مشكلتج جابتلي القهر:icon28: ..لأن زوجي تقريبا نفس الشي مع طيبته وحنانه بس يحس بالناس وخصوصا أهله اكثر مني مع اني زوجته والمفروض اكون أقرب الناس له بس انا يا حبيبتي حليت المشكلة دخلت بصلب الموضوع وقلت له ممكن اسأل سؤال ؟؟؟؟ قالي اسألي قلت له انا حلوة :blushing:قال اكيد وقلت له تحبني وجسمي حلو ومطيعة و...........الخ وهو يرد يقول ما شاء الله عليج:shiny: ما عليج قصور وعارف قيمتج بس ليش هالسؤال:dunno:قلتله لحظة شوي هل انا مضايقتك بشي او قليت أدبي معاك او ما اعرف الاصول قال بسم الله عليج منو قال جذيه اكيد لا:no:....
قلت عيل ممكن اعرف ليش تهجرني بالشهور((((( وانا بشهادة الجميع وخصوصا هله اني ما شاء الله علي بكل شي حتى الطبخ اللي يوم تزوجته ما كنت اعرف شي الحين صرت طباخة والكل يسألني عن طبخاتي أحب الكشخة والتغيير بكل شي اهتم بالصغيرة قبل الكبيرة طبعا هاي مو من البداية كنت زعولة وكله ابيه يلصق فيني ما يطلع الا وياي ..الحين كل شي تغير .)))..
شنو كان جوابه تتوقعين ...!!!
تدرين قالي ما اعرف ليش يمكن انا عودت نفسي عالقليل قلت أي قليل هاي مو قليل هاي شبه معدوم :sadwalk:طبعا انا عارفة ليش عود نفسه عالقليل لأن أخوانه((((( مرة اخوه دوم تقول الدورة طولت معاي ريلي بيستخف ما قدرت استحمل وقلتله قالي هاي تكذب عليج انا اعرف اخواني ما يسوون الا مرة كل أسبوعين طلع الكلام منه قلتله الحمدلله هاي صار لهم 25 سنة متزوجين احنا وعليا وعلى حالي تونا ما صار لنا الا 6 سنين وانت من زمان جذيه )))) واصدقائه أصدقاء السوء دوم ينصحونه ما يكثر من الجنس لانه يأثر على الظهر ومع الكبر ما بتكون عنده القدرة انه يمارس الجماع :icon28: قلت له اذ انت بهالعمر بأول الثلاثينات ما تجامعني الا مرة بالشهر واذا كثرت مرتين وساعات بالشهرين مرة يوم تكبر كم مرة بتسوي( مررررررررة بالسنة ):icon1366:......
تراني انسانة ولي رغبات وانثى ابي احس بأنوثتي والله انهم بهالطريقة يحطمون ثقتنا بأنفسنا ويحسسونا ان احنا غير مرغوب فينا ...معليه اسمحيلي بهالكلمة حريم اخوانه ما شاء الله سمينات كثييير ومو بنص جمال ودوم يتكلمون بهالشي ان رياييلنا يحبون هالشي عيل انا شفيني والله اني اشك بروحي ساعات وتدرين بعد يوم نجتمع ويشوفوني كاشخة يقولون يا ويلج الليلة من ابو فلان اللي هو ريلي بياكلج اكل :crazy:يا حسرة اقول بقلبي اذا عطانا ويه زين :shutup:...
طبعا وانا اكلمه قعدت اصييييييح بكل رقة ونعومة واقول له والله حرام عليك يعني حتى اللي ما تبي تقارن نفسها مع الناس بهالشي لازم تقارن خواتك يقولون يسوون مع ريايلهم واايد وكل اللي حولي الا احنا مادري شفينا يمكن عين ويمكن عمل ويمكن ويمكن ........
خلاص تعبت من الكتابة وان شاء الله لي عودة ............:bye1:
