سؤال للحكيمات هنا

[واثقة بالله 1]

يا ماما انتي عند نفسك هذه المشاكل وقفت لهنا
راح تجي اصعب منها وخصوصا اذا ولدتي وراح تغار منك
لما تولدي أكثر من واحد راح يهرب عند الاولى عشان يريح نفسه من صداع
الرجل بصفة عامة يطفشوه الاولاد
الحين مشتاق لهم بعدين يشبع ويطفش
يعني سلسلة طويلة
تعتقدين انه زوجك راح يضل نفسه الزمن يا ماما يغير الناس
والشاطرة هي الي تمسك بزمام الامور من الاول وتتابع كل شيء

 

[الحب الاوحد]

ليه يهرب ويروح لها اذا ولدت ؟؟وليه تغار مني دامه راح لها !!

انا اذا ولدت راح اخليه يتحمل المسؤوليه معايه واذا كان نايم راح ابعد عنه الازعاج واحاول اخليه يرتاح في بيته

اذا ولدت اول واحد وما شفته تمام بحاول ما اجيب الثاني لحد ما يعتدل حاله لان هذا الطفل مو بس مسؤليتي كمان مسؤليته

زوجي يعشق الاطفال مووت

 

[واثقة بالله 1]

اتحداك وسئلي كل النساء الموجوادت فى المنتدى
هل ازواجهم الحين هم نفس الازواج في اول الزواج
انتي جديدة وما تعرفي الرجال
بس غالبا ما يكونوا النساء هم سبب تغيير ازواجهم نظرا لقلة خبرتهم وحكمتهم
ورجل تجيه نزوات وبلاوي وحدث ولا حرج

 

[الحب الاوحد]

طيب ايش سبب تغير الزوج؟ ومتى اكتشف تغيره رغم انه شايفته ما يتصنع ابد ؟

ومن يكون السبب في تغير الزوج ؟

 

[واثقة بالله 1]

ليش ما تغار انتي عندك اولاد وهي لا
هذه مشكلتك انك ما تحطين احتمالات بحياتك
بس عجبتيني لما قلتي
انا اذا ولدت راح اخليه يتحمل المسؤوليه معايه واذا كان نايم راح ابعد عنه الازعاج واحاول اخليه يرتاح في بيته
معناه عندك حل من قبل برافوا
عقبال تلاقي حلول للاشياء الاخرى
بالنسبة للاولاد الله هو الي يحد ساعات تقع اخطاء ويخرج من ادينا الموضوع
حطي جميع الاحتمالات والقي لها حل

 

[واثقة بالله 1]

راح ارجع ونكمل مع بعض شوي شوي

 

[الحب الاوحد]

اذا الشيء من الله ما اتوقع يسبب غيره وخاصه انه قلتي بيروح لها يرتاح عندها اذا جا اكثر من طفل

انا بحاول اريحه في البيت وخاصه اذا جا اطفال لكن اذا صار شيء خارج عن ارادتي اكيد بيكون نادر وهو شخص متفهم جدا لكثير من الامور

هو يحب الاطفال ويروح لا اخواته علشان عيالهم ويلعب معاهم ويحبهم

طيب خذي راحتك ي قلبي وقت ما تحبي نكمل نكمل

 

[نور1406]

عزيزتي حاولي تقنعيه بالعدل من منظور ديني يعني قولي له تقدر تهجر الزوجه بنفس البيت مو لازم تصير عند الثانيه لان هذا ليس من العدل في المبيت
ثانيا اذا زوجته الاولى تحترمك ولم تضرك بشيء فلماذا سوء الظن بها انها قد،تغار منك
هناك من تزوج بزوجه ثانيه وانجب منها اطفال والاطفال يعتبرون زوجة ابيهم كأم ثانيه لهم
عزيزتي مشكلتك ليست مع الزوجة الاولى لكن مع اسلوب زوجك الافضل ان تجلسي معه وتتفاهمي،بهدوء

 

[الحب الاوحد]

اختي الغاليه نور شكرا لردك عزيزتي

بالنسبه لزوجي شخص عادل وخاصه معايه لاني ما اعرف هو معاها كيف ولا اعرف علاقتهم ولا اسأله ولا اسمح له يتكلم عن حياته معاها بس احيانا هو يتكلم غصب عني

رغم اني احاول اقفل اي موضوع عنها .. انا ماقلت تغار مني وكان ردي فقط على كلام الاخت الفاضله الواثقه بالله .. ومافي بيني وبين زوجته لا خير ولا شر وما عندي مشكله معها ابد

ومشكلتي اللي طرحتها مع زوجي وليس مع زوجته

بالنسبه لحياتي هي مستقله عن حياتها وبعيده عنها تماما وما تفعله هي لا يخصني ولا يهمني المهم عندي هو زوجي وافعاله

 

[واثقة بالله 1]

وينك يا غلا انا هنا عشان نكمل حوارنا

 

[الحب الاوحد]

موجوده حبيبتي معاك .. في انتظار خبرتك وتجاربك

 

[واثقة بالله 1]

لا تعترفي بانه زوجته راح تغار منك لما يكون عندك اطفال وهي لا
روحي اسالي يا ماما كل محرومة من الاولاد بعدها اتكلمي
لانك ما جربتي معنى الحرمان من الذرية
لا و اطفال مين امهم من ضرتي الي هي قدرت تجيب اطفال وانا
هو الله امر سيدنا ابراهيم بابعاد السيدة هاجر عن السيدة صارة بسبب بولدها
كوني واقعية يا بنتي ويظهر لي ما تعرفي في الحياة ولا شي
على فكرة غيرتها طبيعية والله ما راح يحاسبها

 

[الحب الاوحد]

ي اختي الغاليه انا مشكلتي مو معها تغار ولا ما تغار هذا شيء يخصها ويحاسبها الله او لا هذا الشيء ما اقدر افتي فيه

دامها ما ضرتني بشيء مالي ومالها .. انا ماقلت هي ما راح تغار ..اقول ليه تغار هذا من الله يعني انا ما غلطت عليها فيه

انا واقعيه بس فعلا اجهل الكثير في الحياه ومازلت اتعلم وراح اتعلم لا اخر يوم بعمري

 

[الحب الاوحد]

علميني كيف اتعامل مع زوجي صح بعيد عن ضرتي فليس لي بها علاقه وليس لي معها مشاكل

 

[واثقة بالله 1]

قسم بالله راح تنقهر قهر اذا شافت جاب الولد منك وهي لا
وربي انشاء يعوضها في الجنة
لذا ناس زمان كانوا حكماء وعشان يطفوا نار الغيرة
لما الزوجه الاولى تكون عاقر الزوجة الثانية تجيب
الزوج يشيل الولد من حضن امه
ويعطيه تربيه الاولى يصير زي ولدها أو اكثر والولد يحبها أكثر من امه الاصيلية
اسالي اهلك وش راح يقولون لك عن هذا الموضوع

 

[واثقة بالله 1]

يا بنتي اسمعي
أنا لما قلت لك كده فقط عشان انبهك والي راح يصير في المستقبل
وتعملي حسابك وتعرفي كيف تتعاملي مع المواقف وضربت مثال صغير وانتي فهمتيه غلط
توقعي انه راح يصير اكثر من الي قلته لك
انتي اصلا ليش صارت لك مشاكل لانه اصلا ما كنتي متوقعة الي راح يصير لك
هو قال بفمه راح اعدل بس ابدا يلعب هنا وهناك
بس لو وضعتي حسابك من قبل هذا الشي في مخك وعرفتي كيف تحلي مشكلته
لما جيتي للمنتدى من اصله وطرحتي مشكلتك
فهمتي ولا لا ؟؟؟؟؟؟؟؟

 

[الحب الاوحد]

زمان كانوا عايشين مع بعض وفي بيت واحد بس الحين الدنيا مالها امان ممكن تربيه وممكن تقسى عليه وتطلع حرتها فيه بدون علم احد

تذكرت قصه الولد اللي سأله ابوه قال مين امك الصادقه ومين الكذابه قال امي الصادقه هي زوجتك قصده على ضرة امه .. امي الكذابه امي الحقيقيه

استغرب الاب وقال ليه قال امي الصادقه ( اللي هي الضره ) اذا قالت مافي اكل فعلا ما تخليني اكل .. بس امي الكذابه (اللي هي الحقيقيه )اذا قالت مافي اكل ترجع وتخليني اكل

ما يحن على الاطفال احد زي امهم مهما حبوهم الاخرين .. وطبعا مو الكل سيء بس الاغلب في هذا الزمان

 

[واثقة بالله 1]

انا معك شوي شوي حتى تفهمي وتتعلمي
أنا يمكن اعطيكي كل نقاط واروح وما تفهمي ولا تنتفعي بشي ولا تتحل مشكلتك
أنا ما معك حتى تفهمي وتعرفي الخلل وليش تطبقي صح
ترى أنا ماجت شي من مخي أنا اتكلم من المنظور الديني والعلمي
هل انتي مستعدة ان تصبري معي ولا لا ؟؟؟؟؟؟

 

[الحب الاوحد]

الاشياء اللي تصير صعب انك تتنبأين فيها في مشاكل لا على البال ولا على الخاطر

وكل مشكله نمر فيها لازم نتعلم منها والحياه الزوجيه مو خاليه من المشاكل

لو كل واحد كتب مشكله وحلها ما كان صار فيه مشاكل بعد الزواج

 

[الحب الاوحد]

مستعده اصبر معاك وانتي تحمليني ساعات افهم غير اللي تقصدينه انتي

والله يصبرك عليه