ريلي وعشيقته حسبي الله عليهم

[بنت حماد]

اختي الملاحة مشكورة والله والله
انا خذيت رقمها واسمها بالكامل وبراقهم ومايهمني اذا الشرطة طبت عليهم هي وياه
حسبي الله عليهم

 

[مطرية]

حرامـ عليكى

شنو كل سنه تخلفين عيل

شنو تستفادين من هاى

كيف تهتمين بزوجك وبنفسك وببيتك أذا كل سنه حامل

وانتى اصلا من الاول شايفه طباع زوجك مع هاى ماهتميتى وصرتى تخلفين ورا بعض

 

[الملاحه]

أحسن شي تسويه فيهم بس لا تفضحين زوجج فكري في عيالج ومستقبلهم

 

[سلفرادو]

والله مشكلتج مشكله ،،، مبين عليكي انك تريديه وتحبيه بس ماتحبي شخصيته ،،، وماتتخيلي الحياه بدونه ،، زوجك يا حبوبه حالته صعبه.سكير وعربيد ومالقى عندج الحنان وربيعته احتوته وحبته ودلعته بعدين ليه تفتشين السيارة شو استفدتي إلا انج حرقتي قلبج خلي عنج الفضول وتحسسين ريلج أنه حرامي وأنتي شرطية وشو بتستفيدين إذا فضحتيها بالعكس بيتعلق فيها بزباده ويمكن يأخذها بالحلال عشان يثبت للعالم وليكي ولها أنه يحبها. خلي بنت الناس انتي تعاملي مع ريلج ومعا نفسك وخلي عنج كل سنه بزر طفرتي بالريال ،،، هو بعد شكله يحبج

 

[بنت حماد]

مشكورات خواتي جزاكن الله كل خير
انا باذن الله بستفيد من نصايحكن
ومشكورات

 

[سكون...]

سلام..

أختي

باين أنج تحبين زوجج

وأكيد رغم كلالعيوب الي شفتيها أنتيمختاره أنج تكونين وياه

هذا أول شي تحددينه

بيغينه أو لا؟!!

إذا تحبينه

حاربي عشانه

برايي زوجك ربا على الدلال وما تحمل المسؤوليه

وانتي ما شاء الله حمل ورا بعض

انشغلتي عنه

بعد ولادتج بالسلامه امنعي الحمل

وتحتاجين تنشغلين عنه

صدقيني لما يطلع لاتعبرينه

بيستغرب

خاصه أنج معودتنه عالازعاج

وحتى لو اتصل

لاتعطينه مجال يعرف شو تسوين

سوي نفسج مشغوله وانتي تضحكين

سوي نفسج فالصالون ويا ربيعاتج أو أي حركه تخليه يحس أنج مستانسه

مثلا قولي " أيي .. بقفل عنك الحين .." طبعا أونه ألم خلاوة أو اي شي بالصالون

وتريه بهدوووووء مب بعصبيه


بس لما يرجع ما تكونين مولعه وعصبيه

بالعكس خليه يرجع يلقاج مشغوله ومستانسه ورايقه

لاتخلينه يحس انه هو بس سبب وناستج

مثلا يلقاج تتابعين فلم

تقرين كتاب

تلعبين ويا عيالج

لاتعبرينه

ولا تطنشينه بعد

يعني إذا ياج رحبي فيه عادي بدون انفعال وكملي الي تسوينه

أهم شي مايلقى مراقبة منج

اممممممممم

والحين حتى لو حامل

بنفس الوقت حاولي تسوين له جو طلعه حلوة

شكله راعي مزاج وطلعات

وإذا هو بخيل اعزميه

مره ففندق

مره مطعم

مره سبا

مره اعزمي العايله وسوي لمة للشوي فالعزبه مثلا


خليه يوصلج اي مكان وأنتي متزينه قولي له نزلني وانت طالع

يعني مب تسوينها مشكله ولازم يقوم عشان يوصلج

رتبي طلعتج وقت طلعته



والله يفتح بينكم بخير


ومثل ما قلت لج من البداية

تبغينه ..حاربي واستحملي واستعيني بالله

 

[الزوجه الاولى]

الله يعينج ويفرج همج

 

[شامخه بإبتسامتي]

سبحان الله العظيم وبحمدهـ