زوجي كرهني وبتعد عني بعد ولادة ابني البكر

[مهــــاوي qatar]

السلام عليكم ورحمتة الله وبركاته
انا متزوجه صارلي سنه وعمري 23 عندي ولد توه مولود عمره شهرين المشكله هو ان زوجي تغير علي بعد ولادتي لابنه البكر صار ينام بالمجلس بحجة ازعاج المولود اصلن اولدي صغير وكله نايم ماشاء الله بس يصحى اذا جاع وانا احاول بقدر الامكان عدم ازعاج زوجي تخيلو اطلع انا ولدي الصغير لصالة بيتهم اللي تحت عشان مايصحى زوجي هذا فالبدايه نام فغرفتنا مره وحده بس ومن بعدها صار ينام بالمجلس بنات تخيلوا شنو هدية تطلوعي بالمولود خيانه مع اخت زوج اختي ومع ذلك بلعت الموضوع وسكت وانا في ذيك ليله مسويه له ليله رومنسيه ماستوت وشرايه كيكه بمناسبة عيد زواجنا والهديه بهذيك القيمه وهو مفكر حتي يعطيني ورده بنات لاتقولون اني مااكشخ والله العظيم جميع الملابس لبسها من تنورات لين فوق الركب وبناطيل ولانجري اششكال وانواع ومع ذلك مهتمه بنفسي من داخل استخدامت برنامج فيافي والتحاميل التضويق يعني نظيفه واقولكم هومستانس علي من الناحيه الجنسيه بس تدرون شنو يسوي ياخذ حاجته ويروح ينام بالمجلس بنات انا والله مفتشله احس اني رخيصه ولامره سمعت منه كلمه حلوه حتى يوم اكون كاشخه مايقول الله وش ذا الحلا بنااااااااااااااااات صامت لابعد حد شنو اسوي كلمته بس يقول انا قايم بواجبي يتوقع ان الواجب بس الجنس مع انه مايصرف علي تخيلو يابنات ماشريت ملابس عيد لا انا واولدي اخذت ملابس من اختي وامي شرت لولدي ملابس عيد :tears: مع ان عنده خير تدرون شنو يقول يوم اقول عطني فلوس يقول انا اجمع الفلوس عشان اتزوج بنات والله العظيم اني احسد خوات زوجي وبنات جماعتنا على ريايلهم احس بنقص مع اني مو مقصره معاه والله اني كلللللللللللللللللل يوم اصيح احس اني رخيصه لابعد حد تكفون ساعدوني :tears:

 

[فتاة الخير]

الله يفرج لك.ولاتنسين الصلاة اخر الليل والدعاء وكثرة الاستغفار..(زينها مع ربك تزين)

 

[مهــــاوي qatar]

فديتج انا الحمدالله اصلي بس ان اشاء الله بحاول اقوي ايماني مشكوره حبيتي

 

[مريومه الدلوعة]

ادعي ربك بكل صلاة انه يسخره لك

 

[فلاورز]

الله يفرج لك.ولاتنسين الصلاة اخر الليل والدعاء وكثرة الاستغفار..(زينها مع ربك تزين)

 

[طموح3]

الله يفرج كربتك ولاتخلين الدعاءءءءءء اسئلي مجرب .

 

[حبيبتي]

هلا حبيبتي
اذا هو يبخل عليك عشان يجمع فلوس ويتزوج
من رايي لاتكتين عليه
وخلي حد يتدخل في الموضوع
ماقوولك كبري السالفة بس خل حد يوقفه عند حده

وحبيبتي لاتنسين الدعاء وكثري من الاستغفار وقراءة سورة البقرة يوميا

الله يهدي زوجك وازواجنا جميعا

 

[نبض دبي]

الاستغفار
ثم الاستغفار
ثم الاستغفار
وقراءة سورة البقره وقيام الليل والدعاء

انتي جربي مدة 3 شهور مابتخسرين شي
اذا ماتحسنت امورج باذن الله ردي كلميني..

 

["أميرة بكلمتي "]

هلا حبيبتي اولا الدعااااااااااااااااااء لا تنسيه ...
ادري ان قلبك مقهور بس حاولي والموضوع يستاهل المحاوله انك تسترجعينه لحظنك ...
اول شي غيري ترتيب الغرفه وخليه ينام فيها وقولي له ان هذا الشي مضايقك انت ومسبب لك تعاااسه المهم اول شي خليه يرجع يتعود علي غرفتكم ....
بالابتساااامه والكلمه الطيبه حاولي فيه
ثااااااااااااااااااااااااااااااااااني شي واهم شي ... ليه امك واختك يصرفون عليك انا حاسه فيك لاني كنت زيك اموت ان طلبته شي وعادي اخذ من اهلي [بس بعد ما صرت بلقيسيه
الحمد لله صرت اشتري لنفسي ولعيالي لا ووووبعد ان نفسي اهدي لاحد اهدي من فلوسه وهو يضحك ويلعب خخخخخخخخخخخخخ
الله يكون في عونك ويسخر لك زوجك يارب
ان شاء الله اكون افدك بشي

 

[ميوسه]

حبيبتي

الوضع بيتحسن اذا عرفتي شخصيته عن طريق بوصلة الشخصيه وعلى اساسها راح تعرفي تتعاملين معاه

الشي الثاني قوي شخصيتك ناقشي اذا مارضى يعطيك مصروف ماتسكتي

اذا قالك اجمع عشان اتزوج قولي له اعطيني اول الفلوس مايهمني تجمع لايش هذا حق من حقوقي وخليك قويه وقولي اذا في غلط بحياتنا قولي عشان ننفصل لان الرجل يخاف اذا هددته زوجته وانو مو فارقه معاها تقدر تستغني عنه

وانتي ليش تمشين موضوع خيانته ؟؟؟؟ هل مشيتيه بدون مايدري انو انتي تدرين؟؟؟؟؟

انا اتوقع شخصيتك جدا جدا ضعيفه ومسالمه ترى ماينفع الوحده بالزمن هذا تكون مسالمه الحياة اصبحت صعبه لازم لها قلب قوي


بعض الازواج يحبو الزوجه القويه بشخصيتها مو بصراخها لا بمواقفها اثناء المشاكل


وانتي تقولي انا مو مقصره معاه الزمن هذا الرجل مايكفيه لبس وكشخه يبي زياده شخصيه قويه ووحده تحب كل شي مميز وراقي لها


ببساطه حبي نفسك على حساب الكل وخليه يلاحظ انانيتك وكملي تعلميك وكوني طموحه او التحقي بدورات تطور ذاتك من لغه واتيكيت وغيره

سوي لك حياة بعيده عنه طلعات مع صاحباتك مع اخواتك دورات الخ حتى ينجذب لك يوم يشوفك انسانه مشغوله مو وحده تلاحقه وتدور رضاه وتسوي له ليالي حمرا عشان يرضى وهي ماسوت غلط

اذا قدرتي من نفسك الناس قدروك واولهم زوجك

واطلبي حقوقك دايم وابدا حتى لو كبر الموضوع وخليك انسانه واثقه من نفسك ولا تطالعي حياة غيرك احمدي ربك على حياتك وحاولي تخليها تمام


واتعملي من المنتدى مليان مواضيع رائعه غيرت لنا حياتنا


واقري قصة ام الوليد من قسم القصص والحكايات بالمنتدى

وقصه هذه حكايتي لام بسمه الامارتيه

وبرود ومطر

وبرضوا عندك قسم دلع وغنج فيه قصص عن الدلع والنعومه والانوثه اتعلمي منه

واستفيدي وطبقي المناسب لك



موفقه

 

[ام النورين]

السلام عليكم ورحمه الله وبركاته

الا الا ستســــــــــــــــــــــــــــــــــــــــــــلام اذا كنتي صادقه ومهتمه بنفسك ولم تقصري بشي ارفعي راسك وقفي وطالبي بحقوقك
المطلوب منك الا لتجاء الله والدعاء والحفاظ على الورد اليومي

القيام بواجباته كامله دون نقص

ماقلته سابقا ........مهم

الاهم,,,,
انا تلتفتي لنفسك وتهتمي بها لاجلك وتستـــــــــــــــــــقلي عنه عاطفيا وعندما تتجملي وتهتمي وتضيفي جديدا لحياتك لا تنتظري منه مدحا ولا اي تعليق لانه ما فعلتيه لاجلك
خانك مع اخت زوج اختك
ارفعي سماعه عليها وهديدها بوالديها وانك ان لم تكف شرها عن زوجك سوف تفضحينها وقبل هذيه الخطوه ان كنتي تعرفين احد بالاتصالات او ان تاخذي فاتورة زوجك وتحديدي مكالمتها له بالقلم كدليل قاطع انها تحدثه

لا تعيري زوجك اي اهتمام معنويا وعاطفي واختصري الاحاديث ومتابعة كل شارده ووارد من ما يقول وتعليقاته وافعاله

انشئي جو جميل لك ولطفلك من العب والاحتفال تواصلي مع اصدقائك المحببين لقلبك اهتمي بنفسك تعطري والبس افضل الملابس ليس له لك لانك تحبين التجمل والتعطر اقرئي الكتب اجعلي ركنه ولو حتى كانت بغرفة نومك من كنبه واباجوره وضعي بها لمساتك ابدعي فيها اجلسي اقرئي ترقبي الفرص لتقولي له وبشكل غير مباشر حينما يرى ما تفعلينه استطيع العيش بدونك واستيطع ابدع واجعل حياتي جميله وسوف تضيع على نفسك على كثير بالافعال ليس الكلام

توقفــــــــــــــي ولا تدمري نفسك وتقولي عنها رخيصه تكلمي عن نفسك بايجابيه انا جمليه انا عمري 23 متزوجه

ولديه اسره رائعه انا مهتمه بنفسي انا اتجمل انا افعل انا غاليه انا قمة الا خلاق والجمال حاربي من اجل نفسك

ومن اجل طفلك وحياتك طفلك يريد ام قويه واثقه بنفسها من قال عليك ان تبعلي وتسكتي تحركي من اجلك ان تنقذي نفسك من وحل العذاب والتنازل ودور الضيحه وكوني بطلة قصتك وليست ضحيتها
كوني اقوى اعرفي شخصية زوجك هل هي شماليه جنوبيه دكتوره ناعمه لم تقصر قدمتها مجانا والاخوات انشئو فرق للازواج ستجديها موجوده بقسم الزوج والزواج اطلعي على قسم الدلع والغنج وقسم جديدي حياتك استقــــــــــــــــــــــلي عاطفيا عنه تحركي ارجعيه لك بافعالك وليس بالكلام اذا هناك ملل رتابه وروتين اذا كنتي جديه غيري وابحثي عن ما يطري جوك ويدخل السرور على قلبك
مثلا جهزي دورة المياه بشمووع وعطور ومناشف ملونه واملئ بروائح وزيوت وتعمدي ترك الباب وانتي متواجده في البانيو حتى يرى انه يفوت على نفسه فرص جميله معك

او حضري ركنه بخداديات وشموع وضعي من جانبك من الكريمات ذات رائحه جميله والبس ملابس جميله واجعلي نفسك تعملين مساج لارجلك ويديك واجعليه يشاهد انك تستطعين انك تجعلي الحياه منوعه واجعليه يفكر ويشاهد ما يضيعه على نفسه وهكذا انتبهي ان تلومي نفسك توقفي عن قول رخيصه انتي غاليه وعزيزه وما زفوك اهلك له الا عزيزه وغاليه مرفوعة الراس
وانا بخدمتك الله يفرجها عليك وكل مسلم
واعتبري انه ما تمري به محنــــــــــــــــــــــة ستعطيك منــــــــــــح وفوضي امرك لله

 

[ضَوءْ]

كلام أم النورين كفى ووفى

ولاهانوا البآقيآت

 

[متفائله77]

الله يسخره لك
استمري سبع أيام متواصله في قراءه سورة البقره كامله كل يوم بدون ماتقطعينها وراح تشوفي النتيجه ولله مجربتها وكثير مجربينها في فك السحر والعين ونفعت حتى في المرض

 

[متفائله77]

نسيت أقولك عليك بقيام الليل والله راح تحسين براحه عمرك ماحسيتيها ولاراح يهمك شي في الدنيا ولاتنسين الدعاء في السجود وبين الاذان ولاقامه
وأأيد أيضا كلام ام النورين كفت ووفت

 

[ام تالا555]

حاولي تستفيدين من خبرات العضوات ولاتهملي الدعاء
الله يفرج همك

 

[مهــــاوي qatar]

[ارفعي سماعه عليها وهديدها بوالديها وانك ان لم تكف شرها عن زوجك سوف تفضحينها وقبل هذيه الخطوه ان كنتي تعرفين احد بالاتصالات او ان تاخذي فاتورة زوجك وتحديدي مكالمتها له بالقلم كدليل قاطع انها تحدثه

اهلها متوفين وهي مطلقه انا مقصرة بلغت اختهاالكبيره بس ماسوت شي لانها معروفه بعلاقاتها حتى انها تمارس الجنس مع الرجال بمبالغ كبيره الله بستر وزوجي ينكر الموضوع ويقول انا بس ابي انصحها لان الشباب يتكلمون عليها تخيلوا يابنات اني حبيت رجوله زوجي يوم زعل مني يوم كلمته والبنت صرت اسولف معها عادي ولا كن شي صار هل صحيح اني مسكينه مثل قولت امي:icon1366:

 

[لازورديه]

[ارفعي سماعه عليها وهديدها بوالديها وانك ان لم تكف شرها عن زوجك سوف تفضحينها وقبل هذيه الخطوه ان كنتي تعرفين احد بالاتصالات او ان تاخذي فاتورة زوجك وتحديدي مكالمتها له بالقلم كدليل قاطع انها تحدثه

اهلها متوفين وهي مطلقه انا مقصرة بلغت اختهاالكبيره بس ماسوت شي لانها معروفه بعلاقاتها حتى انها تمارس الجنس مع الرجال بمبالغ كبيره الله بستر وزوجي ينكر الموضوع ويقول انا بس ابي انصحها لان الشباب يتكلمون عليها تخيلوا يابنات اني حبيت رجوله زوجي يوم زعل مني يوم كلمته والبنت صرت اسولف معها عادي ولا كن شي صار هل صحيح اني مسكينه مثل قولت امي:icon1366:

تتكلميم معاها عاااااادي.؟؟؟؟؟؟؟؟؟؟ كيف تتكلمين معاها عاااادي

وهي على علاقه مع زوجك... اختي.. شو فيج شو هالطيبه.. انتي

بالاول .. متاكده انها على علاقه مع زوجج.. وواجهتيه... صدقيني..

اذا تميتي على حالج بدور غيرها وغيرها.. ويمكن يطيح في وحده ..

تخليه يودرج ويطلقج.. وهي تاااخذه.. قوي شخصيتج واذا بغيتي شي

اخذيه مادام انه حقج...ولاتستحين ينمكن انه صعب في البدايه بس

بتتعودين.. ومادام انه يقولج اني اجمع فلوس عشاان اتزوج.. يمكن قاصدها

لحقي عمرج.. قبل لاتضيعين..

 

[مهــــاوي qatar]

اشلون اقوي شخصيتي دايما يهددني بطلاق وانا اخاف من الطلاق ويقول يوم يزعل بوديج بيت ابوج ويقول انتي موظفه وعندج راتب تخيلو حتى راتب الخدامه انا اللي ادفعه وهو عنده خير يابنات رصيد مائتين الف ريال يعني غنييييييييي والخافي اعظم ويوم اكلمه يقول ماراح اعطيج كافيه اني اشتري حليب وحفاظات البيبي والله يابنات مايدخل علي عشان نتفاهم كله في المجلس بعدين يروح يلعب كوره بنادي يعني ماله وجود بحياتي بنات احس اني ضعيفه شخصيه اشلون اقوي شخصيتي مع اني كنت شخصيتي قويه ايام الدراسه بس ماادري احس اني مسكينه ومكسوره والفرحه ماعاد لها وجود يحياتي حتى العيد ماادري متى تاريخه ولا تجهزت له الدنيا ماله طعم في حياتي اه اه لعنبو ذا النصيب اللي ذلني :tears:

 

[مهــــاوي qatar]

بنات دخل علي قبل شوي وشهاوني عشان الخدامه ماغسلت ملابسه قلت الخدامه مشغوله عند البيبي تخيلو يابنات عندهم اربع خدم بالبيت ولا وحده منهم تساعد خدامتي ولاتدخل غرفتي وهم يساعدون بعض عادي المهم قالي امحق 180 الف ريال دفعتها في عرسج وذلفي بيت اهلج ويوم شافني ابي اتصل في هلي قال اذ رحتي بطلقج شنو اسوي

 

[مرو]

الله يكون بالعون ..
روحي بيت أهلك .. وشوفي وش نهايتها ..
بعض الرجال اذا اكتشف ان زوجته تخاف من الطلاق ذلها فيها ..!!
اذا هو يبغاك بيتحسف ويرجعك .. وبالحاله هذي حطي حد لحياتكم يعني اشرطي عليه ..
واذا هو مايبغاك .. لا تخافين الله مايضيع أحد .. أذا هو مايستاهل التضحيه ...