زوجي قتل طموحـــــــــاتي

[ليمون بالنعناع]

هو يبي ... هو يقول .... هو يشوف!!!

وانتي وش تبين ووش تقولين ووش تشوفين ؟ وش رايك وليش لازم كلمته سيف عادي الا ماتتوصلين معه لحل بس لاتيأسين كل رجال له مفتاح وشوفي كيف تفتحين مخ زوجك .

 

[احلام الشموع3]

شوفي حبيبتي
اولا صلي الإستخاره في انك تكملي او لا
وثانيا هل انت قادره على الموازنه بين متطلبات الدراسه و متطلبات بيتك وزوجك
اذا رأيت في نفسك القدره على ذلك فواصلي دراستك ولا تدعي احلامك تحطم على صخرة الزوج
وقد يغير الله من حال إلى حال حين تنتهين

 

[كومة مشاعر]

جلي الوان الله يستر انا هذا اللي خايفه منه والله اخاف الفلوس تحوسنا حوس لانه هو عنده حساسيه جدا من تملك المرأه للمال ..
ليمون بالنعناع هو من قالك انا مااقدر اضغط عليه واخليه يرضخ غصب اقدر بس خايفه من ردة فعله لاني قبل اصريت ان لي حساب قالي خلاص احط لك حساب وسوي اللي تبينه بس لاتلوميني من اللي بسويه انا ماابي نصير كل واحد لوحده ويشتغل على كيفه بس اذا هذا قرارك انا اعطيك فلوسك كامله واخبي الباقي من فلوسي لي وللزمن ماروح اصرفه على سفرات لك ودلع ومطاعم الخ وطبعا كلامه خوفني جدا لان الشمالي الغربي اذا حقد على الحرمه يقلب قلت خلاص مابي وصخ دنيا يفرقنا وتركت وظيفتي عناد بس ماقلتله .. وهو مبسوط الحين اني اطلب !!! غباء !!

احلام الشموع انا استخرت الحمدلله وناويه اكمل بس وش رايكم اكمل وانا مرح اتوظف ولا اوفر التعب !!

 

[قمر بعيونه]

كملي ومو لازم تتوظفين اهم شهادة لا احتجتي بكره للوظيفة تتوظفين وما عليك منه يمكن يغار منك ما يبيك تتفوقين عليه اهم اجلسي وهو يصرف عليك مو لازم وظيفة اذا كان الحساب واحد

 

[ألحان نازفة]

يا أختي ... نصيحة كملي دراسات عليا.. ما تدرين ايش الزمن مخبي لك.. وشهادة البكالوريوس ما توكل عيش وأنا أختك..
و لا تفكرين ايش بيصير بعدين ! يخيليك تتوظفين ما يخليك... لكل حادث حديث!!!
بس ضروري جدا... ان الدراسة ما تكون على حساب زوجك وبيتك... يعني وفقي بينهم..
الله ييسر امورك..

 

[محبة مكة]

غريبة الشمالي يحب المراة المثقفة
انتي لا تشوفي نفسك عليه
يعني لا تمدحي شطارتك قدامه
خليك عادي
بالعكس امدحيه وقولي له هذا بفضل الله ثم بمساعدتك
انك بتعطيني من وقتك ومن هذا الكلام

 

[حزينه حد الجنون]

حالتي مثل حالتك رفض اكمل الماجستير حتى عن طريق الراسه عن بعد وانا في البيت وان شاء الله مابقصر بشي والحمد لله فضيت لبيتي وعيالي وله والله يهديهم الرجال ويصلحهم

 

[رمقة وفا]

اذا عندك طموح كملي ماتدرين وش يصير بالمستقبل. الله يوققك ويعينك.

 

[كومة مشاعر]

اووووووف يابنات يقتلني والله انا ماشفت نفسي عليه بس ماامدح نفسي دايما افهم قبله واحفظه قبله وهو يستشيرني باشيا بس اذا تناقشنا بموضوع يطلع كلامي هو الصح بس هو يلف ويدور ويطلعني غبيه !!!
انا من يوم اخذته وانا حاسه انه يحاول يطلعني غبيه يحاول يهز ثقتي بنفس دايم يقول الحريم ناقصات عقل ودين وطبعا فهمته معنى الحديث صح وهو ان المرأه تحكم بعاطفتها مو بعقلها ويصر على رأيه رغم اني داااااااااااايم امدحه بس يقول اي حرمه ماتنعطى وجه من ناحه التدبير بامور المنزل والادراه الماليه و و.... اوف غثني ذا الشمالي ...
واللي تقول هو يحب المثقفه هو يحب اني اقرأ واطلع ومعجب بطموحي بس خايق اترأس عليه ويقول الحرمه الموظفه دايم تقود وترأس ووو...

والحين يحاول يخوفني من الدراسه يقول ماتنقصين بشي من واجباتك واذا جيت للبيت ابيك فاضيه لي تدلعيني وو..

يارب وفقنــــــــــــــــــــــي