زوجت زوجي وحرق قلبي ( 2 )

[رونق الألماس]

الله يفرج همكـــ يارب عاجلاً غير آجــــــــــــــــل

 

[LaRosy.net]

هلا أختي عسل والله انك عسل ويبخته زوجك فيك انت حبوبة وشكلك تحبيه كثير حتى انك ضحيتي بنفسك وطعنتي قلبك من شانه بس هو ماقدر رمى قلبك وصار يعبث فيه ويركله وانت تتألمين وهو مايحس
أختي الحب شئ جميل بس الأفراط فيه مهلك يعني لماتحبي أحد ماتحبيه أكثر من نفسك وتقهري نفسك علشانه لازم يكون عندنا أولويات
حب الله اولا
ثم نبينا محمد
ثم انفسنا ثم أهلينا
زوجك شكله يحب الفلوس ومايخاف الله الله يعينك الشمالي الي يخاف الله قاسي شوي شلون الي ماله بريك يعني ماعنده فرامل
اولا أختي صدقيني أنت في بداية المشوار يعني أول سنة لازم تتوقعي أي شي
بس بعدين راح تكثر المشاكل بينهم والخلفات
أعرف وحدة تشابه قصتك بس هي ماخطبت له هو تزوج وكل يوم جاي لها بشغلة تغث
بروح اخيط فستانها بروح اوديها الكوفيرة الى درجة انه نسي الأولى مرة بالمستشفى مو نسي تركها وهي تدق عليه ولا رد عليها واضطرت تجي بتكسي لما جاء الليل
ولما سألته قال وهو يضحك شوي أسوي قفلت علي الباب
الشمالي يحب يثير الغيرة وانه مطلوب حتى لو داس على مشاعر الي قدامه عاد هي تقول صرت احاول اكون مثل الجدار وابين انه انا مو مهتمة ولا أظهر غيرتي عليه حاولت أقوي نفسي بدعاء وتركته على راحته بل بالعكس كانت خطتي يروح عندها كثير علشان يملها وفعلا بدا يطول عندها ومانشوفه الا قليل وماكنت أعاتبه او اذا جاء اهاوش عليه كنت أردد حسبي الله ونعم الوكيل واستغفر مع الأشهر بدا يمل منها ويجيني يشكي منها ويقعد عندي علشان يعاقبها وصرت اقوله لا يابو فلان لاتتحكم فيك مشاعرك لازم تعدل بيننا يقول ما لي خلقها - احس الشمالي ماله حبيب الا الي يمشي برايه ويهاديه ومع الايام صارت عادية
بس أهم شي أنت تكوني قوية وتدوري ترفهي عن نفسك حاولي تطلعي أنت واولادك للأماكن النسائية واذا فيه امكانية تروحي لدار للقران تشغلي وقتك الله يعطيك على قدر نيتك

انا مع رايها
والله يسخره لك

 

[ms:vip]

حبيبتي حبيت ابشرك
ان زوجك مايقدر يستغني عنك
لانه يعتبرك صديقه له وهو لما يتكلم عن زوجته التانيه
يستغرب لما تزعلين لانه يعتبر انو يفضفضلك
بس لازم تحطي حد حلو انو يفضفض بس مو بكل شي
وحبيبتي تذكري انك تملكين شي مو عند الثانيه
وهي عشره 22سنه يعني متهود عليك بس يكابر

ومساله انك تزعلين وماتبينيله هدي خطا بحقك
حبيبتي ازعلي وسوي زي مايسوي فيك اذا زعل
سريع الزعل بطيئ الرضا
تذكر هذا المثل
ماطار طير ورتفع الا كما طار وقع

 

[زحمه احاسيس]

صباح الخيرات ياعسسل
الله يكون بعونك والله حالتك من جد يرثى لها
الله يفرجها عليك
عليكي بالصدقه بنية اصلاح حالكم
زحووومه

 

[صاحبةعيالي]

الله يجملك بعينه يارب ويسخره لك ولعيالك
عليك بالصدقه مثل ماقالت الاخت زحمة احاسيس تدفع البلاء وتفرج الهم باذن الله

 

[احب الامارات]

الله يكون في عونك

 

[الزوجة الأولى]

الله المستعان

 

[خاله سوسو]

أحمدي الله عيااالك أكبر عززوة لك عيشي حياتك معهم , ولازم ترتاحين منه أعطيتيه كل شيء 22 سنه ,
اللحين خذي راحتك بحيااتك وطنشيه وانسيه افضل لك ..

واتمنى ما تتركين هذا الدعاء ( اللهم أجعل الآخرة همي ) .. ومن كانت الآخرة همه حيزت له الدنيا بحذافيرها واتته وهي رااغمه .. والدنيا هي حياتك مع زوجك ..


اسأل الله ان يبرد على قلبك وان يبدلك حزنك فرحا .. فرج الله همك واعطاك مبتغاك ..

 

[وريقة توت]

كتبت رد بلموضوع الاول مانتبهت للجزء الثاني



تذكري ان الله اذا احبةعبدا ابتلاه وانتي قي امتحان من رب العباد فاجعلي لسانك رطبا بذكر الله ودعائه والتوسل اليه


ثانيا دائما ذكري نفسك باغلب الزيجات اللي تكون في اولها عسل وبعدها يقلب بصل بسبب ان الرجال يكونون مفتونين في البدايه بالزوجه او العروسه وهذا اللي صاير مع زوجك الان


هو مفتون فيها وانتي ساعدتيه لما وافقتي انه يبات عندها طول الاسبوع وطول الليالي


خاصة انك بهالشي تعديتي على حق اولادك وحرمتيهم من وجود ابوهم طول ايام المدرسه

انتي ابعدتيه عنك وعنهم وزين منها الزوجه. الثانيه انها اقترحت وجوده عندك في النهار


انا برايي الان ارجعي للوضع القديم والطبيعي وخليه يوم عندك ويوم عندها وخليه يتحمل شقا المشاوير عشان يسعى بنفسه للنقل



وحاولي تتبعي معاه سياسة الصمت دوري حولينه وخليه يشعر باهتمامك ورعايتك مع التجاهل بدون ماتوجهين له اي شكاوي

يعني لاتجرين وراه كل ماشفتيه خارج ولا تحاولين تدورين قربه وهو جالس


ابعدي عنه وتجاهليه وبنفس الوقت وفري له كل مطالبه حتى مايمسك عليك زله وبنفس الوقت اظهري بكامل اناقتك وحاولي تغيري من مظهرك وتجددي فيه


وصدقيني هالسياسه تنفع مع كثير رجال


استعيني بالله وربك كبير **

 

[ملكةالاحاسيس]

يجووووز لك تاخذي فلوس من وراه

والله يصبرك عالرجل المقرف هذا

 

[شراع الاماني]

الله يكون بعونك اختي

 

[am lamo]

الله يصخره لك عليك بسهام الليل فانها لاتخطئ وفقك الله الدعاء ثم الدعاء

 

[اسيرة فكري]

لله يسخر زوجك لك ويلهيك عنه بالي يسعد قلبك اختى الدنيا مو زوج وبس فيها عبادات وفيها عيال وسفر وسياحه ووساعة صدر

 

[ماني من ناس]

انا 21 سنه ومليت من زوجي
بالله عليك ممليتي منه
طنشيه ولا عندك فيه
واذا قصر عليك تسلفي منها ذليه ذل
ولا جاء لا تخلينه يشوفك بلبيت الا مشغووله عنه رضاك مضموون بنسبه له ..ليه يتعب معك
خليه يعرف قيمتك
وبما انك جبتي سكين لرقبتك .... موودي اذي احد الله المستعان الله يفرج همك​

 

[جسدبلاروح]

أسمعي حبيبتي كانك تتكلمين عني انا مريت بنفس ما مريتي وكنت اتعب واتعب وابكي واعاتب واسوي صجه ولجه وراحت النفسيه زفت ونزل وزني
وخصوصا السنه الاولى لانه توه طااااير طايرررر والله بعد سنه حسيت راحت شوي من النزوه وبدا يصحى وانا تعودت شوي لكن اقولك وش سويت
الصبر الصبر والدعاء والصدقه وقيااام الليل والاستفغااار
وطنشي والله عارفه بتقولين صعب وانا حاسه وجربه ولكن كرامتنا فوق كل شي بس اهانات علشانا مخلوق
توكلي على الله وخلي ذكر الله في لسانك والاستغفار
وسعي صدرك
مع عيالك واحمدي الله عيالك كبااار
وش تقولين علي تزوج وانا ماعندي الابنتين ما درسوا والعروس اكبر مني 10 سنوات ومطلقه مرتين ولدها كبييييروطاااااير معها
احمدي ربك على كل حاااال وارضي بالقضاء
اللهم فرج همها ويسر امرها ورد لها زوجها واجعلها احب واجمل النساء في عينه

 

[ғ α η т ά s ч ♥]

أنآ عن نفسي أقول لك اسسستغفري كثير

و رآي مآممتي

أولآ غيري من أسلوبك بمكن أسلوبك و عصبيتك تنفر بينكم ؛ دربي نفسك على إنك تمسكي أعصآبك

و لآ تجيبي سيرتهآ قدآمه لآ بخير و لآ بشرر

و أي كلآم تسمعيه من برآ عنهم و عن خرجآتهم دخليه من إذن و خرجيه من الثآنية

ثآنيآ عليك بملآزمة الإستغفآر بـ استمرآآآآآآر بنية إنه يرجع لك أحسسسن من أول و لآ تملي ؛ و الله إنه أثره عظيييم

و عليك بـ قيآم الليل من السآعة 3 ادعي الله و إنتي سآجدة إنه يرده لك عآجلآ غير آجل

و لآ تقفدي ثقتك بالله و إيمآنك و حسن ظنك بالله

لأن الله يقول أنآ عند حسسن ظن عبدي بي

فرررج الله همك حبيبي

طمنينآ عليك يَ الغـــلآ أول بـ أووول

دمتي بخير

::

​

 

[بـي بـي]

انا مع قطريه ومدام فلمبان .
االلله يسسهل لك امورك ويسسرها يااااااارب ياكريم

 

[الحالمةبالسعادة]

الله يكون في عونك
اهم شي حبيبتي طنشيه

 

[م زياد]

الله يرده لك ردا جميلا ويسخره لك عاجلا غير اجل​

 

[حلمي صعب]

الحين هو عريس جديد وطاير بالجديده ومايشوف الا هي يعني لاتتعبين نفسك ماراح يشوفك عيونه مغمضه عنك بالفتره الحاليه لكن اصبري يمكن سنه سنتين ويصير الوضع عادي احسن حل الصبر ثم الصبر ثم الصبر والله يكون بعونك