زوجي ومشكلتي مع الشغالات .... ياريت تساعدوني

[اميرة وحدتي]

]الله يفرج همك ويزيح كربك
ويصلح زوجك ....انا مع البنات في كل كلمه
قالوها زوجك محتاج لدكتور نفسي لانه مريض
والسكوت عن الحق شيطان اخرص معليه اسمحي لي لكن انتي الحين تاخذين ذنب كل شغاله جت حتى لوفرضنا ان الشغاله راضيه
لكن مو كلهم بدليل هربهم..........اختي اتمنى ماتكوني سلبيه وتعاملي مع الموقف بشكلي جدي
انا عارفه انك تعبانه بس لازم تفكري
فنفسك وعيالك وتخافي من الحرام
استغفرالله الذي لاال الاهو الحي القيوم

 

[papero0o]

خلي دوامك و اجلسي ببيتك بيتك اولى من الدوام

ولا تجيبين خادمات الخادمات ماوراهم غير البلا

بعدين كيف تسمحين بلمعصية تصير ببيتك بدون ماتتحركين و تتخذين موقف ..؟

اقري اكثر في الشرع و اسألي مشايخ

كلهم راح يجمعو حرام شرعا يجامعك وهو يمارس الزنا ...!!

و شوفي وين الخلل فية و اصلحية

 

[قمر الرياض]

عذراً أبقولك رأيي بصراحة

أنا ودي أفهم أنتي تحسين ولا بدون إحساس

يعني يطلع هو وياها متحممين وتسكتين وعادي ما تتحرك فيك الغيرة

شكلك ما يهمك إلا نفسك إنك تروحين وتجين والشغالة تنظف لك والباقي يصطفل

ياأختي أنت عايشة بمعصية لأنك تهيئين الشغالة لزوجك وتروحين بالساعات ومخليه بيتك مثل الكازينو

يا أختي اتقي الله وانفضي عنك هالبلادة المميتة ونظفي بيتك من الزنا وسفري شغالتك الحالية وإذا جبتي شغالة ثانية لا تخلينها ولا دقيقة بالبيت إلا إذا كنت فيه يا أختي انقليها معك لحضانة وهي وطفلك اللي معها أو حتى شيليها معك للدوام إذا كان الوضع يسمح بذلك

وإذا زوجك سوا الحرام برا أنتي تصيرين مو مساعدة له بالحرام

وإذا كان بهالطريقة ما أدري عن الحكم الشرعي في جلوسك معه اسألي شيخ كبير مو أي أحد

دعواتي لك أن يصلح الله حالك وينتشلك من اللي أنتي فيه

 

[amalo]

أستغفر الله والله أنصدمت مرررررررررررررررررررررررره أقراء بتعجب :كيييييييييييييف أنتى ساكته عليه وليه حاسه وبعد تجيبي شغالات بلاهه منهم خليهم في ديرتهم ولاتتوكي لزوجك مجال مع غيرك هذا ملكك وحدك أستغفر الله ولاحول ولاقوة إلا بالله

 

[الشتاء الدافئ]

جزاكم الله خير

صدق كلامكم لازم انا استقوي شوي وارجع زي اول ما ابرد وايأس

المشكلة حتى لمن كنت اواجهه بانه يعطي الشغاله وجه اكثر من اللازم وانه لازم مايكلمها بشي ولا له دخل فيها لانها اولا واخرا حرمة

يقول يا الله ويزعل ولا يناقشني بالموضوع يقول انتي تفهمين غلط وظالمتني والشغاله حرام نقسي عليها
اقوله ماعليك منها اقسي عليها او اتركها بعدين انت مو معطيني مجال الين معاها لانها متطمنة من ناحيتك ماتتكلم عليها

يقول انا مالي شغل بها

اموت انا وقتها لانه يقول مالي شغل بها ومن ناحيه مايحبني اعصب عليها او ازحمها بالشغل

حتى اللي قاهرني انه لما يبغى شي من المطبخ يناديها وانا جالسه يقول جيبي شاي ولا عشاء

وانا جالسه

اليوم ناداها تجيبله الشاي قلت لبنته قومي جيبي لبوك الشاي ماتستحين ابوك يطلب الشغاله وانتي جالسه بنتي 8 سنوات

هو فهم المعنى وسكت ونزل عيونة لاني اقصدة هو عيب يناديها وانا جالسه المفروض يطلب مني انا

فأبغى ابدأ معه بهالاسلوب لاني كنت معاه كذا على طول لكن مشكلتة ماله احساس

يرجع يسوي اللي براسه

انا مالي احد واهلي بعيدين ولو فكرت اتركة بتبهدل انا وعيالي

لازم اتحمل دنائة نفسه لو اني مو شايفه شي يهيني مباشرة لاني لاعصبت او زعلت يبوسني من راسي ويدور رضاي باي طريقه

مايحبني انام زعلانه

ولو ناقشتة بالموضوع مباشرة بيحط اللوم علي واني انا ظالمتة وانه مافكر بهالاشياء وانه يخاف ربه فما اقدر لانه من النوع اللي يكذب ويصدق كذبة

زوجي تفكيرة كبير وشخصيتة معروفه حتى لو اقول لاخواني ما يصدقون فيه ، لانه فاهم فيه دنائة نفس هو مو حاس فيها

بحاول اجيب موضوع عن عزة النفس واكلمه عنها

والله ماحد رفع ضغطي في هالمنتدى زيك ...استغفر الله بس

 

[المــهــا]

حاولي تخصصين للشغاله قسم خاص فيها مثلا الغسيل والكوي وغرفتها وحمامها سوا وتقفلي عليهاا وإذا جيتي من الدوام افتحي لها تكمل البيت


وبعدين زوجك ماعنده دوام ؟؟


الله يفرجها علي وعليك وعلى أمة محمد صلى الله عليه وسلم