ريلي بياخذ ولده

[سمو الأميرة]

انتي مشكلتج مش في الولد ..
مشكلتج مع زوجج .. ما تحسين أنج تحبينه كفاية !! .. و بعدين منو قالج لازم هو يحببج فيه؟! ..كل الرياييل جذيه ما يسوون شي عشان يستاهلون الحب .. بس انتي المفروض تحسنين أسلوبج عشان حياتج الزوجية ..
صدقيني في رياييل جذيه ما يظهرون عاطفتهم إلا للأطفال .. و بعدين اذا تحسينه يهتم بالولد أكثر .. يمكن لأنه بعده يحب زوجته الأولى و هذا ولدها فيغليه أكثر .. ما أدري شو كان سبب انفصالهم .. بس انتي استغلي الوضع لصالحج الحين و اكسبي الريال .. لا ترقبين منه التغيير .. لأن التغيير لازم يكون منج انتي .. اعرفي شو يحب و ما يحب و اتصرفي على هالأساس .. مش عشانه لاااا هذا عشانج انتي .. عشان تتهنين في حياتج تصرفي بذكاء .. اهتمي في نفسج زيييين .. شوفي اذا عندج أي مشكلة في شكلج أو في تصرفاتج و حسنيها ..
مش لازم انتي تحبين زوجج .. المهم هو يحبج .. لأنه اذا حبج بيتصرف بالأسلوب اللي يخليج تحبينه .. يعني البداية من عندج ..
و بعدين مسألة الولد بسيطة اذا عالجتي الأشياء الأساسية في علاقتج مع زوجج ..

 

[الحضن الدافي]

بغرفه نومك وعلى فراشك صعبه ناقشي زوجك انكم ماراح تاخذون راحتكم
وان من رايي انتي شوفي نفسك تقدرين تعاملين الطفل معامله طيبه حلو واذا ماتقدرين قولي لزوجك عشان ماتظلمين الولد
والراي لك
احتسبي الاجر بكل شي

 

[segar_uae]

شكرا واسمحولي اذا اتاخرت فردي بس اتعرفون مشاغل الدنيا ؟الي ماتعرفونه اني انا اطلقت من ريلي وخلاني انا وبنتي سنه عند اهليه وهي عمرها 9شهور ولا شافها ولا سال عنها كل بسبه طليقته خربت حياتي وهي عرست والحمدالله انا الحينه رجعت لريلي من بعد معاناه انا مب كاره الولد والله ادري انه ماله ذنب بس انا ماروم على الاطفال لان انا ادرس وعمري 20 فماعندي وقت حق 2 والولد متعلق في اهل امه كيف بييبه وهو مش متقبل حد وهو بياخذ الولد عناد في امه بس وصدقوني واايد حاولت مع ريلي بس مافي فايده يسمع كلام الناس معترض ليش عرست لانه كان حاط فباله انها خدامه بتربي الولد ويوم بيكبر بيي عنده حاولو تفهموني

 

[**دلوعة بابا**]

شوفي يا قلبي

انا رايي تقبلي فيه وتحاولي قدر المستطاع انك ما تفرقي بينه وبين اختة اللي هي بنتك

بس نومة بالفراش وياكم صعبة هاذي

بس قوليها لزوجك باسلوب يعني مو عشانة ولدة لالالا ولكن عشان التربية الاخلاقية


وصدقيني بيصير اجر لك وكمان تضمني ان يصير في تآلف ورحمة وحب بينة وبين عيالك

وما يكبرو اغراب عن بعض وهذا ما شاء الله بكرة بيصير رجال واخوهم الكبير بعد

وتدري انتي عاد بعاداتنا وعرفنا

فاكسبية من الحين وبيصير ذخر لك

ومن وحدة مجربة الاخوان بالاب كيف

صدقيني هذا افضل بكثيررر

والله يقويك ويعينك

 

[**دلوعة بابا**]

قريت ردك يالغالية اقول فكرة احدي الاخوات زينة انه تقولين لزوجك منشان الولد يتعود وما تتازم نفسيتة خلة يجي ويروح ع بال ما يتعود علينا وع اختة والوضع الجديد



ومنها انتي ككمان تتعودي


وربي ييسر لك امرك لان من جد صعبة تدرسي وبها العمر ووراكي طفلين

 

[سمو الأميرة]

شكرا واسمحولي اذا اتاخرت فردي بس اتعرفون مشاغل الدنيا ؟الي ماتعرفونه اني انا اطلقت من ريلي وخلاني انا وبنتي سنه عند اهليه وهي عمرها 9شهور ولا شافها ولا سال عنها كل بسبه طليقته خربت حياتي وهي عرست والحمدالله انا الحينه رجعت لريلي من بعد معاناه انا مب كاره الولد والله ادري انه ماله ذنب بس انا ماروم على الاطفال لان انا ادرس وعمري 20 فماعندي وقت حق 2 والولد متعلق في اهل امه كيف بييبه وهو مش متقبل حد وهو بياخذ الولد عناد في امه بس وصدقوني واايد حاولت مع ريلي بس مافي فايده يسمع كلام الناس معترض ليش عرست لانه كان حاط فباله انها خدامه بتربي الولد ويوم بيكبر بيي عنده حاولو تفهموني

الله يعينج و الله على هالريل .. هو خلاص حاط في باله المسألة عناد ..
انتي حاولي تقنعينه أن هالشي غلط و الله بيجازيه على هالشي لأنه ما يصير جذيه الولد يتحمل ذنب أمه "ولا تزر وازرة وزر أخرى" .. ما يصير يبعد الولد عن أمه و يخليه يتأزم نفسياً ، بس عشان الأم قررت تكمل حياتها و تاخذ غيره .. شو فيها يعني !!
و انتي عاد قوليله أنا ظروفي ما تسمح و ما بقدر أربي الولد ..
خلي شخصيتج قوية .. انتي زوجته صح لكن مش من واجباتج الزوجية تربين ولد غيرج و أمه موجوده ..
انتي عشان عمرج صغير صايرة على نياتج و ما تقدرين تواجهين الريال .. لكن تأكدي بأنج انتي في موقف قوة الحين .. لأنه ما يقدر يتخلى عنج الحين بعد ما تخلت عنه زوجته الأولى .. فاستغلي الوضع و افرضي عليه القرار اللي يناسبج .. صدقيني اذا سايرتيه بتصيرين انتي الخدامه اللي تربي عياله و بس ..

 

[مايصحش هالحتسي]

اكسبي اجر يابنت الحلال وخليه عندك وعتبريه مثل عيالك واحسني له

 

[أحاسيس وطنية]

خلي الطفل عندك واحتسبي الاجر من رب العالمين

اعرف وحدة احسنت تربية ولد زوجها وخافت ربها فيه

يوم كبرت صار لها احن من عيالها عليها

ومانفعها الا الله ثم هو الله ييسر امورك

 

[segar_uae]

انشالله انا بحاول اكلمه بس ادري انه مابيقتنع بس انشالله امه ماتتخلى عنه وانا بحاول اني اتقبل الموضوع وبتوكل على الله وبخبركم شو بيصير انا بغيب لان مسافره ويوم برد بشوف الولد عند ريلي وبخبركم شو بيصير ومشكورات خواتي على ردودكم