زوجة أخي الدلوعه..... شكرًا لك( قصه )

[زهرة ايار]

قصة جديييدة يا سلام

متابعين ان شاء الله

ضباب شلونك يا الغلا وينك و وين قصصك ننتظر جديدك يا جميل

 

[زوجي قرة عيني]

قصة اكثر من رائعة

 

[انسه طفشانه]

قصه اااااااااااااااااااائعه
بجد شخصيه نسرين تجنن
كمليهاا

 

[jno0o0n]

ايش هالصدفه العجييييييبه؟؟؟ انتي تعرفيني احسك تتكلمين عني هههههههههه نفس طبع نسرين ولي 4 سنوات متزوجه وعندي ولد اسمه فهد ......شفتي شلوون ياااااااااااااارب استمر على هالوضع ولا اصير زززي امل ...

 

[حكاية قمر]

متابعينك يا بريق....
قصصك راااااااااااائعة و اسلوبك مشوق
ننتظر تفاصيل التغيير :37:

 

[بريق الأمل22]

زوجة أخي الدلوعه.... شكراً لك ( قصه)

دخلت امل بيت أمها وبعد السلام والأحضان**
تعشوا ونومت أولادها...
وحست انها مخنوقه ودها تسولف **جلست تسولف هي وأمها**
الام : عساك استانستي عند نسرين**
امل ؛ اي والله يمه الله يستر عليها ماقصرت**
الام: اي والله يابنيتي عساني ما احسدها لسانها حلو وكريمه ونفسها زينه وراعية صلاه وأخوك مايسمع فيها..
امل: في نفسها ااااه لو شفتي الشي الثاني وش تقولين دلع وغنج واناقه...
وسكتوا يتابعون برنامج**
أمل : يمه بسألك وتجاوبيني بصراحه من افضل أنا ولا نسرين**
ضحكت الام وبكل صراحه : انتي جمال ظاهر ونسرين جمال باطن **أظن فيصل مامصبره عليك الا حلاة وجهك والا باقي علومك شينه لسانك يلوط اذانك الله يهداك وانا امك تخرعين قبيله....
امل بحزن ... ودي اتغير يمه واصير مثل هالحريم السنعات بس ما اقدر...
الام بعصبيه:وليه ماتقدرين يعني هم حريم وانتي لا**
الحرمه الصاحيه تأكل رجالها بالطيب والدلع والاستقبال الزين ...خليك على حالك لين تشوفين الحرمه الثانيه الظاهر انتي مايصحيك الا حرة الطبينه**
امل: يمه فاولي خير وش هذا**
الام : والله يابنتي أبغى لك الزين وأخاف يتزوج فيصل وأموت أنا وياك من القهر..
امل : افففف يمه لهالدرجه أنا خايصه يمه والله بيتي وعيالي وانا دايم نظيفين والأكل من احسن شي وش يبغى اكثر...
الام: هذاك اول وانا امك الحين رجالكم مايبون كذا**
امل استحت من أمها وفهمت قصدها
الام: والله يابنيتي اللي يشوفك يقول ام ثلاثين **
جسمك مليان ووجهك باهت ولا انتي مثل حريم هاليومين اشغلتي نفسك بالبيت والأكل والنظافه ترى هذا مايهم الرجال كثير الله يصلحك وانا امك.. بروح انام**

كانت كلمات أمها موجعه وقاسيه وحسستها بانها ولا شي ...
وجلست تفكر وتفكر في كل الأخطاء وتذكرت كلام فيصل في آخر مكالمه
لوتشوفين المزايين كيف يطاردوني**
ردت عليه من زينك يمكن مفجوعين منك هههههههه
رد عليها طيب بجيب معي وحده واخليك تسألينها وش رأيها فيني....

اااااااه ياويلي أنا غبيه أنا اغبى حرمه في الدنيا وبكيت بقهر ياويلك يافيصل لو تتزوج والله لأموت وبكيت بحراره ونامت...
صحيت من النوم وكانت طول اليوم سرحانه الأفكار تأخذها يمين ويسار
وجلست تقرأ في المنتديات ولأول مره تدخل على مواضيع تهتم بالزوج والتغييير بعد ماكانت تقرأ في الطبخ والسوالف التافهه....
وجلست تتذكر نسرين كانت تهتم بلبسها كثييير وتدلع نفسها حتى كاسة الحليب ملونه بقلوب وشكلها غير**
سجادتها مميزه ومعطره ومعاها سبحه ماتفارق يدها وكمان لونها حلو**
مهتمه بثقافتها تقرأ في الكتب وتجلس على النت وتشارك في المنتديات ... والاهم متعلقه بالله في الصلاه وتقرأ ورد يومي وتحاول تحفظ شي من القرآن....
وبدأت أمل تخطط للتغيير&&&

باقي على وصول فيصل شهرين بأبدأ في الريجيم وامشي ساعه في الحوش كل يوم**
وبحاول اكون جريئه في الفراش وبعود نفسي أتكلم بصوت واطي وبدلع بشتري ملابس جديده واقص شعري**
افففف ياربي يمديني اسوي كل هذا ...

**كيد يمديني أنا حلوه وماناقصني شي**
وبدأت في الريجيم وكانت حازمه مع نفسها**
وكانت تفرح لما تشوف وزنها ينزل**
والاحلى ان أمها كانت تشجعها وبدأت تستخدم خلطات للوجه والبشره**
وبعد شهر وثلاث اسابيع وصلت لوزن حلو وان كانت تتمنى تنزل اكثر**
بانت ملامحها اكثر وبدأت تحب شكلها ونفسها
طلبت من نسرين تروح معها السوق وطبعاً نسرين كانت مبدعه في ملابس البيت**
اشترت بناطيل جنز باشكال حلوه وبرموده
وتي شيرتات بألوان مغريه وفساتين قصيره**
واكسسوارات خفيفه للبيت تخلصت من ذوقها القديم في قمصان النوم **واشترت قمصان جريئه جداً كانت خايفه ماتلبسها بس النار اللي في قلبها خلتها تشتري....**
كانت تقضي وهي مبسوطه مررره لنفسها فعلاً بدأت تحب نفسها**
شعرها طويل مره وماحبت تقصره بس قصته مدرج بطوله وصبغته اشقر رمادي وطلع شكلها خراااافي

أول ماشافتها أمها اتفاجأت من شكلها وماحست الا وهي تقول كلللللللللوش**
ضحكت امل وقالت لامها والله حسيت أني عروس يمه**
الام : ايوه كذا وين هالزين من زمان
باقي يومين على وصول فيصل**
امل تلبس الملابس وترقص في الغرفه لوحدها**
وتحاول تقلد حركات نسرين**
لبست برمودا جنز وبدي فوشي وتمشي وتحرك مؤخرتها بدلع وتنزل ترفع المنديل من الأرض وتميل نفسها بقوه وتقوم بدلع وتضحك على نفسها**
توقف قدام المرايه وتقول كلمة ماابغى وتطلع شفايفها على برا وتضحك**
تغمز بعينها للمرايه وتصيح ياحلو انت**
تكلم نفسها في المرايه وتلعب بخصلات شعرها : اخخخ والله أهبل**
وكانت كل يوم تسوي حركات قدام المرايه وتضحك بفرحه لتغيرها وتتذكر حركاتها زمان**

اليوم بيوصل فيصل الساعه ثمانيه.....

**
راحت هي والخدامه من الصبح رتبوا البيت ونفضوه غيرت المفرش بلون احمر ووزعت شموع بأشكال حلوه ونثرت ورد طبيعي على السرير حست فعلاً انها عروس اشترت فواحه وحطتها عند مدخل غرفة النوم..**
وطلبت عشا من برا**
وراحت تجهز نفسها.....

انتظروني في الجزء الأحلى ولا تقولون بسرعه هذا الجزء بالذات يبغاله روقااااااااان**


في حفظ الرحمن أحبتي &&&&

 

[كريمة اقبال]

وين البقية الله يخليك نريد ان نرى الدهشة على وجه فيصل.

 

[مجنونة ميدو]

نستناااك مدري اشلون بنام اليووم​

 

[مشاعل الغلا]

حلوة قصتك ياقمر ... كملي ولاتطولين علينا ... من جد أبدعتي ...

الله يحفظك ويكثر من أمثالك ...

 

[omsaraaa.ahmed]

انا هعمل زى امل بالظبط ااااااااااه ياامل شجعتينى

 

[المحبوبه]

تسلمين والله على القصه المفيده لا تتاخرين

 

[صبا بردى]

لالالالالالالا حراااااااااااااااااااااااااااااام علييييييييييييييييييك نبغى نعرف وش صار لفيصل لما شافها بلييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييز ..


لايوقف لايوقف لايوقف الله يبارك لأمل ويجزى نسرين ألف خير ..ويااااااارب أصير مثلهم ​

 

[قهوه الصباح]

وووووووواو شوقتيني :10:

خلاص انا رايحه اسوي حل لكشتي وراجعه لكم:2:

 

[أطياف]

موضووووووووووع رووووووووووعه

لكن لو كان الخط كبير اشوي والموضوع مدعم بالصور لكان أجمــــــــــــل

يعيييييييييييك العافيه

 

[منينه]

يووووووووووووووه تحمست ياربيه يله عاااااااااد بنحتريك على احر من الجمر
عندي سؤال امل هي انتي يعني المقصودة بالقصة انتي ياعسل؟؟؟!!!

 

[حمرة الخجل]

اتوقع يوم جاء واذا هو متزوج هههخخهه شوفي النهاية المئساوية

 

[الأمورة**]

تكفين بسرعة نزلي الجزء
يوه ودي أعرف ردة فعل فيصل

 

[جوجولانا]

خذي راحتك على الاخر فديتك

 

[مذاق انثى]

روووعـــه الله يعطيك العافيه

 

[بريق الأمل22]

حبيبتي منينه لا والله انا مش امل بس هي تقربلي من بعيد خخخخخخ
هذي القصه عشتها مع صاحبتها اخاف اقول وش علاقتها فيني وتعرفني
واتصفق :25:

قهوة الصباح هجدي الشوشه بسرعه قبل النهايه

واللي تقول احط صور وكبري الخط انا اكتب القصه من الجوال لانها احيانا في اللابتوب بعد اكتبها تطير واولع نار من القهر
هذا غير اني عليميه في النت وما التفت لمواهبي الا قريب بعد سبات عميييق
بعد دروس ناعمه الهاشمي وسلة فواكه والحلوه ضباب وبقية الشلللله

اسعدكم المولى