زوجي قتل طموحـــــــــاتي

[كومة مشاعر]

السلام عليكم ورحمة الله :
مرحبا لحكيمات بلقيس الرائعات ,,
اطرح عليكم مشكلتي بعد زواجي:5:
يابنات انا من اولى الى رابع جامعه وانا اطلع
الاولى على الدفعه اوالثانيه عندي حب شديد للدراسه
ولله الحمد قادره على تحقيق انجازات كان حلمي اكون دكتوره
بس للاسف تحطم على صخور الزوج وليس الواقع!!
بعد تخرجي تزوجت والحمدلله زوجي كريم
وطيب ويحبني فوق الوصف وحنون جدا
لكنه يقتلني يقتل طموحي والاصح قتله وخلص انا توظفت بمدرسه اهليه بعد تخرجي مباشره وكان راتبي 2000 تناقرنا انا وزوجي مليون مره على هالراتب
هو كريم جدا واي شي اطلبه يعطيني بس كان ياخذ الراتب مباشره ويصرفه علي يقول انا اعطيك انتي تصرفين لا الحريم المفروض ماتصرف بالفلوس والمره اذا صار معها ريال تمن على زوجها وتستغني عنه رغم ان نمطه كريم جدا وهذا واضح عليه هو شمالي غربي حاولت مليووووووووووون مره اعدل افكاره << هو ع العموم اخذ عن الحريم هالفكره انه اي حرمه عندها فلوس تمن على زوجها وتستغني عنه وشارط علي مالي حساب خاص حساب واحد انا واياه وهو يعطيني منه والباقي يخليه للاجار
قلتله ابي خصوصيه قال مافيه خصوصيه بيننا تركت الوظيفه
لاني بصراحه مااستفيد شي ولاني قريت ان الرجل مايحترم المراه اللي تصرف معه حتى هو قالي يوم سالته ليش يضطرني اطلبه قالي انا احب تطلبيني فلوس !!!
الحين ودي اكمل دراستي الماجستير بس دايم اتراجع اذا تذكرت اني مارح اتوظف او هو رح يضطرني لكذا لانه شارط علي تبين وظيفه حسابنا واحد !!
قتل حلمي اللي كنت احلم فيه وش رايكم اكمل واخذ شهاده لواحتجت ولااوفر التعب لاني مستحيل اتوظف بشرطه هذا ؟:5:؟؟ تكفون ياعاقلات الرد الشافي
​

 

[لمن يجرؤ]

الله يصلح الحال اختي

ان شاء الله البنات يفيدونك

 

[صاحبة الليل]

الله يهديهم الرجال مايبغون الحرمه تمتلك فلس واحد :30:
حبيبتي كملي دراستك وخذي شهادة الماستر بما إنك متفوقه ماشاء الله يعني لاتضيعين عمرك عشان شرط زوجك وغير كذى ماتضمني الزمن وش مخبيلك
يعني لقدر الله وصار شيء لزوجك عندك شهادتك تقدري تبحثي على وظيفه وحده من أخواتي تزوجت وماكملت دراستها والحين تعض أصابع الندم بعض الرجال ماهم راس مال وعلى قول جدتي راس مال الحرمه شهادتها خذي الماستر حتى لو ماعندك نيه للوظيفه خبيها للزمن

 

[الدانه2000]

نصيحه مني كملي ماجستير
وحلو يكون عندك شهاده
اما هو الله يعينه عالمصاريف هو اللي جابه لنفسه
يمكن زوجك يحب يحس انه مهم حسسيه بحاجتك له وانه ذخر لك وسند بعد الله
واشكريييييييييييييييييييييييييييييييه على اي شي يسوسه ترى بعض الرجال تحب كذا
اما دراستك كمليها حرام باين عليك شاطره بعدين ماتدرين يمكن ربي رايد انك تكملين وحط عوائق الوظيفه بطريقك لاجل تكملين الدراسه ويرزقك بوظيفه احلى منها راتب

 

[الدانه2000]

واشكريييييييييييييييييييييييييييييييه على اي شي( يسويه) ترى بعض الرجال تحب كذا

 

[كومة مشاعر]

الغاليه لمن يجرؤ ولك بالمثل يارب
صاحبة الليل اعمق شكري لردك الشافي ريحتي قلبي
العزيزه الدانه شكررا للنصيحه والله اني دايم اشكره بس هو تفكيره كذا
المشكله ماهمه الصرف يعني يقول عادي انا ابي اصرف عليك من قالك اني ابيك تساعديني واذا ساعدتيني ترى مالك اي فضل علي عشان كذا انا شلت الوظيفه اساسا من راسي
بس الدراسه هي حلمي والله من واناصغيره الله يوفق ابوي وامي توي اعرف قيمتهم والله احيانا من قهري
اكره الدراسههه من قهري عندي طموووووووووحاااات كنت ابي اصير دكتوره بس اذا سمعته يقول اذا صرتي دكتوره وراتبك 20000 نشري لنا بيت اتحططططططططم والله احيانا من قهري اصب له قهوه واتمنى اكبها بوجهه
شجعتون والله يستر ما يصير حقي التعب والسهر وبالاخير ينشب في بلعومي رايكم

 

[بهيره الموسى]

اذا عندك همه واراده الاراده فوق كل شي بعد مشيئة الله والرجل اذا ماتعلم يغار من نجاح زوجته ولكن اسألي نفسك هل حياتك وسعادتك راح تنضر من وظيفتك اودراستك؟؟انا اللي اشوفه الزوجه الموظفه معرضه لضغوووووط كبيره والرجل اتكالي
الفلوس لاتجلب السعاده....الله يوفقك اختي

 

[كومة مشاعر]

المشكله هو ضاغط علي من هالناحيه ويحاول يخوفني لدرجة اني انا اللي كنت ملياااااااااااااانه ثقه
صرت اخاف مااكمل اخاف افشل اخاف ابدا ولااكمل دايما يقولي اذا درستي مايتغير شي من نظامك تنظيف وترتيب وابي طبخي جاهز ومابي الكتاب يشغلك عني وزود على هذا وذاك مافي وظيفه بس انشاالله استعيد نفسي منه يااارب التوفيق دعواتكم

 

[ღ اُمـ رامي ღ]

المفروض من الاول تمنعيه ياخذ راتبك الشهري هذا حقك انتي
ترا لا دين ولاشرع يرضى بهالشي ايش فيهم رجال هاليومين بس مافي خوف من الله ولا ايش بالظبط
برااي كملي دراستك افضلك لانها سلاح ولا تخلي اي مخلوق بهالدنيا يقتل طموحك انتي مامسويه شي غلط​

 

[كومة مشاعر]

والله صادقه ياختي ام رامي مدري شفيهم ازواج هاليومين بس انا احس ان الفكره من الاخذ عنده مبدأ خاطئ موراضي يغيره وانا تركت الوظيفه عشان هالشي والحين انااام ويصرف علي الله يجزاك خير انشاالله اكمل

 

[الدانه2000]

حبيتي تكفين لاتخلين دراستك ترى والله تنفعك بعدين مو الحين
بعدين اذا هو قال اطبخي اشتغلي ترى حبيبتي هذا من حقه خلينا واقعين
وانتي ان شاء الله شاطره وبتعرفين كيف ترتبين امورك
وهو راح تلاحظين انه راح يعجب بك اكثر اذا شاف عندك هدف وشافك مرتبه في حياتك
وفي نفس الوقت لاتتغيرين عليه ولا يشوف منك اي تعالي في الشخصيه
ترى الزوج يفرح بزوجته اذا ارتقت اعلى المناصب وهي طيبه وحبوبه معه
ويكره زوجته حتى لو راتبها 500 لمجرد مايحس منها انها متكبره لمجرد انها استغنت عن مصروفه
اهم شي عزيزتي كملي واستخيري والله ان شاء الله يوفقك

 

[كومة مشاعر]

الله يجزاك الجنه يادنونه على ارائك السديده وتفاعلك معي امووووووووه بس

 

[تفــآصيلـ]

هو ع العموم اخذ عن الحريم هالفكره انه اي حرمه عندها فلوس تمن على زوجها وتستغني عنه وشارط علي مالي حساب خاص حساب واحد انا واياه

ـهههههههههههههههههههههههههههـ
ـههههههههههههههـ

سبحان الله كوبي بيست عن كلام خطبي
..
.
أنا اجوف ان ريلج كلامه جدا طبيعي و واقعي..
و ربي أن حنا الحريم ما ننعطى ويه بساالفه الاستقلال..
ولو أنا ريال.. ما أخلي حرمتي لا تتوظف ولا هم يحزنون

بس بالنسبه للدراسه..ادرسي وكملي .. واتفوقي ان شالله
دامه رااضي.. والفراغ قتل صااحبه

بس غذا كنتي غير حاافظه للقرآن
أنا أنصحج بحفظه اول.. بعدين الدرااسهـ
مهما كان الآآخره ابقى

 

[روحي واو]

شششوفي يالغلأأ ..,

مبدأ ان زوجـك يأخذ رأتبك غلط من البـدأيه .,

وبعدين شكلـك عأقله وفأهمـه ., يعني لأزم تجلسي معأه وتفهميـه وقولي له .,

مثلأ لو ادرس واتوظف بعـدين ., ولـأحظ أني قلت بعـدين .,

رأح نفتح انآ وانت حسسأب مشترك أحط انا فيه مثلأ 2000 ريأل وانت 2000 ريـأل ., ونخليـه لنآآ

نستفيـد منه بشي أستثمأري أو نبني لنأأ .,

بسس والرأتب البأقي لك ., وشي يخصني بعـد التعب والعنأء اللي مريته ., من أول دراستي

لأزم تكملي درأستك وتاخذي الشهأده الحين وانتي قادره عليهآآ .,

لأن الرجأل مأانتي ضأأمنته .,لأ أي شي ., مو بأقي لك .,

حلـو أنك شاطره وعندك طمووح ., فخلي وظيفتك بعدين تصير لك سنـد .,

والله يعينـك .,

 

[روحي واو]

سوري ., والرأتب الباقي لك << يعني أنتي يالغلأ مو هو ههههههههههههههههههههه

حبيت أوضح ., بس

 

[كومة مشاعر]

:30:تفاصيل :30: لاتغثيني بزود:30:
وليش انشاالله ماننعطى ويه ليش يعني:30::30:
والله انا احيانا اقتصد اكثر منه بس هو يقول بقطع السالفه من البدايه ونصير للاثنين درءا للمشاكل>>> حلوه درأن ذي:30:

 

[الدانه2000]

:c017:

 

[كومة مشاعر]

روحي واو انا ادري انه غلط بس شسوي قسمن كلما نتكلم انا واياه بذاالموضوع يرتفع ضغطي زووود
المشكله ماالقى عليه زله بالصرفيات يعني مشاالله كريم بس عناد كذا اذا توظفتي ماتستقلين زي ماانا الحين اتعب عشان اوفر لك كل ماتحلمين فيه بعدين هو يقول انا الرجل انا اللي ادبر انا اللي اصرف والحرمه ماتعرف ... كلام كثييييير ويطول

حياتو مافهمت يعني سند لي تقصدين الشهاده انشاالله؟؟
ومشكوره على ردك

 

[امل لايموت]

احسن شي استخيري والله يكتبليك الصالح

 

[جلي الوان]

انتبهي ترا الفلوس خربت بيوت انتبهي <<عن تجربه>>