زوجي ومشاكل أهله :(...

[الأمل]

السلام عليكم بنات..

اتمنى تشيرون علي في مشكلتي..

زوجي... كل ما صارت مشكله في بيت هله... حط حرته فيني... كل ما تزاعلت اخته ويا ريلها قام هجرني في الفراش... شهوووووور لين تنحل مشكلتها... كل ما امه وأبوه تزاعلوا هجررررني بالكلام حتى... ويتم متنرفز لين تنحل مشكلتهم... أنا ما عندي مشكله وياهم الحمدلله ... بس أتمنى زوجي ينسى كل شي برا الحجره ويخلينا نعيش حياتنا....

تعرفون أضرار هجر الزوجه على نفسيتها وثقتها بنفسها... وزوجي مشاكل هله ما تخلص... ولنا قريب خمس سنوات متزوجين.... يهجرني بالاشهر... اشرايكم؟

بصراحه أنا أعرف انه ريال طيب وقلبه حنون.. لكن لين متى بنظل جيه... أبا أعيش حياتي... لدرجة افكر بالطلاق... نفسيتي وايد تعبت وصرت عصبية ومزاجيه..

أرجوا المشوره علي والدعاء لي... الله يفرج كربة كل وحده تشاركني لو بدعوة..

 

[عـذاب]

الله يسخره لكي ويهدييييه ويصلح حالكم

 

[*روعة*]

كان الله في عونك
غاليتي غريب زوجك لكن هل صارحتيه بالمشكله وكيف كانت ردة فعله
تصرفه غريب جداً ومادخلك انتي بمشاكل اهله
حاولي الجلوس معه ومحاورته والخروج لحل
صدقيني حياتي بتعدد مشاكلها سببها قلة الحوار
اول مايحاول هجرك لاتستسلمي اقتربي منه اقتراب الزوجة المحبة الحانية خوفيّه بالله الهجر ذكر العلماء صورته بأنه لايهجرها خارج الغرفة وانما يعطيها ظهره وهذه احدى حالات علاج النشوز فكيف اذا لم تكن المرأة ناشزا اصلاً؟؟؟!!!
اكثري من الدعااااااء فلاسلاح اقوى منه..
اسأل الله ان يؤلف بين قلوبكم

 

[حبيبت رشيد1]

الله يسخره لكي ويحنن قلبه عليك ويا اختي صارحيه وتكلمي معه قولي لو انا صار لي هاذى الشي وهجرتك وسويت الي انت تسويه لي وش يكون ردة فعلك

 

[التانغو]

الله يعينج اختي ويساعدج
حاولي توقفين معاه في ضيقته اسأليه عن اللي يدور في راسه واسيه بيني له انج حاسه فيه وضميه بحنان يمكن هو حساس ومايتحمل المشاكل احتويه لاتتركينه لان هالشي مو في صالحج اذا ماتفهمتي وضعه يمكن يدور على احد غيرج يفهمه

في المسائل الزوجيه الواحد يكون صبورررررررر لأبعد الحدود لأنها علاقه حساسه جداً

اذا كنتي ساكنه معاهم بنفس المكان اطلبي منه تطلعون لشقه او بيت بروحكم

وعليج بالاستغفار والدعاء .. الله يفرج همج

 

[ضياء القمر]

كان الله في عونك

 

[m2008]

الله يهديه بصراحه ماله حق يزعل منج

 

[كوكيز17]

الله يهديه ويسخرة لك
حاولي مصارحته بالموضوع ولكن اختاري الوقت المناسب ( الا يكون احد من اهله بعاني من اي مشاكل لا اخته ولا امة ولا حتي الخدامة )
لان زوجك شكله من النوع الي يضع مشاكل الدنيا على راسة ويعاقبك عليها بالحقران والصمت
باذن الله تجدون حل للمشكلة ولكن لسمح الله لم تصلي معه الي نتيجة عليك انت بالصمت والحقران وعدم الاهتمام به وانتظري ردود افعالة

 

[اضحك للدنيا]

السلام عليكم ورحمة الله وبركاته

عزيزتي ادعي ليل نهار لله سبحانه وتعالى وخاصة بالسجود ومنتصف الليل جربي وصدقيني راح يتغير وايد بس لاتمليين ولا تستعيليين لأن شكلكم اتحبون بعض ولا تخليين الشيطان يدخل عقلج وتفكريين بالطلاق ولا تكبرين الموضوع اكبر من حجمه ، بالعكس حاولي تهديينا بكل مشكله اتصير وحاولي تقريين وايد سورة البقرة وخلي زوجج يقرأها ايضا ولها اهميه كبيره في حل مشكلتج ، مجرررررررب .

 

[الأمل]

يزاكن الله كل الخير خواتي وفرج كربكن...

بصراحه ردود تريح الخاطر..

واجهته وحاورته... وكله يقول ان شاالله كل شي بيتغير..

اختي التانغو.. بصراحه صح كلامج هو وايد حساس وما يتحمل المشاكل.. بس مشكلته ما يفضض من جيه يتم معصب ما يقول اللي فخاطره وما يحب يتكلم على أهله بعكس اخوانه...

وعن نقل السكن المشكله نحن أصلا في بيت روحنا.. بس ما يقصرون من تصير المشكله يسوون اجتماعات عائلية وكلن يرد بيته مستانس وينسى كل شي.. إلا بعلي العزيز...

اختي اضحك للدنيا.. يزاج الله خير.. تبين الصراحه مقصره في عبادتي وقيام الليل.. اسأل الله أن يعيني على طاعته.. وأشكرج على نصايحج الثمينة..

عذاب - أنيني - حبيبت رشيد- ضياء القمر - m2008- كوكيز ((( يزاكم الله كل خير)))..

الله يصلح الحال... ادعولي تكفون...

 

[مؤاسم الدهر]

الله يهديه

 

[Ms.RoZa]

كثير أختي من هن يعانن مثلك الله يكون في عونكن

 

[فرحه جريحه]

الله يهديه بس ترى زوجي بعد كذا اذا عنده مشكله مع اهله يصمت في البيت وكلامه قليل وتقريبا زيك في الفراش بس تعرفين ليه هم يسوون جذي انا بصراحه زوجي جدا حساس وطيب وما يبي يستانس معي مثلا واهله في مشكله احس انه بها التصرف يحس انه يشاركهم مشاكلهم واحزانهم وضميره يانبه اذا ضحك معي ولا سولف وهم في مشاكل بس هذا مو منطق ولا حد من الزوجات يرضن لكن علينا بالصبر والصمت زيهم لان الرجل الصامت ما يجي الا اذا زوجنه صارت صامته زيه لاني انا ثرثاره بس تعلمت الصمت وجاب نتيجه معي احيانا
واللله يكنبلنا اللي فيه الخير

 

[همس النديم]

الله يسخره لج ويفرج همج ..

ومالك علاقه يزعل ويحط حرته فيج ..

 

[فيل فيل]

الله يفرج همك ياااارب ويعينك00

 

[ورده حمرا22]

حبيبتي انا حاسه فيج بس مالنا الى الصبر هذوله اهلة
لو بالتواجهينا او تقولينلة ماكو فايده بتمون اهله بالمركز الاول واللة يكون بالعون

 

[ام كاكا]

الله يكون في عونك ولاتتركين صللاة الليل واشتكي لربك اللي قادر على فك ضيقتك ويسخرلك زوجك

 

[ام كاكا]

الله يكونفي عونك ولاتتركين صلاة الليل الله قادر يفك كربتك ويسخر لك زوجك

 

[رومنسيه ومنسيه]

الله يهديه ويعينك عليه

 

[catgirl55]

اختي زوجك اللي يسويه مو عن قصد ومالك اي دخل فيه .........واضح ان زوجك حساس ومعدنه طيب ويشيل هم اهله بزياده فشي طبيعي اذا كان فيه مشكله انه يكون مهموم وصامت ويبتعد عن الجنس
هنا يجي دورك اختي خليك جنبه هالفترة وحنونه كثير يعني خليك معاه مو ضده وصدقيني راح يحس بالعرفان لك حتى لو ماقال كثري من الصلاة والدعاءلك ولاهله والاستغفاااااااااااااااار (حطي تحته الف خط)والله عن جربه جربي وشوفي

وبالتوفيق حبيبتي الله يسخر لك زوجك