فراغ_العاطفة
New member
- إنضم
- 15 فبراير 2009
- المشاركات
- 9
السلام عليكم ورحمة الله وبركاته
حبيت اعرض مشكلتي هنا علني اهتدي الى حل سليم فانا اعاني من مشكلة وكل من حولي يراها حق من حقوق الزوج .... راتب الزوجة هل هو حقا من نصيب الزوج؟!
لقد كان قرارا اتخذته من ايام الخطوبة لن اعلق شهادتي بل ساعمل بها وقد وافقني بذلك وارتحت لانه سيساندني لاعمل واحصل على وظيفة .. بعد التخرج الزواج لم يكن الامر سهلا .. فقد بحثت وبحثت الى ان اهتديت الى اعلان يلائم مؤهلاتي وبراتب جيد ولكن ليس في مجال تخصصي .. المهم قدمت وقد ساعدني زوجي بمعارفة والحمدلله كتب الله لي ها الوظيفة... المهم اني داومت وبعد جم شهر يوم نزل الراتب مال 3 شهور .. فرح زوجي وراح وسحب المبلغ لحاجته للمال .. وقد كانت فرحتي كبيرة لاني ساساعد زوجي ... وبعدها بشهر لاحظت انه بطاقتي المصرفية لاتزال عنده يسحب منها بالالف والخمس الاف وهكذا .. حتى مرت فترة عصيبه في حياتنا الزوجية وامتد النقاش للبطاقة واردت ان تكون معي وكبر النقاش ليدخل جميع افراد العائلة وتغيرت هجوماته الى اني مسرفه لا اهتم اضرف اولادي وغيرها من الاهانات والتي لاتزال تجرحني عندما اتذكرها وها كله علشان بطاقة البنك ما يسلمها لي وبعد اتفاقات بين الاطراف كلهم اجمعوا على اقتراحة اني اوفر راتبي وحدد لي مبلغ معين اقدر اطرف منه ... وصار الي بيغيه
المهم بعد فترة اكتشفت انه ها المبلغ صرت اصرفه علي وعلى العيال وصار يتحجج بدراسته وبالتزاماته وغيرها من الامور .. وقلت ما عليه .. لين الله اكرمني وقدرت اوفر اول 100 الف درهم .. وكنت فرحانه فيها
بعد فترة طلع لنا الاسكان واخذ يختار خريطة ويشاورني بالتفاصيل الي يبغي ييشاركني فيها والاشيا الي ما يبغي ما يشاورني ..المهم طلع المبلغ الي تعطيه لنا الاسكان اقل من انه يكمل لنا البيت واقترح اني اسلفه وفعلا كنت سعيدة بالبيت وابيه يخلص بسرعه لاني ضقت من الغرفة في بيت اهله ومشاكلنا الي ما تخلص .... وغطيته اول 50 الف .. وتوالت بعدها الطلبات الا ابغي 20 الف والا ابغي 40 الف .... واختفت ال ا100 الف وتم لي منها بس 10 الاف ما يعرف عنها شي....
وبعد ما خلص البيت وابتدت الديكورات قرر انه نتشارك هو يدفع مبلغ وانا النص علشان نخلص الديكورات ... هني قلت له بويهه بس كفايه صراحة .. منو الريال فينا .. وين بيزاتك ما دفعت شي للبيت .. انا صراحة احس اني يالسه اصرف علي عمري وعيالي من راتبي وانت ما تسوي شي .. ومن بعدها ابتدى يحسن اسلوبه وياي.. وما يحتاي اذكر انه كان يصير اليف وزوج رائع وتكثر طلعاته لي يوم يبغي البيزات ..
مب عارفه كيف اوقف استنزافه المادي لي .. انا اشتغلت علشان شفته بجيل في مصروفه معاي شهر ايه شهر نص وشهور بدون مصروف ..اونه انتي ما تحتايين .. لين اشتغلت وكثرت مصاريفي .. بس ها راتبي وما يخصه يتدخل وين اصرف بيزاتي او اعطيها لمنو ...
ساعدوني خواتي لاني بديت امل من ها الحياه واحس انه الشغل هو الي ينقذني ويخليني اغير جو ... وابغي اوفر بيزاتي .. مب كل ما طلعت له شغله ايي يتسلف مني وما يردها ابد واخوانه ووالده اول باول يرده لهم حتى انه ياخذ مني علشان يعطيهم لانه ما يسكتون وانا ما اسكت واقول له ابي بيزاتي ويضحك ويروح ليش جي يسوي فيني ... يعني ما يحبني قلنا بينا عيال .. بس مخلني علشان اصرف عليه بعد ؟؟
احترت ويا ها الريل .. ساعدوني
حبيت اعرض مشكلتي هنا علني اهتدي الى حل سليم فانا اعاني من مشكلة وكل من حولي يراها حق من حقوق الزوج .... راتب الزوجة هل هو حقا من نصيب الزوج؟!
لقد كان قرارا اتخذته من ايام الخطوبة لن اعلق شهادتي بل ساعمل بها وقد وافقني بذلك وارتحت لانه سيساندني لاعمل واحصل على وظيفة .. بعد التخرج الزواج لم يكن الامر سهلا .. فقد بحثت وبحثت الى ان اهتديت الى اعلان يلائم مؤهلاتي وبراتب جيد ولكن ليس في مجال تخصصي .. المهم قدمت وقد ساعدني زوجي بمعارفة والحمدلله كتب الله لي ها الوظيفة... المهم اني داومت وبعد جم شهر يوم نزل الراتب مال 3 شهور .. فرح زوجي وراح وسحب المبلغ لحاجته للمال .. وقد كانت فرحتي كبيرة لاني ساساعد زوجي ... وبعدها بشهر لاحظت انه بطاقتي المصرفية لاتزال عنده يسحب منها بالالف والخمس الاف وهكذا .. حتى مرت فترة عصيبه في حياتنا الزوجية وامتد النقاش للبطاقة واردت ان تكون معي وكبر النقاش ليدخل جميع افراد العائلة وتغيرت هجوماته الى اني مسرفه لا اهتم اضرف اولادي وغيرها من الاهانات والتي لاتزال تجرحني عندما اتذكرها وها كله علشان بطاقة البنك ما يسلمها لي وبعد اتفاقات بين الاطراف كلهم اجمعوا على اقتراحة اني اوفر راتبي وحدد لي مبلغ معين اقدر اطرف منه ... وصار الي بيغيه
المهم بعد فترة اكتشفت انه ها المبلغ صرت اصرفه علي وعلى العيال وصار يتحجج بدراسته وبالتزاماته وغيرها من الامور .. وقلت ما عليه .. لين الله اكرمني وقدرت اوفر اول 100 الف درهم .. وكنت فرحانه فيها
بعد فترة طلع لنا الاسكان واخذ يختار خريطة ويشاورني بالتفاصيل الي يبغي ييشاركني فيها والاشيا الي ما يبغي ما يشاورني ..المهم طلع المبلغ الي تعطيه لنا الاسكان اقل من انه يكمل لنا البيت واقترح اني اسلفه وفعلا كنت سعيدة بالبيت وابيه يخلص بسرعه لاني ضقت من الغرفة في بيت اهله ومشاكلنا الي ما تخلص .... وغطيته اول 50 الف .. وتوالت بعدها الطلبات الا ابغي 20 الف والا ابغي 40 الف .... واختفت ال ا100 الف وتم لي منها بس 10 الاف ما يعرف عنها شي....
وبعد ما خلص البيت وابتدت الديكورات قرر انه نتشارك هو يدفع مبلغ وانا النص علشان نخلص الديكورات ... هني قلت له بويهه بس كفايه صراحة .. منو الريال فينا .. وين بيزاتك ما دفعت شي للبيت .. انا صراحة احس اني يالسه اصرف علي عمري وعيالي من راتبي وانت ما تسوي شي .. ومن بعدها ابتدى يحسن اسلوبه وياي.. وما يحتاي اذكر انه كان يصير اليف وزوج رائع وتكثر طلعاته لي يوم يبغي البيزات ..
مب عارفه كيف اوقف استنزافه المادي لي .. انا اشتغلت علشان شفته بجيل في مصروفه معاي شهر ايه شهر نص وشهور بدون مصروف ..اونه انتي ما تحتايين .. لين اشتغلت وكثرت مصاريفي .. بس ها راتبي وما يخصه يتدخل وين اصرف بيزاتي او اعطيها لمنو ...
ساعدوني خواتي لاني بديت امل من ها الحياه واحس انه الشغل هو الي ينقذني ويخليني اغير جو ... وابغي اوفر بيزاتي .. مب كل ما طلعت له شغله ايي يتسلف مني وما يردها ابد واخوانه ووالده اول باول يرده لهم حتى انه ياخذ مني علشان يعطيهم لانه ما يسكتون وانا ما اسكت واقول له ابي بيزاتي ويضحك ويروح ليش جي يسوي فيني ... يعني ما يحبني قلنا بينا عيال .. بس مخلني علشان اصرف عليه بعد ؟؟
احترت ويا ها الريل .. ساعدوني