زوجي اجمل مني

[هدأة الغسق]

والله موضوع طريف ..

والأخت اليي ذكرت إن الرجال أجمل من النساء .. يقال إنه بسبب اللحى .

بصراحة أنا ما أحب أعطي مجال لأحد يقارني بأحد .

وأقولهم لو ماني أجمل من زوجي ما أخدني _ثقة عمياء_.

ومرة سمعت وحدة بتقول لأخت زوجي هده مرأة أخوك حلوة.

قلت لها سمعتك .. ولو ماني حلوة ما أخدوني .

وأعرف وحدة تزوجت الإبن الأكبر ولما جا يخطب أخوه وصفوا وحلوا في العروسة وبعدين الأولى ماشافت سلفتها .

وبعد مدة سمعت من خالات زوجها وأقاربه إن إنت أجمل منها وقالت لي والله أنصدمت.

كنت أظن سلفتي لا تقارن لأنه حتى أمي مدحت في جمالها وروعتها وصفاء بشرتها وووو لحد ماتخيلتها ملكة جمال.

ولما شفتها كأني عميا فعلاً حسيتها ملكة جمال .

لحد ماهي قالت لي والله أنا سمعت عن جمالك بس ماتخيلتك كدا . يعني شكلك وأخلاقك تجميعة رائعة.

وبعدين فعلاً زارتهم صديقة قديمة لحماتهم وشافت السلفة الصغيرة وقعدت تمدح فيها . وتاني يوم جات الكبيرة قام

الحرمة طار عقلها وقعدت تسألها إذا عندها أخوات يشبهوها .

والأخت والله تقولي سلفتي فعلاً روعة بس الشكل لوحده مايكفي .. لأنه هذه الأخت اسلوبها في الكلام يجذب الكل .. ومتحدثة بارعة جداً.

وشي أخير إنت ماذكرت إن سلفتك جميلة كل اليي ذكرتيه هو لبسها ..

بصراحة اللبس والشعر والقصة والأناقة تجمل كثيراً .. لذلك احرصي عليها .

 

[البسمه]

عزيزتي
اهم شي في البنت تهتم بنفها صالونات وتنظيفات
طبعا اللبس والمكياج والطيب يلعب دوووور
والله يوفقج حبيبتي
توكلي على الله والجمال مب كل شي بالدنيا اهم شي الاخلاق والقلب الطيب

 

[nono2]

البنات كفوا ووفوا...اهم شي الثقة وانه يحبك لأنه اذا حبك بيشوفك حلوة بس اهم شي لاتحسسيه بعدم الثقة (وكثري من قولة اللمحة ذبحة اذا مدحها) وبال وكثري من الدعاء خاصة في قيام الليل ..وبعدين ممكن اذا حسيتي انها ظلمتك وانها متعمدة تفتن زوجك ادع ان كانت ظلمتني فاشغلها بنفسها وبعدين اتوقع زوجك حتى لو اعجبه جمالها احس انها طاحت من عينه بقل ادبها وحشمتها ولو مدحها قولي ان الشيطان بزينها بعينه وهذا صحيح الشيطان يزين الحرام عشان ينشر الفاحشة وممكن تحاولي تغيري السكن اذا ممكن بس بعد ماتعززي الثقة بنفسك وتفرضين وجودك وقيمتك عشان مايس بغيرتك (الله يوفقك)

 

[باقة ورد]

انتي عارفة ان من الممكن اصلا يكون احساسك هذا لوحده (الاحباط واهتزاز الثقة ) مهما كنت ملكة جمال العالم تجعل زوجك ينظر لأخرى

لالالالالالالا و ألف لا هناك بنات عجزة وعمي وبهم امراض وأزواجهم يحبونهم جدااا .... لماذااااااااااااااااااااااااا


انتي لا ينقصك شئ على رأي المثل (لبِّس البوصة تبقى عروسة) بمعنى زيّن الغير جميلة تصبح عروووووووس

وانت عرووووووووووووس بدون تزيين

ابرزي مفاتنك وثقي فيها جدا فيعمى بصره عن أي احد ودوما تكلمي عن مفاتنك امامه... حتى ولو كانت سيئة في نظرك

أَلم تشاهدي مسابقات ملكات جمال العالم!!!!! وسيظهر جليا انهم ليسوا احلى البشر اطلااااااااااقا ...... لماذا!!!!!!!!!!!!! بسبب صفاتهم الشخصية الرائعة ونظرتهم لأنفسهم والدبلوماسية في الحديث والتعليم.... والابتسامة الرائعة ......الخ

انظري لنفسك بعين أخرى ................... صدقيني الله ميّز كل انسان على الآخر بشئ مهما كان

يعني يوجد بك صفات غير موجودة في أحد ............. إكتشفي نفسك من جديد :flex:


وفقك الله

و كمان لا تحسسين زوجك ان الاخرى احلى منك.
الثقة بالنفس كفيلة بان تجعلك جميلة و انا اؤمن بشيء واحد هو ان كل امرأة جميلة لكن كيف تبين جمالها و تخفي عيوبها؟
هنا السؤال ؟!

 

[نجلاء]

حبيباتي ... حبيت أشارككم الموضوع لو سمحتو ..
أولا: آنا وحدة فيني جمال والحمد لله ، كنت أحلى وحدة بالكلية .. وبالدوام وبشهادة الجميع ...وأهله بعد .. وهو يعتبر جميل بس الشاهد إني أحلى ومع هذا ما سلمت من تلميحاته من إنه هو جميل .. والبنات كانوا راح يذبحون عمرهم عليه ..الزوج أحيانا يعوض النقص اللي هو بروحه حاس فيه ..( وعمري ما قارنت نفسي معاه ..حرام ما أشوف نفسي عليه )

ثانيا :ثانيا عمر الجمال ما كان مقياس، صح إنه مطلوب لكن هم حلاة النفس والثقة أهم شي ، ولو شايفين ست الحسن والجمال اللي خلته يخاطر ببيته وزواجه .. أبيه ما أقدر أوصف ولا أتكلم إلا بس ماخذته بالعيارة، وإلا ماكو شي مسكينة .. تدور على زوج ... وهذا ماخذ المقلب رسمي :msn-wink: والله لما شفتها ما أدري أضحك وإلا أبكي
وبعدين الجمال مو للرجل وإذا قال هالكلام قول الرجال حلاتة بجاذبيته... مو شرط يكون جميل .. وإذا بنتكلم عن الجمال .. ذكري له أسماء فنانين شقر حمر علشان يسكت قولي .. راغب علامة ... مصطفى قمر .. والله ما عرفهم إلا عشان بس أسكته ومن صدق يسكت ..
والله يعينكم ويعيني ..:bye1:

 

[قطرات ثلج]

اولا :شوفي يا أختي الحمو الموت الحمو الموت .
ليش انت ما تتاكدي قبل ما زوجك يخرجك انه باب سلفتك مسكر من غير ما زوجك يحس .
او انك تغيروا البيت وبكون احسن ومش غلط تعملي علاقة كويسه مع سلفتك وتعطيها اشرطه دينيه للتذكير بالاخرة ...............

ثانيا : الجمال جمال الروح وليس جمال البدن كوني واثقه من حالك ولا تحسسي زوجك بهذا الشىء
طبعا مش غلط تهتمي بحالك وباناقتك .وبكل شىء

 

[ام حبايبها]

عزيزتي ..
اولاً جمال الروح هو إلي يحلي كل ما في الوحدة ..
ثانياً .. طالماً زوجك ما قال شي ويحبك هذا المهم ..

إنتي طوري نفسك .. وانتبهي على نفسك ..

لا تسمني زيادة .. انتبهي لوزنك .. حافظي على نظافتك.. واناقتك ..

واكيد فيكي الكثير من الأشياء الحلوة بس إنتي غير منتبهة لها ..وبالك في الجمال إلي عند الأخريات .. فتقارني جمالهن بملامحك ..

لا.. لا.. أنتي شي فريد الله خلقة فيكي الكثير من الأشياء الحلوة اعرفيها واكتشفيها .. وطوريها .. وخليكي واثقة دايماً بنفسك وبكل شي خلقه الله فيكي ..

والله معاكي .....:icon26:

 

[روضــ ام ــه]

مرااااااااااااااااااااااااحب أختي
لااااااااا تحطين هالموضوع في بالك صدقيني أنا متأكده أنج حلوه
أصلن مافي بنت مب حلوه أكيد الله عطاج جمال في أماكن أنتي بعدج ماأكتشفتيها
أو برزتيها يمكن يكون جمالج في أسلوبج في الكلام وطريقتج ويمكن بالجسم ويمكن في العقل أو بعض الملامح على الوجهالمهم لا تفكرين في هذي الطريقه
وخلي دايمن ريلج يحس أن فيج شي مميز

 

[full moon]

ماترومين تكلمينها زوجة ؤخوه ؟؟؟ عيب عليها تطلع جيه من البيت !!! شوه الدنيا فوظه انا عايشهه فيه ريالين هم اخوان زوجي بس ماكد شافو شعري إلا بلغلط يوم يكون عنا حريم ارخي الشيله ولا في الأيام العاديه م.س.ت.ح.ي.ل!!!!!! بس في غرفتيه او بيت هليه!!!!

 

[اناا]

اولا اختي الله يحمي زوجك ويزيدك جكمال يارب
لازم تحطي ببالك ان الجمال جمال الروح والقلب م جما ل الوجه بعدين ديري بالك كتير انه زوجك ينتبه انك تشوفين زوجة اخوه اجمل منك لان ممكن انت ي تلفتي انتباه بزيادة للبنت
بعدين انتي الا يكون فيك شي مميز مش موجود عند غيرك حاولي اكتشفي هذا الشي وزيدي اظهاره بزيادة اكثر
وان شاء الله ربي يجعلك شمعه مضوية وسكره فضية في عين زوجك يا رب وايانا

 

[زهرة البوادي2006]

اختي الثقه بالنفس اهم شي واذا هم يشوفوا جمال الشكل ما يهمك اهم شئ زوجك مقتنع فيش ولا تفكري فيهم لانك راح تتعبي نفسك هذه خلقة الله وكأنك تعترضي علي الخلقة مثل اسنانك روحي طبيب الاسنان وسوي تنظيم وزيادة الوزن عليك تنقصي وزنك وحاولي اهتمي بنفسك من ناحية الشعر والملابس وغيرها

 

[شفافة الروح]

اعرف واحد متزوج ثنتين الاولى ملكة جمال عيونها رماديه وشقرا وبيضا من اصل تركي وفوق هذا تعبده عباده

والثانيه لونها بني غامق وشعرها خشن جدا جدا وجسمها مو حلو وملامحها خشنه لكن شخصيتها قويه يمكن لانها مشرفه تربويه والزوج بيجن عليها جنون مع انه احلى منها بكثيررر سبحان الله كلنا مستغربين لدرجة الناس يقولون اكيد عامله له عمل

فمو شرط الجمال عشان تدخلين قلبه

المهم تكونين واثقه من نفسك لانه مبين من كلامك ان ثقتك في نفسسسسسسك مهزززززوزه مره وهالشي بيلفت نظره لنقصك وبيستغل احساسك بالنقص يوم من الايام انتبهي لاتخلينه يلاحظ

زيما قالولك الاخوات الاسنان وتتصلح وزيادة الوزن وسهله بس انتي قوي نفسك ولاتسمحين لاحد بالدنيا يذلك

الزوجه الثانيه اللي احكيك عنها جدا انيقه وذوقها فخم في بيتها ولبسها وبكل شي ماشاءلله وشخصيه راقيه مالها في القيل والقال وثرثرة الحريم فاانتي قوي شخصيتك لان الجمال مو كل شي صدقيني

اما زوجة اخوه فالله يعينك منتهى قلة الادب لكن لوشفتيها كذا ابتسمي لها بااحتقار وكانك تضحكين عليها عشان تستحي من حركاتها

 

[الجوووري4]

ولا يهمج حبوبه من الحركات النص كم مالت زوجه اخوه لانها حقيره ومومكفيها اللي عندها لكن زوجك مكتفي بك ولله الحمد و يبيك والا ما جاب منك عيال صلحي العيوب الصغيره و اهتمي باناقتك اكثر وشوووووفي الفرق

 

[سلة فواكه]

وييييييييييييييييييييييييييييي
اختي حمدي ربج عالصحه والعافيه قولي الحمدلله رب العالمين
تصدقين اليوم رايحه انه محل اشتري شغله والبنت الي تبيع روووعه ايه بالجمال تقول للقمر قوم واقعد مكانك وانه ما شلت عيني من عليها والله ما قدر اكمل قلبي يعورني .......
المهم لما مشت اشوف شوي المشيه مو طبيعيه واطالع تحت اااااااااه يا قلبي ريولها الثنتين محترقين وكل وحده صاير حجمها النص ولما شفت يدها طلعت محروقه شوي ولا يفوتج حاطه الدبله فيها ومخطوبه اااااااااه ياقلبي الحمدلله والشكر اهم شي الصحه والعافيه والستر والشكل مو مهم
والله يابنات ما تتصورون شكثر تكدرت يوم شفتها شو فايده جمالها وشكلها هاااااااااااااااه؟؟
قولي الحمدلله على نعمه الصحه والله الله لا يقوله لو تلهين بمرض تقولين لو انه زنجيه بس المهم صحتي
تعرفين مره كنت بالمستشفى مرييييييييضه حيل فيني حساسيه ناشبتني بكبر جسمي مادري من شنو ولا اقدر امشي ولا اتحرك وكانت هناك موظفه تشتغل بالمستشفى متيييييييييييييييييييييييييينه وشكلها عادي والله تمنيت بقلبي اكون مثلها ولا فيني الي فيني
الحمدلله والشكر
اما عن مساماتج روحي لطبيبه جلديه واذا ما تقدرين مسحي ويهج كل يوم بثلج مرتين وشوفي شلووون راح تتسكر
واما عن ضروسج الله يخلي التقويم
والانف مالج اعتراض والمكياج الحين يخفي العيوب
اختي اقولج شي انه فيني طبع مثلا اذا زوجي يتكلم عن اي وحهد سيده اسئله جميله
مره والله قطها بويهي قالي الجمال شنو فايدته بلا اخلاق واذا كنتي طويله لسان الجمال ماله فايده
صدقيني اللسان الحلو والطيبه والسياسه والحكمه والدبلوماسيه مع الزوج تخليج ملكه جمال بعيييييييييينه ولا يهتم بغيرج وحتى لو شاف احلى انتي اختياره والله وخلقه ربه ماخلق منج ظفر........
واذا عى سالفه مرت اخو ريلج اذا ما سكتت عن حركاتها طلبي من زوجج يقول لاخوه هذا شي والشي الثاني انتي مو طول عمرج بتبقين هني في هالمكان خيرتكم بتروحون بيت ثاني وبتفتكين
وترا الجمال يروح ويزول مع مر العمر وما تبقى الا الكلمه الحلوه والعشره الطيبه

 

[وجدان ام سارة]

خواتى بالاول بقولكم قصة صارت فى عيلتنا ماهى نسج خيال ومن كلامى بتعرفون ردى ورايى فى الموضوع..
هذا ياطويلات العمر ناس من جماعتنا عندهم ماشاءالله عيال كثير المهم ثلاثة منهم تزوجو فى خلال 4 شهور من عوائل متفرقة بصراحة ثنتين منهم اياااااات فى الجمال بياض وصفاء كنهم بوسنيات ووحدة على قد حالها يعنى ماهى شينة ولله بس تقدرون تقولون اقل من الوسط المهم ...
شوفو وشلون عايشين ويتعاملون مع همولتهم الثنتين بصراحة شايفين نفسهم شوى يمكن طبع فيهم مادرى بس طبع شين الوحدة تحظر كنها ضيفة ويالله تطلع منها الكلمة اما الثالثة ماشاء الله عليها خفة نفس ولاطافة ودربة وخفيفة دم والثنتين مايشوفونها شى وهى مطنشة المهم ........ طولت عليكم عارفة ههههههههه
بعد سنتين واحد من عيالهم وولد بنتهم يبون يتزوجون عارفين من خطبو ؟؟؟؟ راحو خطبو اخت الثالثة وبنت اخوها شفتوووووو
ولله انة سمع اذنى الحمولة تقول ماشفنا شى من الزينات الا شينة نفس ولله ي فلانة الى هى الثالثة انها تسواهن كلكن ولله ثم ولله ان الناس تهافت على خوات وجماعة الثالثة كل من بغى يخطب قالو روحو للفلان عز الله ان عندهم بنات

القهررررررر ان وحدة من الثنتين الجميلات تقول ناس ماعندهم نظرررررر
اظن انتو فهمتو وش اقصد يعنى ترا الزين مهوب كل شى اهم شى الثقة فى النفس
برجع لموضوع الحمولة خخخخخخخخخخ
تدرون يوم يصير عندهم عرس ولا مناسبة الثنتين كانهم قمر 15 من الجمال والثالثة انيقة والبسمة ماتفارق وجهها ماقالت بقعد فى مكانى انا وين اروح عند هالثنتين الا ماشاء الله تاقف عند البوابة وتستقبل الناس ومطنششششششششششة
حتى زوجها يموت عليها مووووووووت ليش لان اخلاقها وخفة دمها اجبرتة يحبها ويحترمها وبسسسسس

تبون بندول ....... :tears:

 

[مملوحه]

والله كلامكم يا بنات عين العقل


كفيتوا ووفيتوااااا

 

[عزيزة نفس]

سلام يابنت الاجواد وان شاء الله تكونين اسم على مسمى اقول تعوذي من ابليس وشيلي هالافكار من راسك واشبعي زوجك جسديا ونفسيا وهو ما يطالع غيرك صدقيني الرجل لما يكون شبعان من زوجته ما يهمه الشكل ولا كان ما تزوجوا هالرجال مرة ثانية وثالثة ورابعة اهتمي بنفسك لنفسك واحمدي الله على حسن الخلق بضم الخاء واللام وفقك الله

 

[زمان الصمت]

بنت الاجواد

الحين زوجك ما قال شي وعاجبه الوضع انتي ليييش تخربين على نفسك
تلقينه يموت فيك ولا تلومينه يوم ينظر لمره اخوه لكن لوميها هي اللي ما تفرق معاها ؟؟؟

انا اول ما تزوجت زوحي مره اخوه ماكانت تتغطى وكاشفه وهات ياحركات ودلع وضحك بصوت عالي مع اخون زوجها ؟؟؟انا جتني حاله نفسيه من الوضع لكن مع الوقت تغطت !!!!! الظاهر غارت ؟؟؟
المهم اللي ابي اوضحه لك ان دوام الحال من المحال ويمكن زوجه اخوه ربي يهديها وانتي لا تفتحين عيون زوجك على غيرتك منها او انك اقل منه جمال....ثقي بنفسك وفي الله

الله يهدي سرك اللهم آمين

 

[ام شهد]

حبيبتي ازرعي الثقة في نفسج...ما يهمج كلام حد

ولا تقارني نفسج بحد لانج بتتعبين

وبالنسبة لاسنانج حطي تقويم اللي من داخل وما بين

وبالنسبة للبشرة تعالجي عند دكتورة جلدية

وتعلمي دايما المكياج اللي يناسب ويهج

ودايما تالقي بالملابس لج ولزوجج عشان ما تعطينه فرصة للمقارنة

ولا تبين له انج تحسين انه احلى منج

انا اعرف بنات والله مب حلووين وشايفين نفسهم ملكات جمال

ازرعي الثقة في نفسج وطمنينا عليج:icon26:

 

[قول & فعل]

حبيبتي النفسية أهم شي.. واسألي مجرب ..

انا ايام الثانوية كنت وايد معتده بنفسي والبنات واشوف نفسي احلى وحدة .. مع اني كنت ألبس نظارة ومريولي ما يبرز شي من جسمي .. بس والله البنات ما خلو حلوة ما شبهوني فيها واخر وحد شبهوني فيها هي اجلينا جولي (احين هي حرمت براد بيت)
بس تعالي شوفي شكلي يوم نفسيتي زفت .. تقولين خدامة طالعة من المطبخ ^.^" يعني زيدي ثقتج بنفسج وابرزي مفاتنج..يعني لو كان صدرج حلو ولا خصرج .. ابرزيه وريلج بينعمي عن العيوب ..ومافي انسان كامل ..
وشي ثاني الي قهرني صدق .. كيف حميتج تظهر جدام ريلج بهالمظهر والتبرج .. وين ريلها عنها ..استغفر الله .. اختي لا تسكتين عن الي يصير ...والرسول عليه الصلاة والسلام قال(الحمو الموت) سواء هي كانت حلوة وجيكرة .. ما يجوز تتكشف يدام ريلج وتبرج بعد .. لازم تخبرين ريلج ولا تدورين حل يناسبج ..
والله يزيدج ثقة وايمان