زوجي فقع مرارتي

[كومة مشاعر]

يابنات انا عندي مشكله فاقعه مرارتي:33:

مشكلتي زوجي قاهرني بمسالة الوظيفه انا صار لي 3 سنوات متخرجه

وجتني وظيفه براتب 2500 وقالي بشرط تحولين حسابك علي وكل راتبك

ينزل بحسابي وطبعا انا استغربت وطيرت عيوني قالي هذا شرطي قلتله

ليش قال اي حرمه عندها فلوس او موظفه لازم تذل زوجها براتبها وتمنن عليه

لو شرت اي شي بتقول من فلوسي وانا مابي بكرا

تقولين لي فلوسي وفلوسك لاني اكره هالكلمه ويمكن تصير مشاكل بسببها

ابي تصير فلوسنا واحد وماحد له منه !!!!!!!!!!!!!!!! انا طبعا رفضت بقوه وقلتله اجل

ليش اتعب نفسي واكرف وبالنهايه لك ومااضمن وهو زعل من ردي مررره قالي وانا وشو مني زوجك

انا واياك واحد قلتله خلاص مابي قال بكيفك يابنات انا زوجي طيب وكريم معي

مستغربه منه ماتوقعته كذا بيسوي مره كريم ماشااالله ومايقصر بالكماليات بس

قالي ههذا شرطي يوم قلتله ليش اتعب نفسي وزعل اكثر يوم قلتله ان الرجال ماينضمنون

قالي اجل انا ليش اتعب نفسي على كمالياتك اعطيك مصروف وبس واجمع لي بالبنك الباقي

انتي بعد مااضمنك يمكن اتعب عليك وبكرا تطلبين الطلاق وش اسوي فيه قهرني قهر والله

نفسيتي تعباااااااااااااااانه من شرطه اللي زي وجهه وكملها بكلامه وش اسوي الله يعافيكم

ليتي ماقلتله انتم ماتنضمنون وهل اقبل الوظيفه واخلي راتبنا مشترك لانه يقول مافي كل

واحد لحاله حنا شريكين حتى بالمال !!!!!!!!!!!

 

[غروربنوته]

الله يعينك

 

[كومة مشاعر]

مشكوره اختي ع المرور وين الردووووووووووووود بنات بليز

 

[قرشعة بنات]

بما ان زوجك كريم فـ انصحك ماتتوظفين ابدا لان كثييير الا من رحم ربي اغلب المشاكل

والطلاق بسبب الوظيفه المراءه تكون غنيه عن الزوج بفلوسها وجاها اطفال

اشبعت غريزتها الاموميه فـ خلاص مايهمها وهو يجمع يجمع ويتزوج

لان الزوج اذا مايصرف على زوجته واطفاله ماراح يحس بان زوج مسؤل هذا طبيعه فيه

فـ الافضل ماتتوظفين واذا على مسألة ماينضمنون فـ انصحك تفتحين حساب

وتجمعين من المصروف اللي يعطيك وتشترين ارض او اي شي يضمن لك

مستقبلك بعدين هذا نصيحتي لك وانتي براحتك حبيبتي

انا الكل حتى هو يبيني اتوظف بس انا رافضه وقدمت عشان افتك من ازعاجهم

وبرضووه اقول الله يكتب لي اللي فيه الخير بس داخليا ما اقتنعت ابدا

لان انا عندي كرامه وما احب التمنن ولو جاء يوم وزعلنا ابسحب عليه لاني ماديا مغتنيه عنه

خلاص وش ابي فيه فهمتي علي اتمنى وصل لك فكرتي

والله يكتب لك اللي فيه الخير وفكرة انه ياخذ راتبك ما اعجبتني ابد ابد فـ انتبهي

ويوم يقول حساب مشترك صدقيني الرجال مايصدقون براتبهم ابد فـ انتبهي انتبهي

تتعبين وتنشغلين عن بيتك وبالاخير ماراح تلقين راتبك يسندك

والله ويوفقك

 

[انتظار السعد]

الله يكون بعونك

 

[بريق الحب]

معليش حبيبتي انتى كمان غلطتى لما قلتيله الرجال مالهم امان كدا اكيد يعاند ويخاف منك كان المفروظ تجيه بي السياسه يعنى تقليلوه ايوه صح فلوسك فلوسي وفلوسي فلوسك انا ونت واحد بس حبيبي انا احتاج يكون لي راتب خاص ودا قلت فلوسي لك حق تاخدها بعد كدا ونا اعرفك رال كريم ما تقصر ودا لاقدر الله اتزمنا يكون عندنا شي حاولي تكسبيه صدقيني راح يرضي بي الكلام الحلوا

 

[كومة مشاعر]

الله يجزاك خير خيتو قرشعة بنات والله انا يوم تزوجت كنت اطمح لمستقبل وظيفي بس يوم شفت رد فعله هونت وبالنسبه للمصروف هو مايعطيني ورافض فكرة المصروف بس لابغيت شي مثلا سوق مطعم لبس يعني مايمدي اجمع شي والصراحه راتبه بسيط 5500 وعندنا قرضين ومررررررررررره قاهرني بعد مايبي وظيفه

 

[سنين الضياع]

أبد أبد لاتوافقين على شرطه ..
وبعدين قولي ياخي مو شرط أتوظف عشان يكون عندي فلوس ادري انك ماتقصر علي بشي ..حتى لو عندي راتب ماراح تقصر علي بشي بس بصراحة ودي اخالط المجتمع ودي اتعرف على صديقات ودي أطلع وأرجع البيت ..
وبعدين من قالك اني راح امن عليك ..ترا هذا مو من طبعي..وحتى لو حولت فلوسي بحسابك وكنت من النوع الي يمن عليك راح امن ..يعني مافي فرق اذا حولتها والا خليتها ..بس الحمدلله مو من طبعي امن على أحد...
بس بصراحة ودي يكون لي خصوصية ..
يعني مثلا ودي اتصدق ..أو أكفل يتيم ..
أو ودي أشتري لك هدية ..أو ودي أحجز لنا فندق مفاجأه..مايصير اطلبك كل شوي <<ماصارت مفاجأه ..وانتي قولي له أكيد ماراح استغني عنك ..يعني راتبي ماراح يغير شي في حياتك أبد..لكنه راح يضيف لي بعض الخصوصية ..
طبعا انتي ناقشيه بدلع وغنج وكأنك واثقة من انه راح يوافق..
وبعدها قولي له أدري انك تمزح معي يوم تقول احطه بحسابك...ومن هالكلام
بس ياأختي استخيري في هذي الوظيفه يمكن تكون بداية مشاكلك ويمكن تكون بداية خير ..الله يوفقك واسفة على الاطالة ياقمر...ادعي لي بصلاح اموري وأحوالي ..

 

[كومة مشاعر]

خيتو بريق الحب انا ادري اني غلطت يهالكلمه والله اني لمت نفسي كثير بس زله لسان وقلتها لانه فعلا صار كل شوي يقولي يعني تبين ضمانات اجل انا بعد ابضمن نفسي والله كلامه مره خوفني لانه كل شوي يردده ماتبين وظيفه عشان ماتضمنيني اه بس

 

[كومة مشاعر]

سنين الضياع الله يصلح امورك واحوالك

 

[الى اين؟؟]

والله يا اختي لو وظيفتك براتب 20 الف لا توظفين

وبالنهايه الراتب له

وربي انه الدماااااار وبيقسى عليك

والله لو اني منك مافكرت رفضت بدون تفكير

 

[كومة مشاعر]

مشكوره اختي الى اين يقولون شاور حكيما ولاتعصه ابستخير شكلي وارفضها

 

[أبيكـ وماأبيهم]

استخيري ياقلبي
والله يكتب لكـ اللي فيه الخير​

 

[مييسو]

وش لك بوجع الراس والتعب النفسي دام انه موفر لك كل شيء اقعدي في بيتك

 

[ليمون بالنعناع]

لازم تتوظفين صدقيني بترفهين نفسك وتحسين انك كنتي مو عايشه مهما كان زوجك كريم ... وشرطه لايتنفذ لو تدخلين اهلك واهله ليش استعباد هذا اتعبي طوال الشهر وتاليتها في حسابه !!!! عجبي

 

[ندى3]

ياحبيبتي وشلك بالوضيفه ووجع الراس مادامه كريم ومايقصر خليه يصرف عليك وانتي مرتاحه واذا كنتي تبغين دخل اضافي اشتغلي وانتي فبيتك بيعي اشتري واذا كان عندك موهبه سوي اعمال يدويه بتشغلك وتاخذ من وقتك وماراح تحتاجي الوضيفه وقبل ماتفتحين معه اي موضوع مهم استخيري اول يمكن الوضيفه تفتح عليك باب انتي فغنى عنه بكرى يدور وحده يصرف عليها لان الرجال يستمتعون بالحرمه اللي محتاجه لهم000000 موفقه

 

[كومة مشاعر]

غريبه صدق الرجال يستمتعون باالحرمه اللي يصرفون عليها !!!!!!!!! جزاكم الله خير ع الردود وسعتو صدري بس والله محتاااااااااااااااااااااااااااااااره انا رفضت مبداه وقلتله اذا كذا مابتوظف وهو اصر ولا همه يقول ياتحولينه لي واعطيك اللي تبين ونشري بيت واكتبه باسمك بس حساب مشترك مافي خصوصيه بس مااضمنه
للعلم وابوه كاتب لامه البيت باسمها وهي مو موظفه بس هو راتبه ضعيف ومااتوقع نملك بيت من راتبه لحاله رايكم ارفضها واصك هالباب ؟؟؟؟؟؟؟؟؟؟؟؟؟؟؟؟؟؟

 

[زهقتوني]

جميل الشغل جدا لكن لو هيجي مع خناق طول الايام مع نظرات الزوج اللي تملاها العصبيه بلاه خالص يا اختي
لكن لو تقدري تقنعيه في وقت هادي يبقي احسن
عشان تخرجي الشغل وبالك مرتاح ما تحملي هم نظراته اليكي ولا هم كلامه وتجريحه
والله يوفقك للي فيه الخير​

 

[رازيا]

اذا طيب معك ومتعاون استخيري ووافقي

 

[ايمي الدلوعـــه]

يمكن كانت ردت فعلك على شرطه اقوى من الشرط

يمكن كانت نيته سليمه دامه كريم وطيب معاك

يمكن كان يقصد انكم تكونون شراكه بس موفاهم قصدك

جربتي تقولين له اعطيني رقم حسابك دامنا شراكه؟

ارجعي حاوريه واعتذري له عادي هو زوجك

وحاولي ياتقنعينه يايقنعك بكل هدوء

عسى الله يكتب اللي فيه الخير