ساعدوني الله يخليكم لو بدعوه

[اميره القصر]

مساء الخيرات اخباركم
مشتاقه لكم
عندي مشكله كبيره لها سنوات وانا واخواني نعاني منها اتمنى تحل من خلال مملكه بلقيس
ماراح اقدر اكتب ولصق لظروف لكن اتمنى اني اكتب المشكله اليوم
ومشكلتي امي وابوي وجدتي والناس اللي حولنا مادري كيف ابدا اكتب قصه حياتنا اللي ماراح تخلص لكن راح اختصر ومارا اقصر في اني اجاوب على اي سؤال اتمنى الردود تبدء بعد ماخلص

 

[اميره القصر]

ابوي عاش بين امه وابوه
وامي عاشت عند ابوها امها وابوها منفصلين
كانت تروح لجدتي ايام محدده
تزوجت وعمرها 16 سنه كانت تقول تزوجت عشان افتك من ابوي واجي لامي على كيفي
صارت دايم عندجدتي واهملت ابوي ولاعندها ام ناصحه بس كانت تبي بنتها عندها ولاهما تتهاوش مع ابوي ولا عياله يدرسون اهم شيء تتصل الجده وتقول تعالي نروح وابوي لاعشا ولااي اهتمام لو ان شاء الله بنتها تتطلق اهم شيء حكمها يتم
وياويلك لو ماتجين ولاتر وحين لحد غير تصير مشكله وابو زي السواق لجده وعيالها مع العلم انها عندها عيال
بس رجل البنت وبناته لهم الكرف وعيالها الدلال
طبعا هاذي المشاكل لما كنا صغار ومغلوب على امرنا امي عطتها كل المجال في التدخل بحياتنا
حتى صار اصغر عيالها يحكم ابوي تصدقون انه لما نطلع نتمشى اكمل

 

[رازيا]

اكملي عزيزتي نحن بنتظارك وفرج الله همكم

 

[اميره القصر]

اسفه على التاخير
المهم لما كنا نطلع نتمشى اقولكم خالي الصغير كان
عمره يمكن 5 سنوات يدق على ابوي كان اول ما طلعت الجولات والله يدق تقريبا15 مكالمه ياويل ابوي مايرد عشان نمر عليه هو واخوانه يتمشون معنا
وياليته بين بعيونهم
المهم كان ابوي يعصب شوي وبعدين يمرهم ويظغط على نفسه ويجاملهم عشان مايبي يضيق صدورنا
وكانت جدتي تروح لرياض خميس وجمعه وتخلي عيالها خمس يدرسون وتدق على امي انا مشيت تعالي عند اخوانك من دون ماتقول شوفي زوجك خوذي رايه امر وبس ولا يجون عندنا والله ان ابوي حتى المصروف يعطيهم كان يرحمهم بس مايضيع على الله شي
المهم مرت الايام وكبرو خوالي وصارو يجون نذاكرلهم ترسلهم جدتي وابو وانا وامي نذاكرلهم والله وبع يخربون ببيتنا وجدتي ولاكلمته عيب كنه الشيء مفروض واجب علينا وياويل شيء ينقص
المهم مرت الايام وابوي ماقصر معهم تطور الوقت وطلعت الاستراحات وصارت جدتي تروح معنا وترجع معنا بالسياره ولاكن عنده عيال قلنا ميخالف بس والله ماتستحي نركب وابوي ينق عند الباب وهي تسولف والله لوولدها كان قعد يهاوش

بحاول اختصر
الحين كبرنا وملينا كل شيء شفنا ابوي سواه مابين بعين امي ولاجدتي ولا اللي حولنا
لما كنا صغار امي كل اجتما ع تسب ابو ي ليه يزعل كل وبالنسبه للمعاملت امي معنا كلها ضرب ومانذكر يوم ضمتنا واذا قلنا لها شي تقول كل فلوسي اشتريلكم فيها ملابس احنا نبي ام تحن مو بس تهاوش اختي الصغيره تقولها روحي وضاق صدره امي بس الشكوى لله ماتعرف الين الله يهديها كل هاالظغوط وتبي ابوي ينبسط
تسبه عند خالتي وحريم خوالي ولافيهم احد يعينها على الخير حسبي الله عليهم خربو حياتنا وامي اي كلمه تجيبها
المهم على هال حال ضلينا سنين وطفح الكيل ابوي صار ينام بالمجلس وعزل نفسه حتى لبسه قام يغسله لحاله حتى ماصاريكلمه وامي انقهرت ليه حاقرها هي تطبخ وتنظف بس طواليوم تهاوش علينا ملينا ماحست تسب ابوي عند اهلها وتبينا نهاش ابو عشانها خلتنا مانحن عليها
لما وصلت اول جامعه تطلقو ا
وياليت شايفين اهلي اللي كانت تسولف عليه عن حياتنا اللي تدق علي بدال ماتواسين
خاله امي تقولي احسن يوم تطلقو حسبي الله عليه هاذي خاله
رجعو لبعض بعد ماراحو لشيخ وحطوشروط
زانت امورنا شوي ورجعو زي ماكانوا جدتي كبرو عيالها وزوجتهم وتبينا نخدم حريم عيالها مثلها
صارت مشكله بين امي وجدتي وهي ماتبي اللي يعارضها تخيو تقول لبنتها اللياجر زوجك اللي مقابلك هاذا حق امي اللي خربت حياتها عشنها لما زوجت عيالها صارو حريم عيالها اهم من بنتها حتى انها تسب امي عند هم

كل هاذي الاشياء راحت ونحاول ننسها بس كتبتها لكم
لاني امي راح اخليه هي تقرا الموضوع
راح اكمل انشاء الله بعد الصلاه
عن مشكلتنا الحاليه اللي نبي لها حل

 

[دلوعةزوجي]

ممكن ما تتاخرين
فرج الله همكم

 

[كنوزالارض]

ننتظرك
الله يعينكم

 

[LALA2008]

أكملي كان الله في عونك

 

[حلى قهوة]

الله يعينك في الانتظار

فرج الله همك

 

[اميره القصر]

الحين نروح بيت جدتي بس يوم الخميس واذا جينا المغرب قالت بدري كان ماجيتو واذا رحنا الساعه12 قالت لو كنتو عند احد غيري سهرتو
مايعجبها العجب الله يبرد عليه تغار منا ومن امي
المشكله تجينا بالاسبوع اقل شي مرتين وعيالها بالحاره سنين ماتروح لبيتهم ولهم المدح ولبوي وحنا السب والكرف واخرتها تقول من زين اسمكم غيروه وامي معها ماتدري اننها تقسي قلوبنا عليه تحسبونه تقول الله يخلللي عيالي واللمايبهم مابيه كان وقفت عند حده
والله
واذا جتنا تدخل مع مدخل الرجال وطبعا ابوي واخوي بالثانوي ينام بالمجلس وملابسه واغراضه هناك والمهم تبد بمواله من يوم ماتدخل
وش الحوسه مادري وشلون عايشين وتنض وتجدع الاغراض على كيفه تقل ببيته وابو ي والله مايقول شي الله لما يدور على اغراضه ومالقاه يهاوش شوي ويسكت
دام ماعجبناك روحي لعيالك وشوله تجيننا لاقيتنا طيبن وتلقا الوناسه وسعه الصدر الي ماتلقاه عند حريم عيالها بس تكابر وياويلكم تسبونم
تجي وتعيب ببيتنا ليش ماتغيرون مغاسلكم بس الحمدلله حنا عندا مغاسل وهي ماعند ذبحته الغيره
سوينا مطبخنا سرمكنا بيتنا وراحت سرمكت
والله ان عيالها بالحاره وجايه تنام عندنا يوم رممت بيته
وتقول من جلس عند نسيبه تراداى نصيبه حسبي الله ونعم الوكيل على هالناس والله ان ابوي يهلي به ويرحبه وماعمره قصر بشيء معهم
هاذي جده بنت ولدها شعرها خشن واختي ناعم تقول ليت من مكع شعر اختي وحطه على بنت ولدها هاذي جده
تروح تشتري لنا ملابس من ابو عشره تسكتنا اذا جرحتنا احيانا احنا ابوي مومقصر علينا نلبس احسن الماركات وعايشن بعز ابوي الله يخليه لنا
االحين امي تقول انا قاعده عشانكم مو عشان ابوي وابوي يقو انا ساكت عشانكم بس
بس امي ماريحتنا اخرها الاسبوع اللي فات
اختي تقول سبت ابوي وعمي وتقول اخذت فلوس من ابوي من زياده الملك وتقول لاهلي اني ماشكرته تقول
جدتي احسن امي مادري شلون تبينا نحبه صرت ماطيق اشوفهم اكرهم ناس تسب ابوك وهو ماقصر تنقهرين
الله ياخذحق ابوي من كل وحد تكلم عليه وهو غافل ماعمره جابهم بالطاري
الحين انا واخواني نبي نوقفهم عند حدهم واللي مايبي ابوي لا يجي بيتنا مانبيه
بس مانبي امي تزعل وتقطع بامه بس نبي لنا خصوصيه نبي اذا جتنا تاقف امي وتقول اغراض رجلي ماحد يجيهن ولا يقرب عليهن نبيها تحط احترام لابوي زي ماروحته
وتدخلون مع مدخل الحريم
اجل جدتي تقول لاخوي انت وابوك بنخليكم تنامون بالصندقه اللي بالحوش
وامي تضحك
اش رايكم انتم
عشان المجلس ماينحاس اشوف عيالها اللي مجالسهم نضيفه جاهم ضيوف حتى هي ماتروحلهم
الحمدلله بيت ابوي عامر وماعمره فضى من الناس ماعبه المجلس

اتمنى القى عندكم الحل ومستعده اجاوبكم على اي سؤال في سبيل انه يريحنا ويريح اخواني

تقولي ابوك مايجي لابالقوه بس للأسف انه هي ماعندها الاسلوب

 

[دلوعةزوجي]

يووووووووه وش هالجده ووش هالام السلبيه الله يهديها
بصراحه معاك حق تثورين وتزعلين
بسألك لو رفعتي صوتك على جدتك وقلتي بكل جديه اللي مو محترم صاحب البيت لاعاد يدخل البيت وش بيصير
ودي اعرف كم بنت انتوا
وكمان اعماركم وكمان نوع العقاب اللي ممكن تستعمله امكم معاكم
واحنا خواتك نعينك ونعاونك
انتظـــــــــــــــــــــــرك

 

[دلوعةزوجي]

وينك عزيزتي

 

[اميره القصر]

احنا خمس بنات وانا الكبيره عمري 62 سنه ومتزوجه لواقولها اللي ومحترم راعي البيت لايدخله كان تقوم القيامه مو متعودعه احد ياقف بوجه كان تتكلم في الديره كلها عن اللي سويناه لازم تطلع هي الزينه وطلعنا مانحبها ولا نحترمها
مره صارت مشكله بينها وبين امي عند مرت ولدها وقلتلها يشهد الله علي ليه مرت ولدك اكويلها ثوب لبنتها والله ماقالت ولا الله يعافيك والله انها شاقه قميصها من الجزع
ليه اقولها كيذا

 

[اميره القصر]

عمري 26 اسفه على الاخطاء

 

[دلوعةزوجي]

شوفي عزيزتي اهل الديره كلهم عارفين جدتك وتصرفاتها
دافعي انتي واخواتك عن ابوك ترى بسبب جدتكم ممكن تجيه جلطه بعيد الشر من القهر
تعرفين الانسان المتسلط يبغاله نار هاديه وحكمه لتذويقه من نفس الكاس
يشهد علي الله اني با اكتب لك الحل اللي اتبعه لو احد غلط على ابوي
والله اقلب الدنيا فوق تحت وموضروري توصلينها قاطعوها ولو قاطعتوها بتزعل اكيد بس وربي بتعرف انكم كفو
مو شماعه لها ولخوالك
امك لبوا طلباتها وبينوا لها الجفا ولو سبت ابوكم لاتسكتون فقط قولوا هذا جنتك ونارك
اساس المشكله امك لانها سلبيه وعلمتكم السلبيه بحياتكم​

 

[محبة مكة]

الله يهديهم ادعي لهم

 

[دلوعةزوجي]

عزيزتي موضوعك حساس وكبير من جد معاناه
لاكن با ابحث عن حل
وانتظري شوي وبتدخل رازيا وان شاء الله تفيدك

 

[اميره القصر]

على فكره من تحتي اختي على وجه زواج وحده بالمتوسط والابتدائي وحده عمره3 سنوات امي الحين ماتعاقبنا انا واختي كبار الصغار يجيهم هواش خفيف بس خفت كثير عن قبل بس احنا نسكت عشانها مانبي نضيق خلقه ونكد عليه اكثر يكفي انه كل شيء تسويه لجدتي ما يبين بعيه امي تنقهر ولوتكلمت كل شيء يصير على راسه ولازم جدتي تسوي نفسها الزينه وانها ضحت وتعبت ماتشوف الامهات وش يسون لعيالهم وشلو ن يدارونهم تحسبه مسويه شيء غير انه خربت حياتنا

 

[اميره القصر]

ابوي جاه الظغط والسكر من كثر مايسكت ولو جاه شيء والله مااحد يدري عنا والمكشله جدتي تقول وهو اللي جايب الامراض لنفسه من الكيد اللي فيه والحقد عشانه يسكت ومايبي مشاكل الله ياخذ حق ابوي منهم

 

[صرااخ الصمت]

شوفي انا بقولش راي
انا قد عانيت من ها النوع من الاقارب
وكان الحل ان ابوي طلب نقل من عمله الى منطقه ثانيه وابعدنا صحيح عز على ابوي انه يبعد لكن امي قالت له الي يحبنا المسافه ما تهمه يجينا حتى وان جت زياره تكون بين فترات متباعده ونتحملها طول فتره وجودها
الله يكون بعونكم

 

[دلوعةزوجي]

يد وحده ماتصفق وين اخوانك الشباب وين وقفة الرجال وين اعمامك وين زوجك