زوجي فقع مرارتي

[سكن قلبه]

الله يعينك اذا من اولها حكم ابعد عن الشر وغنيله

 

[كومة مشاعر]

اختي ايمي هو يقولي اذا قبلتي بالوظيفه بضم حسابي وحسابك بس عشان تتاكدين اعطيك بطاقتي بس فك شراكه وحسابين منفصله لاااااااا عشان محد يذل الثاني ولايصير له منه اذا احتجنا ناخذ منهن جميع بس انا رفضت واتهمني بالانانيه وقالي اجل انا اتعب عليك واحاول اسعدك وانتي تبين فلوسك لك بلحالك قلتله مابيها لحالي اعطيك ربع المرتب مو كله عصب وقالي انا مابيه بس مابي لك حساب مستقل ولايصير للحرمه فضل وبكرا اكتب البيت باسمك انا ماادري احس اي رجال بالدنيا ماينضمن !!!!!!!!!!

 

[ginger]

ريحي نفسك ولا تتوظفين

انا مثلك بالضبط زوجي يصرف علي ولما كنت ادرس بالخارج كان راتبي كمبتعثة ياخذه وكل يوم مشكلة انا وهو

ورجعت على اساس اني اتوظف بشهادتي لكن عرفته على حقيقته يبي راتبي كله

والحمدلله شلت فكرة الوظيفه من راسي دامه يصرف علي ويلبي لي كل طلباتي

وانا جالسه ومرتاحه بالبيت اربي عيالي قدام عيوني واهتم فيهم بنفسي

والحمدلله على كل حال

 

[انين الخريف]

في الشرع مالك لك
وماله لكما
قولي له كذا
مايجوز لك تاخذ ريال وانا ماني راضيه
وانت ملزوم بي وبكمالياتي
وقولي له انا انحرج منك لو بغيت شي لامي الحين بحط من دون ما اسنحي منك

 

[perfume]

قولي له حاظر بس أبغي أشوف الألفين والخمسمية بئيدي أنا موب ناقصة ولا فلس وخليه يوعدج بهالشي

 

[الخط الفاصل]

نصيحة خليك في بيتك مكرمة معززة دام زوجك يصرف بكرم

 

[مستشاره2010]

يااختي استخيري في هالوضيفة

 

[الخط الفاصل]

اللي تقول هو ملزوم بكمالياتها غلط
ترا الرجل مو ملزوم غير بأكلك وشربك وكسوتك وسكنك في حدود استطاعته.
مرة سمعت الشيخ يقول مو ملزوم بالدواء والعلاج لكن إن فعل فذلك من باب الإحسان والعشرة بالمعروف ..اسألوا واتأكدوا..

يا أختي لا تشدي مع زوجك عشان الوظيفة وهو ماقصر معك..
إنتو اتمشكلتوا وما اتفقتوا من قبل الوظيفة أجل بتتفقون إذا توظفتي؟؟!! طبعا لا.
ريحي راسك وكبري مخدتك.

 

[النفوس الحائره]

اااااه الله يفقع مرارتهم

 

[[امة الله]]

الله يصلح امرك ويرزقك من حيث لاتحتسبي

 

[كومة مشاعر]

جزاكم الله خير يابنات انا بعد ماقلتله اني مابغا اتوظف الا اذا فتح لي حساب بلحالي لاني ماضمن
قالي اجل انا ابصرف عليك الملزوم بس قلتله انت واجب تنفق علي قال لا بس الواجب اجيب لك اكل وشرب وكسوة صيف وشتاء
اما احسن جوال وماركات لبس ونت ولاب توب وفاتورة تلفون لا اذا انتي ماتضمني من الحين ومنتي واثقه بي اجل انا اولى اللي قاعد اتعب عليك وانتي تفكيرك كذا احسي طحت من عينه اكثر شي قهره انه حس اني مني واثقه فيه والله قهرني وفقع مرارتي الله يحاسبه ليتي ماقلت كذا

 

[الزوجة الصابرة]

الله يفرج همك

 

[تؤام روحي وقلبي]

الله يكتب اللي فيه خير

 

[بنت شمر..]

الله يكون بعونك اختى​

 

[كومة مشاعر]

أمين ولكم بالمثل ولكل من دعالي

 

[ام ب د ر]

الله يعينك والله ماتسوى قومة الصباح والمشاكل والاولاد مادام من بدايتها وجع الراس مالك ومالها زوجك كريم وعنده عزة نفس مايبغى احد يمن عليه :5:

 

[جرحني حبيبي]

زوجك مايبغاك تمني عليه وعنده عززه نفس وكان مستمتع انه هو الي يصرف عليك حتى بالكماليات نصيحتي استخيري وريحي راصك ووحاولي انك ترجعين ثقته مره ثانيه وبعدددين واضح انه خايف انك ماتصيرين بحاجته وتستغنين عنه وويحس انه ماله داعي تدلعي عليه العذر كلامي ملخبط اتمنى وصلتك فكرتي ادعيلي ربي يرزقني من واسع فضله لي اسبوع احاول ادور لي شغل من بيتي ماطلع براسي شي باستفيد من وقتي

 

[كومة مشاعر]

الله يجزاك خير خيتو جرحني حبيبي وللجميع