مساء الخير دينيتي 333<<عجزانه تقلب المؤشر خخخخ
يوووه حبيب القلب مازولا سافر اشلون بتغفى العين...
بمناسبة الخواطر أنا اكتب بس لازم موقف مااكتب بالدز خخخخ
قولوا وعطوني رايكم..!!
مع غيابك..
غابت شمس إحساسك..
وأظلم ليلي الزعلان على إبعادك..
بكى مره يبي وصلك..
يبي منك ترد له صوت..
ولو مبحوح!!
ذاك الصوت به يحيا و بلاه يموت..
ويرد الروح!!
مع غيابك..
طفا نور الليالي اللي لك اشتاقت..
ومن فراقك ألم عانت..
وجرحت نفسٍ لك ارتاحت..
تسأل ليه..وليه وليه..خيوط الوصل مالاحت..
مع غيابك..
كسرت بخاطر أشواقي..
بعثر حزني أوراقي..
ألا ما أقساك يا خلي..
غيابك جرح الخافق..
وعلم قلبي الصادق..
إن الجرح من الأقراب حيل حارق..
مع غيابك..
نسيت الضحك والبسمات..
وعرفت إنه ربيعك فات..
قطفنا البعد والصدات..
يا خل القلب تتوقع..
أغفر لك بعد كل هذا..
الزلات..!!
مع غيابك..
ذكرت اشلون كنا أثنين ..
زرعنا حب وشوق لسنين..
وأبد ما جاء في بالي..
بحصدها أنا لحالي..
مع غيابك..
صدى صوتك يذكرني بوعدك لي..
مضى له سنين..
بنفس الموعد
اللي به عرفتك زين..
((ترى مهما غيابي طال..
أبرجع..!!
حتى لو حظي معايا مال))..
.........
وسلامة قلبكن...!!
ترى مره جد كتبت له بيت روووعه بس مسحته من عندي لكن مازولا حافظ المسج
يوم بقوله يرسله لي اراويه البلقيسيات الحلوات..!!