زوجي وحبيبته قبل الزواج..الجزء الثاني..

[طموح أنثى’’]

نايس

امين وياك يالغلا

 

[طموح أنثى’’]

أمل الأمه

جزاك الله خير ع هالكلام

بس كيف املي وقته

اما على دراستي

الحين جايه فترة اختبارات وربي ما ادري وش بسوي

 

[نبراس الشرق]

حبيبتي لاتستعجلي ما دام هي متزوجه ما فيه منها خوف يمكن زوجك عنده

قدره على الكتابه فحب يفضفض بهذه الكلمات رومنسي شاعر حاولي تقربين

اليه لاتتركينه للهوى حاولي تغيرين من شخصيتك وحياه لاتهدمين بيت بنفسك

اصبري وصابري ولاتشتعجلي وتوكلي على الله

الله معك لوما كان يحبك ماجلس معك ​

 

[@@الجوهره@@]

لاتظلمينه يمكن مو حبيبته بس هذي خاطره كتبها وبس
خالي يكتب خواطر نفس زوجك
وخالي متزوج اقوووله ماشاء الله كل هالكلام لزوجتك
قال لا لحبيبتي الخياليه يعني شي خيالي تخيلي والمشكله خلاص يكمل ويكتب دايم خواطر عن هالحبيبه الخياليه
وزوجته ماتدري ويقول ماابيها تشوفها عشان ماتزعل انا احب زوجتي بس هذا كل خيالي....
الفرق بينك وبين زوجة خالي انها مافكرررت تبحث وراه وتفتش وعايشه مرتاحه اما انتي اتعبتي نفسك ودورتي وراه ولاراح ترتاحين والدليل جيتي بالاخير بتهدمين بيتك بالطلاق خلاص لاتفتشين ولاتدورين اللي يغثك

 

[طموح أنثى’’]

نبراس الشرق

ربي يعطيك الف عافيه ع هالرد

 

[طموح أنثى’’]

الجوهره


مشكوره يالغلا ع هالرد

 

[أمل الأمة]

وإياك حبيبتي
أول شي ركزي على دراستك
وبعدين شوفي وقت فراغه لا تخليه يقعد لوحده خليك معاه
وحاولي تقللي أوقات الفراغ اشغليه بشي يحبه بس بعيد عن النت
أطلعي معاه خليه يساعدك في الأولاد سوي أي شي شغلي خيالك
بس خلي عقله مشغول على طول بك وبالأولاد والبيت
يعني نسيييييييييه حبه الأول
يمكن من الفراغ والملل تذكر الأوقات الماضية وحن لها فإنتي بشطارتك رح تخليه يشوف إنها كانت موحلوة
وأنا واثقة إنك تقدري تخليه يندم على إنو جرحك ربي يهديه ويصلحه
أهم شي انسي الطلاق ولا تفكري بيه وكمان لا تقولي بتحمل عشان الأولاد لا هذا أكبر غلط أولادك مارح يضيعوا بالعكس لو استمريتي بهذا التفكير بتحمل عشان الأولاد هم أول من حيتضرر مافي زي الاستقرار والراحة
دعواتي لك

 

[طموح أنثى’’]

أمل الامه

ربي يعطيك العافيه ع اهتمامك ياقلبي


والله يكون في عوني

 

[جرحني انسان]

والله حاسه فيك.. زوجك رومانسي,, وراعي خواطر
يفضفض لنفسه بهالكلمات,, ولكن يمكن أقدر أساعدك بخاطره كتبتها لزوجي لما تضايقت منه ومن تصرفاته.. لعلمك أنا زوجه أولى,, عدلي بالخاطره.. بحيث تخلينها تناسبك..

إيه يادنيا ضيقتيها علي..
أدور الفرح بحياتي ومالقيته..
أشوفه ينقص مقداري ومطلبي عنده لاميت ولا حي
تسليني الذكرى..
وش بقى من ذكرياتي تنسيني جرحي وحزني
ليش هو كذا علي..
يحبها فوق طاقته وأنا يرمي علي حكايه من حكاويه
أصدقها وأقول ياكثر حبه لي..
والحكايه صوره بخياله مثل ماأنا بحياته برواز وصوره بلا ملامح..
همي قتلني,, وحزني نطق...تكفين بشويش علي..
آه يادنيا ليه ماتقولين الحقيقه,, ليه الجراح بدربي دوم
ليه قلبه يقسى علي..
لو قالو لي إكتبي إسمه أبو فلان
أنا كتبته بعروقي قبل ماتلمس يدينه حبيبته
ليش تبغوني أكتب إسمه وهو ماسجلني بحياته حبيبه..
آه,,
حتى لو حبسني بين جدران قلبه,,
كيف أتهنى فيه وغيري ساكنه؟؟
كيف تقنعني بعشقك لي..
كيف تقنعني بأني الأولى بحياتك وذكرياتك..
أنا الأولى بجرحك..

هذي خاطرتي وغيرها فييه خواطر ولكن إذا شفتي إنها تناسبك عدلي فيها.. وخليه يقرأها بحيث تكون بطريقه غير مقصوده منك..

 

[طموح أنثى’’]

جرحني انسان

يعطيك العافيه ياقلبي


والله يربط على قلبي وقلبك حبيبتي

 

[صمتي قهر غيري]

الله يكون بعونك ويفرج همك ويجعلك قرة عين زوجك

 

[طموح أنثى’’]

صمتي قهر غيري

مشكوره يالغلا ع هالدعوه

 

[طموح أنثى’’]

دعواتكم لي يا اخواتي

 

[عنأقيدالوفا]

الله يعينك يااااصعب الخياااانه....

انااستغرب من ذاالعينه دام عاجبته وحده ثانيه بلحلاال والاالحرااام

ليه مايصارح زوجته اسهل من انه يخونهاويحرقهابنارالخيانه

جالس يلعب ع الحبلين ليييييه!!!!! ماادري

 

[طموح أنثى’’]

عناقيد الوفاء

هي متزوووجه يعني صعب يوصلها

بس ذكرى الماضي في باله

 

[وردة رومنسيه]

الله يعينك...ادعى ان الله يسخرلك زوجك...​

 

[طموح أنثى’’]

ورده رومانسيه

مشكوره يالغلا

والله يسخره لي ويسخرني له

 

[fl0o0ry]

والله حاسه فيييييك وبحرقة قلبك مريت انا بهالشي

وكنت اتحسر وابكي انه ليييييييييييييييييييييش ؟؟؟ بس مافي جواب

لاتطلقي وتخسري زوجك حاولي ترجعيه لك وحاولي تنسيه الماضي

وحاولي تبعديه عن بنات الحرام ..الله يسخره لك بس قرأت الخاطره

حسيت انها جات ع الجرح ..نفس معاناتي مع زوجي ..

 

[وديس]

الله يكون بعونك بس واضح ان زوجك رومنسي وبإمكانك تبادلينه نفس الإحساس وتكونين رومنسيه معاه في الكلام والصوت الهادي والمدح له وتدليعه كثييير .. زوجة اخوي كذا مرررررره تحاول تكون رومنسيه لأبعد حد في كلامها وهدؤها ولبسها وفي بيتها كله ابجورات وشموع حتى دورات المياه الله يكرمك كلها ورود وشموع واخوي مرررررره طاير فيها لأنه من النوع الرومنسي جربيها مع زوجك يمكن تقدرين تجذبينه وخليها دايماً معليش عودي نفسك وانصحك ماتفكرين بالطلاق شيلي الفكرة من راسك تماماً مادامت الأمور على كذا ..ولاتنسين الدعاء بقلب ونيه صادقة فسهام الليل ماتخطىء والله يسر امورك ويهديه

 

[قطرة في بحر]

ممكن تكون خواطر عادية يعني تكون كتابته للخواطر هواية
ماهو كل من كتب شعر أو خاطرة معناته يعيشها أحياناً يكون أتخيلها أو سمع قصة أو قرأتها وأثرت فيه وكتب عليها خاطرة
لا تأثر فيك