زوجي والشك!!!1

[aldana]

على فكره في كثير رجال يقون في زوجاتهم ويغارون عليهم ..بنفس الوقت . بمعنى أنه ممكن يقولها نزلي الكم غطي شعرك ... إلخ

وهو متأكد أنها ما تقصد أنها تظهر زينتها للغرب .

وفي رجال يتركون لزوجاتهم مطلق الحريه ...ومع ذالك يغارون عليهم ... فهو كون فكره عن حدود حريتها وتماشى معاها وأي تعدي يعتبره تخطي للخط الأحمر ... ينبهها عليه أو يتغاضى على أساس الثقه بينهم موجوده .

واللي فهمته في حالتك أن زوجك من النوع اللي معطيك مطلق الحريه ... ويثق بحدودك واحترامك لمشاعره ... ولكن تأكدي 100% أنه يغاااار عليك ...
ولا يصرح ...لأنه يعتبر التصريح بالغيره ضعف في شخصيته ... وتجريح لمشاعرك ... وتنغيص للعلاقه بينكم ..

وأقولك لو سويتوا اختبار الشخصيات بتلقين أنك شرقيه وزوجك غربي ... أنت تستمتعين بمشاعر الغيره ...ودايم تفكرين بأنك خارجه عن العرف السائد وخارج المسار الصحيح ... أما زوجك فيرى تصرفاتك حريه شخصيه ... ويعتبر الغيره لا تتماشى مع مبدأ الحريه الشخصيه .

الخلاصه أن زوجك يحترمك ويحترم مشاعرك ... ويجدك زوجه محترمه ... وأنت تعتبرين نفسك مذنبه وواجب زوجك يرجعك للمسار الصحيح ..

وهذا مارح يصير أبداً ... إلا في حالة لو عبرتي عن مشاعرك ومدى استيائك لكلام أصدقائه عنك ... وتوضحين له أن بالضبط التصرفات اللي تعتبرينها غلط ...
وهو من نفسه يبي يرسم لك الحدود الحمراء من جديد ... وراح يزعله اللي يزعلك ويرضيه اللي يرضيك .

 

[لحظة امل]

مشكورين على الرد


حبيتبي دروب العز

صدقيني والله اني ماابي اتباهي بغيرته
بشنو اصلا استفيد اذا اتباهيت

وقلت له الكلام اكثر من مرة

تراك ياولد الناس ماتغار علي !!!!!!!!!!!!

صدقوني محبة الزوج من غيرته على زوجته
طبعا في حدود المعقول

حبيتي الدانة

سويت اختبار شخصية ساعدتني فيه غاليتي حكاوينا
اهو طلع غربي جي
بس لي ماسويت


اما عن كلامك فهو ابدا ماينطبق عليه


بينت له استيائي ماكو فايدة

يقول لي دائما صيري فري ولا تاخذين الامور بحساسية



الزوجة تحتاج تحس بالطرف الاخر

الدنيا مو سايبة جذي
كل شي اوكي ماعليه

زين يمكن اللي اسويه غلط
لازم ينصحني ويرشدني

لكني دائما اقول في نفسي

لو كنت بنت غير متربية صدقوني بالحرية اللي عاطني اياها والثقة اللي اعتبرها لا مبالاة بتشوفوني لاسمح الله زوجة سيئة اخلاقيا

لكني والحمد لله عارفة حدودي

وابحث عن اي طريقة ابين له انه المفروض يرسم حدود لي

المشكلة الاحظ ان الاغلبية مو فاهمتني

مافي زوجة تبي زوجها يشك فيها اصلا
بس لما تكون المشاعر جامدة لابد من تحريها

وماكو غير النار اللي يذوبها بسرعة



حبيباتي المسألة مو تسلية بالنسبة لي ابدا

لكنها مشكلة كبيرة يمكن في غيري يعاني منها:icon1366:

 

[لحظات الم]

طريقة ممتازة دائما إمسحي جميع المكالمات الصادرة والواردة و المستلمة خاصة عند العودة للمنزل بس مالي دخل بالنتيجة

 

[قطرات ثلج]

احمدي ربك احسسسسسسسسن من الشكاك

 

[# نوال #]

انا بتكلم بغير وذي تخلين زوجك بيروووووح فيهااخخخخخخ
-إحكي لزوجك قبل النوم مباشرة كل المشاكل والمآسي الحزينة حتى يتحول نومه الى كوابيس.

-كلفيه ببعض الأعمال المنزلية مثل صباغة واجهة المنزل أو تعديل اريل التلفزيون حتى يكون عرضة للسقوط.

-أكثري من وضع الدهون في الطعام وزيادة الملح والسكر حتى يكون عرضة لأمراض خطيرة مثل الضغط والسكر وتصلب الشرايين والقلب.

-أحرصي الا يراك سعيدة أو مبتهجة. بس وجهك معبس

-أشعريه دائما بالأحباط وبانه رجل فاشل في حياته العمليه والزوجية.

-أحتقريه أمام والديه وأقاربه وأصدقائه. كلفيه برعاية أطفالك وتبديل حفاضاتهم.

-أقيمي كل فترة حفلة لصديقاتك وأكثري من الخروج الى الحفلات والعزائم خلي زوجك مايفرح بيومه كل يوم وانت قابعه هالعبايه
ـ الجوال ماينزل من يدك ولو ماتكلمتي حطيه عند اذنك واهمسي


النتيجة مضمونة بعد أشهر. اذا يحبك موووووووووووت تلاقينه بيصير خاتم بين يديك واذا لاوالله باغي الفكه فابشري بالطلاق خخخخخخخخخخخخخخخخ

 

[قطرات ثلج]

^
^نوال شدخل هذا كله بالشك ههههههههه

 

[البنفسجة]

ويييييييه..انت تبين ريلك يغار عليك؟؟؟

صدقيني مو زين..بس كلامج صح تبين حد يسال عليك
ويحبك..هو اكيد يغار عليج حبيبتي. هو نفس خطيبي يغار بس ما يظهر غيرته بس انا اعرف انه يغارعلي مووت.ويحاول يخليني اغار بكل الوسائل. بس هو فعلاتفرحين لما تحسين انه حد يغار عليج

بقلك بس انا مالي دخل.؟؟


يوم تشوفون تلفزيون مع بعض وشفتو فلم مثلا

امدحي الممثل اللي فيه..ومن هاي الاشياء اذا ما غار ما يكون فيه فايدة..

 

[الراجي]

انا من راي اشغلي نفسك في نفسك يعني انا زوجي من هذا انوع فقررت زي ما قلتلك صرت اسجل في معهد اخذ فيه دوره حق شهرين وشتري اشياء خاصه فيني مايعرفها وطول في الغرفه احب اهتم بصحتي بختصار مع الوقت صار ينتبه للصاير وذقت طعم الغيره الحلوه من غير زعل