زوجي زعلان....ساعدوني

[الحلا مني]

وين الاخت رازيا؟بغيت رايها

 

[الحلا مني]

مشكورين على ردودكم الحلوه

 

[الحلا مني]

في انتظار البقيه

 

[لؤلؤة الغزلان]

حبيبتي طرشي له مسج الحيين غرامي وحلو
وقبل ما يجي من الشغل تكشخي وضبطي شعرج وحطي لج احلى مكياج ولبسي احلى بدله عندج
واول ما يدخل سلمي عليه سلام حار وبوسيه فوق راسه وقولي له شخبارك وشمسوي عساك طيب
وجهزي له سفرة الغدا على احسن ما يكون
ولا كأن صاير شي
يا حبيبتي لاتحاولين تخلقين مشاكل وتزعزين حياتك الاسريه على اشياء تافه
وعلى فكره تصرفات زوجي نفس زوجك تقريبا
وايد كسووول وانا اذا ابغي موضوع ابي ينفذه لي حالا وهو على سعته
وحتى في سالفة الفلوس قطعها عني لانه يقول لي انتي تصرفين كثير اذا بغيتي حاجه قولي لي
بس السالفه ما تسوى انك تتشاجري مع زوجج عشان الفلوس
انتي حاولي تدخرين مبلغ خاص لك ويفضل انج ماتقولين له ولا تجيبين له طاري
واي وقت احتجتي وما عطاك ما تجلسين تقولين له عطني فلوسي لانه بيحسها مذله وطريقتك صراحه تذل
وبالنسبة لزوجة اخوه
الطريقة اللي عندي اذا شفتي اي موقف بعينج سواه مع بنت سواء زوجة اخوه اوغيرها
سوي نفسك متضايقه وساكته وبيسألج شفيج قولي شوي متضايقه حاولي انج ما تقولين له من البداية
وبعدين نزلي دموع من عينج انج اتصيحين
واذا سألج واصر قولي له انا مو قصدي ازعلك او اضايقك بس لاني وايد اغييير عليك والحركه اللي صارت قدامي ما عجبتني وهو بيحاول يراضيج وبيوعدج انه ما يعيدها مره ثانيه

 

[غااااااايه]

اذا كان زعلان من سالفة زوجة اخوه ................. فهذا يعني انه متضايق .......... كونك ماتثقي فيه،، وباين انه عارف حركاتها ومافي شي في نفسه تجاهها.انتي لازم تبينيله ثقتك فيه ، وفي التزامه ، واخلاقه................ بس اذا شفتي شي مريب ، اتكلمي ، وخليك صريحه معه........... ولاتعديها له. يعني خليك منتبه.............. وعلى طول بيبنيله انك واثقه في نفسك ،وانك احسن منها في كل شي...وامدحي نفسك ،من خلال نقل اقوال الآخرين عنك ، واعجابهم بك من كل النواحي.أما اذا كان زعله بسبب الفلوس ، فأنصحك لاتترددين في طلب الفلوس منه ، حتى لو قاللك ماعندي........... قوليله : ماعليه حبيببي اذا ماعندك الحين ، بكرا ترا أباهم ومحتاجتهم ضروري........... يمكن هو متخذ اسلوب الزعل هذا عشان يخليك تحرمي تطلبيه مره ثانيه................ بس انتي ماعليك منه ، واطلبي منه.............لاتخليه يحس ان اسلوب الزعل هذا فاد فيك

 

[غااااااايه]

لا يا اختي الحلا مني.................... لاتستسلمي في موضوع الفلوس ، دام انه مقتدر ماليا..لاتعوديه على هالشي...............حق شو يجمع الفلوس ، ويبخل عليك فيهم،، انتي حبيبتي لك حق ، وهو مسؤول عنك ..................لاتتنازلي عن حقك ، وخليك قويه ........................... أخاف يجمع هالفلوس عشان يتزوج عليك انتبهي!!!!!!!!!!!!!!!والحرمه اللي ماتطالب بحقوقها .....................الزوج يستضعفها ..................

 

[غااااااايه]

سامحيني يااختي الحلا مني..............................انا ماأقصد أحرضك على زوجك//// بس انا شايفه نماذج كثيره من حولي ،نفس سالفتك.............الحرمه تتنازل عن حقها المادي ، والرجال يتعود خلاص

*اختي مثلا نفسك بالضبط............................ ونحن ننصحها لكن مافي فايده // زوجها مقصر فيها ماديا........... وجالس يلعب بالفلوس لعب حق امتاع نفسه ، وطلعات وسفرات مع ربعه على طول......... والله يستر مايتزوج عليها!!!!!!!!!1

 

[الحلا مني]

الله يحفظكم مشكورات عالردود بس ابي اعرف ليش الاخت رازيا ماردت على موضوعي مع اني طرشت لها رساله خاصه عشان تقرا الموضوع؟؟؟؟؟؟؟؟؟؟؟؟؟

 

[استعدت نفسي]

الله لايجيب المشاكل بالنسبه لمرة اخوه لاتكلمينه عنها مره ثانيه والفلوس لاعاد تعطينه

 

[إبتسم]

يارب نبغى حياة بلا مشاكل

حبيبتي إذا استمريتي تعطيه فلوس فهذا يعني انتقاص رجولته وبيستمر يختلق مواقف ويتصرف تصرفات كتعويض عن هذا النقص اقطعي عنه سالفة
الفلوس , بإمكانك تطلبين منه المبلغ اللي تحتاجينه بس كوني اقتصاديه
لأن الفلوس من الزوج لها طعم معنوي يوحي بالحب والإهتمام وإذا
عندك فلوس ترى عزة النفس زينه خذي منه حاجه بسيطه واعتمدي على الله ثم على نفسك وارتاحي بلا مشاكل مالها لازم!!!

وبالنسبه لزوجة أخوه سدي عليها كل الطرق وماعليك منها يعني اشبعي زوجك واملئي عينه
واحتويه بكل الظروف امنحيه الثقه خاصه إذا كانت موجوده عشان مو كل ماشافها يعرف إنه راح تصير مشكله بينكم والسبب أنتي(معليش تحمليني) وربي يوفقك ويسعدك يالغاليه..

 

[الحلا مني]

تسلمون خواتي ماقصرتو

 

[الحلا مني]

وين الخوات دانة الشام ورازيا بغيت رايهم

 

[الحلا مني]

اختي ابتسم صدقتي والله كل ماشاف زوجة اخوه لازم تصير بينا مشكله حتى زوجي نبهني وقال لي احنا نتهاوش بسببها وهي ولا على بالها هدا الي هي تبيه يعني حتى زوجي حاسس انها تبي تخرب بينا الله يكفينا شرها

 

[دانة الشام]

المهم بعد هذه القصة أن تتعلمي من ماحصل.. مالك الخاص معك فقط ...لن تعدمي وسيلة في أن تحفظي مالك بمكان آمن.. لاتخبري زوجك كم المبلغ الذي معك ليس عن قلة ثقة بل كي يتعود أنه شيئ خاص بك .. المبلغ المتبقي في ذمته حاليا لاتفتحي سيرته معه .. بين وقت وآخر طالبي به وبقوة .. مثلا بمناسبة العيد قولي له أريد المبلغ المتبقي كاملا ..حاولي أن تطلبيه بعد أن يقبض راتبه كي تضمني الحصول عليه اطلبي 400 الباقية كي تحصلي مثلا على 200 !! اشتري لك لانجيري جديد بمناسبة العيد والبسيه أمامه وتدلعي وقولي له مارأيك اشتريته خصيصا لك ؟؟ وهذا باب أغلقيه لايعرف مامعك من مال ولاأين هو.. بنفس الوقت يجب أن يصرف عليكي.. اذا كانت حالته المادية ضعيفة ممكن أن تسدي حاجاتك الشخصية جدا غير ذلك هو المسؤول الأول والأخير.. ولابأس أن تساعديه إن شعرتي أنه فعلا يمر بضائقة مالية وكنتي على يقين أنه فعلا بحاجة لشيئ من الدعم ..بموضوع سلفتك ..أرجوكي تمالكي نفسك بما أن زوجك سبق وحذرك من فتح هذا الموضوع مرة أخرى.. كلما تكلمتي بها وبسلوكها أمام زوجك كلما فتحتي عيونه عليها.. يوما ما ستقع في شر أعمالها وستدفع ثمن تهاونها في حشمتها وحجابها ... المهم كلما فرطت هي في حشمتها زيدي أنتي من حشمتك لأنه لايصح إلا الصحيح في نهاية الأمر.. تكلمي أمام زوجك بشكل عام عن النساء اللواتي يتصرفن مثلها وكيف أن ذلك يقلل من قيمتهن فالمرأة الحرة لاتلجأ لاستعراض نفسها أمام عيون الرجال.. وأهل زوجك هم من يجب أن يضعوا حدا لها إن كان زوجها لم ينتبه إلى الآن لسلوكها!!!!!! المهم الثقة وأن تتخذي قرار بأن لاتذكريها أمام زوجك لابخير ولابشر.. كأنها غير موجودة أصلا.. أي أنها آخر همك. لاداعي لأن تكبري الخلاف .. لاشك أنك تعلمين ماهي الطريقة التي تناسب شخصية زوجك لتصالحيه وتنهي الخلاف.. وطبعا أشعريه أنك تريدين مصالحته لاضعفا منك ولكن حبا له ولأنك لاتحبي أي تعيشي في مشاكل ومنغصات .. ربي يختار الخير.

 

[رازيا]

اسمعي كلام الحكيمة

 

[الحلا مني]

بارك الله فيج اختي دانة الشام وجزاك الله كل خير,اشكرج على اهتمامج ربي يحفظك ياعسل

 

[جرح و دمع]

أكبر خطا انك تعطين زوجك فلوس
انا قبل مثلك واحط فلوسي في شنطتي ويوم رجعت من بيت اهلي مالقيتها قال خذتها يعني صار يمون ويأخذ على كيفه ولا رجعها وبعدها حطيت بوك مايعرف وين مكانه واحط فيه فلوسي واصرف على كيف طبعاً أخذ منه وإذا عطاني ما اخذت من فلوسي وإذا ما عطاني اخذت من فلوسي طبعاً حسب حاجتي للفلوس ومستحيل اصرف لولدي من فلوسي بفلوس ابوه وبس..~

 

[الحلا مني]

الحمدلله تصالحنا وقال لي انه زعل لانه حاس اني ذليته على الفلوس وقال ماباخذ منج مره ثانيه فلوس ,والمصروف ماراح اعطيج مادامج تشتغتلين بس لو تركتي الشغل بعطيج,وقال انه زعل بعد لما قلت المفتاح ضاع وخليته ينتظرني في الصاله 3 ساعات واخر شي حصلت المفتاح يحسب اني كذبت عليه وان المفتاح كان معاي بس ماعطيته عشان اني معصبه وحاولت اقنعه اني والله ماكنت ادري وين المفتاح شكله اقتنع,وما جاب سيرة زوجة اخوه بالمره,ايه نسيت انا وامه كنا نتكلم وجابت سالفة انه زوجي كان قاعد معاها في الصاله وانها كانت بروحها ومحد معاها يعني زوجي قال ان زوجة اخوه موجوده بس عشان ينرفزني مدري اساله ليش قال كذا ولا انسى السالفه؟؟

 

[الخنساء المعاصر]

طبيعي زوجك مايعطيك لانك موظفه والوظيفه اخذتك منه لازم تصرفي على نفسك وتعزميه بين فتره وفتره
يعني راتبك وين تبغي توديه اذا صرف عليك
وبعدين ليه تعطيه يحفظ فلوسك وتضطري تترجيه يعطيك وتحطي نفسك في هاالموقف الحمد لله افتحي لك حساب وذا رحتي للسوق اسحبي حاجتك
انتي في غنى عن المشاكل
وزوجتة اخوه انتبهي تبيني انك مهتمه من وجودها خليك واثقه من نفسك ليس المقياس الجمال الجارجي فقط
كوني جميله بالاخلاق والحكمه والدين

 

[الحلا مني]

سبحان الله وبحمده سبحان الله العظيم