رويدا" رويدا" .... يا غاليتي الشمالية

[دفى]

أختى جمال اسبانى أشكرك من كل قلبى موضوعك جدا مفيد...أنا شمالية وبقوة وزوجى حبيبى شرقى أحس بيننا توافق كثير بالشخصية بس المصيبة دائمآ مختلفين حتى طبقت نصائح أختى الغالية أميرة الألماس فى ملفها الرائع عن الرجل الشرقي اسمة عندما نطق الشرقى...مشى الحال والحمدالله بس الي نفسى افهمة ليش متوافقين بس دائمآ مختلفين وزعلانين من بعض رغم أفكارنا المتقاربة...وبالتحديد هو شرقى شمالى وانا شمالية شرقية....

 

[*وردة*]

اشكرك عزيزتي على هذا الموضوع الرائع

 

[انهار الحياة]

اقسم بالله العظيم ان موضوعك جا في وقته تماما ...

انا شمالية وزوجي جنوبي ...لا اشتغل ...بناء على رغبة سي السيد ...ولكن الان احسست باني لازم اشتغل لاني اصلا من يوم تزوجته وانا مهملة في حياته عنده اولوياته الشغل .... الاولاد اصحابه ....واخر شي انا ؟؟؟ فقلت له ليه ما اشتغل وحصل نقاش وتخانقنا فيه خناقة جامدة ....وسكرت مؤقتا على الموضوع ولكنه لا زال معشش في مخي ...

فعلا انا من النوع اللي ممكن انجز اشغال لاشخاص كثيرين وهما مرتاحين وصدق يطلعون على اكتافنا واحنا ساكتين ...واحب ابدع في عملي واعمل من اعماق قلبي ولكن اللي يقهرني ويموتني انه بعد هذا كله لا تلاقين تقدير او حتى كلمة جزاك الله خيرا ..
كنت اريد ان ادرس طالبات الثانوية ...ومازال هالموضوع في راسي ...ولكنني قلقة من اشياء كثيرة ذكرتيها بوضوح ...اخاف ارجع من شغلي وعلى قولتك اطلع حرتي وغضبي في اولادي وزوجي (( بحكم ان ما عندي شغالة ولا كان وصلها من الطيب نصيب هههههههههه )) بس انا اكثر شي اضرب ابني رغم ان عمره لم يتجاوز السنة والشهرين لكنني اضربه لاطلع غضبي من ابوه عندما ينرفزني (( على فكرة ترا الجنوبي احسه مستفز كثيرررر ))..ولما يجرحني كمان .....واخاف اكون بدل ما اكحلها اعميها ....وبدل ما يكون شغلي للانتاج يكون انتاج خارجي وخراب داخلي في بيتي ....هذا غير انه ايش اللي يضمني اني مع كل الجهد اللي راح ابذله فالتدريس راح الاقي الشكر والثناء سواء من ادارة المدرسة او من زوجي الي اصلا معارض الموضوع ورافضه ....وممكن الاقي النقد اللاذع لاي شي تافه وينسون اشياء هامة قد اكون سويتهاسواء ادارة المدرية او زوجي ...وابني وين اخليه؟؟؟ اهلي في بلد ثانية وانا في بلد ثانية وفكرة الخدامة مع ابني مرفووووووووووووضة مني تماما ...والحضانات سمعت انهم يعتمدون على الاندونيسيات فيها ....فكانك يا بو زيد ما غزيت انااخاف من الشغالات اقطه في حضانة يقومون يحطونه اهما مع شغالة .....!!!

وابي رايج ...انا زوجي الجنوبي احسه اناني كثيررررر ....يبي البيت يبرق ويلمع 24ساعة ولازم اكرف كراااااف في تنظيف البيت سواء بكلوركس او بالتكنيس والتمسيح والكوي ووووووووو وشغل ما يخلص يبيني من يوم اصحا احك عيني وانظف بالبيت لييين اجي انام وانا على هالحال ....لكن انا ....؟؟؟؟؟؟؟؟؟؟؟؟؟؟؟؟؟؟مو من حقي ارتاح ...لا....؟؟؟ من من حقي امرض ...لا ؟؟؟ من من حقي اطلع اشم هوا اغير جو تتغير وتتحسن نفسيتي ...لا ؟؟مو من حقي بعد هالكراف والشغل بالبيت والتنظيف اللي يقصم الظهر الاقي كلمة ثناء ترفع من معنوياتي وتمدني بالطاقة ....عادي اصلا في نظرهم هذا اصلا مفروض علينا وواجب وغصب عننا نسويه مو بكيفنا نقول بنسويه ولا لا ؟؟

وبعدين ويني انا في حياته هل يهتم بتزيني له او كشختي عشانه ...مو مهم اكون متزينة اصلا حتى لو لقيت وقت وتزينت وهذا يعتبر من اندر الاوقات يعني نااااااااااادرا جدا جدا ان يحدث ذلك وبالرغم من هذا لا اجد كلمة ثناء !!!! فاصاب باحباط شديييييييييييييد وكره اشد لنفسي واقول ايوة انا اصلا لو اشبه النجمة فلانة او المغنية علانة كان صج بقق عيونه فيني لكن اصلا انا مو عاجبته ...وتلاقين رسائل الاحباط طووول الليل تتعبا في مخي فلا استطيع النوم الا متاخر جدا وانهك من التفكير والهم اللي يكون في قلبي ....

باختصار انا من يوم تزوجت اعاني هذه الاشياء كلها ....انعدام الثقة بالنفس تماما ....الاحباط والكابة ...الكراااااف والشغل اللي ما يخلص بالبيت ....وفوق هذا اهمال الزوج وخروجه للراحة مع اصحابه...

انا كلمته مرة في هدوء--- لاني قريت مقالة للاستاذة ناعمة الهاشمي ذكرت فيه ان اهم وظيفة للمراة ليس شغل البيت وتنظيف ومسح وكنس وطبخ ...لا اهم شي هوا الفراش ....واما الاعمال الاخرى تقوم بها من اجله فهو خير وبركة اما اذا طلبت من يقوم بذلك عنها كالشغالة مثلا فهذا من حقها على الزوج ولو طلبت اكلامن الخارج فهذا من حقها ايضا المهم ان لا تقصر ابدا في حق زوجها في الفراش ---....
تصدقين شنو كان رده ...نظر الي باستهزاء وقاللي اكيد من النت قريتي هالكلام ..؟؟؟ قلت له ايه ما فيها شي الوحدة تقرا وتتعلم ...قاللي بالحرف الواحد اسكتي اسكتي بس لحد يسمعك بيقولون من اي عالم دين جابت هالكلام ...هذا الدين عندكم يا الحريم هذي حقوقكم !!مو كفاية انك مقصرة بالبيت !!! والله حسيت وقتها انه صفعني في وجهي رغم انه لم يفعل ولكن بكلمته هذي هزني جدا من الداخل....كل هالكراف والبيت ما شاء الله كل من دخله من اهله او اهلي او اخواته او اي احد من الاهل يقولون ما شاء الله بيت فلان دايما نشوفه نظيف ومرتب (( انا لا انكر ان الترتيب شوي اخترب بسبب ابني والعابه ولكنني اخليه يلعب بغرفة وحدة وباقي الغرف مسكرتهم ونظيفات ومرتبات )) ..وتقوللي مقصرة بالبيت !!!!!!! شنو يبيني اهدم البيت وارجع ابنيه طوبة طوبة عشان يصدق اني اكرف بالبيت ولا ايش ؟؟؟؟؟؟..نفسيتي تعبت والله تعبت تعبت ....
اشوف جنوبيات مدللات نفسهم بجلسات استرخاء بشراء شي حلو عاجبهم باللفلفة بالسوق يدورون لون قماش ما يخطر على البال ....لكن احنا الشماليات يعتبرون كل هذا بالنسبة لنا رفاهية ودلع مالع داعي ........اتمنى بس مجرد اماني ...انه

يوم استرخي فيه ...او اطلع بس اقعد عالبحر اريح اعصابي في وقت المغيب

يوم اتجمل فيه ما يكون في اي شغل من اشغال البيت احس اني انسانة عايشة على وجه الارض

يوم اطلع اشتري شغلة نفسي فيها..... او اكل شي نفسي فيه

اروح عند ناس احبهم وودي اقعد معاهم مو ناس اهوا فارضهم علي روحي عند زوجة صاحبي فلان ويوم روحي مع امي عند اهل فلان وانا هالناس عادي اعاملهم عادي وفي منهم زينين وفي اعوذ بالله لكن اللي انا احبهم.....؟؟؟؟!!!!!

شغالة تجي تسوي هالشغل وتروح وانا علي الطبخ ...

ولكن لا حياة لمن تنادي ......!!!!!!

بالنسبة للجنوبي يتعتبر هالاشياء رفاهية وما لها داعي ....عشان كذه افكر اشتغل بس اقدر اصرف على نفسي من غير ما احد يذلني سواء باكلة او لبس او اي شي نفسي فيه .....

عزيزتي انا في حيرة شديدة من امري ....!!!!ساعديني ...على فكرة انا لاني بعيدة من وطني واهلي فعنده هنا ما عندي صاحبات كثير وحتى ببلدي ما عندي صاحبات قريبات على قلبي لان الشمالية بطبعها ما تحب الصداقات الكثيرة ...عندها ولكن بتحفظ ...دايما يقوللي ...انتي اصلا وين صاحباتك تقولين عندي صاحبات وصاحبات وينهم كل قاعدة بروحج وتمشين بروحج ولا مرة شفتك مع صاحباتك اللي تقولين عنهم ....؟؟؟؟؟ قهرتني هالكلمة واااايد والله عندي فوق العشرين صديقة بس للاسف كل وحدة مرمية في مكان اللي بامريكا والي بالامارات واللي بعمان واللي بالكويت....على تواصل بس مو دايم ولو يوم تكلمت مع وحدة منهم تاخذنا السوالف ولما تطلع فاتورة التليفون.... يخاصم !!!!!!!!

مرة جرحني اني اطلب مرة بالاسبوع اكل من بره ..حسيت اني ثقيلة عليه من يومها لو ابي اي شي لنفسي ابويا ما يقصر يرسلي مبلغ بسيط منها اسدد فاتورتي ومنها اجيب لو بخاطري شي ..ولو بروح عند الطبيب .... ولو ابي اكله معينة انا اللي اعزمه على حسابي عشان بس ما يجرحني .....

مابي شي منه .....مابي شي ....:sad_1:طولت عليكم بس والله من قهري فضفضت لكم ...:tears:

يالله يالله
والله العظيم كانك تتكلمين عني نفس معاناتي بالضبط
كل كلمة كتبتيها كان اانا للي كتبتها
بس الفرق انا لسى محطوبة بيت اهلي واعاني نفسك تمااااااااااام
لماايتصل وماااكون جنب التلفون ليش مادقتي
اقوله فاصلين الخط عني
طيب ايش تبيني اسوي لج
قلت والله العظيم ماطلبت منك شي واذا تبي لاتعطيني مصروف
مايصدق على الله يقطع المصروف
اخ بس الله يعين ويساعد ​

من ناحية الطيخ من الحين يحاسبني
ليش ماتطبخين ليش ماتسوين
طيب وانت عمرك تذكرتني باكلة او شي
سنة وشهر من ملكنا للان
اطر منه اي شي مافيه شيط
من خاطر يجيبه
خواتي باهالفترة عاشوا ملكات
وانا اللي اطبخ له وانفخ له
وليت فيه تقدير بس

الله يفرج همك وهمي ويعنيا على بلوانا​

 

[انهار الحياة]

اختي جمال اسباني
ربي يسعدك وينور طريقك موضوعك في قمة الروعة
استفدت منه كثير ربي يجعله في ميزان حسناتك

 

[Umm SALAMA]

السلام عليكم

ابى اعرف وين اقرا موضوع (نمط الشخصية) اقصد شمالي ، جنوبي .........الخ

ودي اتعرف على شخصية ريلي ؟؟؟ هل الموضوع عبارة عن اسئلة للوصول الى نوع الشخصية ؟؟؟؟ اما ماذا؟؟؟ بليييز ردو علي تعبانة مب قادرة افهم ريلي بعض الايام يكون واااضح ومراات ما افهم عليه ابدا ....

بليييييييييز ساعدوني وين ممكن اقدر احصل المعلومات عن نوع الشخصية


شكرا جزيلا

 

[البعد همي]

انا لااوافقك الراي بان الشمالي كريم والجنوبي بخيل بل على العكس وعن تجربه

 

[Umm SALAMA]

كيف اعرف شخصيتي وشخصية ريلي بليييز ردو علي ؟؟؟؟؟؟؟؟؟؟؟؟؟؟؟ وين اقدر احصل موضوع نوع الشخصية ؟؟؟؟ هل هي دورة من دورات ناعمة ....... ام ماذا ؟؟؟

 

[انهار الحياة]

انا اكتشفت شي بسهولة يمكن لاني شمالية شرقية افهم على الشماليين

اغلب الشماليات على شجاعتهم وقوتهم اتفقوا ان اذا تزوج عليها او خانها تتركه بسرعة

الشمالي من طبعي اتكلم عنده عزة نفس قوووووووية
ماعنده صبر ولاطولة بااااااال
مايحب يتعب نفسه بالتفكيييير المر خاصة المؤلم وده بسرعة حل حتى لو الحل فيه خسااارة قوية

انا عن نفسي اتفق معاهم مالي خلق على الاخذ والعطى
ودي اتصف بالحلم والصبر بس من وين احس الدنيا تركض ولازم نركض ونجاريها

الله يعين ويساعد

 

[نسمة الربيع]

جزاكي الله خير على الموضوع الاكثر من رائع.....وبالنسبه للخيانه بالفعل يجب الصبر عندها والتغافل عنها مع الدعاءباصلاح الزوج لان اخبار الزوج يجعله لايبالي بعد دلك بعلمك من عدمه..ويجب ايضاالتغير في المعامله وفي الاسلوب الى الافضل مع الاستعانه بالله

 

[~أم فاطمة~]

سلام عليكم
قريت الموضوع من أوله لآخره وامعنت فيه ،،
كنت حاسبة نفسي جنوبية غربية لكني طلعت شمالية غربية ،،
وزوجي جنوووبي حده ،،
معظم الصفات اللي ذكرتوها فيني وبقوة ،،
اني ما احب استرخي وانام مع اني محتاجة لهالشي بشكل كبير ،،
افضل اني اكرف كرف ولا اطلب مساعدة من احد واشيل كل الشغل على راسي ،،
احب الخصوصية ولا عندي صداقات عميييقة ،، مع ان ما عندي اخوات ولا احد افضفض له على الآخر ،،
فتكون اشياء واااجد دفينة داخل صدري ،، كتووومة ،،
اما زوجي فالله يصلحه ويصلح لكم ازواجكم ،،
هذي السنة الخامسة ولا عارفة شلون اتصرف مع تناقضات شخصيته ،،
في البداية ماكنت اعرف شنو التصرف الصحيح معاه ،،
فكنت شايلته على كفوف الراحة كل شي اسويه بروحي ولا اطلب منه شي ،،
البيت نظييف والزينة كاملة وحقه الشرعي موفى ،،
لكن كان دايما صامت ما يتكلم ولا كلمة ثناء تطلع من عنده إلا نادرا ،، ولاتقدير ،،
مع الغير شخص ثاني ،، ومواقف كثيرة تحملتها بروحي دون ما ارجع لأهلي فيها وكنت متمسكة ان اكون لي عائلة سعيدة فاحاول اتقرب ليه واكون المبادرة في اي مشلكة تصير بينا ،،
ومرة صارحني بأشياء ماكنت متخيلتنها انها في باله ،، يعني اشياء ومواقف من فترة رجع وعادها ،،
وقال لي ان تصرفاتي كلها ما تعجبه ،، وانتقدني بشكل فظيييع ،، وهذا الشي صدمني واااجد ،،
يعني ما يبيني اسوي كل شي وفي نفس الوقت ما يسوي اللي ابيه منه ،، ومع هذا يبيني اسوي اشياء ثانية ،،
يعني مثلا لا تشترين الاغراض اللي تبينها خبريني وباشتريها ،، ولا يشتريها وقت ما اقول ليها مع اني محتاجتنها ضروري ،، واذا رجعت اذكره فيها يقول لي ليش ما اخذتينها انتي يوم انك طلعتي لو مريتي واشتريتيها ،،
غريبة انت متناقض ،، فاسكت عنه مع اني في قلبي حوسه ،،
وتعبت من انتقاداته الدائمة لا حمدا ولا شكورا كل انتقادات يطيح من معنوياتي ،،
وحسيت ان هذا طبعه فبدأت اطنش كلامه ،،
وكل هذا كوم وشغل البيت اللي مايخلص واسترخاؤه وراحته اللي هي اهم شي عنده ،، مايساعدني الا بمزاجه لو يشوفني غارقة وفي قمة التعب مايفتكر ،، اهو براحته اهم شي ،،
تعبت منه لأقصى حد ،، ليش ادور على راحته واحاول اداريه واني بالطقاق ،، ليش هو ما يتغير ،،
ليش انا اللي لازم نتغير على شانهم ،، تعبت منه ،، وما ابي اغير من نفسي بشي ،،
ابي اكون على طبيعتي ،، وهو يتحمل ،،
طولت عليكم
بس في صدري امور من قريت الموضوع خاطري افضفض مالي احد غير الله
والشكوى لغير الله مذلة ،،
الله يصلح حال الجميع ،،

 

[إحساس وردة]

رائع

بانتظار التكملة

الله يعطيك العافية​

 

[شماليه متطرفه]

انااااااااااااااا شمالييييييييييييييييييييييييييييه متطرفه لابعد حد ممكن
وجميع الصفات كلها فيني اللتي سبق طرحها
اعاني من عدم فهم الناس لي او بالاخص زوجي لانه اهم واحد اشوف لازم يفهمني
ودايم متهمه بالغرور والغطرسه
واني احب الحديث عن نفسي وانا وانا
ودايم المس ان ثقتي العاليه في نفسي تثيرغيرة النساء في مجتمعي وتنرفزهن
اعااااااااااااااني من الصوت العالي بلللللللللللللللللييييييييييييييييييييييز شوفو لنا حل مع الصوت العالي نريد ان نصبح رقيقات من حقنا ولا
هاهاهاها

 

[زوجه تائهه]

اااااااااااااااااااااااااه جيتي على الجرح عمر الجنوبي مايع>به ضميره او يحس انه غلط مع انه لنفسه تعالي شوفي يتجاهل امر خيانات النت ولاكنه سوى شي وسكت اربع سنين وبل عكس تطور لاشياء كثيره صار بينهم سكايبي وغيره وهالحين بديت اطور نفسي واتجاهل انه يخوني واعيش لنفسي بس هو متعلق وااااجد لاتحرميننا من عطائك وخبراتك بطريقت التعامل مع جنوبي صاحب مسن ونت واربعيني وملتزم

 

[vdhq]

سبحااان الله

أكرة الشخصيااات الشمالية الانثوية

أحس ما عندهم رحمة ولا عاااطفة

ما أتمنى أصير شمالية أبدا

 

[dr_caramel]

بنات انا شمالية وبقوة بعد وزوجي جنوبي شرقي همووووت ومني قادرة اتحمل الجنوبيين
احنا العمل عندنا لازم مانحب نضيع وقت اما هم طول الوقت مرتاحين وهمهم كيف يستمتعوا
طبعا مثلكم مشكلة الصوت العالي عندي والعصبية واحس فينا شي اننا نحب كل شي مزبوط مانحب الحلول الوسط ولا كلمة مشي حالك ياكل شي او لاشي هموت ابغى اكسبة وطبعا الخيانات خلاص انا اتخدرت ما صرت احس

 

[صمتي سر تعاستي]

يا جمال اسباني
اسأل الله لك الفردوس الاعلى من الجنة
لقد اعطيتي ووفيتي

 

[**كت كاته**]

سبحااان الله

أكرة الشخصيااات الشمالية الانثوية

أحس ما عندهم رحمة ولا عاااطفة

ما أتمنى أصير شمالية أبدا

لاحبيبتي غلطااااااااانه كلنا رحمه وعاطفه وبالنسبه ليا دمعتي على خدي وحنونه مع اني شماليه

 

[**كت كاته**]

اختي جمال اسباني عندي كذا سؤال أنا شماليه غربيه والحمدلله عندي صداقات وأحب الفرفشه والوناسه وما أحب الروتين الروتين يقتلني

وزوجي شرقي جنوبي لكن العكس انطوائي ومايخرج من البيت الا لشي ضروري للبيت وماعندو أصدقاء نهائيا
ودايما يقولي انتي ماتستاهليني تستاهلين واحد أحسن مني
وانا أقوله بالعكس انت مافي زيك
وأحاول أمدحه وأرفع معنوياته لكن ماينفع وكثير النوووووووووم والكسل والهم والنكد وكتوم مايتكلم كثير
والله عندي كلام كثيييييييييير بس خليه بعدين
أتمنى القى منك الرد الشافي

 

[ميرو 33]

السام عليكم جزاكم الله خير
اخواتي العضوات الحلوات كيف تسون صورة شخصية
اللوك الجديد للمنتدى هبل بي وما عندي وقت افتش اشرحولي بسرعه بليييييز
شمالية شرقية عجوله جدا هههههه
مشاهدة المرفق 20256

 

[ميرو 33]

ههههههه بتقولون ايش دخل الصورة في الموضوع
اسفه جدا بس عشان شمالية قلت اتطفل شوي بحكم ان الموضوع يخص الشماليات
مع نفسي هههههههههههه