زوجي الخاين

[قلبي يحترق]

اخواتي انا الى الان بيت اهلي زوجي يراسلني يترجاني ارجع ويحلف انه بيتغير بالمعاملة و الله العالم انا خايفة ومترددة وقلبي للحين مجروح قلت له لو بفكر ارجع عندي شروط تكتب الارض الي بنبني عليها البيت باسمي مو طمع بس عشان اضمن ماتقدر فيني مع انه ماهي ضمان وشروط ثانية معاملة ورفض قال اكتب لك ارض ثانية شاريها يستثمرها لانه ارض البيت ورث لي ولبناتي
حيل خايفة كيف بعيش كل ماطلع بجلس اتخيله مع وحدة اومتصل واتس بحترق مليون مرة

 

[قلبي يحترق]

دلوني كيف اتعامل معاه لورجعت عشان مايفكر يخوني مرة ثانيه مابقى ارجع الا عاطيته درس ماينساه وانها تكون اخر فرصة اعطيها اياه ماعندي قدرة اعيش 10 سنوات ثانية هم ومرار وقهر وشك حتى لو بالخاص محتارة بامري

 

[العنوود1]

انا مجربة وضعك رماني زي .... انا وعيالي وتركنا وراح الله لايوفقه الظالم
على حساب بنات الشوووووارع الله ياخذهم تطلقين اصحي لنفسك وارجعي بيتك واكسري الشر وين بتروحين بعيالك مرادهم لابوهم على الأقل يكونون تحت عينك وتربيتهم ماتتغير وأنتي حره طنشيه وعيشي وراح يرجع لك شوفي انا مادري وين مصيري الله يفرج همي وهمكك

 

[العنوود1]

وماشاء الله باين يحبك وشاريك انتبهي على نفسك وبناتك نصيحة

 

[قلبي يحترق]

الله يفرج همك العنود ويرد لك زوجك ردا جميلا يارب وينتقم من بنات ابليس خرابات البيوت

 

[قلبي يحترق]

وينكم اقتراحاتكم خواتي لرجعت له كيف اتصرف ساعدوني بليز

 

[غيووومه]

أختي الكريمه
ممكن الي بقوله لك يكون صعب عليك

ولكن دام هو يترجاك يعني شاريك
بتقولين لي كيف أصدقه وكيف أثق فيه
وكيف وكيف وكيف ......الخ

كل الرجال هالحين كلهم نفس بعض الآ ما رحم ربي

ولا ترجعين الآ برضوة تبرد قلبك
وأطلبي الي تبين


نصيحتي لك
قطي كل شي ورى ظهرك
بتقولين صعب بقول لك مب صعب ناظري الآيه الكريمه
((ان الله لايغير ما بقوم حتى يغيروا ما بأنفسهم ))

قولي لي لمتى بتجلسين كذا وتندبين حظك
هل تتوقعين بيجيك العصا السحري وينتشلك من الوضع الي أنتي فيه
فكري بنفسك
فكري بشخصيتك
فكري بحياتك
فكري بالروح النقيه الي بقلبك

إذا ترجاك
قولي له كلمتين
أن شاء الله خير لاتحاتي كثيييير
كوني غامضه معه
خليه يتكلم ويطلع الي بقلبه
لاتعاتبينه كثيييييييييير
لاتفتحين الماضي كثييييييييير

شغلي نفسك بشي ثاااني لاتركضين وراه
لاتقولين هذا طلع بيكلم احد
هذا مسك الجوال بيغازل



......

الخ

ما أقدر أقول لك غير انتبهي لنفسك
ولاتنسين كل يوم صبح ومساء أستودعيه ونفثي عليه من دون مايحس
ولاتنسين الآستغفار
والصدقه
والدعاء له بالهدايه وربي معاج

 

[قلبي يحترق]

مشكورة اختي والله كلامك يريحني

 

[قلبي يحترق]

خواتي انا رجعت لزوجي الحمد لله
والجرح والخوف والشك مالي قلبي**
ادعو لي احس اني كرهته وكاتمة همي وحزني بقلبي

 

[ريمة 2]

ربي يهدي زوجك ويصلحه و ازواجنا جميعا**
انصحك اختي تطوي الماضي و تبدءي صفحة جديدة و سامي زوجك لوجه الله و انشاء الله يكون تاب و رجع زي الاول و احسن**
لا تنسي الدعاء **ادعي الله يسخرلك زوجك خاصة في الثلث الاخير من الليل**
اقرءي جيدا عن شخصيته و افهميه حتى تستطيعي تكملي معاه**
الحياة بدون زوج اصعب بكثير مما تتصوريها حافظي على زوجك و اهتمي بيه**

 

[ريما لولو]

ربي يفرج همك ويرزقك الخير

 

[شفاء ورحمة]

أختي لا تطلقين وارجعي لكن أقولك على خطة طنشيه ولا تحاكيه أبدا وقومي بكل واجباته وجوالك اعملي له كود سري كوني معه غامظة وصامتة خليه يحتار فيكي وشو اللي مغيرك وقولي له بدك تروح عند البنات يالله مع السلامة ما عدت تهمني وأنا رجعت مشان ولادي بس مؤ مشانك وخليكي قوية

 

[قلبي يحترق]

مشكورة خواتي والله يفرج همي وهم كل امرأة **ويسعدكم يارب**
ويكتب لي السعادة مع زوجي**

 

[ناني77]

فرج الله همك