زوجي زعلان....ساعدوني

[الحلا مني]

بسم الله الرحمن الرحيم

السلام عليكم حبوبات بقولكم مشكلتي مع زوجي وياليت تساعدوني بالحل

السالفه صارت امس,اتفقنا انا واختي نطلع السوق فقلت لزوجي ابي 200 ريال يمكن احتاجها(للعلم الفلوس فلوسي عندي شغل خاص فيني وعطيته 600 ريال عشان يخردها حطها في حسابه وتم يصرف منها وماعطاني شي يقول ماعنده وبيرجعها من الراتب بس انا عارفه انه مابيرجعها كالعاده) المهم اول شي قال ماعندي بعطيج 50 بس انا اصريت عال200 وقلتله هاي فلوسي ومن حقي قال خلاص 100 وسحب من الصراف100 وعطاني بس انا مارضيت وعصبت قلت له انا موقاعده اشحت منك الفلوس فلوسي ومن حقي ابيها الحين تم يقول ماعندي ومادري شنو وبعدين عطاني 50 ثانيه وقال مافي غيرها وقال انتي موناقصج شي شبتشترين؟انا عصبت وقلت له يكفي مصروفي قطعته عني بحجة ان ماعندك بس فلوسي مالك حق فيها وهو قاعد يضحك نرفزني والله وصلت بيت هلي وانا معصبه بس مابينت لهم,طلعت مع اختي واتصل يكلمني عادي ولا كن في شي يبي مفتاح الغرفه دورته في الشنطه مالقيته قلت دور يمكن طاح في السياره المهم مالقيناه ورجع البيت بس قعد مع امه في الصاله وانا عارفه ان زوحة اخوه الي تحاول تلفتت الانتباه قاعده معاها سالته هي موجوده قال ايه بطريقه تنرفز يدري اني مااحب انه يقعد وياها وتهاوشنا اكثر من مره لهالسبب قلت سلم عليها قالي يوصل:35:وقال لو مالقيتي المفتاح نامي عند هلج بطنازه:4: قلت اكيد هاي الي بيصير ,المهم وان مروحه مع اختي دورت المفتاح فالسياره ولقيته في شنطة بنتي:5:اتصلت بزوجي وقلت له قال انا عارف انج بتحصلينه كان عندي احساس يقصد اني ماضيعته بس كدبت عليه,المهم روحت انا واختي وهو كل شوي يتصل عشان يبي ينام وماعنده مفتاح الغرفه لانه مظيع نسخته من سنه وماسوى له نسخه روحت البيت ويكلمني بشكل رسمي وما فتح الموضوع وقومته الصبح للدوام ماكلمني وراح بدون مايعطيني بوستي يعني زعلان,والحين ابيكم تقولون لي شسوي معاه مابي نتم متزاعلين وفي نفس الوقت مابي اتنازل عن حقي انا حاسه ان الي زعله سالفة زوجة اخوه لان كل مافتحت السالفه يزعل هو عارف اني اغر ومابيه يقعد معاها لان لها حركات تنرفز,للعلم هو جنوبي غربي.

 

[الحلا مني]

وينكم حبوبات

 

[يالوردي]

اكيد بيزعل على سالفة مرت اخوه عطيه الثقه وخليها عندها رب يحاسبها

 

[الحلا مني]

ياببنات ابي الحل لسالفة فلوسي الي ياخدها ومايرجعها ومصروفي الي قطعه عني بحجة ماعنده مع انه لو حد من هله ساله على طول يعطيهم حتى لو كان ماعنده الا هالمبلغ,حتى يوم كان يعطيني مصروفي كان ياخده مني فنص الشهر وعلى قولته بيرجعه الشهر الجاي ومايرجعه,ساعدوني الله يخليكم,للامانه زوجي طيب وحنون بس هاي عيبه

 

[يالوردي]

على سالفة الفلوس بطلي لاتسلفينه واذا زعل ذكريه انه ياخذ ومايرجع خوذي موقف حازم عشان مايسويها

 

[الحلا مني]

اختي يالوردي الله يوفقج تسلمين على الرد انتي الوحيده الي عبرتيني تسلمين

 

[يالوردي]

اصبري عليهم نايمين الحين اذا صحو انشاء الله بيردون عليك

 

[سلفرادو]

اللي مزعله يا حياتي انك قلتيله ابي فلوسي مش حرمة اخوه..
على سالفه فلوسك لاعاد تعطيه مره ثانية من فلوسك لانك انتي الخسرانه.. هو الحين يستغلك انتي تقولي كالعاده ما يرجعها لا تعطيه وجه خليكي صارمة " فلوسك فلوسك" محد له حق فيها هو المفروض اللي يصرف مب انتي ...وهو زعلان منك عشان انتي قطعتي عنه الفلوس واقولك يا حبيبتي زوجك عنده فلوس بس مستكثرها عليكي لانك مبينه له انه تقدري تدبري عمرك ...
مره ثانيه لا تعطينه فلوسك يصرف وطالبي بمصروفك
وعلى سالفه زوجه اخوه لا عاد تزني عالموضوع ولا تتكلمين عنها عنده عشان ماتحلى في عينه .. اثقلي شوي .. واذا زعل خليه يرضى من عمره لا تركضي تراضيه .. الرجال يحبون الحرمة القويه والضعيفه الطيبه الحنونه اللي تتمنى رضاهم يستغلونها

 

[نضوج أنثى]

انا اشوف عشان ماتصير حزازيات على الفلوس ومشاكل لاتعطينه من الأساس يعني ايكفي ما يصرف عليك وبعد تعطينه انتبهي معروف الجنوبي اتكالي فلا تعودينه اتحججي له بأي حجه لاتعطينه مجال يآخذ منك فلوس او ممكن تقولين له إنت ابسط حقوقي المصروف ماتعطيني معليش انا ابسط حقوقي بعد مااعطيك وياليت لو تقرأين بقسم الزوج والزواج عشان تقنعين زوجك يخصص لك مصروف بالنسبه لزعله بخصوص موضوع سلفتك انتي سألتي عادي ماسويتي مشكله يعني ماانتي غلطانه بشي طنشيه واتكلمي معاه عادي وقومي بواجباتك هو لوحده بيهدأ ويرجع يكلمك ان شاءالله

 

[الحلا مني]

مشكورين عالردود حبايبي الله يوفقكم,بس انا مشكلتي طيبه وايد يعني يقول ابي اسوي واسوي بس ماعندي فلوس من غبائي كنت اعطيه واصر عليه لين تعود اني اعتمد على نفسي بس بحاول من اليوم استخدم اسلوب الشفط ان شاء الله اقدر,وبالنسبه لزوجة اخوه هو عارف حركاتها من زمان ويتجنبها دايما بس امس حسيته قالي انها موجوده عشان ينرفزني يعني يمكن ماتكون موجوده اصلا لاني اعرفه مستحيل يقعد وهي في نفس المكان الا لو زوجها موجود واكثر من مره تهاوشنا بسببها وحدرني من قبل ماافتح الموضوع مره ثانيه,لاني قلت له مابيك تقعد معاها لانها كانت تقول انه اخوان زوجها يقعدون يطالعونها من فوق لتحت وهالكلام,والله اني اغار يعني دايما تقعد في ملحقها بجلابية بيت وشعر ملموم بس لين تدخل البيت تلبس اللبس الكشخه والمكياج والعطر لا وبعد تقعد فالصاله وماتغطي شعرها,يعني والله من حقي اغار حاولت ماابين لزوجي بس ماقدرت والله الحمدلله انا احلى منها بوايد بس ماادري شسوي

 

[الحلا مني]

وين الباقين؟؟؟؟؟؟؟؟

 

[حوراء الشرق]

حبيبتي لا تضايجي بنفسك ، ومن ناحية المصروف والفلوس اللي ياخذها منك اعتبريها صدقة ولا تحاولي تعوديه ع سالفة العطاء دوم ، المفروض هو اللي يعطيك مصروف شهري هو مسؤول عنك ، ومن ناحية سالفة زوجة اخوه لا تناقشيه مرة ثانية لان هو من الاساس مثل ما جلتي ما يطيقها وما يجلس ف الجلسة اللي تكون هي موجودة بدون وجود زوجها ، يعني بإختصار هو ما معطيها وجه بس لما اتصلتي فيه ذيك اليوم يمكن جال كذيه يبي ينرفزك عشان سالفة المصروف لما رحتي السوج.

اهم شي ء عامليه عادي وطنشي لا عاد تناقشيه مرة ، ومن ناحية المصروف لاتعوديه تعطيه عشان يتعود يحس بالمسؤولية ويصرف عليك ويخصص لك مصروف ما يعتمد عليك

والله يسخره لك ويآلف ما بينكم ويصلحه

 

[دموووع الشوووق]

حاولي انك ماتخلين فلوس في البيت افتحيلك حساااب وبس كمان اذا كان زوجك محتاج لاا تقصرين معاااه والاهم لا تقصرين بعمرك

 

[حياة الروووح]

الجنوبي يحير الواحد .. الله يعينك و ان شاء الله الخوات ما يقصروا معك ..

شكلك مررررررررة غلبانة عشان كدة تعطيه مثلي .. وما تقدري تردين له طلب .. بس لما توصل معاك خلاااص تقولي الي ف خاطرك الله يعينك ..

وفعلا هالجنوبي لو احد من اهله طلبه يعطيه و ما يقصر حتى لو عالحديدة ..وانتي يقولك ما عندي .. ربي يعين انتظر ردود البنات معاك .. اختك مثلك .

 

[الحلا مني]

اختي حياة الروح الله يصبرنا بس وننتطر حكيمات بلقيس

 

[مزايا انسانه]

ياحلوه انتي
اولا صباح الخيرات لكل الموجودات الحكيمات الله يخليكم لنا

عيوني
معليش يعني على ميتين بس تحطيها في حسابه مايحتاج ياعممري
ارفعيها عندك في محفظتك مايحتاج البنك
وبطريقة هادي حسستيه ان صغيرونه وماتقدري تخبي مبلغ بسيط يمكن علشان كدا مااعطاك
احتمال المساله ماتكون مسالة بخل

فلوسك لاتعطيه خبيها عندك في دولابك الخاص في شنطتك وفي مكان الافضل ان مايعرفه
وانتهى الموضوع والي راح راح

وبالنسبه لسلفتك ودي اسال يعني السلفه المحترمه تكشف على زوجك ولا كيف..؟؟؟؟؟؟​

 

[انين الغربة]

حبيبتي زي هاذول الرجال ماينعطو وجه لا تعطيه ثاني حتى لا تضطري تطالبي وكأنك بتشحتي منه وفي النهاية ما تطلعي بنتيجة الله يعينك

 

[مجنونه زعلاته]

ياحليلكم ماشالله احس في حب وتغلي الله يحفظكم لبعض ...

انا احس انه زوجك مو زعلان ولمن قلتي انه جنوبي غربي زدتيني شوووق اول شي سالفتك ابدا مافيها شي يزعل ابدا ابدا وكل شي صار من حقك وعادي لاغلطتي ولاغلط عليك طلبتيه فلوس واعطاك ومن ناحيه انه اول شي اعطاك 50 بعدين خلها 100 بعدين زود عليها 50 معناه عنده فلوووووس !! لازم ونصيحه تتخذين قرار من ناحية مصروفك بس بسياسه لانه عنده فلوس ليش ياخذ فلوسك ؟؟؟
انا من الحين قلت لزوجي ان شاءالله اذا توظفت انسى اني اعطيك والا تفكر تاخذ مني لاني حافظته حفظ شخصية زوجي ( مثل زوجك جنوبي غربي )

مايصدقون ابد ابد وعموما كا الرجال مايصدقون والدليل الخيانات الكثيره واللي ماتنتهي ومن لاشي يخون الرجل وتكون المره ماهي مقصره لكن الحمدالله على كل حال باذن الله لنا الجنه .

نرجع لموضوعنا >>> احب اتفلسف هههههه

ومن ناحيه مرت اخوه برضوا من حقك وغيرتك جدا متزنه يعني ماسويتي سالفه والا حتى اسلوبك ماشالله مافيه شي كله احترام وهو ايضا


نصيحه اتعوذي من الشيطان وزي ماهو مسوي ولاكأنه في شي انتي بعد طنشي ....نصيحه


بالتوفيق ياعسل .

 

[الحلا مني]

صباح الورد مزايا انسانه
انا عطيته600 مو 200 بس طلبت منه 200 وهوموبخيل بس حريص يعني متعبني فسالفة الفلوس دايما

وبالنسبه لسلفتي تقعد فالصاله والشيله على كتفها او تدخل والشيله بيدها تسوي نفسها ماتدري ولو شافت حد من اخوان زوجي تحط الشيله بهدووء يعني عادي والي يقهر ان لو زوجها موجود ماتسوي كدا بس لما مايكون موجود انا مره كلمتها زعلت وقالت لعمتي لما يصير بيتها بعدين تتحكم ولو نبهتها ان في حد من اخوان زوجي موجود تمد البوز كاني سابتها وتحط الشيله حط يعني جزء من شعرها يكون طالع ,خوات زوجي قالو انها تغار مني وتقلدني من يوم تزوجت حتى في الجوتي الله يكرمكم وتحاول تبين انها احسن مني لاني الحمدلله محبوبه من اهل زوجي بس هي في بينهم مشاكل,انا الي احسه انها تبي تروي الكل انها احلى مني واكشخ مني حتى زوجي ,الله يهديها بس

 

[saniaend]

اختي العزيزة انتي تقولين (لا يعطيني كالعاده) فإذا تقولين كدا العادة ليش عاد اعطيتيه فلوسك معك دائماً مو تعطيها لزوجك وبعدين تشحتيها ما يصير هدا الكلام من الاول لا تعطيه ولا يهمك قولة انه ما عند فلوس ترا هدا الجنوبي يعرفلك ويعرف يفر راسك لا تعطييييييييييه هو رجال ويعرف كيف يجيب الفلوس انتي مو ملزومة فيه وحتي لو يقولك ما عنده ما تتنازلين عن مصروفك دائماً قولي له حتي لو ما عنده علي اساس انه يعرف انه هو المقصرين لانك حبيبتي لو استسلمتي علي انك تصرفين علي حالك راح تصرفين العمر كله زوجك علي ما تعوديه اختي الرجال مهما كانت انماطهم يحبون من يصرفون عليها وتتعبهم لا من تتنازل عن حقوقها فتصبح في اعينهم كالرجل والند فلا تعطييييييه فلوسك
بالنسبة لموضوع سلفتك طنشيييييها ولا بتحلي بعينه ترا من كثر الكلام عنها وانتي الله يهداك دام عرفتي انه ما عنده مفتاح كان ترجعي بيتك علي طول وتقوليله حبيبي ما هان عل اتركك مو مرتاح يلا حبيبي نروح غرفتنا وتعوضي طلعتك مع اختك مرة ثانيه وبدون ما تجيبين طاري سلفتك ابد انتي ابعدي عنهم الفرص للقاء دام سلفتك ما تغطي وتكشف محاسنها انتي حصني زوجك واستودعيه الله ولا تدعي للشيطان فرصه معهم.
موضوع انه زعلان لازم تتطنشي لانك ما غلطتي عندما طالبتي بفلوسك واذا هو يقصد علي موضوع انك سالتيه اذا سلفتك موجودة او لا فهدا مش سبب للزعل لانه مثل ما تقولي قهرك بالرد انه موجودة بس اذا هو قالك هدا هو السبب قولي له حبيبي أنا اثق فيك جداً ولكني لا احب تصرفاتها هي لازم اختي تعززي ثقته هو بنفسه بانه لا يقبل الحرام وانتي واثقة فيه اذا كان هذا سبب زعله بس رائي اختي انك تردي تعاملينه عادي يعني بوسيه متل عادتكم الصبح ولا كانه صار شئ واستخدمي دلالك الانثوي وكل شي راح يرجع لاصله لانه اساسكم مازال قوي وهو حبكم لبعض ما شاء الله
نصيحه اخيره طلعي واطبعي لزوجك مفتاحين واحد اعطيه له وواحد خبيه بالبيت بمكان هو ما يعرفه حتي لو ضيع مفتاحه دليه علي الثاني بدون ما يحتاج ترجعين>>>كيد النساء ههههههه**