سؤال للحكيمات هنا

[الحب الاوحد]

السلام عليكم ورحمة الله وبركاته

زوجي نكدت عليه زوجته وجاء عندي بيومها وجلس عندي كم يوم من ايامها ولما قلت له روح بيتك لان وضعه كان صعب وحالته النفسيه سيئه

رفض يروح بيته وقال خلاص انا بجلس عندك طبعا انا سكتت وما قلت له شيء لاني ما اعرف على ايش اتفقوا

ولما جاء يومي قرر يروح لها البيت وانا زعلت وقلت يومي ما تروح روح يومها

لان في يومي تتغير نفسيته ويصير احسن واقدر اطلب طلباتي براحتي لكن في يومها حتى لو هو عندي اعتبره ضيف ولا احب اخذ حقها علشان اخاف عليه

يكون غير عادل .. السؤال هل يحق لي الزعل اذا راح في يومي عندها ؟؟ وهل استقبله في يومها اذا جاني زعلان واعامله عادي واطلب منه طلبات ؟؟

انا افكر اذا جاني بيومها ما استقبله اخليه في البيت بس كانه غير موجود وحتى وقت النوم ما انام معاه .. وحتى الاكل ما اسويه في يومها ولا اقوم بخدمته ..

انا في حيره من امري ياليت اهل الحكمه يجاوبوني

 

[واثقة بالله 1]

شوفي حبيبتي
في نظري أن توقفي هذه المهزلة
كل وحدة فيكم تاخد حقها حتى لو فيه زعل
الميت لا علاقة له بالزعل
راح يجي يوم انتي وياه تتزاعلوا
وما راح ترضين لنفسك انه يروح لزوجته بالايام وانتي جالسة لوحدك تاكلين في نفسك
هو بهذا التصرف يبغى يربيكم انتي وهي
بمعنى الي تزعل السي السيد هذا هو جزائها الهجران
واذا جاء لعندك
اسئليه ليش ما جيت لعندي بيومي
راح يقول لك هذه الايام كلها وأنا عندك
قولي له
أول شي ما جلست عندي بخاطرك وطلبا لمرضاتي جيت لعندي زعلان
ثاني شي طلبت منك تروح لبيتك وما رضيت وسكت عليك ما بغيت افرض عليك
هذا التصرف لا تسويه معي ولا مع غيري
واذا ما بغيت تعطي حقوق لغيري هذا الشي بينك وبين ربك
اما حقي تعطيه لي بالتمام والكمال كيف انا اعطيك اياه ومريحتك فيه
ويوم انت ما تجي لعندي ما اقول لك انا رحت لاهلي لا تجي هذا اليوم من بعد اجي للبيت
تجي وتلقاني بالبيت سواء زعلانة او فرحانه
اياك ثم اياك تتنازلي على حقوق حتى لو في الزعل
لا تعوديه على هذا الشي
اذا عوديه راح يسوي أكثر منها المستقبل
الفرعنة تبدا شوي شوي حتى تصبح ظلم
كوني صارمه في المسائل من الاول قبل ان تتطور
والله يوفقك

 

[الحب الاوحد]

اولا جزاك الله خير على الرد الله لا يحرمك اجر المواساه ويسخر لك زوجك

ثانيا انا قلت له يومي ومن حقي وهي كانت السبب انك تركت ايامها مو من حقك تعوضها بايامي

قال انا حر كلها بيوتي اذا زعلت منك بروح هناك واذا زعلت منها بجي عندك واعوضكم

وانا زعلت عليه ولا اكلمه وهو يحاول يصالحني وزوجته دايم تستخدم معاه اسلوب النكد علشان يخضع لطلباتها ولو بعد فتره من الزمن

 

[واثقة بالله 1]

لا يغرك انه يستجيب وتقومين تسوين زيها
الحين يسمع لها ويستجيب بس مع الوقت راه يتركها
قسم بالله عمرها ما تفلح نهائي
ودليلي انه تزوجها عليها وثاني حاجة صار يترك البيت بعدها لا سمح الله اشياء اخرى
انتبهي لا تكوني نسخة طبق الاصل عنها
هي تبرمج زوجها برمجة سلبية سلبية سلبية سلبية سلبية
المرض ما يظهر فجأة ياخد وقته حتى يظهر
ساعات ينبهك عشان تاخد احطيتاتك وتعالجه
ساعات تلقاه انتشر ولا علاج لها

 

[واثقة بالله 1]

لا تقولي اربيه لانك ستخسرين
سبق انه وحدة تبي تربيه بس ما نجحت
زوجك عنده مناعة قوية جدا اكتسبها من زوجته
اذا حاول يصالحك تصالحي وبرمجيه بما تردين انتي
هو الان بين يديكي

 

[الحب الاوحد]

انا لا حظت اسلوبها ماشي مع زوجي والدليل يحاول يرضيها بعد ما يهجرها يقول اشفق عليها واخاف اني اظلمها

زوجي حنون جدا وطيب ومايحب احد يزعل منه في البدايه يهجر ويبعد وبعدين يتنازل

بس تنازله يجي على حساب وحده فينا وتصير مشكله ثانيه

زوجي شرقي جنوبي وفيه اشياء من النمط الشمالي .. انا شماليه غربيه وفيه اشياء كثيره من النمط الشرقي

 

[واثقة بالله 1]

بغض النظر عن الانماط
هل تردين يشفقك عليك حتى يعطيك ؟؟؟؟؟
هل تردين أن تكونين مصدر للشفقة فقط ؟؟؟؟؟
هل تردين ينشف دمك ويهجرك عشان يعطيك ويسكر حلقك ؟؟؟؟؟؟؟
ام تردين يعطيك لانه يحبك ويحب يرضيك لانك مريحته ؟؟؟؟؟
جاوبي واختاري الاجوبة الي تناسبك

 

[الحب الاوحد]

اكيد احب انه يعطيني هو يحبني لكن ما احب انه يهضم حقي علشان يشفق عليها طيب انا ايش ذنبي

اذا يشفق عليها ويهضم حقي !! ليه يشفق عليها على حسابي وحساب مشاعري !! ؟

طيب كيف اتصرف وايش ممكن اقوله علشان احافظ على حقوقي وما يهضم حقي علشان يشفق عليها انا بشر وزوجه لي احساس ومشاعر زيها تمام

 

[واثقة بالله 1]

عند نفسك اسلوبها صح ويشتغل
لا يا ماما غلط غلط في غلط
كيف قلت لك من قبل
راح يتعب منها وراح يجي يوم يضع حد لهذا الشي
اما تبقى على ذمته ويجي عندها كضيف او الطلاق
وبيني وبينك الزمن يا روحي
الانسان عنده طاقة صبر وتنفذ مع الوقت
اسئليني أنا عن النكد أنا استاذة فيه من الدرجة الرفيعة ههههههههه
والله ما جنيت منه ولاشي غير اني برمجت زوجي سلبيا حتى وصلنا للطلاق

 

[واثقة بالله 1]

كم صاير لكم وانتم متزوجين ؟؟؟؟؟؟؟

 

[الحب الاوحد]

الله يعوضك خير يا قلبي وفي الحياه هذه الزواج والطلاق نصيب ومكتوب

بس زوجي صبور جدااا .. صح اكيد بيجي يوم وينفذ الصبر بس انا ما ابغى اصبر ابغى حل علشان تمشي حياتي زي ما احب بدون نكد وبدون صبر ابغاها تمشي برضى وحب

من الطرفين

 

[الحب الاوحد]

صارلي 9 شهور متزوجه

 

[واثقة بالله 1]

تدرين قسم بالله ماني زعلانه ابد من الطلاق بالعكس فرحانه كثير كثير
والي وصلت له من قناعات ما كنت راح اوصل له لو كنت متزوجة
وعمري ما راح انحج في حياتي
الله سوى في خير كبير كبير عمري ما انسى افضاله علي

 

[الحب الاوحد]

اكيد اصلا الوحده ما توصل لهالقرار الا وهي استنفذت كل قوتها وتعبت

واحيانا الطلاق يكون افضل من حياه كلها مشاكل وهموم ونفسيه سيئه وما بيجي من وراها الا الامراض والتعب

لكن الطلاق فترة والواحد ينسى والجرح يندفن ولا يعيش في عذاب يومي وجروح كل يوم .. ربي يكتب لك مافيه الخير دائما

 

[واثقة بالله 1]

صارلك 9 شهور فقط فقط فقط
ما تبين تصبرين ؟؟؟؟؟؟
طيب ليش تزوجتي من اصله ؟؟؟؟؟؟؟
لا تقولي قسمة ونصيب الله ما غصب عليك شي
اسمعي
انتي تزوجتي رجل متزوج بمعنى حقوقك ما راح تاخدينها كاملة يعني نصفها
وحتى نصفها مو كامل
ليش ما حطيتي في بالك يمكن يغلط بعض المرات ما يعدل ؟؟؟؟؟
الانسان مو كامل الكمال لله يمكن يغلط ينسى يسهى يظلم أي شي
قبل الزواج هل وضعتي خطة كيف تتعاملي مع زوجك في حالة وقع هذا الموقف ؟؟؟؟؟؟؟؟؟

 

[واثقة بالله 1]

قبل الزواج
هل كنتي مستعدة تماما لهذه المواقف وكيف تحلينها ؟؟؟؟؟؟؟
هل حطيتي في بالك انه يمكن يهضم حقوقك وكيف يمكن لك تسترجعينها ؟؟؟؟؟؟
أو تزوجتي وخلاص ؟؟؟؟؟

 

[واثقة بالله 1]

هل صدقتيه عندما قال لك انا راح اعدل ؟؟؟؟؟؟
هل حطيتي احتمال انه يمكن صادق او كاذب ؟؟؟؟؟
في حالة طلع كاذب
هل فكرتي كيف تخليه يصير صادق ؟؟؟؟؟؟

 

[الحب الاوحد]

انا تزوجت لاسباب كثير الشخص اللي تقدم شخص ما ينرفض من كل النواحي رجل بمعنى الكلمه ليه ارفضه !؟؟

لانه متزوج بالعكس هذا سبب اني اتزوج شخص على قدر من المسؤوليه وماعنده اطفال وفيه مميزات كثير واستخرت الله وارتحت وتم الزواج

والخيره دائم فيما يختاره الله وفعلا الزواج نصيب يعني لو قلت لا وربي كاتب اني اتزوجه هل راح اتزوجه ام لا ؟؟؟

طبعا بما انه قريب مننا كنت اعرف عنه الكثير واعرف شخصيته ووظيفته وفيه كل الموصفات اللي تتمناها كل انثى

انا ما اكتشفت اني ما احب الصبر الا بعد الزواج هو من اول ايام زواجي وهو ماقصر وكثير مرتاحه معاه لكن هالموقف اللي صار

خوفني على حقوقي انه يجي يوم ويهضمها او تصير مواقف ثانيه تجبرني اتحمل .. هو شخص يخاف الله ويحاول يعدل قد ما يقدر بس فيه امور يعالجها غلط

وبصراحه ماحطيت ببالي موضوع العدل لانه وافق على كل شروطي وهو انسان ممكن يغلط ممكن يظلم لكن مشكلته يعالج الغلط احيانا بغلط ثاني ومافي انسان كامل

حتى انا مو كامله بس اسعى للكمال احاول اعيش حياتي بحب مو صبر وجروح

 

[واثقة بالله 1]

زوجك ما يعدل معك ؟؟؟؟؟؟
هل هذا ذنبه ؟؟؟؟؟؟
اذا ما حس بالذنب كيف اخليه يحس بالذنب ويعدل ؟؟؟؟؟؟؟؟؟

 

[الحب الاوحد]

ما اتوقع فيه حل لشخص كذاب انه يكون صادق وخاصه صفة الكذب مو سهل حلها ولا تقدر اي وحده تعالجها بسهوله

انا من الاول قلت له اذا ما اعطيتني حقوقي كامله برجع بيت اهلي معززه مكرمه وهو فعلا مايقصر حتى بيومها يجي ويقولي محتاجه شيء

يعني حقوقي ماخذتها كامله ومرتاحه جدااا وعندي يوم ارتاح فيه وازور اهلي وصاحباتي وقريباتي واقضي فيه اموري وغير كذا انا متاكده من حبه بالافعال مو الكلام بس

لكن هالموقف اللي صار خوفني وخلاني ادور على حل علشان ما يتكرر مره ثانيه