمك والبسي احلى لبسي يحبه وكوني واثقه من نفسك جدا

 

[زوجه مهندس]

وليه ماتهتمين بشكللللك

 

[ولاء يوسف]

مشكورين خواتي على الردود

من قال انو مااهتم في شكلي؟؟

انا اهتم في شكلي بس بعد الولاده مااادري ويش صار في جسمي والحمد لله وزني رجع طبيعي بس اللي مضايقني المسامات اللي في رجلي يعني جتى لو شلت الشعر يبين نقاط سودا

وابطي زهقت من كثر الخلطات ومافي فايده,,ولأن زوجي يدقق على كل شئ صرت مالبس مثل قبل لأن اخاف ينقرف مني

اللي تعرف اخصائية جلدية في الدمام او الخبر جزاها الله خير ,, ابي كريم لسواد الابط وكريم او اي شئ للمسامات في الرجلين

وحاليا استخدم كريم افالون للخطوط الحمل بس ماشوف نتيجه ,, وانا صاير لي والده شهرين

ساعدوني الله يخليكم

زوجي جنوبي شرقي

 

[بياض الثلج1411]

سوي لك ليزر في رجولك ويروح المسام ان شاء الله ..

 

[كلي حنو]

لا يالغلاا ..

افالون هذا يستخدم حق الوجه للحبووب ..

انا هذا استفدت منه حق وجهي يعني عجبتني ..

بس حق الجسم مدري يعني ما اتوقع يصلح له ..

شوفي روحي اول مستشفى .. وبيوصفلك ع اكيد علاج

روحي وشوفي عند الصيدليه مافيها شيء ..

وحتى لو رحتي وقلي حق زوجك هذا لصالك انتي مو شرط تكشخي له

لا اكشخي حق نفسك اصلا انتي لما تشوفي شكلك نظيفه وكل شيء

نظيف تحسي براحه يالغلااا .. لا تجي تقولي هنا وش الحل لا روحي ع طوول مستشفى ..

لو انا منك بدون ما اقول لهم او عرض مشكلتني هناا اروح حق اخصائي

بهذي الاشيااء .. يعني صراحه انا اشوف الدكتوور افضل هو اللي راح يعرف حالتي ..

مو اللي هنا .. لان اكثر اللي هنا بقولك عن حاجه يمكن صحيح

مجربينه او شيء بس من جسم الا جسم ترى يختلف يالغلاا ..

يمكن هي ناسبهاا بس انتي لا مايناسبك ..

نصيحه مني روحي مستشفى احسن لك واضمن لك ..

موفقه يالغلاا ..

 

[وحده مستانسه]

اختي شيكي على الخاص الله لايهينك

 

[نجمة مشرقة]

مزيل عرق بزلين ومفتح للأباط مرة حلو والنتيجة باذن الله مضمونة​

 

[أحساسي كتلوني]

خلي عنك المسامات تكشخيلة وخليه بضلمه خافته
عشان ماينتبه زين وحاولي تعالجي نفسك بأسرع وقت
وان شاء الله خير .......

 

[sh.a.a]

يجب ان تنزعي شعر ساقيك بالحلاوه لا بالموس او المكينه و رطبيها بعد النتف بزيت زيتون

وزيت جنين القمح , و اجعلي لك برنامج كأن قبل ان تبادري لنزع شعر جسمك ابدئي بعمل

حمام مغربي قبل ذلك حتى تتفتح المسامات وتستطيعي نزع الشعر بسهوله , و يجب ان

ترطبي ساقيك دائما جربي كريم نيفيا الازرق . بالنسبه لابطك جربي ان تستخدمي الشبه

مع المسك او بزلين رائع ايضا في تفتيح الابط اما علامات الحمل اعملي رياضه شد لبطنك

وسترين ان شكلها اختفى قومي بشد بطنك بيدك ستجدينها لم تعد واضحه اعملي على

شد بطنك بالرياضه

والثقه مطلوبه يا اختي يجب ان تزرعي بنفسه وعقله انه لن يجد امرأه افضل منك وذلك

بتصرفاتك و حركاتك يجب ان تظهري ثقتك بنفسك امامه و اجعلي اضاءة الغرفه التي

تجلسان بها خافته لا تشعلي النور الابيض . اسأل الله ان يسخره لك

 

[أم الأقمـــــار]

مايروح السواد الا بالحمام المغربي والسونا

والله اني جيكره يوم ولدت لكن ضغطت على نفسي في الاربعين ومابعده الى مارجعت للوني الاصلي

انا كل عشر ايام مغربي وسونا وحلاوه كل بعد دوره وبوديكيير ومنيكير كل اسبوع مع المساج

.
.

والله كل شي يروح حتى خطوط الحمل

 

[متزوجه ولكن]

كل شي بيدك اهتمي بنفسك شوي
حطي زبده الكاكاو عند راسك ولما تبين تنامين رطبي فيها جسمك كامل لانها خفيفه وريحتها حلوه وتروح الخطوط البيضاء وتنعم الجسم

 

[this is life]

حبيبتي مراكز التجميل مليانة والليزر مليان روحي وسألي وبالنسبة لخطوط الحمل احسها اجمل مافي المرأة معاني الأمومة افتخر فيها

 

[وحيده في دنياي]

خشنه كأنها رجول رجال
ههههههههههههههههههههههههههههههه الله يقطع ابليسك 0 طيب ياقلبي اهتمي بنفسك انتي تبين الزين يجيك وانتي قاعده لازم تحطين كريمات للجفاف وتحطي صابون مغربي وبعد صنفره واذا الجفاف قوي مرره حطي فازلين والبسي بنطلون وشراب بعدين تروشي واذا كلش انتي كسوله روحي للمشاغل يسوون لك مغربي وصنفره وبديكير (من بغى الدح ماقال اح )

معــك