زوجي سيذهب الى بريطانيا للدراسه وانا رافضه ماذا افعل ؟

[كرز شتوي]

السلام عليكم خواتي البلقيسيات , الله لايبلي كل زوجه تحب زوجها وتخاف عليه من القهر اوالالم الذي يصيب المراه عندما تعلم ان زوجها سيسافر والمشكله ان زوجي ذاهب الى بريطانيا ستة شهور لدراسة اللغه وياريت لو وراها ترقيه او رفع راتب او علاوة , والمشكله اني خايفه عليه من النساء البريطانيات والمده مو قصيره وانا اقوله لا تروح ادرس في بلادك احسن لاتخليني انا وعيالي الخمسه الصغار وخبرته لو صار فينا شي انت المسؤل فياريت حبيباتي لو وحده منكم كانت مكاني شو بتسوي ارجوكم ساعدوني وشوروا علي

 

[زهوووور الريف]

والله مافي الا الدعاء

صدقيني

ادعي في أوقات الإجابة وخاصة آخر الليل وقبل الافطار وعند الافطار
ادعي الله باسمائه الحسنى وصفاته إن إذا كانت السفرة فيها خيرة له ولكم ان الله يشرح صدرك ويبردها على قلبك ويجعل اموركم تتم على خير
واذا السفرة فيها شر ان ربي يصرفه عنها ويصرفها عنه

قريت اكثر من تجربة لأخوات طبقوها والحمد لله كانت النتيجة مفرحة جدا وأكثرهم رجالهم بطلوا من السفر

وبعض الاخوات تصلي ويكون الدعاء بالسجود و بالتشهد الأخير لانه اكثر استجابة للدعاء

واسال الله ان يكتب لكم مافيه الخير والصالح ويهدي زوجك ويصرفه ويصرف عنكم كل شر يارب . **

 

[مقاطع فرح]

لاحول ولا قوة الا بالله
الحين ماشاء الله عليه ذابحته دراسة اللغه ومالقي غير بريطانيا
صراحه ماله حق وانتي ماشاء الله مانتي لحالك معاك خمسه الله يحفظهم لك وينفع بهم
لو انا مكانك بحاول معاه باسلوب هادئ وبحاول بحاول
لكن ان ركب راسه لا والله ماهو لاقي مني غير الصراخ والصياح وعساه ماراح
اما عاد...
ولاتفكري تروحي معاه ترى الغربه صعبه مره
الله يسخره لك ويسمع كلامك
موفقه

 

[انا رائعه]

مادري بس انا اقول خليه يروح و ياريت تروحين معاه شهر وتخلين عيالك عند امه

استجمام

 

[دلع قلبه]

الله يعينك ويكتب لكم الخير حيث كان

اولا صلي الاستخارة في سالفة هالسفره

ثانيا اذا شايفته معند وملزم يسافر حاولي تجدين حلول سلميه تنفعك وتنفعه
منها مثلا لو تروحين معاه اول الوقت
او اذا تعرفين شخص من اصحابه او اخوانه يأثرون عليه
تطلبين منهم يقترحون عليه ياخذك افضل واحسن ووووو
انتي ممكن تثقفين نفسك في هذا البلد وتتكلمين معاه عن الحياة هناك
وثقافتك عنهم ممكن يتحمس ياخذك تساعدينه..

واهم خطوة الاستخاره.

 

[رندوما]

هلا حبيبيتي انا مثلك زوجي راح لبريطانيا 3سنوات اول الامر انهبلت وذبحني التفكير واكتشفت ان اللي راح يتعب هو انا وكل يوم استودعه الله وكل جوارحة وبعدين اختي الرجال اللي يبي يخون يخون وهو عندك بالبيت ونساء بريطانيا محترمات بس المصيبة بالخليجيات واللة هنا مربط الفرس بس مع هذا كلة الرجال هونفسة مايتغير نفس الخبال والغباء مهما وصل اعلى المراتب وخلي بعده فرصة انك ترتبين اوراقك وحياتك بعد مايرجع واللة مارح يتعب الانت وهو رايح رايح خلية يروح وانت فرحانه علشان يبلش ويفكر لية فرحانة وينشغل فيك احسن مايقول فكة من الحنة والزن ودعية وانت فرحانه والله حاسة بشعورك بس اشغلي نفسك بالصلاة والاستغفار والذكر ... احسن لك من مضيعة الوقت بالتفكير .. اللة يهدي بالك

 

[قمر بعيونه]

الله يفرج همك

 

[ايمومي]

شوفي لو أنا مكانك اروح معااااااااااااه وبدوووووون تفكيررررررررر
منها سياحه ومنها أكون متطمنه عليه

 

[كرز شتوي]

الله يجزاكم الخير يارب ويتقبل صيامكم في هذا الشهر الفضيل ويستجيب دعاكم ويقرب ارزاقكم ويكثرها وفعلا مافي غير صلاة الليل والاستخاره . اللهم انك عفو كريم تحب العفو فاعف عنا يا ارحم الراحمين

 

[حبكـ أنا]

لو انا مكانك وش بسووي اكيد بروح معه

 

[متزوجه ولكن]

عليك بالدعااااااااااااااااااااااااااااء
بكل وقت وبكل سجود حتى ارفعي يدك قدامه وادعي
ان كان في السفره خير وزياده في الدين ان ربي ييسرها
وان كان مافيها خير وكلها ذنوب ومعاصي ان ربي يصرفها عنه

صدقيني هذا افضل حل
وانا مجربته

 

[متزوجه ولكن]

فيييه حل خوفييييه
شوفي الاحداث الاخيره الي صايره ببريطانيا
وخطف وسجن السعوديين هناك
خليه يتعض منهم
اقري قصه حميدان التركي الله يفرج عنه وقصيها عليه وريه صور عياله كيف انسجن وهم صغار والحين ولده رجال
قصته تدمي القلب وقصائده ورسالته لامه
وش ذنبه انه متفوق

 

[سهم العشق]

اقترحي عليه انو يأخذك معاه 000 والله يوفقك 00 ​

 

[AUDI]

روحي معه .....

وعيالك الي مايدرس خذيه والي بالمدرسه خليه عند اهلك

 

[ميوسه]

عزيزتي

روحي معاه واستانسي بالغربه واطفالك اللي يدرس بمدرسه يتسجل هناك بسرعه

واذا مو قادرين روحي على الاقل شهر شهرين انتي والصغار وارجعي واستودعيه ربي

ماراح يصير له شي ان شاء الله

بالتووووووووفيق

 

[fl0o0ry]

اصلا اللي بيخون بيخون حتى لو هو بحضن زوجته
مو شرط يبعد عشان يخون لا اذا هم قريبين وبنفس البيت معنا ويخونوا ويدور الحجج عشان
يبعدو ويكلموا ولايقابلو ...
يعني انتي لاتعبي نفسك ولاشي استخيري بسفرته واستودعيه ودايما كلميه وراسليه وادعيله
عشان لايصير بينكم جفا وهو مسافر ...

 

[ارج ـوان]

ادعي الله والجئي اليه هذا هوالحل

 

[Bounty~]

بسم الله وش فيكم

الرجآل رايح يدرس ما رايح لمنكر ؟!!!
خليه ع كيفه

واذا واجد خآيفة عليه من البريطآنيات ترا الحريم هنآك ف حآلهم
إلا اذا زوجش عيونه زايغة ايوا هنا خاف عليه و مسكيه بيدينش و رجولش بعد خخخخ
رووحي معه

 

[sorry dear]

بس 6 شهور روحي اعتبريه شهر عسل
زوجي قد راح قبل يتزوجني يحلف ان ريحتهم بول يكرم السامع يعني لا تخافين ارقدي وامني

 

[أسماء زكي الدين]

استهدي بالله ... واستوديعه الله فهو ليس طفلا صغيرا لا يدرك مصلحته ... ​