رواية ..(( أنوثة خياليه بالرغم من الملابس الرجالية ))

[محارة لؤلؤ]

<<<<<<<<<<<<<<<<<<<<<<<<<<<<
الجزء السادس
<<<<<<<<<<<<<<<<<<<<<<<<<<<<​

............ يوم الخميس "" الملكه ""..........................

شيماء" تكلم وفاء " : هلا وفاء ...يالله ننتظرك في سيارة عبدالله اطلعي ...
وفاء : يالله البس عبايتي وجايه .. " اخذت عبايتها ..ومرت على امها .. وراحت لها في غرفتها..." ..ماما ... دقت عليه شيماء تقول رايحين الحين المشغل ...توصين شي ...
ام خالد : سلامتك يمه ...بس انتبهي لنفسك ولبنت عمك ... عندك فلوس والا اعطيك ...
وفاء : لا يا ماما مافيه داعي للفلوس كل اللي بسويه استشوار بس .. لاننا متفقين نتصلح بالبيت ..بس شيماء اللي عند الكوافيره ...
ام خالد : براحتكم يا حبيبتي ...يالله روحي لا تتاخرين ..الا مين بيوديكم للمشغل ؟...
وفاء " احمر وجهها ": أ أأأ ..عبدالله ..شيماء تقول عبدالله ..." وبارتباك " تاخرت عليهم ..يالله مع السلامه " وطلعت من غرفة امها "...
ام خالد "لاحظت ارتباك بنتها ": مع السلامه يا بنتي " وطالعت في بنتها وهي تختفي من قدام عيونها .. ورفعت يدها للسماء "....يارب اذا كان عبدالله فيه خير لبنتي اجعله من نصيبها ...يارب ..

....................................................


في سيارة عبدالله ... شيماء جالسه قدام ...وينتظرون وفاء اللي جت تمشي للسياره ..وهي عينها بالارض ..من شدة خجلها من عبدالله ولانها اول مره تركب معاه ....
عبدالله ... يطالع في وفاء وهي تقرب من السياره ولاحظ انها تطالع في الارض .. ابتسم ..."اكثر ما يحلي البنت الخجل .. بس وفاء كل شي فيها حلو .. طولها ...واممم...طالع في يدها اللي كانت مكشوفه .. وبياضها ...طالع في شنطتها الماركه ..وكمان شياكتها ... آه يا وفاء لو تدرين ايش يصير فيني لما اشوفك او اسمع باسمك "......"انتبه لقفلة باب السياره "....
وفاء "ركبت ورا شيماء ..و بصوت واطي ": السلام عليكم ....
شيماء " بسرعه": وعليكم السلام ...هلا وفاء..
عبدالله " حس ان صوته مو راضي يطلع لما سمع صوتها ..فتح فمه وسكره ..بدون ما يرد عليها .."
شيماء " انتبهت لاخوها انه ما رد السلام ..فتوقعت انه ما سمعها ": عبدالله ترى وفاء سلمت ...!
عبدالله" شال نظارته الطبيه من على وجهه .. وحاول يكون طبيعي ": وعليكم السلام ..معليش ما سمعتك ..." واخذ النظارة الشمسيه الطبيه ..ولبسها ..." : هاه شيماء نمشي خلاص ...
شيماء : ايه يالله ..
وفاء " يوه فشله انتي يا شيماء ..احرجتيني معاه ...بس معقوله ما سمعني ...انا حسيت انه لف علي لما قفلت الباب .. وصوتي ما كان واطي لها الدرجه ... والا حب يحرجني ..او يمكن يكرهني ...اوف ما ابغى افكر ...بس ..بس ..شكله حلو لما لبس النظاره ..واضح ان دقنه مو مرتبه ولسى ما حلق للملكه ... انا ايش دخلني اطالع فيه ...استغفر الله .."...
شيماء : عبدالله ترى لسى ما افطرت جيب لنا شي ناكله ....
عبدالله : وليه ما افطرتي بالبيت والا اخذتي لك شي معاك ...يا شيماء وربي مشغولين ... مو ناقصني تعطيل. ..
شيماء : يعني يرضيك في يوم ملكتي اكون جيعانه ...
عبدالله :هههههههههه يعني بتذلينا عشان الملكه ...
وفاء " يوه لا تضحك يا عبدالله ..قسم تدوخ "....
شيماء : ما عاش اللي يذلك ...بس " عصبت " ابغى اكللل ...
عبدالله "باستسلام " : طيب ايش تبغين ...آمري ...
شيماء" بفرح ": اممممم ..مدري ..وفاء ايش رايك ...
وفاء" انفجعت ان شيماء تسالها وتبغاها تتكلم قدام عبدالله .. ولا ردت عليها "...
شيماء" لفت راسها لورا ": وفاء ... وفاء ...ليه ما تردين ..وش تبغين فطور ..
وفاء" ياربي هالشيماء غبيه والا تستغبي ...أأشر لها بعيوني اسكتي ما تسكت ... "...
عبدالله : يالله وش تبغين ..." وطالع في المرايا وشاف وفاء وهي تطالع شيماء بنظرات قهر ... ابتسم ..شكلها منحرجه مني .."
شيماء : وفاء .. ترى حتى انتي بتاكلين معاي ..وش تبغين ..
وفاء " بقهر ... وبصوت واطي ": ما ابغى شي ..
شيماء : وشو ما تبغين شي ..ترى لو وصلنا المشغل وشفتيني افطر لا تجين تاكلين معي ..اعرفك ما تصبرين اذا شفتي الاكل ...
وفاء " بعصبيه.. وبلا شعور ..مدت يدها بين المقعدتين ..وقرصت شيماء في يدها "...
شيماء : أأأأأأأأأأي ..." ولفت عليها وهي ماسكع مكان القرصه ": يالمفتريه اليوم ملكتي لو بقعت بتشوفين شي ما قد شفتيه ...باختلص في ملكتك ...
عبدالله " انتبه لحركه وفاء ..": ههههههههههههههههههه
وفاء " من الاحراج .. ضغطت نفسها في المقعده ..وحطيت يدها على وجهها .. هين يا شيماء انا اوريك ..."
عبدالله " وهو باقي مبتسم ": شيماء تبغون فطور من كودو ..؟!
شيماء : كودو كودو ..امرنا لله..
عبدالله : احسب حساب شخصين ؟!
شيماء : ايه شخصين .. عشان وفاء ترضى علينا شكلنا زعلناها ..
نزل عبدالله يجيب الطلب من كودو ..وقتها انفجرت فيها وفاء تضربها وتخاصمها ...وتسبها ...وشيماء ..ميته ضحك عليها ...
رجع عبدالله السياره ...ورجعت وفاء لهدوئها ... وصلوا المشغل ..
ونزلت شيماء وهي ماسكه كيس الفطور .. ...طبعا ما اخذت الفستان معاها ..بس اكسسوارات الشعر .. اللي كانت حاطتها في كيس عندها قدام ...ونسيت تنزلها من السيارة ...

نزلت هي وفاء ...وعند باب المشغل ..

وفاء " بتعجب ": شيماء وين اكسسواراتك ... في شنطتك ؟؟!!!
شيماء " شهقت ": بالسيارة نسيتها ...بسرعه بسرعه الحقي عبدالله يوقف ...
وفاء" لا شعوريا .. انطلقت تلحق سيارة عبدالله ...وتاشر له يوقف "
عبدالله" كان توه ماشي وانتبه ان فيه وحده تاشر ..بس ما توقع انها تاشر له .. ولما ركز في المرايا في شنطتها ..هذي تشبهه شنطة وفاء ..ورجع ريوس بسرعه لها "..
وفاء " لما حست بحركتها الغلط .. وانها تسرعت انها سمعت كلام شيماء ... فكرت ترجع تاخذ الفطور من شيماء وتخليها تجيب الكيس بس لفت لقيت شيماء دخلت المشغل ..ومافيه الا هي قدام سيارة عبدالله اللي فتح القزاز لها ..."...
عبدالله "بخوف .. فصخ نظارته ": فيه شي ...!!! ...
وفاء " مرتبكه .. ومو قادره تطالع فيه .. وغصب عنها ...قربت من القزاز ": بس ...بس شيماء نسيت اكسسواراتها ...
عبدالله " زفر ": اوف مافيني ارجع البيت ...الله يهديها هالبنت ..
وفاء " لما شافته معصب ":لا لا الاكسسوارات تقول هي بالكيس .." وتاشر على المقعده اللي جنب السواق مكان شيماء " هنا ..
عبدالله " رجعت ملامحه طبيعيه ": هنا " ونزل بجسمه يدور للكيس مكان شيماء " .." ابتسم .. وغمز لها ..كانت حركه عفويه ".. لقيته ...
وفاء " وقفت مكانها وجمدت من ابتسامته وغمزته لها "..
عبدالله " يمد بالكيس لها " :.. تفضلي ... " وطالع في عيونها ..وتذكر لما قالت شيماء اننا زعلناها "...وفاء ..
وفاء " كانت بتمد يدها تاخذ الكيس ":... نعم ...
عبدالله " رجع سحب الكيس لعنده ..": وفاء اتمنى ما تزعلين مني او من شيماء ...ترى كلنا عيال عم ..وماله داعي تنحرجين مني ..انتي تامرين امر واحنا علينا نلبي بس ...فاهمه ...
وفاء " مبلمه فيه ..وهي ماده يدها في الهواء "....
عبدالله " حس انها ما ردت من الاحراج .. وضحك ..لما شاف يدها لسى معلقه .. رجع الكيس ليدها ..": ههههه يالله روحي الحقي شيماء واي وقت تخلصون كلموني ...اوكي بيبي ...
وفاء " رمشت بعيونها بسرعه ... بيبي ... يوه منه ..هزت راسها موافقه .. ودخلت تجري للمشغل ..."...
عبدالله : هههههههههههههههه ...أخ بس .. ياليتني قلت لها اني باجي اخطبك بعد ملكه وائل ... مو مشكله بشوف واحنا راجعين اذا فيه فرصه خبرتها ...

...............................................

عبير ... راحت عند سمر في العصر...عشان يشوفون لبس بعض ويسون مكياج ..." عبير وسمر صاروا قريبات من بعض اكثر من اول ..وما احد يدري ليه ..يمكن قلوبهم المتعلق باخوان بعض لها دور بالموضوع ...الله اعلم "....

عبير " لبست اللبس الثاني اللي شرته قبل ما يتفقون يلبسون مثل بعض ..كان لونه فيروزي ..بدون سيور ..ماسك على الجسم ..وفيه فتحه من تحت على جنب واصله للركبه ..وذيل صغير .. ...": هذا هو اللبس اللي كنت بالبسه ..."دارت حلو نفسها ....وسبلت عيونها " ..ايش رايك ...حلو ..؟!
سمر " تصفر ": واو ...خطير الصراحه ......
عبير : تصدقين دخلت المحل كذا مره ..وما لفت انتباهي له الا سعود ...
سمر" فرحت لما سمعت اسم سعود ": والله سعود عنده ذوق في اللبس ...
عبير : ايه ماشاء الله عليه عنده ذوق في اختيار لبس الحريم ...حتى امي فساتينها وجلابياتها سعود يختار لها ..وهي يعجبها ذوقه ..
سمر " بخجل .. ولفت على التسريحه ": أجل الله يعين اللي بتاخذه ..بيبهذلها لو ما عجبه لبسها ههههههههههه
عبير : هههههه لا مو لها الدرجه صح عنده ذوق ..بس مو مزاجي ولا شايف نفسه ...بس " وتشوفها بنص عين " الحلو يشوف كل شي حلو ...والا انا غلطانه ...
سمر " طالعت فيها من مرايه التسريحه ..": فكينا اللي يعافيك من سيرة اخوك...." لفت عليها " اليوم سيرة وائل وبس ...مو هو العريس ...
عبير " ارتبكت ....": بروح افصخ اللبس هذا ...وبالبس التفاحي ..
" تطالع في الفستانين ".. سمر ... وين فستاني وين فستانك ...؟؟!! .. يوه تلخبطنا ...والمقاسات نفس الشي ..ههههههههه ..يالله حليها ..
سمر " قربت منها وسحبت واحد من الفساتين ": انا فستاني الحزام تبعه زودت عليه فيونكه ذهبي ..." وشافت الفستان الثاني ".. ايوا .....هذا ...." توريها الفيونكه ".. شو رايك بذوقي ...
عبير : الحركه مرره حلوه... يالله سماح هالمره تختلفين عنا لانك اخت العريس ...
سمر : هههههههههه قال اختلاف قال ..مطقمين كل شي حتى الاحذيه والاكسسوارات ..جات على الفيونكه اللي ممكن يشوفوها وممكن لا ....
عبير ... راحت غيرت لبسها ولبست فستانها التفاحي ...وسمر لبست فستانها هي كمان ...وجالسين يعملون المكياج ..ويرتبون شعرهم ....ودخلت عليهم عمتهم نوره ...
نوره : ماشاء الله خلصتوا ... طالعات اميرات وربي ...ههههههه
سمر : ليه تضحكين يا عمتي ...
نوره : كانكم توأم ...
عبير : هههه مو لها الدرجه ...سمر احلى مني بكثير ..
سمر" تقلد صوتها ": سمر احلى مني بكثير ... يالله مناك بس.. صدق مفتريه عشان يقولون لا انتي احلى من سمر بكثير ...
عبير: لا اقصد انو....
نوره : خلاص انتي وهي ..قلنا كلكم حلوات .. والا تدرون ..محد حلو هنا الا انا ..
عبير , وسمر : ههههههههههههههههه



.................
وائل ..توه جاي من عند الحلاق ... كان معدل سكسوكته ..خفف الشنب كثير وباقي السكسوكه مرتبه ومحدده بشكل متقن وحلو ...طالع بهاللوك وسيم بزياده.. كان طالع من الدرج رايح لغرفته ..عشان يتروش ويستعد للملكه ...لان اعمامه قالوا لازم يكون على المغرب جاهز ..

وائل " مر من جنب غرفة سمر اللي كانت مفتوحه ..وسمع صوت عمته وضحك ..قال في نفسه ..خليني افاجأهم باللوك الجديد .. .. بدون لا يدق الباب ... دخل بسرعه ويدور وهو مغمض ورافع راسه لفوق "..تراترا ..." ورفع وحده من حواجبه ".. وش رايكم ..
سمر . وعمتهم نوره " متفاجأيين .. من دخلته عليهم ..وتفاجأوا اكثر من اللوك الجديد ... "
نوره : بسم الله عليك ماشاء الله تبارك الله ...قمر وربي قمر ...
سمر : وش هالحركات .. وربي لايقه عليك مرره الحركه ...
وائل " ما كان يطالع فيهم ..كان يطالع في الدولاب ..اللي لمح انه تسكر .."... بسم الله ..بسم الله ..." يأشر على الدولاب" انا متأكد اني شفت باب الدولاب انفتح واتقفل ...
سمر " تطالع في الدولاب ..وتذكرت عبير ..بس عمتها سبقتها ..."
نوره " بتعجب ..": وين البنت ...وين عبير ...
سمر : ههههههههههههههههه شكلها هي اللي دخلت في الدولاب ..
وائل " مو فاهم شي .. الا اسم عبير ": ..اي بنت ... احد كان عندكم هنا ...؟!
سمر " راحت للدولاب فتحته شوي ..." هههههههههههه ..هاه عبير كيف الجو عندك ...
نوره : ايه هذي عبير كانت معانا ..بس مسكينه شفناك ونسينا انها معانا ..." لفت تطالع في سمر وهي ميته ضحك على باب الدولا ب "ههههههههههه افتحي للبنت مسكينه لا يخرب مكياجها
وائل " ما وده يطلع ..انبسط لما شاف سمر وعمته يعلقون على عبير ..."...
نوره : بغيت شي يا وائل ..
وائل " انتبه لعمته ": لا لا سلامتك عمتي .. وقولي لعبير اني اسف ماكنت ادري انها هنا ..سلام ."".وطلع من الغرفه وراح غرفته ..."
نوره : اطلعي عبير راح وائل ...
عبير " طلعت من الدولاب حرانه وجهها احمر ..": اوريك يا سمر تضحكين علي ..هاه .. وربي تشوفين ما راح افوتها لك ...
سمر :ههههههههههههه أوه يا بطني ههههههههههههههه..
نوره : ههههههههه معليش يا عبير والله حتى انا نسيت انك موجوده ..معليش وائل فجعنا وبعدين فاجأنا ...كان مسوي لوك جديد ..ايه على فكره يقول قولي لعبير اني اسف ماكنت ادري انها موجوده ..
عبير" انحرجت من عمتها ... ومن كثير احراجها ..طالعت في سمر اللي لسى تضحك عليها .. وطاحت عليها ضرب ": باقي تضحكين انتي وجهك ..اما وريتك .." تضربها "...
سمر : ههههههههه..أأأأأأي ..ههههههههه ..عورتيني ....خخخخخخ
نوره : الحمدلله والشكر يالبنات ..يالله عيدوا مكياجكم لانه تخرب ..انا بروح لبيت اخوي سلطان " ابو عبدالله " ...مع السلامه ..
"طلعت نوره ..وتركت عبير وسمر يدبرون نفسهم ...بعد ما خربت شعورهم ومكياجهم .."

وائل " بكل عصبيه رمى مفاتيحه ونظارته الشمسيه .. على السرير ..ورمى جسمه جنبها وحط راسه على المخده ..وكان حاسس انه تايهه...": يعني متى بتفكني هالعبير ..حتى بيوم ملكتي الاقيها باجمل صورة قدامي ..." غمضت عيونه وهو يتذكر شكلها وهي تطالعه مفجوعه وحط يدها على فمها وطالعت في سمر وعمتي نوره ومحد منتبهه لها ..ولفت مرتبكه وراحت على الدولاب وشعرها يطير مع كل حركه تسويها ودخلت بسرعه في الدولاب وسكرت عليها ..".. كان شريط شوفة عبير يمر قدامه ببطء... اللون التفاحي يعجبني واحبه ..وشكله عليها مرره روعه اللبس ..هي وسمر لابسات مثل بعض ...مدري ليه احس ودي يصير شي وما تتم الملكه ..وائل ..لا انتبه وش تبغى يصير و كل الناس اللي حولك فرحانين لك ... بس ..بس ..عبير ... لا وش عبير بزر توها بثالث ثانوي ...تفكيرها نفس اختك سمر اللي تطفش منها ساعات .. " وجلس على السرير "... خلاص خلاص تفكير فيها ..تعبت وربي تعبت .... قلبي من جهه وعقلي من جهه..
" دق باب غرفته ....وائل ..وائل "
وائل "بصوت رافع ": ادخل ...
ام وائل "مبتسمه واضح الفرحه في عيونها ": هاه يا ولدي اجيب لك شي تاكله .." وطالعت في حلاقته الجديده ".. ماشاء الله تبارك الله .. ايش الحلاوة هذي يا عريس ...
وائل " ابتسم لابتسامة امه ..وحط يده على دقنه ": ...ايش رايك يمه حلوه ..مناسبتني ...؟!
ام وائل :كل شي عليك حلو ..الله يسعدكم يارب ويوفقكم ...
وائل :آميييين ..
ام وائل : اجيب لك شي تاكله ...
وائل "حط يده على بطنه ": أي والله يمه ...ذكرتيني بالاكل وصرت جيعان ..ما اكلت شي من الصباح ...
ام وائل : ايه جيت اناديك على الغداء لقيتك طلعت ...
وائل : ايه اولاد عمي حجزوا لي عند حلاق عرسان على حسابهم ." وابتسم " هديه ملكتي ...وذبحني الحلاق تنظيف بشره وبخار ومدري وشو ...
ام وائل : هههههههههههه..والله ما قصروا اولاد عمك ...
وائل : أي والله ما قصروا ..وحتى عمر ولد عمتي معاهم ... حسيت انهم اخواني مو اولاد عمي ...
ام وائل : الله يسعدكم كلكم ... وما تفترقون ابد ..
وائل " سلم على راس امه ": آمين يارب .. ولا يحرمني منك يالغاليه ...
ام وائل " مسحت دموعها اللي نزلت غصب عنها ..بدون ما ينتبه لها وائل ": بروح اجيب لك الاكل ...
وائل : لا تتعبين نفسك يا امي قولي للشغاله تطلعه ..والا سمر ..يحطونه عند الباب ..وانتي ارتاحي ...
ام وائل : ان شاء الله ...
وائل : مشكورة يا ست الكل ...

 

[محارة لؤلؤ]

.........................

في المشغل .......... انتهت شيماء .. .. وجلست هي وفاء ينتظرون عبدالله في غرفة الانتظار ....
شيماء : وفاء ..ابغى اقول لك شي...
وفاء : يا ويلك تقولين جيعانه ..بسك اكل خلي الفستان يتقفل عليك ..
شيماء" زعلت ": وجععع ..اذكري الله ...لا يجيني عين منك ...
وفاء :ههههههههه ما بيحسدك الا انا ...
شيماء : هذا وانا باقول لك خبر يخصك ..."فركت اصابع يدها في بعض " موتي حره ماني قايله ...
وفاء " بلا اهتمام ": هههههههه لا تقولي ..مو مهم ..
شيماء : او تدرين الا بقول لك وبكذا اكون انتقمت منك صدق...
وفاء" موفاهمه شي .. وتطالع فيها .."....
شيماء " بمكر وخبث .. وضحكه ": اخوي عبدالله ... يبغى يخطبك رسمي من عمي سالم بعد ملكتنا ...
وفاء " مفتحه عيونها ...وجهها احمر "........
شيماء "عجبها شكل وفاء وهي منحرجه ..وحبت تكمل عليها ..لانها مقهورة منها ":يقول انه يحببببببببك مره .. ويموت على الارض اللي تمشين عليها ...ويقول انك انتي الوحيده اللي ملكت قلبه وعقله و..........
وفاء " ضربت شيماء ": خلاص هييييييييي وين احنا ...." وحاولت تبلع ريقها .. وتهدي من دقات قلبها ...وطالعت في شيماء": عرفتي تنرفزيني ... يالله قولي وش تبغين وخلصيني ..
شيماء"ببرود" : وش فيك ..انا ما قلت شي غلط ... وربي كل كلمه قلتها لك صدق..." وتحولت ملامحها لجد " ... وفاء ...انا قلت لك الموضوع وابغاه يكون سر بيني وبينك...لاننا كنا متفقين ما نكلمك الا بعد ملكتي انا و وائل .. وطبعا بيكلمون عمي على طول... بس انا جربت الخطبه "وزفرت بقوه ".. اشوف لو الوحده عندها خبر قبل بوقت ...يعني قبل لا يكلمها ابوها بالموضوع ...يكون افضل ...تكون فكرت في كل شي ...وعرفت ايش تقول لابوها ...لانها " وطالعت في وفاء بعيون حزينه "... اذا وصل الموضوع للاب ..معناه انتي مالك رأي ...لانه ولد اخوه ..ودائما يقولون ولد العم لبنت العم ...بس هذا الكلام غلط ...مو شرط اللي كان يصير قبل 50 سنه نستمر احنا نسويه ...ومو شرط أي ولد عم يطلع يحب بنت عمه ....وكمان مو شرط البنت تحب ولد عمها ...
وفاء " تسمع لشيماء ..وتحس انها تتكلم من قلب حزين ...": شيماء انتي مجبورة على وائل ؟!
شيماء " تطالع وفاء بنظرات خوف ": ها ...لأ لأ ...مو مجبوره من قال ..." حاولت تغير الموضوع ".. خلينا فيك انتي وعبدالله الحين ...انا خلاص شوفيني ملكتي اليوم ...بس اهم شي انتي ..."حطت يدها على يد وفاء "وفاء اوعديني تفكرين مضبوط ....هذا زواج مو لعبه ..." وابتسمت لها "... وربي ما راح الاقي لاخوي عبدالله احسن منك ...بس ما ابغاك توافقي لانه ولد عمك ...ابغاك توافقين عليه وانتي تحبينه وتبغينه . ..

دق جوالها >>>>>>>>>>> عبدالله يتصل بك ...

شيماء : هلا عبدالله ..طيب طالعين ...." تطالع في وفاء" عبدالله جاء " وغمزت لها "... ما يمنع انك تطالعين فيه في السيارة وتحاولين تحبينه ...تراني لا اسمع لا ارى لا اتكلم ..."جت بتمشي ..شافت وفاء ما تحركت ..." وفاء ...يالله..
وفاء" مسرحه ..وبخجل ": لا ما باجي معكم ...بكلم احمد والا خالد يجي ياخذني ...
شيماء : من جدك انتي ...اقول قومي ...
وفاء " باحراج ..وجهها الاحمر ": وربي مقدر يا شيماء ...مقدر .... مقدر اطلع سيارته ...
شيماء " تضحك على خجلها : ههههه وربي انك تحفه انا معاك ...يالله بلا دلع ...
وفاء "باستسلام ": طيب بطلع بس بشرط لا تكلميني ...لحد ما نوصل البيت ....
شيماء : ههههههه ..اصلا خلاص خليته يسمع صوتك .. اهم شي يتاكد انك منتي بكماء...
وفاء " متنرفزه منها ": يؤؤؤؤ منك ...الله يعين وائل عليك ..
شيماء " بس سمعت اسمه ..تضايقت ..": امشي امشي ..
وطلعوا من المشغل ... وركبوا سيارة عبدالله .... اللي كان واضح انه حلق دقنه ورتب شنبه ...
شيماء : الله الله ...ايش هالحركات .. وربي شكلك خطيير ..." تحاول ترفع صوتها عشان وفاء تنتبه له "...
عبدالله : تسلمي والله .... " وحب يغير الموضوع لانه انحرج من مدح اخته له بوجود وفاء " التكييف كذا حلو ..والا اخفضه شوي ..؟!
شيماء : لا تمام كذا ...
وفاء " من غير شعور ..طالعت في عبدالله وهو يسوق ويكلم شيماء .وكيف يبتسم ...وتخيلته كزوج ...يؤؤؤ ..احراج ...بس ..بس ...شيماء قالت لي لازم اتاكد من مشاعري ..بدون ضغط ..." ولفت تطالع في المقعده اللي قدامها واللي شيماء جالسه عليها ".. مدري ليه حسيت من كلام شيماء ..ان ما كان لها رأي بزواجها من وائل ؟! ... لا مستحيل ...وين عايشين احنا ...مين اللي صار يتزوج غصب عنه ...محد ...الاهل صاروا مثقفين وعارفين ان أي زواج بالغصب مصيرة الفشل ..."لفت وجهها للقزاز ..وتكت عليه " فعلا هذي حياة مو لعبه ..ابد مو لعبه ......" رجعت للواقع ...وبدأت تسمع لسواليف عبدالله ...اللي واضح انه تنرفز من كثرة اسئله شيماء ... اللي جالسه تسال وتسال عن كل شي ...واضح انها كان عند كلمتها لما قالت بخليك تسمعين كل سواليفه ...."
عبدالله : استغفر الله ..ما تعرفين تسكتين ...بقي شوي لوائل ...
شيماء : مالت عليك ...هذا جزاتي اني اسولف لك ...
عبدالله : ترى براسي الف شغله وشغله وانتي ما خليتيني اركز ..
شيماء : ليه وش عندك ؟!
عبدالله : رجعنا ..لاحول ولا قوة الا بالله ...
شيماء . وفاء: هههههههههههه
عبدالله " بخباثه ": سالتيني عن كل شي الا وائل ..ماسالتيني عنه .
شيماء :..........................
عبدالله : وربي صار يخقق من جد ...سوا لوك جديد ..طالع جنتل مان ...
شيماء : ..............
عبدالله : ههههههههههههههههه..ايوا كذا ..ليت من زمان جبت سيرة وائل عشان تسكتين ...
وفاء "ما قدرت تكتم ضحكها ":هههههههه
عبدالله " سمع ضحكة وفاء المكتومه .... يوه فديت ضحكتك والله .."
شيماء " تفكر في وائل .. يا ترى كيف بيكون شعوري لو شفت وائل ... هل بيكون مثل ما قال عبدالله ...اشوفه يخقق ..هل ممكن يتحرك قلبي لو شفته ...الله اعلم ..."...

ومشت السيارة متجهه للبيت ...تحمل ثلاثه قلوب حيرانه ...

.............................................................................

....... الرجال في منزل العم سالم " ابو خالد "......

كان في استقبال الضيوف ... الجد ..ابو وائل ...ابو عبدالله ..ابو خالد ..ابو سعود ...وبعدين المعرس " وائل ".. عبدالله ..خالد..سعود..احمد ..عمر ....


وائل .... كان لابس ثوب اصفر بتطريز بني على الاكمام والياقه وعلى الجيوب ...بدون بشت ..وغتره صفراء ...وكان مسويها كوبرا ..وعقال.. وساع بنيه سويسريه ...ولابس شراب وكندره لونها بني ...وطالع شكله وسيم بزياده ..وجذاب ...

دخل المأذون .. واستقبلوه بكل ترحاب ..وجلس في صدر مجلس الرجال .." طبعا لانها عائليه مجلس الرجال تبع العم ابو خالد كان يكفي ومناسب لعدد الرجال "
المأذون ..يطلب من ابو العروسه .. والعريس... والشهود .. انهم يجلسون عن يمينه وعن يساره ... وفتح كتاب عقد الانكحه ... وبدا يكتب ويسجل .. و وائل " يطالع في كل كلمه يكتبها الماذون ...وكل كلمه يقولها ...وتأكد ان اللي يصير حقيقه ومو حلم او كابوس " ...تنفس بصوت مسموع ...جعل الكل في المجلس يضحك من شكله اللي الكل توقع انها من التوتر المعتاد للعريس الذي يصاحب الملكه او الزواج ... ولكن شخص واحد فقط شعر بان وائل مو مرتاح لاتمام العقد ...
سعود " وقف بسرعه ..واتجهه لوائل ...ومسك يده وقفه ...وتوجهه للمأذون " دقيقه لو سمحت يا شيخ ...
الكل : استغرب من سعود وحركته ..حتى وائل ...
سعود "سحب وائل ..لخارج مجلس الرجال ..عند المغاسل .. وكلمه بكل حب اخوي وهو ماسك بيده " .. وائل فيك شي ...ودك تقول شي ...
وائل "لسى مصدوم من حركه سعود ": لا ...سعود وش فيه ...
سعود "ما زال ماسك بيد وائل وضغط علي يده بقوه ..": وائل لو تبغى تقول لي شي قوله ... انا بسمعك وبافهمك ..وان شاء الله اقدر اساعدك ... اهم شي سعادتك يا وائل ...
وائل " يطالع في يده اللي حس بضغط سعود عليها .. وحس انه فاهمه ..وكان وده ياخذه في حضنه ويبكي عليها ويقول له انا ما احب الا اختك عبير ...تكفى فكني من هالموقف ..."..........
سعود " ما زال الاصرار في عيونه ": وائل ..لسى فيه وقت اذا انت ...
وائل " لا مستحيل اسويها ..ابوي وامي .. مستحيل انزل راسك يبه ..مستحيييل ..ابتسم لسعود بصعوبه .. وقاطعه ": سعود ... اطمن ..انا بخير ... " وجلس يطالع في عيون سعود اللي حس انه فاهم كل اللي صار له "... والله انا بخير ...بس مرتبك شوي ..." ابتسم " اذا صرت في نفس موقفي هذا راح يصير لك نفس الشي ...
سعود" ما ارتاح كثير بس دام وائل ماحب يتكلم خلاص ": متاكد وائل ...
وائل " مبتسم ": ايه متاكد ...
سعود : يالله ندخل ..والله يعينني على اللي بيجيني من جدي واعمامي على حركتي هذي ..هههههههههههه
وائل : هههههههههههههههه .. ما عليم برقعها لك ..يالله ندخل عند الرجاجيل ..
" دخلوا على الرجاجيل ..اللي جلسوا يطالعون في وائل وسعود ..وخاصة سعود اللي سحب وائل ...بس وائل طمنهم ان سعود كان يبغى يقول له الدعاء ويقرا ويسمي ... وطالع وائل في سعود وغمز له ...اللي الثاني رد عليه بغمزه ارتياح ...انه ما احرجه قدام الرجاجيل ..."
كتبوا الكتاب واخذ عبدالله الكتاب للحريم ..عشان شيماء توقع ...
اخذته ..عمته نوره من يده من عند البوابه..وطلعت لشيماء .. في غرفتها ..اللي بس شافت الكتاب اللي توقع فيه ..
نوره : يالله يا شيماء وقعي ...
شيماء " تطالع في الكتاب ... وهي تشوف توقيع وائل وابوها ": وقع وائل ...يعني لازم اوقع انا كمان ...
نوره " مستغربه من اللي قالته شيماء ": ايه حبيبتي لازم العريس يوقع ...يالله وقعي انتي ...
شيماء " انحرجت ان عمتها سمعتها وهي تقول كذا ..ومستغربه كيف طلع صوتها ... وبلا أي كلمه ...اخذت القلم بسرعه وقعت ..ودمعت عيونها .."
نوره " تزغرد ": كلوليش ...الف الف مبرو....." تطالع في شيماء والدموع في عيونها "... لا لا ليه الدموع ....
شيماء : عمتي ...." وزادت الدموع ..".
نوره "تحط الكتاب على التسريحه .. وتاخذ منديل بسرعه .." لا لا يا شيماء ..لا تبكين ...بتخربين مكياجك ..دقيقه اعدله لك ..." ابتسمت لها " عادي ترى ممكن الوحده تبكي يوم ملكتها لان مشاعرنا تختلف كل يوم ..وانا قد مريت بهالشي واعرف ايش تحسين فيه ... بس تطمني انك اخذتي افضل الرجال ..وائل مافيه منه اثنين ...
شيماء " اخذت نفس ..": خلاص يا عمتي انا بضبط مكياجي ..روحي رجعي الكتاب للي عطاك ...
نوره : ايه عبدالله ينتظرني عند البوابه ...يالله مبروك ..." وطلعت "..
شيماء " سرحت في نفسها في التسريحه ".:يارب عدي الليله على خير ...متى ينتهي هذا كله ...اوف .." ورجعت تضبط مكياجها وهي متضايقه .."...

..................................

 

[محارة لؤلؤ]

..................................

دخل عبدالله ..مجلس الرجال ... بيده الكتاب ...
وائل " يطالع في ملامح عبدالله اللي كانت طبيعيه ...لو جت منها يكون افضل ...بس شكلها وقعت "....
عبدالله " اعطي الماذون الكتاب ..وراح لابوه " الف مبروك يبه ..
وائل " غمض عيونه بقوه لما سمع المباركه .. يعني تم الموضوع ..قرب عبدالله منه .. وبارك له " الله يبارك فيه يا عبدالله وعقبالك ...
بعدها راح وائل سلم على عمه سلطان ...وعلى جده وابوه ..وعلى اعمامه ..والكل سلم عليه وبارك ...ولما جاء دور سعود ...
وائل "بس شاف سعود قدامه اللي كان واضح عليه انه منحرج من اللي سواه .. ابتسم له "...
سعود " منحرج منه " مبروك يا وائل ..." وقرب منه اذنه " اسف شكلي فهمتك غلط ..
وائل " بس سمع كلمه سعود ... ضمه لصدره ...وحضنه ...لا والله ما فهمتي غلط انتي الوحيد اللي فهمتني صح ...رد عليه باذنه وهو حاضنه ": لا ما عليك ..بس لا تعودها مع غيري ههههه
سعود " هو كمان كان حاضنه ...": هههههه اول مره حدسي يخيب ...شكله ما ينفع حدسي الا مع عبير ..
وائل " بس سمع اسم عبير.. محد فاهمني الا انت يا سعود ..زاد في ضم سعود ... وسعود حس عليه ...بس ما توقع عشان عبير ..." ههههههه
عمر " قرب منهم وهما حاضنين بعض ": يالله ..ياخي فك العريس الناس واقفه تنتظر عناقكم الاخوي هذا يخلص ...
احمد " ياشر على يده ": اقص يدي اذا اخوي ... الا عناق حميمي ..
وائل , وسعود " بعدوا عن بعض "ههههههههههههههه
وائل " وهو حاط يده على كتف سعود ": هذا اخوي الصغير مافيها شي اذا ضميته ..
سعود" فرح لما سمع وائل ..وحس ان فعلا وائل مثل اخوه الكبير ..":..يالله مبروك مره ثانيه ..." وابتعد عشان اللي وراه بيسلموا على وائل ...بس راح وهو مرتاح من كلام وائل ...وان اللي سواه ما اثر عليه .."...

.....................................
عند الحريم ...
كان عدد الحريم المدعوات كثيرات بالنسبه لعدد الرجال ...ففتحوا مجلس الحريم ومجلس الرجال ..وصار البيت كله حريم ... في الطابق الاسفل ...وصوت الدي جي .. مالي المكان ..والبنات رقص وسواليف ... والعمات في استقبال الضيوف و الترحيب ...والشغالات للضيافه..

... بعد العشاء .....

والكل ينتظر زفه العروس شيماء ...طلعوا البنات " وفاء وعبير وسمر ونجوى "..عند شيماء عشان تستعد للزفه ....
" دخلوا البنات ورا بعض للغرفه وهما لابسات نفس الفستان .. وكان المكياج كل وحده اختارت اللي يناسبها او اللون اللي تحبه ....وطالعه اشكالهم مميزه وحلوه جدا جدا ...
وفاء " تركت شعرها الاسود مفتوح لانه طويل واصل لاخر ظهرها ومن قدام على جنب. ..وهي نحيفه وطويله .. ومكياجها كان لحمي ... "..
عبير" شعرها الواصل لنص ظهرها ولونه البني الغامق مع خصل عسلي ...وقاصته شلال ..من قدام خلته مفروق من النص .. وطايح شعرها على كتفها ..ومكياجها زهري ... .."..
سمر "شعرها الاحمر ..اللي يتعدى اكتافها ....مجعدته.. ومسويه مكياج احمر .. ..."
نجوى " قاصه شعرها فراوله قصير مرره ... وشعرها على طبيعته اسود .. ومكياجها اورنجي .."

شيماء" كانت جالسه على كرسي التسريحه بس شافت البنات داخلات عليها ارتبكت" : لا تقولون الزفه ....
وفاء : ايه ايه الزفه يالله استعدي ....
شيماء" مرتبكه ": الحريم كثيرين ..؟!
سمر : لا مو مره كلهم تعرفيهم ...
نجوى : شيماء مافيه شي يوترك ترى الزفه مضبطينها وكل شي تمام ...
عبير : انتي بس امشي بشويش ..عشان الزفه تكون حلوه والناس تشوفك مضبوط ...
شيماء : أأأ ...و...وائل بيدخل الحين والا بعدين ...
سمر : بيدخل الحين معاك ..وقت ما تجهزين قولي لي عشان اكلمه ..
عبير" حاولت تنسى وائل ..وتفكر في شيماء بنت عمها ..على الرغم من انها جافه معاها ..بس شيماء كانت مره مرتبكه ومحتاجه الكل معاها .."...
نجوى " تطالع في شيماء ...": خلاص انزل تحت عند صاحبه الدي جي عشان اقول لها متى تشغل الزفه ...؟!
شيماء " اخذت نفس ": ايه ايه خلاص روحي ..." ولفت على عبير " عبير عطيني مسكتي ..." وعطتها عبير مسكتها ... ولفت على سمر ".. سمر خليك جنبي لو مسك الكعب في فستاني او يمكن اطيح تمسكيني ..لانك الوحيده اللي بتكون بدون عبايه ..طيب ..."
سمر : طيب ...
نجوى وفاء وعبير ..لبسوا العبايات .. ونجوى وفاء عندهم نقابات ..وعبير لثمه ..
سمر " تطالع فيهم وهما لابسات العبايه ": يوه ..اشوا انه اخوي " وبتكبر " مالي خلق يخرب مكياجي وشعري ....
وفاء : نشوف فيك يوم يا سمر ...
عبير : وانتي الصادقه...يعني اذا تزوجوا اخواننا بتكشفين عليهم ..؟! بتلبسين العبايه غصب عنك ...
نجوى : يالله بنزل ..." ولفت على شيماء ".. لا ترتبكين ..هذا وائل زينه الشباب عين السيح ...
شيماء" ضربتها على راسها ": روحي يالله ...قال عين السيح قال ..
البنات : ههههههههههههههههههههههههههههههههههههههه.
سمر " تكلم وائل ": هلا والله يالمعرس ..وينك ..تعال عند البوابه راح تستقبلك امي وعمتي نوره ...بسرعه ...
عبير " تطالع في شيماء ..وتحس انها مقهوره منها ان وائل بيشوفها بعد شوي ..وبتصير زوجته ...بس تعوذت من الشيطان ... وائل لازم انساه ..ماصار لي ولا بيصير...وعشان لا يعذبها ضميرها ..مسكت شيماء وضمتها لصدرها بقوه ...": الف الف مبروك يا شيماء ...والله اني احبك ..واتمنى لك السعاده ..
شيماء" مستغربه من حركه عبير .. ابتسمت لها ": الله يبارك فيك يا عبير وعقبالك ..
عبير " بعدت عن شيماء وطالعت في عيونها ": حبيت اكون اول وحده تهنيك ... يا احلى عروس...
شيماء " حست بالفرح من حركه عبير ... وحست ان عبير كانها اختها ": ... مشكورة عبير ..تصدقين خففتي التوتر عني ...ههههه
عبير : هههههههههههه " وبعدت من قدامها ..وحطت يدها على صدرها وفكرت في وائل وحست انه ما صار يعني لها شي ..لانه هو الحين لشيماء وبس ...وشيماء اختي وانا احبها ...فرحت لهالشعور اللي جاء لها ...فعلا مافيه احلى من الاخوه ..."..

بدا صوت الزفه يعلى ... وشيماء نازله من الدرج بشويش ...
..............................

وائل " واقف في اخر الدرج ينتظرها تنزل ...وجنبه امه وعمته نوره ...
شيماء ... كانت لابسه فستان ليلكي .. قصته من تحت الصدر وهالشي وضح جسمها انحف ...وله ذيل طويل شوي ...وكل الفستان فصوص ...ولابسه شال عليه لانه علاقي ...مسويه شعرها فلو على جنب .وحاطه ورد ليلكي على جنب ...ومكياجها كان ثقيل نوعا ما ...ومسكتها ورد طبيعي ملون ...كانت حلوه ..بس تكشيرتها قللت من جاذبيتها ...


وائل " يطالع في شيماء وهي نازله .. سرح فيها شوي ...ولفت انتباهه شكل سمر ..وهي تاشر له من ورا شيماء.. وتضحك له ..وهو ضحك لها ":هههههههه .." يطالع في عمته نوره " وش طلع سمر الهبله مع شيماء....
نوره : ههههههههههه لازم وحده تكون مع العروس عشان لا تطيح وتساعدها ...
وائل : اها .."... ورجع لف لشيماء ..لقيها قربت توصل ... وتلاقت عيونهم في بعض ... دق قلبه ...وابتسم ابتسامه ظهرت اسنانه ... قرب من الدرج اكثر ..ومد يده لها ...":... هاتي يدك..
شيماء " انحرجت من حركته ..مدت يدها له ..ما حبت تحرجه قدام الحريم ":...مشكور ...
وائل " شبك يده بيدها .. وقفوا شوي يطالعون في بعض .."...
ام وائل "تاشر لهم على مجلس الحريم ": على مجلس الحريم يا ولدي ... ..
وائل " لف على امه ": أأأ ايه ايه ان شاء الله ...
سمر " قربت من اخوها وتعلقت فيه حتى وصلت لاذنه ": اقول امش بشوييييييييش ...وش فيك طاير ...
وائل " ضحك على كلام اخته ": طيب طيب...
مشيوا لمجلس الحريم ..وهما مشبكين يدهم في بعض ...لحد ما وصلوا للكوشه ....وجلسوا عليها ...

وائل " ابتسامته ما فارقت شفايفه ...طالع في شيماء ..قرب منها ": مبروك يا شيماء ...
شيماء" نزلت راسها .. وبدون ولا ابتسامه ": الله يبارك فيك ...

وائل " يطالع في اللي قريبين منه ...جدتي ..امي ..وعمتي هيا "ام عبدالله "..عمتي سعاد"ام خالد " ..عمتي بدريه "ام سعود " ..عمتي نوره....سمر ...خالتي ام سعد وخالتي ام بدر ...والباقيات متغطيات مو قادر اميز منهم أي احد ...ولا ابغى اميز احد ...وخاصة عبير...اتمنى ما اشوفها ...كفايه شفتها في الصباح ...انتبه لهم جايين يسلمون عليه ويباركون ..وقف لجدته وعماته وخالاته...وشيماء سوت نفس الشي ...وقفت لهم .."...

وبعدين لبسوا الدبل ...وائل ..لمس يد شيماء وهو يلبسها الدبل .. تذكر عبير ...لمى لمس يدها ...ما يدري ليه حس بشعور حلو لما تذكر لمسته لعبير وما حس مع يد شيماء باي شي ...

...نجوى كانت قريبه من اختها تشوف لو تبغى شي .. او تقول لها شي ...
...عبير وفاء ...كانوا جالسات بين الحريم بس قريبين شوي من كراسي العرسان ...وفاء كانت تعرف تزغرد ...
وفاء " تدق عبير اللي جنبها ":... اسمعيني بعد شوي بزغرد ..
عبير : من جدك انتي ...عادي و وائل هنا ..
وفاء "بلا هتمام ": ليه وش عرفه فيني ...كلنا متغطيات ...
عبير " كانت بترد عليها بس وفاء سبقتها "....
وفاء : كللللللولللللللللللللللللللش....
عبير " حطت يدها على اذنها وهي ميته ضحك على وفاء ":...هههههههه أي يا اذني هههههههههههه...
وائل " غصب عنه لف على جهة الزغروده .. ولمح حركه عبير ..ولثمتها ...وعرفها ...هي هي عبير ...
سمر " واقفه جنب اخوها ..لما سمعت الزغروده ": هههه عاشوا يا وفاء ....هههههههههه...
وائل " على الرغم من صوت الدي جي والربكه والدوشه بس ميز ايش قالت اخته ..وتاكد مليون بالميه ان عبير اللي جنبها ..."..
سمر " قربت قدام اخوها ..وقف قدامه ونزلت لعنده ...":.. هاه يابو الشباب مرتاح .."غمزت له .. وهي مبتسمه ".. مبسوط ...؟!
وائل " وهو يطالع في سمر ..يقدر يلمح عبير ..لو رفع عينه شوي بس ...ما قدر يقاوم رغبته ..طالع فيها ..وكانه يترجاها اليوم بس تخف عليه ...رجع طالع في سمر ..وابتسم ": ايه مرتاح يا اختي العزيزه ....
سمر : عادي قول تبغى تقعدون لوحدكم ...
وائل "بلا اهتمام ": بعدين بعدين ....

عبير " ما كانت تحاول تطالع في وائل مركزه على شيماء ..وش هاللوك الجديد يا وائل كله عشان شيماء ... يالله ما علينا ..انتبهت لشوق بنت عمتها تقرب منها .."...
شوق " تحاول تركز في العيون ": اممممممممممم ...انتي عبير ؟!
عبير" تطالع فيها ": ايه شوق حبيبتي ..وش فيه ..
شوق : هذا جوالك ...؟؟ " مدت جوال عبير لها "...
عبير " تاخذ الجوال": . ايه ايه جوالي ...ليه دق ؟
شوق " جلست جنب عبير ...طبعا كانت كاشفه عمرها 10 سنوات ما تغطت ": ايه اظن ...شوفي ..فيه مكالمات ...!
عبير " مشغوله بجوالها"...

ولكن هناك عين لم تكن مشغوله من وقت ما عرفتها ...بالرغم من وجود شيماء واهله والحريم المكتسيات بالسواد ومركزين عليهم ..
هذا" وائل "....ايه هي عبير ..هذا جوالها ...اعرف شكله ..عبير كفايه تكفين ...كفايه عذاب ...ولسى ما خلص كلمته وهو يكلم نفسه ....

عبير " وقفت بسرعه ..بتطلع تكلم برا عن صوت الدي جي ... بس كانت شوق جالسه على عبايتها ... وعبير مو منتبهه مركزه مع الجوال ...انفتحت عبايتها من قدام وضح جسمها والفستان عليها وكمان بانت ارجوالها لحد الركبه ...والكعب الذهبي ... وقفت فجأه وعبايتها مسحوبه على ورا ...وتطالع مين ساحبها ..لقيت شوق جالسه ومو منتبهه وجالسه تصفق ومنسجمه مع الطق اللي من الدي جي ...
عبير " ضربت شوق بخفه على كتفها .. وترفع صوتها عشان صوت الدي جي": قومي شوق شوق قومي عبايتي تحتك ...
شوق " انتبهت لعبير ..وقفت ورجعت تصفق "

وائل " للاسف شاف كل هالموقف ...اللي صار قدامه ... وشوفته لتفاصيل جسم عبير .. خلاه يعرق اكثر ..ويحك جبهته ..ويتنفس ببطء... ونزل راسه وهو يهزه يمين ويسار .....حرام عليك يا عبير ..حرام عليك ....

نجوى "لفت من عند شيماء وراحت عند سمر اللي قريبه من وائل ": شيماء تقول جيبوا التورته ..والعصير ...
سمر : ايه طيب .. انتي خليك عند شيماء وبجيبها انا وعبير وفاء ..
وائل " كان وده يقول لاخته الا عبير ...تكفين يا سمر الا عبير لا تقرب مني ...اليوم ملكتي ...تذكر شيماء ..وطالع فيها ": احس ان حتى شيماء مو مبسوطه ...ما شفت منها ولا ابتسامه الا اللي بالدرج وبس ...


"""""""""""""""""""""""""""""

 

[محارة لؤلؤ]

......................


سمر ...راحت نادت وفاء ..ولقيت عبير بالصاله تكلم ...وراحوا المطبخ ... عشان التورته ..والعصير ..حقت العرسان ..
سمر :... انا وفاء بنشيل التورته ...وانتي يا عبير جيبي العصير ..
عبير " بعلت ريقها وارتبكت ...ما تبغى تقرب من وائل ": أأأأ العصير انا لألألأ .... " بترجي "خلي الشغاله تجيبه ياسمر..اخاف ينكب علي ... ..
سمر" وهي شايله التورته هي وفاء ": لا والله ما تدخل الشغاله ..ليه اخوي يتيم .. ما عنده بنات عم مثل خواته ...
عبير" باستسلام " : طيب ..
دخلوا سمر ..وفاء"بالعبايه" لمجلس الحريم ...شايلين التورته طولها نص متر ...عليها صورة شيماء في نص التورته والنص الثاني صورة وائل..كانت هديه من عمتهم نوره ..هي والعصير
اللي دخلت عبير"بالعبايه" ...وهي ماسكه كاسه كبيره مرره فيها عصير طبقات ومعاها مصاصتين ..كبار ملصق فيها قلبين لونهم احمر...الكل يطالع فيهم وهما داخلين ومتجهين لعند وائل وشيماء ...على موسيقى هاديه ...

قربوا سمر وفاء وضعوا التورته على الطاوله اللي قدام وائل وشيماء ...وسمر بسرعه حطت عليها الشموع اللي مثل نجوم الليل ...في الاربع اطراف ..وشغلتها ...والكل زغرد وصفق ...ومشغول بالتورته ...
الا " وائل " ..طالع في عبير ..اللي كانت شايله كاسه العصير الكبيره ...وانتبه ان عبير طالعت فيه وبعدت عيونها بسرعه ..

"ولفت عبير تسأل عمتها نوره ..وين تحط الكاسه ."!!
..
نوره " قربت طاوله صغيره نوعا ما وحطتها قدام وائل ..واشرت لها ": تعالي عبير هنا حطيها ...
عبير" طالعت في الطاوله اللي قريبه من وائل لدرجه ركبته شوي وتدق فيها ": أأأأأأ..." ما تحركت ..ولا نزلت العصير..
وائل " يطالع فيها شوي ويطالع في عمته ...ويطالع في قرب الطاوله منه ... فكر انه يبعدها عنه لانه حس ان عبير ما تبغى تقرب لانها قريبه منه واضح انها مرتبكه .. ...بس بطل يبعدها ولف وجهه عنها وطالع في شيماء ....
عبير" ...يؤؤؤ..محد راضي يسمعني ...ما يشوفون الكاسه يا كبرها في يدي ...اخيرا لف على شيماء ....بسرعه بحطها على الطاوله ...بس قربت من الطاوله ..وحطتها ...لف وائل عليها .."
وائل " يطالع فيها وهي راكعه تحط الكاسه الكبيره وبسبب كبرها كان لازم تحطها بشويش ...ارتبكت لما حست ان وائل لف عليها ...
وائل " طالع في لثمتها وشاف رموشها الطويله والكثيرة ..واضح ان مكياجها زهري...مد يده للكاسه عشان يثبتها معاها .."...
سمر" انتبهت لحوسه عبير لفت بسرعه لعندها وساعدتها "...
عبير " بعصبيه ..": بدري ...
وائل " سمع عبير ... فعلا البنت مرتبكه مني ... الله يا عبير نسيتي وائل ...ابتسم .. وعض على شفايفه .. وقف لما شاف شيماء وقفت عشان يقطعون التورته ويشربون العصير...."...

عبير " بعد ما حطت العصير على الطاوله ...بقيت واقفه جنب سمر ومكتفه يدينها..قريبه نوعا ما من وائل ": ياربي ريحه عطره مرره قويه بس حلوه ...حتى واضح ريحه العوده فيه ... وساعته فضيعه مرره ...حتى ثوبه كشخه ... لما خفف شنبه وضحت حدود شفايفه اكثر..نفس شفايف سمر ...يؤؤؤ ..وش وصلني لشفايفه ...انتبهت لوائل .. يطالع في سمر ويقول شوفوا لنا مكان نجلس مع بعض ...ولاحظت انه طالع فيها ...نزلت عيونها ..وطلعت للصاله ...

وائل وشيماء ..دخلوا غرفه نوعا ما صغيره فيها كنب متصل ...دخلت معاهم سمر وام وائل وعمتهم نوره وام عبدالله ...لحد ما جلسوهم ...طلعوا كلهم وقفلوا الباب عليهم ..وبقيوا لوحدهم ...

وائل " لف يطالع في شيماء .. حلوه بس ...بس .. لا مو بس ايه حلوه وتجننن ": مبروك يا شيماء ..
شيماء " طالعت فيه ..وابتسمت ": الله يبارك فيك ...بس ترى ما سمعت منك الا مبروك مبروك ...ههههههه
وائل " تفاجأ من ردها ..وضحك ": ههههههه ... طيب ..كيف حالك؟
شيماء" وهي تطالع فيه بدون خجل ": تعبانه مو مصدقه متى تخلص هالملكه ...
وائل " حس ان شيماء .. ما عندها مجامله ...": سلامتك والله من التعب ...تحبي اتركك ترتاحين ...
شيماء " طاح الشال من على كتفها ..وارتبكت وصارت ترجع الشال ": اأأ ...بـ براحتك ..." احتاست بالشال "
وائل " قرب منها وعدل لها الشال على كتفها .. حتى ان يده جت على ظهرها العاري ..ابتسم لها ": اسف ما قصدي .. المسك ..مع انه " غمز لها " صرتي حلالي ...وزوجتي ...بس .. ما احب استعجل الامور ..احب اخذ كل شي حبه حبه .." ابتسم لها.. وبعد يده عنها بعد ما ضبط لها الشال "...
شيماء " تطالع فيه وعيونها مفتحه .. وبارتباك وجديه ": لا تقول لي هالكلام مره ثانيه ..ما احب اتكلم في هالامور ..
وائل " طالعها باستغراب ": أي امور ...اذا قلت انك زوجتي ..ما تحبين اقولها ...
شيماء"منزله راسها .." :وائل انا انا تعبانه وابغى اطلع غرفتي ..ممكن ..
وائل " طالع فيها ..": طيب ..طيب...بخليك ترتاحين .."وقف ..وطالع فيها وهي جالسه و لسى منزله راسها ولا وقفت "
وائل : ما راح تودعيني ...
شيماء "طالعت فيه ..وقفت وهي متاضيقه ":مع السلامه ..
وائل " طالع في عيونها ..وابتسم لها ..وضمها لصدره .. وغمض عيونه...وكانه يقول لها ..شيماء تكفين نسيني عبير ..تكفين نسيني حضنها وريحتها ..وذكرياتها ..خليني ابدا معاك كل شي حلو بعيد عن عبير ..تكفين يا شيماء ساعديني ..":... راح اشتاق لك ...
شيماء " كانت في حضن وائل ..مو مستوعبه اللي سواه ..ولا حتى بادلته الضم ..وبصوت واطي ": قلت لك تعبانه فكني ...
وائل " فكها بسرعه ..وهو يطالع في عيونها ": شيماء انا ..
شيماء "زفرت بقوه ": قلت تعبانه تفهم والا ما تفهم ...
وائل " انصدم ...":يمكن اعصابك تعبانه اليوم ...اشوفك وقت ثاني ....مع السلامه ...

وائل "طلع من بيت عمه وقف في الحوش ..فكك ازرار ثوبه من فوق ... لا مو معقول ..وش اللي قاعد يصير ...انا بحلم والا بعلم ...شيماء ..شكلها ..شكلها مو طايقه تطالع في وجهي ..ولا هي متقبله أي شي مني ...حتى ما حاولت تجاملني ...يمكن صدق تعبانه ..بس ..حتى لو تعبانه هذي ملكه مره بالعمر ...ليه .".ومر على باله شكلها وهي جنبه في الكوشه "..ما كانت حتى تطالع فيني ..ولا تبتسم ..لالا ان شاء الله اني غلطان ..يمكن انا صرت حساس زياده عن اللزوم ...."

فتح البوابه ..وطلع ..وشاف اولاد عمه واقفين عند سياراتهم ومشغلين مسجل السيارات على اغاني ...ويرقصون ويستهبلون ...بس شافوا وائل طلع زادوا في الرقص ..وضربوا بواري ...

وائل "ابتسم من رقصهم وحركاتهم ... يالله بانبسط مع الشباب ولاحقين على شيماء..وقرب منهم وائل ...ولف غترته على وجهه وتلطم ..وصار يرقص رقص واحد محترف .. والكل سوا نفس حركته تلطموا ..ويصفقون ويصفرون ...وعمر جاء قدامه ..وصاروا يرقصون مع بعض ....والكل فرحان بملكة وائل وشيماء ..ما عدا وائل وشيماء !!!.....

 

[محارة لؤلؤ]

"]<<<<<<<<<<<<<<<<<<<<<<<<<<<<<<<<<<<<
الجزء السابع
<<<<<<<<<<<<<<<<<<<<<<<<<<<<<<<<<<<<[/FONT]​

صباح الجمعة ....

بيت ابو وائل ... الكل على الفطور ما عدا "سمر" هي نايمه وحتى لو كانت صاحيه ما كانت راح تفطر معاهم بسبب وجود عمر ......
الجده : متى رجعتوا يا نوره امس انتي ومنيره ؟!...نمت وانتو لسى عند هيا "ام عبدالله"...
منيرة : رجعنا الساعه 2 ونص تقريبا يا امي ...
عمر : ماشاء الله عليكم ..ليه انتو تاخرت الملكه عندكم ..احنا الساعه 11 ونص خلصنا ...
نوره : ههههههه لا الملكه خلصت من بعد ما طلع وائل من الزفه والحريم الساعه 12الكل راح بيته ...يعني 12 ونص والبيت مافيه الا احنا بيوت اخوالك "تقصد عمر يصيرون اخواله "....
عمر: أجل ليه تاخرتم للساعه 2 ونص ..؟!!
ام وائل : كنا نساعدهم في تنظيف بيتهم وترتيبه ...
نوره: أي والله ..الله يعينهم ..انقلب بيتهم فوق تحت ...
الجده : عقبال كل بيوت اولادي ..ونفرح بالبنات والاولاد ...
الكل :آميييين..
وائل" منزل راسه ياكل وما شاركهم في السواليف "
عمر" يدق يد وائل بكوعه ": هييييي ...ترى نتكلم عن ملكتك انت ..عطنا سالفه ما نعرفها ..." وغمزله " والا موقف طريف ..
الكل :ههههههههههههههههههه
الجد " قطب حواجبه وكانه تذكر شي ": الا يا وائل ..وش كان يبغى منك سعود يوم سحبك قبل كتب الكتاب ...؟!...
عمر " بتريقه ": بدا جدي وجدتي التحقيق في ملابسات احداث البارحه ..هههههههههههههههههه
الكل ما عدا وائل : هههههههههههههههه
وائل" طالع في جده وهو يبلع اللقمه بالقوه ": ...........ولاشي يابوي ..مثل ما قلت لكم بس كان يبغاني اقرا وادعي واسمي ...
وبسس.
الجد : وشو اللي تسمي وتدعي ..المفروض هذا يكون في انك تستخير قبل الملكه مو قبل كتب الكتاب بدقايق ...
وائل " رجع ياكل باهتمام ": .. وسعود وش عرفه ... اول مره يحضر كتب كتاب ....
ابو وائل " مامشي عليه كلام وائل ": نتكلم في الموضوع بعدين ..
وائل " دام الوالد قال كذا معناه ما عجبه ردي ... وراح يسالني مره ثانيه ...": ان شاء الله يبه ....
ام وائل " مستفسره ": وش سوا سعود ...؟!!!
نوره " تطالع فيها ..وبعدين تطالع في اخوها محمد ": أي والله ايش صار ؟! ...
ابو وائل : الحين بتعطلونا عن صلاة الجمعه .."" وقف " ..الحمدلله الذي اطعمنا وسقانا من غير لاحول منا ولا قوه ...
ام وائل : افطر يا ابو وائل ...
ابو وائل : الحمدلله ... " وطالع في وائل وعمر "... خلصوا بسرعه عشان يمديكم تتجهزون للجمعه ...
وائل , وعمر : ان شاء الله ......
الجد " وقف ....وراح لغرفته عشان يتسعد للصلاة "...
عمر " يطالع في يد وائل ": وين دبلتك ..مسرع فصختها ...يا ويلك لو درت شيماء ...
وائل " بلا اهتمام ": لسى ما تعودت عليها ...
نوره : شكلك مو عاجبني يا وائل ...وش هالهدوء ..والاجابات المختصره المفيده ...
وائل " طالع في عمته ..وابتسم لها ": ...لا عادي يا عمتي بس يمكن مرهق ...
عمر " يطلع لسانه ": وامس بالليل اكييد ما نام ..يفكر في شيماء ..
وائل " طالع في عمر .. من فوق لتحت ": اقول نقطنا بسكاتك ولا عاد تجيب سيرة خطيبتي على لسانك ...
ام وائل " تاشر بعيونها لوائل .. لا يكلم عمر كذا عشان امه لا تزعل ":... الله يهديكم يا اولادي خلصوا فطور وبسرعه عشان تلحقون الصلاة ...
وائل " فهم امه .وحس فعلا انه زودها ..وقف "... الحمدلله ..." وراح ورا عمر .... وبتريقه " ..اما انت فقد ذكرت اسم زوجتنا المصون قرابه التاسعه والتسعون بعد الالف .. سيتم احتساب لك ذلك .. وعلى ضوئها ..سيتم ذكر حرمكم المصون التي امها داعيه عليها .. قرابة التاسعه والتسعون بعد الالف .. امام الملاء..
الجده, نوره , وام وائل : هههههههههههههههههههههههههه
عمر " جالس ويطالع في وائل ": هههههههه امام الملاء ...كثر منها ذي ...
وائل " لما حس ان الكل رجع يضحك ولا احد زعلان منه ..ربت على كتف عمر ": .... انا طالع اتجهز للصلاة ...
وهو طالع للدرج ...
عمر " يطالع فيه ..ويرفع صوته ": الله يعين شيماء عليك ....متقلب المزاج ...
وائل " لف عليه واشر له بيده وهو طالع الدرج ":.. اصبحت الان المئه بعد الالف ..
عمر " حط يده على فمه ": ....اوب ...ما انتبهت العذر والسموحه يا ولد الخال ...
نوره , ام وائل : هههههههههههههههههههههههههههههه

.........................................

الرجال بعد ما رجعوا من صلاة الجمعه ..مجتمعين قدام الفلل ...يسولفون ...
الجد " يكلم ابو سعود ": بتسافرون الشرقيه والا بتقعدون ...
ابو سعود : لا يبه ..بنقعد يومين ثانيه .. عشان اختي نوره ...
الجد : زين ما تسوي ...يالله انا بدخل ما اقدر اطول بهالشمس ..حياكم تعالوا تغدوا معنا ...
ابو سعود : خيركم سابق ...الحين الاهل مسوين الغداء ...يالله نتقابل ان شاء الله...
الجد ..ابو وائل ..ابو خالد ..ابو عيدالله ...دخل كل واحد بيته ما عدا الشباب واقفين عند السيارات ...

خالد " يكلم سعود ": سمعت عمي يقول بتتاخرون يومين منتو مسافرين ...كيف الجامعه معاك ...
سعود" بضيق ": لا انا بسافر اليوم ..عندي محاضرات واختبار يوم الاحد ..مقدر أجله ..
وائل : خسارة والله كنا بننبسط لو جلست معانا ..
عبدالله : قصدك بتنبسط انت وياه ..لاني انا وخالد ورانا جامعه ..واحمد مدرسه ..وانت عاد العريس اخذت اجازة مفتوحه ..
احمد " ياشر على عمر ": حتى هذا ما عنده مدرسه ..والله شكلي بسحب على المدرسه هالاسبوع ..
خالد : انت ثالث يعني تخرج ..وش تسحب ما تسحب ...شد حيلك باقي 3 شهور وتنتهي ...
احمد : حتى عمر ثالث ثانوي ...
عمر : ايه بس انا قدمت اجازة رسميه ماراح ياثر على هالاسبوع ان شاء الله ....
وائل " طالع في عبدالله ..": عبدالله ابغاك شوي ...
عبدالله " ابتسم له وحرك حواجبه ": ايه حتى انا ابغاك بموضوع خاص ...
خالد : خير ان شاء الله علينا انت وياه .. صار عندكم خصوصيه ..
احمد " بنص عين ": يمكن عبدالله غار من وائل ويبغى يتزوج ..
عبدالله : ههههههه شيطان انت ..يالله عن اذنكم ..
وائل : نشوفكم شباب بالليل .." وركبوا سيارة عبدالله ..وجلسوا يسولفون فيها "..
سعود " تغيرت ملامح وجهه ..وخاصة ان عبدالله كانه فعلا يفكر بالزواج ...": ايش عندهم ..!؟
خالد " رايح لبيتهم .. وراه سعود واحمد وعمر": يا خبر اليوم بفلوس بكره ببلاش .." وحط يده على كتف سعود وهو ماشي ".. تفضل تغداء معانا ..
سعود" متضايق ":لا مشكور .. بروح اتغداء عشان اتجهز للسفر. ...
خالد : بالتوفيق ... يالله فمان الله ....
سعود " دخل بسرعه لبيتهم ... وهو يفكر في عبدالله انه فعلا يمكن يخطب سمر "
احمد : تعال يا عمر تغداء معانا ...
عمر " يطالع في سعود وهو يدخل بيتهم " ..مشكور ..بس أي وقت بتطلع كلمني اوك ...باي ".....تضايق شوي ان سعود ما عزمه ...وخاصة انه الوحيده اللي يقدر يكشف عليها هي عبير اخته..لانه حس ان سمر بدت تتضايق وهي تاكل لوحدها "


........... سعود "دخل متجهه الى المطبخ " : يماه ...يماه
ام سعود "في المطبخ ": تعال يا سعود انا هنا ...
سعود : يمه ...انا انا " حك راسه ".... ابغى تخطبون لي ...
ام سعود " مو مستوعبه ": ايش ؟!
سعود : يمه ..ابغى تخطبون لي اليوم ..تكفين يمه ...
ام سعود " تحاول تفهم ": وشو اللي تكفين يمه ...فهمني وش فيك ...
سعود : لو ما خطبتم لي اليوم بتطير مني البنت ...
ام سعود " غمضت عيونها ..وبنفاذة صبر ": تطير ؟! ..مين بيطيرها ..." مسكت كتف سعود" ..سعود ...فهمني شوي شوي .. مو قادرة افهم عليك ..
سعود " بحزن وضيقه واضحه في ملامحه ": يمه ..تكفين ..ساعديني انتي الوحيده اللي بتفهمني ...
ام سعود : كمل ....
سعود " بخجل ": انا .......احب ...... بنت ...... وسمعت ان واحد يفكر فيها ويمكن يخطبها ....
ام سعود " مفتحه عيونها ": أها ...
سعود " بحماس ": عشان كذا لازم اخطبها اليوم .. او ..او الحين ...قبل لا يخطبها احد قبلي ....
ام سعود : طيب فهمت انك تحبها ....بس ..مو لازم نسال عنهم ..ونسال عن البنت قبل لا نخطبها لك ...هذا زواح مو لعبه ...
سعود " مرتبك ": ما يحتاج تسالون عنها وعن اهلها ...انتو تعرفونها..وتعرفون اهلها ...
ام سعود" تطالع فيه بنص عين ":انا ... اعرفها ...؟! ... مين تقصد ومين في بالك ..؟!
سعود " بحزن ": بقول لك يمه ..بس اوعديني تخطبونها لي اليوم ...
ام سعود : انت مسافر اليوم والا نسيت ...
سعود" سحب كرسي من كراسي طاوله المطبخ بقوه .. وجلس بزعل ": ماني رايح اذا ما خطبتوها لي ...
ام سعود " سحبت لها كرسي ..وجلست بهدوء ": يا ولدي ...اسمعني ..انت لسى ما خلصت دراستك .. اذا تخرجت ابشر ..نزوجك ثاني يوم تخرجك ...
سعود " معصب ": يمممه اقو لك البنت بتروح مني ... وبعدين مين قال اني بتزوج ..خطوبه بس ...حتى بدون عقد ..بس يعرفون ان سعود لسمر وسمر لسعود ..."واحمر وجهه لما حس انه قال اسمها "...و ..و ..
ام سعود " ابتسمت ": سمر بنت عمك محمد ...
سعود" يطالعها بخجل ..وجهه احمر .. وهز راسه بمعني ايه "....
ام سعود : والله يا زين ما اخترت ...
سعود" انشرح وجهه ..": صدق يمه ... يعني موافقه على سمر ...
ام سعود : بس قول لي مين اللي سمعت انه بيخطبها ...
سعود " انحرج ": ......
ام سعود : قول يا سعود ..لانه لو خطبوها ..ما يجوز نخطبها وهما خطبوا قبل الا لو رفضت ممكن نرجع نكلمهم ...
سعود : احس انه يفكر فيها ...بس انا ابغى اقطع عليه الطريق وتكون خطوبتي خطوبه رجاجيل ...
ام سعود" مبتمسه ": والبنت ...قد شفتها ... تدري انك تحبها ..
سعود : لا لا لا والله ما تدري ..ولا قد كلمتها ...انا بس احيانا اذا جت سيرتها احسها مناسبه لي ..بس اليوم مدري ايش صار فيني لما حسيت انها ممكن تكون لغيري ...
ام سعود "باصرار ": قد شفتها ...؟!
سعود " نزل راسه ": ....اممممم... شوفات سريعه ...والله يمه لا انا متقصد ولا هي ...صدفه بس ...
ام سعود : ..والله سمر شيخة البنات ..وما راح تلاقي افضل منها ..
بشاور ابوك... وارد منك ...
سعود" معصب ": يمممه ..مو تشاورينه اقنعيه ...غير سمر ماني متزوج ... واليوم لازم تخطبونها لي ....
ام سعود".. وقفت ورجعت تخلص الغداء .. وعطته ظهرها ":.. خلاص يا سعود .. ما خبرتك عنيد ...كل شي بوقته حلو ...بكلم ابوك ..ويصير خير ...يالله روح غير ملابسك ..عشان الغداء ....
سعود" بحزن.. طلع من المطبخ ..بدون ولا كلمه .. ": ...

 

[محارة لؤلؤ]

............................................................

عبدالله وائل في السياره ...
وائل : والله ..ومين سعيدة الحظ اللي ملكت قلبك ...
عبدالله "بخجل ": ....وفاء بنت عمي سالم ....
وائل " متفاجئ ": ..وفاء ...
عبدالله : وش فيك متفاجأ ... غريبه يعني ...
وائل : لا لا مو غريبه ...بس "طالع فيه بضحكه سخريه ".. ولا عمرك لسانك زل ..والا وضحت شي ..لا قدام خالد ولا غيره ...ولا احد منتبه ...
عبدالله : ههههه افا عليك مضبط نفسي ...
وائل : موفق يارب ...ومتى ودك تتقدم رسمي ...
عبدالله : افكر اليوم او بكره ... قبل عمتي نوره ما تسافر ...
وائل : حلو حلو...امممممممممم .. اقول عبدالله
عبدالله :هلا ...
وائل " بحرج ": كيف شيماء ..؟
عبدالله " ابتسم ": بخييير ..ترى رحت الصلاة وهي لسى نايمه ..مدري ايش سويت فيها ما نامت الا الساعه 8 الصباح هههههه
وائل"مفتح عيونه .. هي تقول تعبانه ...ومدري وشو "...
عبدالله : ترى صارت زوجتك ..تقدر تكلمها وتسال عنها ...
وائل " سارح يفكر ": أأأ .. ايه صح ... "ضحكه بسخريه " زوجتي ..
عبدالله " طلع جواله ": اعطيك رقمها ؟
وائل " حس انه مجروح منها ": لا ما عليك باخذه من سمر ...
عبدالله "بحماس ": ايش رايك اكلمها ...وتسمع صوتها ...
وائل :................
عبدالله "دق على جوال شيماء ": الو ...شيماء صحيتي ...أها تفطرين ...فيه شخص يبغى يكلمك .." واعطي الجوال وائل "...
وائل " متفاجي من حركة عبدالله ..ما خبره انه بيعطيه يكلمها ": الو شيماء ...
شيماء : الو ؟! ...مين انت ...
وائل "بدون أي مشاعر ": وائل ...كيفك الحين ..؟
شيماء " بصوت جاف ": بخير....
وائل : حبيت اطمن عليك ...و... وبعدين بكلمك باخذ رقمك من سمر..
شيماء : عطني عبدالله ...
وائل " عصب منها بس ماحب يوضح شي لعبدالله ...": عبدالله خذ تبغى تكلمك ....
شيماء " بعصبيه .. وصل صوتها لوائل ": عبدالله قول لوائل ..رقمي هذا لا يدق عليه ...
عبدالله " يحاول يكون طبيعي عشان وائل ": ...ليه ؟!
شيماء " معصبه ": هذا رقم لصحباتي ..وصديقاتي ..بس ..يبغى يكلم يجيب شريحه ..واكلمه منها ..غير كذا لا اسمع صوته ...
عبدالله "..انحرج.. يحاول يبتسم ...": مع السلامه ...." وش اقول له ما تبغى تكلمك ".... وائل ..انت تعرف البنات ودلعهم ..جيب لك شريحه افضل حل ..واعطها هديه ...
وائل " سمع كل المكالمه ..وضاغط على اسنانه ..بس حاول ما يوضح ..": يالله يصير خير...." وفتح باب السياره .." حياك تغدا معنا ...
عبدالله : بالعافيه ..حتى انا رايح للبيت ...فمان الله ...
وائل : مع السلامه .. " ماشي بخطوات بطيئه للبيت ..وهو يفكر في كلام شيماء ...هل البنت اسلوبها كذا والا ما تبغاني ..والا ايش فيه بالضبط ...وربي حيرتني ...انا ..احاول احبها واتقرب منها ...بس هي تبعد عني ...اتوقع سمر راح تساعدني في هالشي .."

دخل البيت ولقيهم يتغدوا ...سلم .. واستاذن يغير ملابسه ... طلع غرفته بدل ..ونزل يشاركهم الغداء ..وهو يفكر في شيماء ...

.........................................

بيت ابو سعود ... بعد الغداء ...كلمت ام سعود ابو سعود عن رغبه سعود في خطبة سمر بنت عمه ...صالح كان مره فرحان عشان ولده اختار بنت اخوه ...
ابو سعود "بفرح ": والله هذا الشي كنت اتمناه من زمان ان سعود ياخذ بنت نعرفها وتعرفنا ...والحمدلله بنت اخوي عز الطلب...
ام سعود : ايه بس هو يقول يبغا يخطبها اليوم ...
ابو سعود :ههههههههه مستعجل ...
ام سعود : والله الولد مصر مرره ويقول يا تخطبونها لي اليوم يا ما بسافر ...
ابو سعود : لا لا من اولها يعصب ..طيب يمكن يرفضونه ..وش راح يكون ردة فعله وقتها اجل .. ...
ام سعود : فال الله ولا فالك ...وليه يرفضون سعود ..
ابو سعود : شفتي اذا انتي قلتي كذا هو ايش بيقول... وبعدين الرفض والقبول ..من شروط الزواج ...
ام سعود"تتذكر ..كلام سعود": يقول سعود ان فيه ناس بتخطبها اليوم ..ويبغى يسبقهم ...
ابو سعود : ايششش ... لا لا هالكلام مرفوض... وين سعود ...ناديه ابغى اكلمه ...

ام سعود تنادي سعود ... ويدخل عند ابوه ...بعد ما عرف من امه انه عنده خبر بموضوع خطبة سمر ....

سعود : سم يبه ...
ابو سعود : تعال يا ولدي اجلس ..." جلس سعود جنب ابوه "...... اسمع يا سعود ...امك قالت لي برغبتك..في بنت عمك ..وانا فرحت لك من قلبي وفرحت من اختيارك .....بس برضه يا ولدي .. موضوع انك تسمع ان فيه احد بيخطبها وتروح قبله تخطبها ..هذا شي مرفوض .. ايش بيكون شكلنا قدام عمك وقدام الناس ...
سعود " بضيق ": بس يبه ..انا ...انا كنت ماجل الموضوع شوي للصيف على الاقل ...بس لما حسيت انها بتروح مني مو قادر اصبر ..." بترجي " ..يبه بس خطبه عاديه ...حتى شوفه ما ابغى اشوفها ..بس تكون معروف انها لي ...تكفى يبه ...
ابو سعود " حزن على ولده ": .... سعود ...انت رجال .. وعارف كل شي قسمه ونصيب لو لك نصيب فيها بتاخذها لو يخطبها قبلك عشره ... أجل الموضوع الحين ..لحد ما تخلص جامعتك ...ونشوف الناس اللي تقول عنهم .. بيخطبوها ... اذا تم موضوعهم فالله يسعدهم .." تضايق سعود ".. وانت الله يرزقك بوحده احسن منها ..
واذا ما تم " طالع في ابوه " وعد مني اكلم عمك محمد بالموضوع .. " ابتسم سعود ". ...بس
سعود: بس ايش يبه ...
ابو سعود " بجديه ": لازم تعرف الزواج قبول ورفض ...لو انرفضت من بيت عمك .. ما ابغى هالشي ياثر عليك ولا على علاقتك بعمك ولده ...
سعود : وليه يرفضوني وش ناقصني ...
ابو سعود : لا لا يا سعود ...مو يرفضونك لان فيك نقص ..بس هذا زواج .. رابط بين عائلتين ..يعني توقع جميع الاحتمالات ...
سعود " منزل راسه ويفكر في كلام ابوه ..."....أ
" دخلت عبير عليهم .. وهي شايله شنطة سعود "...عبير : السلام عليكم
الكل : وعليكم السلام ...
عبير " تطالع في سعود ..وابتسمت ": سعود ..انا بنفسي رتبت شنطتك ..وجبتها لك ...
ام سعود : ايه يا بنتي يعطيك العافيه ...
سعود :...............
عبير " بشك ": خير ...وش فيه ...اشكالكم تقول فيه شي ...
ابو سعود : مافيه الا كل خير ..." لف على سعود "... يالله يا ولدي شوف ايش ناقصك وتوكل على الله سافر ...عشان توصل بدري ...وترتاح من هم السفر ...
سعود " طالع في امه اللي اشرت له يسمع كلام ابوه ...ورجع طالع في ابوه ..": ....ابشر ....ابشر يبه ...." وقف "... ما اتوقع ناقصني شي ...بمشي الحين .."وقرب سلم على ابوه ... وامه ..وعبير ..واخذ الشنطه .. وطلع للحوش ... ولحقته عبير .."...
عبير " بصوت حنون ": فيك شي يا سعود ...
سعود" زفر .. وابتسم ..ولف على اخته ..": لا سلامتك مافيه شي ...توصين شي من الشرقيه ...
عبير " لما شافت ابتسامته ارتاحت ": لا مشكور ...انت جاي يوم الاحد صح ...
سعود : ان شاء الله جاي ...عشان الحق على عمتي قبل لا تسافر ...ويمكن نمشي الاثنين للشرقيه ...يالله انتبهي لنفسك .. مع السلامه ..
عبير " ابتسمت ": ان شاء الله ...مع السلامه ..

......................................

وائل ...يفكر في شيماء .. هي ليه تتصرف كذا ...بتكلم مع سمر يمكن افهم منها شي ...يمكن تكون شيماء شخصيتها كذا ..لان سمر دايم تنتقد تصرفاتها وكلامها ...
وائل " يدق غرفة سمر ": .....سمر ....سمر ...صاحية ...
سمر "على السرير وسانده ظهرها بالمخدة ... ماسكه جوالها وتسمع نغمات ..": ... ادخل يا وائل ....
وائل " فتح الباب ...وقرب منها وجلس معاها على حافة السرير ."... كيفك بعد الملكه امس ....
سمر " تنزل الجوال من يدها ..وتطالع في اخوها بنص عين ": ...بخير ...بس قول وش تبغى بالضبط ...
وائل :ههههههه كاشفتني ....هاه...
سمر : لا تقول رقم شيماء ارسلت لي رساله توصيني ما اعطيك الرقم ...
وائل " مفتح عيونه ": ايششش ...وليه ان شاء الله ...
سمر : مدري تقول رقم خاص ومدري وشو ..." حطيت يدها على راسها " ..محد يعرف عقلها وش فيه ....
وائل : اقول سمر ... هي شيماء .. امممم ...كيف اقول لك ...
سمر " مرفعه واحد من حواجبها ": تقصد متكبره ...او .. دفشه ..او ما تجامل ...
وائل : هههههه والله جبتيها مضبوط ...ههههههههه
سمر : ههههههه ..والله لو امي سمعتني كان ذبحتني ... بس تعال هنا ..ليه قالت لك شي شيماء والا احد قال لك شي ....
وائل " يحك دقنه ": ... يعني... بس انتي قلتي ما تجامل ..هاه...؟!..تقول اللي بقلبها ..
سمر : ايوا ...اللي بقلبها على لسانها سواء زين والا شين .. " اخذت الجوال .. ورجعت تسمع النغمات "...
وائل ..." يعني شيماء ..فعلا كانت متضايقه مني ..لانها قالت تعبانه ..وعبدالله يقول ما نامت الا 8 الفجر .. و ...."

""حـبـيـتـك مــن قـلـبـي .. ومـا أنسـى أيـامك
نـار الـشـوق عـامـيـنـي .. وأنت بتـروي حـالي
شلون أصبر وأنت الماي .. ماظـنـيـت تـنـسـانـي
أنــا الـيــوم أتـرجـاكـ .. وأطـلب مـا تنسـانـي """


وائل يطالع في سمر اللي تتسمع وهي منسجمه ولا كأن وائل موجود ... بس مو غريبه علي هالنغمه ...مدري وين سامعها ....شكلها لمغني معروف ...
سمر " غيرت النغمه ...".....
وائل " يمد يده لها ": ....رجعي رجعي اللي قبل شوي ..
سمر " تطالع فيه ..بغباء ": ...أيت وحده ...
وائل : ياربي منك الاغنيه اللي قبل شوي .. ما ظنيت تنساني مدري وشو ...
سمر " رجعتها ...": ...تقصد هاذي ...
وائل : ايه ..ايه ...مو غريبه علي .. " يفكر "... مين يغنيها ..؟!...
سمر " عدلت جلستها ": اولا ..هذي مو اغنيه هذي نشيد بايقاع ..وثانيا وهذا المهم ..مدري مين نشدها اخذتها من عبير ...
وائل " كانه كان نايم وصحي ..فتح عيونه اكثر .."
سمر : وش فيك ...
وائل " مرتبك ": ها ...لا بس متفاجئ كيف الايقاع كانه موسيقى ..
سمر : ايه .. وتخيل بعضها اصوات بشريه ..ما تميزها عن الموسيقى ...
وائل " طلع جواله ...": ارسليها لي ...بس دقيقه اشغل البلوتوث ..
سمر : غريبه ...اخيرا عجبتك نغماتي ...العاده تقول حقت بنات وكلها يا ترقص يا تبكي ..."ارسلت النشيد .."...
وائل " مبتسم ": وما زلت عند رأيي ..يا ترقص يا تبكي .." وقف بسرعه وراح لعند الباب ..وطلع لسانه لها " هههههههههههه...
سمر " ترميه بالمخده ": اوريك يا وائلوه ...وليه تاخذها طيب ..اما مسحتها من جوالك ما اكون سمر ....
وائل : تحلمي ...باي ....

.............................................
بيت ابو عبدالله .....

ابو عبدالله : وش رايك يا ام عبدالله ...نخطب وفاء اليوم ..والشوفه اليوم بعد ..قبل ما تسافر اختي نوره ....
ام عبدالله : اللي تشوفه يابوعبدالله ...بس .. لا تستعجل اخوك ..خله يشاور البنت ..ويردون مننا باي وقت ....
عبدالله : لا ان شاء الله يوافقون على طول ..
ام عبدالله : هذا زواج مو لعبه .. لازم تعطونهم فرصه ..
ابو عبدالله : ولد العم لبنت العم ....يعني الموضوع منتهي ..هذا اخوي واعرفه زين ...انتو يالحريم لا تتدخلون وبس ...وما راح يلاقون احسن من عبدالله ..
عبدالله " ابتسم ": الله يخليك يبه ...
ام عبدالله : براحتكم .... متى بتروحون ...
ابو عبدالله : بعد صلاة العشاء ان شاء الله ..
كلم ابو عبدالله اخوه سالم " ابو خالد "..وقال له انه يبغى يجتمع مع ابوه واخوانه عنده ...وهو رحب فيهم ....

..........................................................

بيت العم سالم " ابو خالد ".....

ابو خالد : والله ما ادري ايش الموضوع... بس يمكن عشان المناقصه اللي بنشارك فيها بعد اسبوع ... بس جهزوا قهوه ..وشاي ..
ام خالد : ان شاء الله ..
ابو خالد : وين خالد واحمد ...
ام خالد :: خالد في غرفته ..واحمد طلع مع عمر .....
ابو خالد : نادي خالد قولي له الصلاة . ...وكلمي وفاء تيجي تساعدك ...
ام خالد : طيب ..روح انت صلي العشاء وان شاء الله ما تيجي الا كل شي جاهز ..." طلع ابو خالد للصلاة ...وام خالد قالت للشغاله تنادي ..خالد وفاء .."...
وفاء " لما قالت لها الشغاله تعالي سوي قهوه ..نزلت تركض عند امها ":.... ماما ...مين جاي عندنا ؟؟؟
ام خالد " بلا اهتمام ": عمك سلطان كلم ابوك ..وقال انه بيجي هو وجدك واعمامك ...بعد صلاة العشاء ...
وفاء " حمر وجهها ..وبلعت ريقها ..يا ويلي ويلاه ..شكلهم بيجون يخطبون ...":............
ام خالد : لفت تطالع فيها ": وش فيك وقفتي كذا ...تحركي يا بنتي سوي القهوه .قبل لا يجون .. ..
وفاء "مرتبكه وتتنفس من فمها ": ..ط ط ط يب يا ماما ..
خالد "دخل المطبخ ": ... امي .. تقول "سرينا" انه بيجي ضيوف مين ؟.
ام خالد : جدك واعمامك ...
خالد : اكيد فيه شي مهم عن الشركه ..والا كان أجلوا اجتماعهم لبكره في الشركه ...." رفع حواجبه " خير ان شاء الله ...
ام خالد : يالله يا ولدي روح غير بدلتك والبس لك ثوب والحق ابوك على الصلاة ..وارجع قبلهم ..عشان تستقبلهم ...
خالد : ان شاء الله .." وطلع ...من المطبخ .."
ام خالد " تطالع في وفاء ": اول حطي فحم ..عشان تبخرين مجلس الرجال ...
وفاء " مبلمه ": هاه ..كيف ...
ام خالد : وشو اللي كيف ...الفحم الفحم ....
وفاء " تصفق جبهتها ": ايه ايه صح ...." اخذت المبخره والفحم ..واخذت العوده ..وراحت لمجلس الرجال .. وبخرته ..."

 

[محارة لؤلؤ]

.....................................


"سعود" في الطريق وهو يفكر في" سمر " .. مدري ليه احس انهم بيوافقون على "عبدالله "... اصلا انا كيف تعلقت فيها ..وليه قلت لامي اني احبها ...المفروض اقول معجب فيها مو احبها ..." ابتسم " ..لا وبعد قلت اسمها من اول مره ..اختبرتني امي فيها ...والله منتي بسهله يا بدريه ... هههههههههههه ... يارب تكتب اللي فيه الخير ...وتجعل سمر من نصيبي ...وتذكر لما شافها في المزرعه ..وهي شايله الصحن ومره وهي معطيتهم ظهرها وشاف شعرها الاحمر ...اموت بالاحمر انا ...

.................................................


بيت ابو خالد ... الجد والاعمام ..وائل ..وعبدالله ..وخالد ...
"عمر واحمد " كانوا مع بعض لسى برا البيت ...

خالد ..قام يصب القهوه للرجال ..وزع التمر ...وجلس جنب وائل .وعبدالله ..اللي كان واضح انه مرتبك ...مو عبدالله اللي كل مره ..
ابو عبدالله " رفع صوته ": يا يبه .. ويا اخواني ..انا جمعتكم اليوم في بيت اخوي سالم .... لاني ابغى اطلب يد وفاء ..لـ عبدالله ...
الكل .. تفاجأ من اللي قاله العم سلطان ...سكتوا شوي ...
ابو عبدالله " يكمل ": وهذي رغبة عبدالله ..هو اللي اختارها بنفسه ما غصبناه وان شاء الله انت بعد يا سالم ما تغصب بنتك وتوافق برضاها ...
الجد " ابتسم ": خير ما اخترت يا سلطان لعبدالله ...وفاء بنت كامله والكامل الله ..

خالد " يطالع في عبدالله .... ": ...من متى وانت حاط عينك على اختي ...
عبدالله "باحراج " : اوهوه ...من زمان ..
وائل :هههههههههه

ابو وائل : أي والله وفاء شيخة البنات ...وحتى عبدالله ما ينعاب .. بيتخرج هالسنتين ..وبيشتغل في الشركه مثل وليد ...

خالد " يكلم عبدالله ": انا اكبر منك يالدب ...ليه ماقلت لي ..عشان اخطب قبلك ...
وائل وعبدالله :ههههههههههههههههههههههه

ابو خالد : والنعم والله في عبدالله ...وعبدالله ولدي ...مثل وفاء ...بس الصراحه انا تفاجأت ... " ابتسم " محد فيكم لمح لي من قبل ...بس رأي البنت ضروري ناخذه ..وانتم عارفين ما عندي الا هالبنت ...وما ابغى اغصبها على شي ...
ابو سعود : طيب توكل على الله خذ رايها الحين ....


وائل " بصوت واطي ما يسمعه الا عبدالله وخالد": اعمامي ما عندهم وقت خطبه ..وموافقه ..وشوفه ..في ساعه وحده .. مافيه فرصه احد يعطي رايه او ينفس ...
عبدالله :ههههههههههه ...الا يا زين العجله في هذي الامور ..
خالد : هههههههههههههه ايه وانت صادق ...." شاف ابوه وقف وقف معاه "...

ابو خالد " وقف ": طيب عن اذنكم شوي ...بكلم البنت وامها وارجع ....
ابو عبدالله : كلم البنت بس خل امها تقعد مع ام عبدالله محد عطاها وجهه ..
الكل : هههههههههههههههههههههههههه..

.............................................


دخل على ام خالد ... في الصاله ...وراه خالد ....
ابو خالد : سعاد سعاد ...
ام خالد : سم يابو خالد ...ناقصكم شي ...
ابو خالد "جلس ... وجلس جنبه خالد "
ام خالد : اخوانك راحوا ...
خالد : لا لسى كلهم بالمجلس ...تعالي اجلسي ..
ام خالد " حطت يدها على صدرها ": يا ويلي ..وش فيه وش صار ...اكيد فيه شي ..احد مرض احد صار عليه حادث .....اهلي فيهم شي ...
ابو خالد : اوه ..وصلتي لاهلك ...لا لا يا بنت الحلال تعوذي من الشيطان ...
ام خالد : اعوذ بالله من الشيطان ..بس قول وش فيك ...
ابو خالد " ابتسم ": اخوي سلطان ...طلب وفاء لولده عبدالله ....
ام خالد " مو مستوعبه ": ....ها....
خالد : ايه يمه ..عمي طلب يد وفاء ..وهم بالمجلس كلهم ينتظرون رد وفاء ...
ابو خالد " يكلم ولده ": روح ناد اختك ...
" خالد قام ينادي وفاء ..اللي نزلت بسرعه ..عندهم ...."...
خالد : تعالي يا وفاء ابوي يبغى يكلمك ...
وفاء " دخلت الصاله وحست ان نظراتهم لها غير عن كل مره ": سـ ..سـ..سم يا بابا ...
ابو خالد "بوجهه بشوش ": ..والله وكبرتي يا وفاء .. اسمعي يا بنتي ..بقول لك بدون لا لف ولا دوران ...هذي سنة الحياة ..
" وفاء بلعت ريقها ..".. عمك سلطان طلب يدك لولده عبدالله ..
قبل شوي في المجلس وقدام ابوي واخواني ... ويبغون يسمعون موافقتك ...
وفاء " تطالع في امها ..وخالد ..ورجعت تطالع في ابوها .. والكل كان مبتسم لها ...وبارتباكك..نزلت راسها ": ....مدري ...اللي تشوفه يا بابا ...
ابو خالد : اللي اشوفه ان عبدالله ولد والنعم فيه ...صح باقي ما توظف ..بس مكانه شاغر بالشركه وهو ولد يصلي ..و ذكي ..وحبوب ..واخلاقة ماعليها كلام ...
خالد : وبعد اذنك يا يبه عشان لا نغش اختي ...عبدالله برضه كسلان وبخيل ودب ..يحب الاكل ...هههههههه..
ابو خالد "قطب حواجبه..و يطالع في ولده ..": ...ليه تقول هالكلام ..عبدالله ما ينعاب ...
خالد "حط يده على فمه ": ... هاه ...سكتنا ....
ابو خالد " يطالع في وفاء": هاه يا بنتي ...اعمامك منتظرين الرد .. وكلهم موافقين عليهم واولهم جدك ...وش قلتي ..
وفاء" منزله راسها بقوه وتطالع تحت ":..........
خالد :ترى انكسرت رقبتك ..خخخخخخخخ
ام خالد " طالعت في بنتها ..وبعدين في ابو خالد .. وابتسمت ": قول لهم الله يتمم بخير ...
وفاء " بس سمعت امها قالت كذا ..لفت تطلع فوق ..وركض بسرعه للدرج "
ابو خالد " يضحك ": تعالي تعالي ...يا وفاء ...
وفاء " وقفت "....
ابو خالد : تجهزي عشان الشوفه ...
ام خالد " وقفت ...وراحت لوفاء ..اللي تجمدت بالدرج ": ان شاء الله ربع ساعه ..وبنعطيكم خبر ....

دخل ابو خالد وخالد عند الرجال ... واقالوا لهم موافقة وفاء ...والكل بارك لعبدالله ... وتمت الشوفه على خير ... واعجبوا ببعض ...وانتشر الخبر في بيوت الاعمام ...والكل فرح لهم ...


.....................


سعود .. كلم اهله ..يقول لهم انه وصل الشرقيه ...
سعود" دق على تلفون البيت ": الو ...عبير ..
عبير " بصوت كله فرح وحماس ": هلا ..سعود ...هاه وصلت ..والا وينك ..
سعود : بسم الله ..خليني اتكلم ..اكلتيني .. ايه وصلت ...
عبير : هههه ..لانك مو عارف اخر الاخبار ...
سعود : وشو ...
عبير : فيه عريس جديد في العائله ..وعروس جديد في العائله ..
سعود " مو مصدق ": ايششششششش... لايكون عبدالله ...
عبير : ايه عبدالله ...وش عرفك...
سعود"بصوت واطي ..ويتمنى ما يسمع الاجابه " : وافقوا ...؟!
عبير : يسس ....... وصارت الشوفه وكل شي ...
سعود" بحزن ": الله يوفقهم ...
عبير : وش فيك يا سعود ...
سعود " يحاول يخلي صوته طبيعي ": لالا بس ....اممم ..فيه حادث قدامي ...واشكالهم تحزن ...
عبير "بخوف ": يارب استر ... سعود انتبه ..فتح عيونك ...طيب.. خلاص قفل واذا وصلت البيت كلمنا ..
سعود : ان شاء الله ...بلغي امي وابوي اني وصلت ...
عبير : ان شاء الله ... شي ثاني ؟!
سعود : سلامتك ...باي
عبير : باي

سعود .. قفل من عند عبير ..وحس بغصه وضييق بصدره ... قلت لكم انها بتطير ..." ومرر يده على شعره ".. اوف ... انا نفسي افهم على ايش مستعجل الاخ عبدالله ..." ضرب الدركسون بقوه " ياربي بديت اغلط في الكل .. " نزلت دمعة قهر ..بس مسحها بقوه ".. لا مو انا اللي ابكي عشان بنت ...خلاص الله يوفقهم و يسعدهم ... الحين لازم اكلم عبدالله وابارك له ..." مسك جواله ..وبعدين رماه على المقعده اللي جنبه .."..لا مو الحين اذا وصلت البيت اكلم .. اصلا الحين ما يفكر باحد غير سمر ..أخ يا سمر ...مالي نصيب فيك ...أخ بس ...

..................

شيماء " طايره من الفرح ": واو مو مصدقه ... اخيرا ... اخيرا يا عبدالله ...
عبدالله "منحرج ": ..اي والله ...اخيرا ....
نجوى : اخ منك ... اتاريك حيه من تحت تبن ...
عبدالله " قطب حواجبه ": ايش ايش ...عيدي ست نجوى ...
نجوى " حطت اصبعها في فمها ": أ..أ... اقصد انك سوسه ...
عبدالله " فك تقطيبه وجهه ...وضحك ": ههههههه صدق هبله ما اخس من الاولى الا الثانيه ...
نجوى : خلاص عاد مشيها لي اليوم ...يا عريس ههههههه مو لايقه عليك ابد كلمه عريس ...
عبدالله " معصب يطالع في شيماء ": سكتي اختك هذي ..ما بقت سبه الا حطتها فيني ...
شيماء " ميته ضحك على نجوى ": خلك منها هي كذا تقول لك جميع الكلام اللي في بالها حتى تيجي الكلمه المناسبه للحدث ههههه..المهم " ولفت على عبدالله "..قولي " غمزت له "... كيف كانت الشوفه ..؟!
عبدالله " حمر وجهه ": .... بصراحه وفاء تغيرت كثييير عن اخر مره اتذكرها ...
شيماء : اممم تغيرت للاحلى والا ....
عبدالله " قاطعها بسرعه " : ...لا طبعا للاحلى .." وارتبك "...
شيماء " ابتسمت ": طيب قول لي وش لبست وشربتك شي والا لا ..؟!...
عبدالله " يتذكر ":..مو فاكر كثير منها ...بس كانت لابسه ..بنطلون اسود .. وبلوزه بيضاء طويله ...يمكن لحد الركبه واصله وكمها طويل ...ولابسه عليها جكيت احمر ...وروج احمر ..وشعرها فاكته وماخذه طوق لونه احمر واسود ...و...و.." ابتسم "...وبس ..
شيماء " تحط يدها على وجهه ": ماشاء الله ماشاء الله ..فصفصت البنت وتقول منت فاكر كثير ...
نجوى : لا وبعد حتى الطوق لاحظ انه لونين ...
عبدالله " ضربها على راسها ": ليه قالوا لك عندي عما ألوان مثلك ...وبعدين يالله اطلعي برا ... والا اسكتي ...
نجوى " طالعت فيهم ...وتمثل انها تبكي ": طايب طايب ... " ومسكت دقنها "... اما علمت عليكم ماما وبابا ...انخطبتم وتكبرتم علي ...ما تبغوني اجلس معاكم ..كششش عليكم " وطلعت "...
عبدالله , وشيماء :هههههههههههههه كش هههههههههه..
شيماء : ماراح تكبر هالبنت ...
عبدالله " طالع في شيماء ".. وانتي متى بتكبرين ...
شيماء " مستغربه ": .. وش فيني انا ...
عبدالله " بجديه ": ليه ما تكلمين وائل ...ترى صار زوجك ..
شيماء " تنرفزت ": اوف ...وائل.. وائل ... وترى لسى ما صار زوجي ...بس خطوبه ..واذا على عقد الزواج ..فاتوقع انه عقد مو عقد ملكيه ...
عبدالله " معصب ":.. اش ملكيه وما ملكيه ...هذا خطيبك يا بنت ..
شيماء " وقفت ...وراحت عنه ...بعد ما اعطته نظره قويه ":...
عبدالله : الله يستر منك ..ومن اللي في بالك ...
دق جوال عبدالله >>>>>>>>>> سعود يتصل بك ..

......................................

وائل ..جالس في غرفته .. وماسك جواله ...وجالس يسمع ..نغمة حبيتك من قلبي وما انسى أيامك ....اي والله ما بنسى ايامك يا عبير ..كنتي حاطه هالنغمه لما شفتك في المزرعه وانتي لابسه الثوب والشماغ ... بس انوثتك فضحتك ... احس اني مميز لاني الوحيد اللي عرفك ... اذا تخيلت ان ممكن أي احد يكون مكاني ..واللي صار لي معك ..ممكن يصير له معاك ..اتجنن ....
شيماء ..الحين ماخذه مني موقف ... لا يكون عرفت بعلاقتي بعبير ..عشان كذا تكرهني ...والله البنت ما تبغى تشوف وجههي بالمرره ..هى ممكن تكون شافتنا بس ساكته ...لا ..ما اتوقع ...
طيب دامك يا شيماء ما تحبيني ليه وافقتي على الملكه ...ليييييه ...
هههههههههههه...انا طلبت من شيماء تنسيني عبير بحبها لي ..مو بكرهها ..ههههههههههههههه ..استغفر الله ...فعلا شر البلية ما يضحك ..." طالع بالعلبه اللي جنبه ...الجوال اخر موديل ..وشريحه جديده برقم مميز ..هديه شيماء " بنشوف يا شيماء ايش اخرتها معاك...

.....................................

سعود : هلا عبدالله ...
عبدالله " وصوته مبسوط اكثر من المعتاد ": هلا هلا والله بالغالي سعود ...
سعود "يحاول يكون طبيعي ": لالا الغلا مو لنا الحين ...احنا لنا الله ...
عبدالله : ههههههههههههههههه
سعود " مو قادر يضحك ": مبرو.. "...وغص بالكلمه .." مبروك يا عبدالله ..
عبدالله : الله يبارك فيك " لاحظ صوته "... وش فيك سعود ؟!
سعود " بعد الجوال ...وتنحنح .. ورجع كلم ":.... عادي.. عادي ..بس جاتني كحه ..وكتمتها ..وضايقتني بصدري....
عبدالله : سلامتك والله ..
سعود " يحاول ..يرفع صوته ": ما قلت لي كيف الخطوبه ..والشوفه ..
عبدالله : اسسسكت ... اللي بيكون عنده نسيب مثل خالد ..الله يعينه..
سعود : خالد ؟! ...
عبدالله : أيه خالد ... وربي غثيث ...تخيل دخل معاي الشوفه ..
سعود " يرفع حواجبه ..وفاتح فمه ..مو فاهم شي "....
عبدالله " يكمل ": بس قال عمي سالم تعال يا عبدالله عشان تشوفها ..وادخل مجلس الحريم اللي بشوفها فيه ..الا خالد مرتز هناك ...
سعود :.................
عبدالله : اقول له خير يالحبيب روح عمي يبغاك ..قال اختي ..اخاف عليها منك ...حتى العصير اللي عطتني شربه ...
سعود :............................
عبدالله " مستغرب ": سعود ..؟! ...سعود...معاي ...
سعود " يحاول يفهم ..مو قادر ": .. م م معاك ...بس..مستغرب من خالد ...
عبدالله : قصدك حركاته ..لا عادي متعود عليه ..فديته وفديت اخته ..يا ويل قلبي انا ..
سعود " فمه شوي يضحك ..وشوي يرجع طبيعي ": ... اخته ...وفاء .؟!... انت خطبت وفاء ؟!
عبدالله : هاه ..وش تقول ..." سعود معليه ..عندي مكالمه ضروري ..تنتظرني والا .." ... قفل ...احسن برضه ..

سعود " رمى الجوال ..وقف ماسك راسه ويدور ...وعلى وجهه شبة ضحكه .. ومو مصدق ...نزل يده من على راسه ...": عبير ..عبير ...لازم اتاكد منها .... دق عليها ..
عبير "نايمه ": همممممممممم سعود ...
سعود : نايمه ؟!
عبير " تكلمه وهي مغمضه عيونها ": ايييييييييييه ...كلم على تلفون البيت ..باي ..
سعود : عبير .. عبير انتظري...
عبير " بعصبيه ": هاه ابغى انام يا سعود ..وش تبغى قول ..
سعود : صحصحي معاي .. عبدالله خطب مين ؟
عبير : والله انك فاضي ...
سعود "عصب ورفع صوته ": ... قولي ..انطقي...
عبير " فتحت عيونها من عصبيته ":...و وفاء بنت عمي سالم ..
سعود" ابتسم .........وسكر الجوال ....قبض يده ورفعها لفوق ": يسسسسسسسس يسسسسسسسسسس...وا ا ا ا ا و..وا ا ا ا او
سمر حره ...سمر مو مخطوبه لاحد ...وا ا ا ا و .وا ا ا ا او
"نزلت دموعه .. وبصوت واطي ومن بين دموعه".. سمر مو مخطوبه ..." بكاء سعود ..من بين فرحته وضحكاته .. اكتشف انه يحب سمر من غير ما يحس ...طلع كل المشاعر اللي بقلبه ..وارتاح بعدها ...واخذ له دش ...وراح ينام عشان يقدر يصحى يداوم للجامعه ..وهو رايق ...

 

[محارة لؤلؤ]

>>>>>>>>>>>>>>>>>>>>>>>>>>>>>>>>>
الجزء الثامن
>>>>>>>>>>>>>>>>>>>>>>>>>>>>>>>>>>>​

يوم السبت ... خالد وعبدالله و وفاء وشيماء في الجامعه وسعود في جامعة الشرقيه .. احمد وسمر ونجوى في المدرسه ...الاعمام في الشركه ..
وائل وعبير وعمر ....جالسين بالبيت ..

نوره .".تكلم ام سعود الساعه 10 الصباح " : ...تعالي عندنا انا ومنيره وامي بس بالبيت ..تعالي انتي وعبير ..
ام سعود : مشكورة يانوره على العزيمه ..بس صدقيني مشغوله شوي ..اخوي الكبير "تركي " بيمر علي عشان ازور امي ..لاني ما قدرت ازورها قبل عشان الملكه .. ويمكن اتاخر عندها للساعه 1 الظهر ...
نوره : طيب روحي سلمي عليها .. وتعالي عندنا بعدها ..بننتظرك ..
ام سعود :والله بعدها برجع اسوي الغداء لصالح ...تدرين بيرجع من الشركه يدور له لقمه ياكلها ...
نوره : وبعدين كل ما قلت لك حل .. عقدتي الامور هههههه
ام سعود :ههههههه اعذريني يانوره ..وان شاء الله اجيكم في اقرب فرصه ..بس عبير ما راح تيجي معاي ..اذا ودك فيها هههههه هي بتجي بدالي ...
نوره : أي والله نبغاها خليها تيجي ...صح سمر في المدرسه بس عمر موجود .. وبتنبسط معانا لحد ما ترجعين من عند اهلك ..
ام سعود : خلاص .. بروح اكلم عبير...وانتي الله يعافيك خلي عمر يطلع عند البوابه يشوفها ..تعرفين الدنيا ضحى والكل في المدارس والشوارع تخوف ..
نوره : ابشري ...بروح اشوف لعمر ..يالله مع السلامه ..

..................................

ام سعود " تدخل غرفة عبير ": عبير ...؟!
عبير " على اللاب توب ":..همممم ...
ام سعود : عمتك نوره كلمتني تعزمنا نروح عندهم شوي قبل الظهر ... بس انا اعتذرت منها ..وقالت تبغاك تروحين لهم انتي .. وش رايك ...؟! تبغين تروحين ...
عبير " تطالع في امها ": اروح لوحدي ..؟! ..وسمر مو هناك ..يوه يا ماما بطفش ...
ام سعود : عمر اخوك وين راح ...
عبير " كانه توها تذكرته ":أي والله .. ياربي اكيد زعل مني لاني ما سالت عنه ...
ام سعود : على الاقل لو كلمتيه بالجوال ...
عبير : رقمه الظاهر غيره ...هو كل شهر تقريبا مغير برقم ...
ام سعود : طيب يالله قومي تجهزي ..وانا بروح اتجهز عشان خالك تركي بيمر علي ..اروح اسلم على جدتك ..
عبير : طيب يا ماما ..وسلمي لي عليها ..وقولي لها اول ما يجي سعود بنمر نسلم عليها ..
ام سعود : خير ان شاء الله ...

نوره " طلعت تصحي عمر ": عمر يالله قوم الساعه 10 ونص ...
عمر : هممممممممممم .. يما ..خليني انام وش اقوم اسوي ..ومحد فيه كلهم بالمدارس ...
نوره : قوم يا عمر ...روح انتظر عبير عند الباب بتجي بعد شوي ....قوم ...
عمر " فتح وحده من عيونه ": ...وين انتظرها ..ليه هي وينها ...
نوره : وينها بعد في بيتهم ...
عمر " مبلم ": طيب تيجي ...بيت خالي صالح قريب ...كيف يعني انتظرها ...
نوره " معصبه ": ياربي منك ...يعني البنت تخرج لوحدها في هالوقت والشوارع فاضيه ...لو تمر سيارة او احد من العمال وخطفها والا سوا لها شي محد درى عنها ....
عمر " جلس ..وهو مكسل ": يمممه منكم ..كيف تخوفون الواحد ..خطف وعمال.." بعد اللحاف من عليه " ..طيب ..طيب ...بقوم انتظرها ....
نوره " وهي طالعه من الغرفه ": لا تتاخر ...
عمر ..قام غسل وجهه ولبس .. بنطلون جنز ...وتيشرت اسود ... ونزل ينتظر عبير عند بوابة الفله ....

......................

عبير ..طلعت من فلتهم ..بعد ما لبست عبايتها ولثمتها ... فتحت البوابه ...وطلعت شوي برا الشارع ...وشافت عمر واقف قدام فلة عمها محمد ... ابتسمت ...وقفلت البوابه ... وراحت تمشي بهدوء لعنده .....

عمر " ابتسم لما شافها جايه ...اشر لها بيده ...يعني بسرعه .."..
عبير " تاشر له بيدها ...بمعنى لا "...
عمر" يحط يدع على دقنه ... بمعنى .. طييييب اوريك ..."
عبير " ترفع يدها ..بمعنى ما عليه منك ..."
عمر " قطب حواجبه .. وحط يده على خصره ..."
عبير " قربت اكثر لعنده ... شمقت له .. وطالعت فيه من فوق لتحت "..
عمر " بس قربت منه ... مسكها من يدها وبسرعه سحبها ودخلها الحوش.. وفك لثمتها بقوه ...وطالع فيها بعصبيه ...وبعدين .........."
عمر , عبير : هههههههههههههههههههههههههههههههههههه
بعد ما ضحكوا .... وسلموا على بعض ....
عبير " مبتسمه ": كيفك يا عمور ...؟ وش اخبارك ؟
عمر " سوا نفسه زعلان ": ايه الحين عمور ....وينك وانا من يوم الثلاثاء هنا ما تسالين عن اخوك...." كتف يده ..ولف يعطيها ظهره "...
عبير : لا لا لا ..ما اقدر على زعلك ... اولا انا كمان ما جيت من الشرقيه الا الاربعاء ..وثانيا ..احنا انشغلنا بالملكه والله ...وامس كان ودي تجينا بس انت عارف سعود سافر .... وخطبة عبدالله ...يعني انشغلت غصب عني ... اسسفه " مسكت كتف عمر تلفه لعندها ..."
عمر " لف طالع فيها ...وابتسم ": ...اممممممممم ..اقتنعت بعذرك هههههههههه .... والله مشتاق لسواليفك والقعده معاك ..
عبير : ايه واضح من يوم استقبلتني هالاستقبال ...
عمر : ..هههههه بترجعين انتي تزعلين ...؟!....هههههههه .كفايه اني صحيت من النوم عشانك ....
عبير " طالعت في باب مدخل الفله ": .... وين جدتي و عمتي نوره وعمتي منيره ...؟!
عمر " ياشر لها بيده ":... تعالي ادخلي مافيه احد ....

دخلت عبير مع عمر لصاله ..وسلمت على عمتها نوره وعمتها منيره ... وفضخت عبايتها ...وكانت عبير لابسه بنطلون رمادي على بلوزه زهري فيها دوائر رمادي ... وحزام رمادي ..ولامه شعرها بشباصه ..

..........................

كل اللي صار بين عمر وعبير في الشارع والحوش ... ما صار بينهم فقط ...هناك شخص ثالث كان يراقبهم من البلكونه المواجهه لمدخل الفله من الدور الثاني ...." وائل "..بلا شك لانه الوحيد اللي اخذ اجازه من الشركه ... وائل عرف ان عبير جايه من عمته نوره لما كانت تكلم ام سعود..وهو نازل من الدرج سمعها تقول لجدته" ان بدريه ما راح تيجي بس عبير اللي جايه ....وبتصحى عمر عشان يستقبلها عند البوابه " ...وائل ..خاف ان عبير تطلع لوحدها في الشارع وعمر لسى ما صحى .. فرجع طلع من الدرج من دون ما احد يحس عليه ...وراح للبلكونه يراقبها ... وهو في باله ان عبير بنت عمه وبس ..وانه ما يفكر فيها .... بس لما شافها طالعه من بيتهم ...حس ان مشاعره القديمه رجعت ... وجلس يدقق في مشيتها وهدوئها ..وحركاتها لعمر ..اللي عصب منها موت .." كيف يسون هالحركات وهما بالشارع ...صدق ما يستحون ".. كان بينزل من البلكونه لما شافها قربت من عمر ... لف عشان ينزل بس ...لفت انتباهه عمر لما سحبها بقوه للحوش ... ورجع يراقبهم بحذر هالمره .." .. وش فيه عمر ..ليه سوا كذا ..."..وشاف عمر لما سحب لثمة عبير ..." قبض يده بقوه من القهر "..ولما شافه يسلم عليها .. ويضحك معاها ..... " اكرهك يا عمر ...اكرهك "... غمض عيونه بقوه واخذ نفس ..." وانا ايش علي منهم ..بعدين هو اخوها ...ايه بس مو اخوها من امها وابوها ..مهما كان يصير ولد عمتها ... ".....نزل " بعد ما تاكد انهم دخلوا "... وكان زعلان ومقهور من عمر وعبير ..

وائل ...كان لابس بدله رياضيه كامله لونها ابيض وسماوي .. وكاب ابيض .. والنظارة الشمسيه ماسكها بيد والمفتاح بيد ... نزل من الدرج وسمع اصوات الكل في الصاله ..وتوقع ان عبير معاهم ...بس عمل نفسه انه مو عارف انها موجوده ..
وائل "اصلا ما تستحق اني اهتم فيها ..ولا اهتم من وجودها .. نفخ صدره ..":.. السلام عليكم ...صباح الخير ...
الكل : وعليكم السلام ..صباح النور ...
عمر " وقف بسرعه ": ... وقف ..وقف ...عبير هنا ...لف بسررعه ...
وائل " طالع فيه بلا اهتمام ..ولف بعيونه لفه سريعه قدر يلمح عبير مخبيه راسها ورا عمتها نوره ..وباقي جسمها واضح له .. ابتسم .. وبكل برود ": ... مين وعبير ..؟! .. وينها ...
عمر "قرب منه .. ومسك كتفه ولفه على الجهه الثانيه.. وابتسم له ":... حرام عليك تحرجها ...
وائل " طالع في عمر .. وحس انه ظلمه لما زعل منه قبل شوي وهو ماله ذنب .. هي فعلا اخته ..رد له الابتسامه ": اوكي ... ايش رايك تيجي معاي ...
عمر " نزل يده من على كتف وائل .. بعد ما صار وائل معطي عبير ظهره ": وين .؟!
وائل " شمر عن اكمامه ..ونفخ عضلاته ": النادي الرياضي ...
عمر " يطالع في عضلاته .. ويلمسها ..":.وا ا ا ا و ... ماشاء الله عليك ...كل هالعضلات وباقي تبغى تزيدها ...
نوره : وش فيكم واقفين هناك ...
ام وائل : اطلعوا خلصوا كلامكم برا ..البنت هنا ماتت من الخجل ..
وائل " غصب عنه ضحك لما سمع وصف امه لعبير ...": هههه طيب يمه .." لبس نظارته الشمسيه "... انا رايح للنادي ...وبرجع الساعه 2 ..." يطالع في عمر ".. هاه جاي ؟!
عمر " يسوي نفسه خايف منه ..عشان عضلاته ": ... يا وائل يا حبيب قلبي ..عارف اختي ما شفتها بالمره ابغى اجلس معاها شوي ..روح انت " ومسك على عضلات يده ".. ربي هالعضلات ..وانا خلني بحالي ... هههههههههههههههه
الكل :ههههههههههههههههههههه...
وائل " عجبته الوقفه والسواليف ..وخاصه بوجود عبير في نفس المكان اللي هو فيه ... اعطته شعور حلو ..حتى لو كان ما شاف وجهها ولا حتى سمع صوتها ..":...وربي يا عمه ولدك ..هذا ..

الجده " طلعت من غرفتها ...وشافتهم واقفين ..وعبير وجهها احمر من الخجل ..وهي لسى متخبيه ورا عمتها ...":.. وش قاعدين تسون هنا وعبير بالصاله ..يالله اطلعوا عن البنت ...
عمر " يطالع في جده باستغراب ":.. جده وليه تخاصميني انا ..خاصمي وائل بس...عبير اختي ...
الجده " كانها تذكرت ": ..ايه ..ايه صح ...." وطالعت في وائل ".. روح يالله اطلع عن البنت ...
وائل " ضحك .. وقرب من جدته ...وباس راسها ": صبحك الله بالخير يا مريومه ...
الجده " عصبت ": اقول .. روح لا اضربك بهالعصا ...
عمر : يوه يا جدتي ...ما شفتي عضلاته ..بيخلي عصاتك مسواك ...
الكل :هههههههههههههههههههه
وائل " فصخ نظارته ويطالع في عمر ": اذكر الله انت .. ما عندك سالفه غير عضلاتي ...

نوره " تكلم عبير ..بصوت واطي ": ... والله انه معطينا ظهره ..ما يشوفك ...ارفعي راسك ...
عبير " غاطه وجهها في ظهر عمتها ": ...لا لا ..خليه يطلع .

وائل " حس انه زودها ..وخاف يشكون فيه ": ..يالله انا طالع مع السلامه ...
عمر : مع السلامه .... " قرب من جدته ومسك يدها .."..تعالي يا جدتي اجلسي ..مو بزين الوقفه عشان ارجولك .. ...

.....................................

وائل ..ركب سيارته وهو مبسوط ..عكس لما كان بالبلكونه ... "..كنت اتمنى اسمع صوتها ... طيب ليه انا ما قلت لها كيفك يا عبير .." ..ضرب بيده على الدركسون .." صدق غبي ... لا لا مو غبي ..." اخذ نفس قوي "... احنا اتفقنا اني انساها ...ايه ..انساها واحول مشاعري لشيماء ..." فرقع اصابعه ".. ومسك جواله .. وكلم عبدالله ...
عبدالله : هلا وائل ..
وائل : ات لسى بالجامعه ...
عبدالله : أي والله .. اليوم عندي محاضرات للساعه 1 ونص ...بغيت شي ..
وائل "حك جبهته ": ...اممم ...مدري اذا اليوم يناسبكم ...اقدر اشوف شيماء ..
عبدالله : ههههههه ايه تقدر ...
وائل : متى طيب .....
عبدالله " مو قادر ياخذ راحته ": بكلمهم ...وبشوف ايش الوقت المناسب ...
وائل : مشكور يابو نسب ...
عبدالله : يالله .اشوفك بعدين ...باي ..
وائل :باي .......

 

[محارة لؤلؤ]

...........................

الساعه 12 الظهر.. في فلة ابو وائل ...

الجده .. نادت بنتها نوره لغرفتها ...وام وائل ..راحت المطبخ تسوي الغداء ....

اما عبير وعمر ...فكانوا يتكلمون عن كل شي ... عمر قريب كثير من عبير بحكم عمرهم المتقارب ... بينهم شهور .. عمر اكبر من عبير بـ 4 شهور ... سبب رضاعة ام سعود لعمر ...ان نوره حملت بتوأم وعمر لسى عمره 6 شهور تقريبا ...وحملها كان متعب ...وما خلصت شهرين الا سوت عمليه لانهم ماتوا ببطنها .. وقتها عشان لا تقلق امها ..اقترح زوجها سعيد ..يترك عمر عند اخوها صالح وبدريه ... وعمر كان متعلق بامه كثير وما كان يرضع الا من صدرها ...فـ بدريه استاذنت من نوره وزوجها انها ترضعه لانه نحف كثير وما مسك الرضاعه ..فوافقوا ..بشرط يكتب ورقه ويحدد عدد الرضعات اللي تجاوزت شهر كامل ..و لازم الكل يعرف بهالموضوع ..عشان اذا كبروا ما احد ينسى ... والكل صار يعرف انهم اخوان ..وفعلا صاروا قريبين من بعض اكثر من سعود لعبير ..

عمر " وهو يشرح لها بحماس ": ..واهرب من بين البنات ..وما تشوفين الا غباري ...
عبير : هههههههه ..منت بسهل ..وليه توقع نفسك بينهم اصلا ...
عمر " انا ابش دراني انهم مخططين علي ... في الامارات كل الجنسيات .. وانا وقتها ما كنت افهم عليهم كثير ...امشي بس..
عبير : ..والحين ...
عمر : افا عليك ..الحين انا المعلم ...ههههههههههههه
عبير :هههههههههه
عمر : وانتي قولي لي عن اخر مغامراتك ...
عبير " طالعت يمين ويسار ": ....سويت مغامره غريبه عجيبه...
عمر : خبريني ...
عبير " بصوت واطي ": مو هنا ...بعدين تعال بيتنا ..وباقول لك كل التفاصيل ...
عمر : شوقتيني ..قولي لي .............

دق جوال عمر <<< احمد يتصل بك ...
عمر : هلا احمد ...
احمد : هلا فيك ...باقي نايم ...؟!
عمر : بدينا ..كل هذا مقهور لانك تروح المدرسه وانا لا ..
احمد : أي والله ... وش ناقصك انت ما تروح المدرسه ...هههههه
عمر : ياخي كلها اسبوع ..ههههههه .. وينك طلعت..؟! ..
احمد : ايه طلعنا .. تمرني ..؟!
عمر : ما رحت بسيارتك ...؟!
احمد : لا ..اصلا ما اخذها ...خالد يوديني معاه الصباح ... وهذا دليل على انك ما طلعت من البيت اليوم ..والا كان شفت سيارتي في الكراج ...
عمر : والله طلعت بس ما انتبهت ...على العموم ...يالله جايك ...
احمد : وترى عازمك على الغداء ...وش رايك فيني ...
عمر .: كفو كفو والله ...يابو حميد...
احمد : يالله انتظرك ...
عمر : اوكي ..." عمر استاجر سيارة ..مع ان كل اخواله اعترضوا ..بس هو كان يحتاج السيارة .. فوافقوا بعد ما اصر .. بس هو اقنعهم انه محتاجها "...
عبير : شو شكلك بتطلع ...
عمر " وقف ": معليش يا اختي العزيزه ..قولي لي متى تبغيني امرك واجي ...
عبير : اممممم ...ايش رايك تنام عندنا اليوم ...
عمر : ليه لا ..فكره ونسهر مثل اول ...ياسلام ...
عبير : خلاص اجل بكلم ابوي ...
عمر : يالله اجل بطلع اخذ مفاتيح السيارة ...وبروح لاحمد ....باي ..
عبير :باي ...

دخلت عبير عند ام وائل المطبخ ...
عبير : عمتي تحبي اساعدك ؟
ام وائل " تبتسم لها ": لا يا بنتي مشكوره ... وين عمر ؟
عبير " زفرت ": دق عليه احمد .. وراح يجيبه ...
ام وائل : ما عليه يا بنتي ..ترى الاولاد ما يحبون يقعدون بالبيت ..شوفي وائل نتمنى احيانا نشوفه او نتكلم معاه ..بس طالع مع الشباب مع الشباب ...
عبير " حمر وجهها لما سمعت اسمه ": ..ايه حتى سعود نفس الوضع في الشرقيه ..."تغير الموضوع " ..متى سمر ترجع من المدرسه ...
ام وائل : اليوم السبت تتاخر شوي لان عندها 8 حصص ...يمكن تيجي على 1 ونص او 2 على حسب النقليه اللي تجيبهم ...
عبير : اوه ...مطوله .... اجل انا بروح بيتنا يا عمتي ...
ام وائل : ليه امك رجعت من عند اخوالك ...
عبير : مدري بكلمها واشوف ...يالله عن اذنك يا عمتي بروح اشوف جدتي ..وبكلم امي ...
ام وائل "ابتسمت لها ": روحي يمه ..." ام وائل تطالع في عبير وهي طالعه من عندها ... "... ياليت شيماء تكلمني مثل ما تكلميني يا عبير ..

عبير ..كلمت امها وقالت انها بعد نص ساعه يمكن ترجع ...فعبير قالت بتسبقها ..لانها انحرجت جالسه لوحدها في بيت عمها ...
عبير : يالله مع السلامه ...
الجده , نوره , ام وائل : مع السلامه ..وانتبهي لنفسك ...
عبير " حطت اللثمة ".... ان شاء الله ..

طلعت عبير من بيت عمها ابو وائل .. ومشيت بهدوء لبيتهم... وفجأة شافت خالد ولد عمها نازل من السياره ..ومتجهه لبيتهم ...وبيت ابو خالد بين بيت ابو وائل وابو سعود ...يعني عبير لازم تمر من قدام بيت عمها ابو خالد ...
عبير " يؤؤؤه ..هذا خالد ...اكمل امشي لبيتنا والا اوقف ..والا ارجع لبيت عمي محمد ...بس انا قفلت البوابه ...ياربي ياليته هو يوقف ...المشكه يطالع فيني ...مدري عرفني والا لا ...."..

خالد " مين هذي اللي طلعت من بيت عمي محمد ...يكون سمر ..لا ..سمر ما تسوي هاللثمه ..وبعدين اتوقع انها بالمدرسه ... وين رايحه هذي ...معقوله جايه بيتنا ...يمكن مو من بنات عمي ..اسالها والا ...."....." ويطالع في السيارة اللي جايه ..وقفت في الكراج "...
خالد " وقف في نص الشارع ويطالع في وائل اللي نزل ..من السيارة .. "... سلام ... يا فلتان لا دوام ولا هم ...الله لنا ...

عبير " لما شافت سياره وائل ..طبعا صارت تعرفها ..حاولت تستعجل في مشيها ..وتوصل لبيتهم ..."..ياربي وش فيه بيتنا احسه ابتعد ..خخخخخ.....كل هذا منك يا وائل ...بس احلى شي سويته وقفت خالد ..ما كمل طريقه عشان امشي...

وائل " طالع في عبير .. وطالع في خالد .. وتضايق من فكره ان خالد ممكن يفكر في عبير .."..هلا خالد .. توك جاي من الجامعه..
خالد : ايه ...توني بس " ولف يطالع في عبير اللي واقفه عند بوابة بيتهم " ...مين هذيك البنت ..توها طالعه من بيتكم يا وائل .. اختك ؟
وائل " يطالع في عبير يبغاها تدخل بيتهم بسرعه ..".: لا مو اختي ...هذي بنت عمي صالح ...
خالد : عبير .....اها ...والله نسيتها ..هههههههههه
وائل " ارتاح من رد خالد ...بس ما يدري ليه ": انت اذا متذكر اسمك حلو ..ههههههههههههه .." ويرجع يطالع في عبير اللي لسى واقفه قدام بوابتهم ما دخلت ...وش فيها هذي ما دخلت .."...

خالد " مشي لبيتهم ..ولف يشوف عبير ..وحس انها محتاسه ..بصوت رافع .. ": يا بنت العم تبغين مساعده ..فيه شي ؟!
وائل " بس سمع خالد ..لف بسرعه جهة عبير .. وركز فيها لقيها تدخل المفتاح وتطلعه كذا مره .."..
خالد " ماجاه رد من عبير ...طالع في وائل ...يعني ايش فيه "..
وائل " اشر له ..ما عليك ..انا بتصرف ..واشر له يدخل .."
خالد " فتح بوابة بيتهم ..وقف جنب الباب يشوفهم ..."..
وائل "بخطوات ثقيله ...يمشي متجهه لعبير ...اللي معطيته ظهرها تحاول تفتح البوابه ...حس انه يشوف خيال عبير ...مو مصدق انه بيقرب منها ...كان خايف انه لما يقرب تختفي ... كان ماشي وشوقه ولهفته وحبه لها يسبقه ...وهذا واضح في ان عبير لفت تطالع فيه ....""
عبير " ..لما شفت خالد وكلمني ما تحرك فيني شي ...و وائل لما شفت بس سيارته ..احس ان كياني تلخبط ...ياربي وقته هالمفتاح مو راضي يفتح وش فيه ..."...." ..مدري ليه احس ان وائل وراي ...احس اني لو الف راح اشوفه قدامي ...صوت انفاسه اسمعها .. مثل ما سمعتها لما حضني في المزرعه ... لا شكله يتهيا لي .. بلف واشوف هو فعلا فيه والا راح بيتهم ...."لفت وشافته يقرب منها ..وهو شامخ ونافخ صدره ..والنظاره الشمسيه مغطيه عيونه ..والكاب معطي ظله على وجهه من الشمس ..شكل ملفت ..بكل ما تعنيه الكلمه من معنى ...

وائل " قرب من عبير اللي لفت عليه .. وفصخ نظارته الشمسيه ..وتقابلت عيونهم اخيرا ..وهما لوحدهم .. وبصوت كله رجوله وخوف عليها ": عبير .. خير وش فيك ..تاخرتي ما دخلتي بيتكم
عبير " نزلت راسها بخجل .. وبصوت واطي ..ومرتبكه ":..أأأ المفتاح مدري وش فيه ما فتح ...
وائل " مو مصدق انه سمع صوتها .. وده كان يقول ما سمعتك عشان يسمعها اكثر.. بس وقفتهم في الشارع صعبه ..": طيب ..ممكن تبعدي شوي ..اشوف المفتاح ...
عبير " تركت المفتاح في البوابه ...ورجعت على ورى وهي منزله راسها .."
وائل " يا عمري على الخجل .. وعلى هالرموش ...وهالعيون ."
عبير " طالعت فيه لقيته ما تحرك ويطالع فيها " :بـ بـ بسرعه لو سمحت ..
وائل " ارتبك ورجع لبس النظاره ...ياليتني ما فصختها فضحتني عيوني ..": ...قرب من البوابه وسحب المفتاح وطالع فيه ..." ولف عليها "..هذا مو مفتاح البوابه ...
عبير " متفاجئه ": الا هو ...
وائل : لا
عبير" عصبت ..وحست انه يبغى يطول معاها بس ": ..هات المفتاح ...يعني تفكرني ما اعرف ...انت حتى ما حاولت حتى تقول انه للبوابه والا لا ... ممكن تبعد ..
وائل " ابتسم ..لما حس انها عصبت ..وعجبته ..بس رجع كلمها بهدوء ":...يا بنت العم ..من غير ما اجرب... البوابات تبع الفلل حقتنا احنا وانت واعمامي نفس الشي ... والمفاتيح نفس بعض ..بالشكل بس ..يعني المفتاح ما يفتح الا بوابته وبس ...
عبير : معقول ... ماما قالت لي اخذ هالمفاتيح ..." وكانها تذكرت شي "...دقيقه ...
وائل:.. ايش عندك..!؟ "اآه.... لو كان فيه امل انك تكوني لي بانتظرك طول العمر ...بس انتي حلم مستحيل تحقيقه ...":...
عبير " طلعت من شنطتها مفاتيح ثانيه ..":..طيب هذي ..؟!
وائل " ضيق عينه .. ومد يده ": هاتي اشوف ..." وفتح كفه لها ..وهي لا شعوريا حطت قبضة يدها اللي ماسكه المفتاح كلها بيد وائل .. حتى انه قبض على يدها بسرعه ..وجلس ماسك يدها لثواني وعيونهم في بعض ...
عبير " ركزت في حركته .. وسحبت يدها بسرعه ..وطاح المفتاح ": ...يا قليل الادب وش سويت ...كيف تسمح لنفسك تمسك يدي "ودمعت عيونها ".. روح عني ما ابغى منك شي ...روح ..
وائل " كانه توه صحي من النوم ..واحد كب عليه مويه بارده ...ماكان مصدق انه سوا اللي سواه ..وهو مرتبك ..:..عبير ..اسف وربي ما كان قصدي ..مدري كيف ا .........
عبير " تبكي ": ..بعععععد عني ...روح ...
وائل " تضايق مرره وهو يشوف دموعها .. نزل بياخذ المفتاح ..بس عبير "
عبير " ببكاء وعصبيه ": قلت لك اترك المفتاح ..روح ... روح ..لا اكلم بابا يجي يشوف شغله معاك ..."لفت ما تدري وين تروح .. ولا شعوريا اتجهت لبيت عمها سلطان ابو عبدالله ..وتركت المفتاح مرمي بالارض ...
وائل " حز في نفسه اللي صار لعبير بسببه ... جلس يتابعها لحد ما وقفت عند بيت عمه سلطان وشافها تدخل بيتهم ...رجع قرب من عند المفتاح المرمي بالارض ...واحتار ايش يسوي فيه ..فقرر انه يرميه في حوشهم من برا ...وفعلا باقوى ما عنده رماه على حوش عمه صالح ...وهو راجع لبيتهم ...لاحظ خالد واقف يطالع فيه وفي وجهه مية سؤال وسؤال ... ..
خالد : ايش صار ..ليه عبير راحت بيت عمي سلطان ...
وائل " وهو ماشي ..وبلا أي مشاعر ":... طلع المفتاح مو للبوابه فراحت لعمي ...مع السلامه ..
خالد : ...مع السلامه ..."دخل وهو متعجب من شكل وائل ... وروحة عبير اللي واضح انها زعلانه ..."..


............................

 

[محارة لؤلؤ]

............................

عبير ..دخلت بيت عمها سلطان .. وهي تبكي ومو قادرة توقف ... بس شافتها عمتها هيا "ام عبدالله "..خافت عليها وسالتها بس هي قالت لها انه خافت لوحده بالشارع لما المفتاح ما فتح ... وجات سيارة البلديه .. وخافت منهم ..." صعب اقول وائل ...مهما كان ولد عمي ..وكمان خطيب بنتهم .."..كلمت امها اللي قالت لها انها ببيت عمها سلطان ...عشان تمر عليها اذا رجعت البيت ...

.......................................

بعد صلاة المغرب ...
عبدالله : انا عطيت وائل كلمه ...بتخرجين يعني بتخرجين عنده ..
شيماء " تزفر .. وبعصبيه ": لا تغصبني يا عبدالله ...
عبدالله " معصب ": وش فيك انتي وش فيك ... دامك كارهه الرجال كذا ليه وافقتي عليه... هو يحبك ويسوي اللي تبغين وانتي ما تعطينه وجهه ..
شيماء " لفت وعطته ظهرها ..": ..ممكن تطلع من الغرفه عشان البس ...
عبدالله "هز راسه يمعنى لا ":... لاحول ولا قوة الا بالله ... اذا خلصتي ادخلي مجلس الرجال ..

.........................

عبير وعمر ..في بيت ابو سعود ...يتكلمون ويتفرجون على افلام اكشن .... عبير قدرت تقول لعمر اللي صار معاها في المزرعه مع وائل ..بس ما قالت له الاحضان والنظرات .. حست انه شي خاص فيها محد له الحق يعرفها ..
عمر " متحمس معاها ":..اوف ..اوف ..وبعديين ...
عبير : وقف السيارة قريب من قسم الحريم..وبعد شوي قال لي انزل ...ودخلت على ماما وهي منهاره تبكي ...
عمر : والله مو بسهل وائل ...أصلا ما يسوي هالحركات الا وائل ..انا اعرفه زين ..وقت الواحد ما يحتاجه يلقاه قدامه .. ماشاء الله عليه يعرف يتصرف ..
عبير " تذكرت حركته معاها اليوم ..تضايقت ":.. شوي شوي خليته روبن هود ...
عمر " بجديه ": .. لا والله اكلمك جد ..وائل رجال عن جد..ما عنده اللف والدوران .. وياما طلعني وطلع اولاد عمه من مصايب مو بس مشاكل ..مصايب ...والحمدلله تعدي على خير ..
عبير : لها الدرجه ...
عمر : كفايه اللي سواه معاك ..وانا متاكد ميه في الميه انه ما قال لاحد عن اللي صار لك ...
عبير " بصوت واطي ":... اتمنى انه فعلا ما قال لاحد ..

...........................

وائل ... جالس في مجلس الرجال لحاله ..وهو لسى متضايق من اللي صار مع عبير ... ولو انه ما قال لعبدالله بيزور شيماء كان اجل زيارته ليوم ثاني ..
وائل " يطالع في الهديه المغلفه اللي جنبه ..": .. لو مو انتي كان ما جيت ..." طالع في ساعته "... تاخرت لا يكون ما تبغى تشوفني ...الله اعلم ...
شيماء " تدق باب المجلس ...وفتحته على طول ..ودخلت وهي لابسه بلوزه سوداء وتنوره بيضاء ..ولا حاطه مكياج ولا شي ..وشعرها لامته ورى بشباصه .. ولا ابتسامه ولا شي ": السلام عليكم ..
وائل " وقف لها وهو مبتسم ": وعليكم السلام ..هلا والله ..
شيماء " راحت بتجلس بعيد عنه شوي .."
وائل :.. وين ..وين ..تعالي ...
شيماء " بكل برود قربت منه ":... نعم .
وائل " ابتسم ..": نعم الله عليك .." اخذ الهديه ."... تفضلي اتمنى تعجبك ...
شيماء : مشكور ...
وائل : مشكور حاف .."وغمز لها "مافيه بوسه مافيه ضمه ..
شيماء " طالعت فيه باحتقار ... ورجعت جست بعيد عنه..ورمت الهديه جنبها ...وحطت رجل على رجل ..وكتفت يدينها"..
وائل " اختفت الابتسامه من وجهه ..ويطالع في تصرفاتها ..اللي مو عاجبته ":.. شيماء ..ليه تتعاملين معاي بالشكل هذا ..
شيماء " تمثل الغباء ": ...أي شكل .؟!
وائل " يضغط على اسنانه ": ... انا اليوم مو رايق اني اتناقش مع احد ... وانا ما ابغى اغلط عليك ..وشكلك ما راح تعدي هالقعده على خير ......بعدين اكلمك بالجوال ..ونتفاهم على هالوضع ...
شيماء " طالعت في ساعتها ..بطريقه مستفزه ..ورجعت طالعت في وائل ":...اوكي ...مع السلامه ..
وائل " كتم غيضه ..":... مع السلامه ..." طالع فيها من فوق لتحت "... مع السلامه يا شيماء ..

وطلع وائل من بيت عمه سلطان وهو متضايق من شيماء ومن حركاتها اللي ما تنتهي ..."..مو كفايه عبير ..حتى شيماء ...انا ايش سويت حتى الكل يزعل مني كذا ...ااه ..احس اني مخنوق ودي افضفض لاحد ...بس مقدر مقدر...كلهم بنات عمي ..."

..راح لسيارته ..وفكر في احد يطلع معاه .. الكل عنده دوام بكره ...امممممم ..ما عندي الا عمر ..يالله ..عمر ..عمر ..اهم شي احد يطلع معي يسليني ....دق على عمر ...
عمر " هذا وائل ...":..هههههههه ..هلا وائل .. الطيب عند ذكره..
وائل : خيير مع مين كنت تحش فيني ....
عمر " يطالع في عبير ":.... لا والله مو حش ..كنت اقول لاختي عبير عن اعمالك البطوليه ..ههههههههههه " عبير حمر وجهها وضربت جبهتها ...غبي ..غبي .."
وائل " ابتسم على جنب ":.... يعني انت ببيت عمي صالح ...
عمر : ايه بغيت شي ...
وائل : ..والله طفشان و ودي باحد يطلع معاي ... فما عندي الا انت لان كلهم بكره عندهم مدارس وجامعات ...
عمر " وقف ":.. ماشي ماشي ... ترياني ...
وائل : هههههههه طيب يالاماراتي ...

طلع وائل وعمر بالسياره ..وراحوا للكوفي شوب ....وعرف وائل من عمر ان عبير حكت له عن اللي صار بالمزرعه ... تفاجا وتضايق بنفس الوقت ...بس لما حاول يستفسر منه عن بعض المواقف اللي لهم مع بعض .. عبير ما قالت له عليها ... وارتاح ان عبير تحتفظ بهالشي لها ..ولـــــه فقط ...

..................................

يوم الاحد ...الساعه 5 العصر ..
وصل سعود للرياض ...

سعود " يسلم على امه في راسها ويدها ":... كيفك يالغاليه بشرينا عنك...
ام سعود : بخير يا ولدي ..الحمدلله على السلامه ...
عبير" تسلم على اخوهها سعود ":... الحمدلله على السلامه ...
سعود : الله يسلمك ...
ام سعود : عسى ما تعبت يا ولدي في الطريق...
سعود : لا الحمدلله .. الطريق ما فيها زحمه لاننا بنص الاسبوع ..
ام سعود : الحمدلله ....
سعود : وين ابوي ...
ام سعود : جاء تغداء ورجع مع اعمامك للشركه ...

دق جوال سعود >>>> وائل يتصل بك ...
سعود : هلا وائل ..الله يسلمك ..وش عرفك اني وصلت ... اها سيارتي ...والله من الفضاوه ..هههههههههههههههههههه...ابشر بطلع لك ..مع السلامه ..
سعود " يطالع في امه ":... هذا وائل ..يقول شاف سيارتي برا ..ويبغاني اطلع معاه ....
عبير " صارت سيرة وائل تضايقها ...":... توك جيت خلك ترتاح ..ولاحق بعدين على الطلعات ...
سعود : الله واكبر...اللي يسمعك يقول جاي من ابها ..
ام سعود : براحتك اطلع بس لا تتاخر ...
سعود " ياشر على عينه ": ...من هالعين ومن هالعين ..." واخذ مفتاح سيارته ...وطلع "...

عبير : ..احس سعود متغير مبسوط ...
ام سعود " تذكرت سالفه سمر ":... اقول عبير ... سمعتي اني سمر انخطبت والا شي ...
عبير " ..تتذكر ..":...غير سالفه سمير ....لا ما اتذكر ...
ام سعود : لا غير سمير ...الحين الحين ...ما قالت لك شي انه فيه احد خطبها ..؟!
عبير : لا ....ليه ...
ام سعود : تعالي يا عبير ..اجلسي ...انتي صرتي كبيره .. سعود كلمني انا وابوك في انه يفكر في سمر ..ويبغى يخطبها ..
عبير " مبسوطه ":.. و ا ا ا ا و وناسه ...
ام سعود : ..ترى هالموضوع بس بيننا هنا في البيت ...لا يطلع لاحد ..فاهمه..ولا لسمر ...ابغى اخوك ينتبه للترم هذا ويجيب نسبه حلوه ...
عبير " وجهها منور ":... ان شاء الله .. يا سلام لو سمر تيجي ..عندنا هنا راح ننبسط مع بعض ...
ام سعود :... سمر تدخل من هنا وانتي تخرجين من هنا ..ان شاء الله ..ههههههههههههههه
عبير " متفاجئه من امها ":... ماما وين بتخرجوني ...
ام سعود : هههههههههه يعني يجي نصيبك حتى انتي ....
عبير " انحرجت ":.. ماماه ....
ام سعود :..هههههههههههههه

........................................

الكل اجتمع صباح الاثنين الساعه 6 .. في بيت ابو وائل قبل لا يروحون المدارس والجامعات ...و ودعوا نوره واولادها ... وعمر ما نسي يطلب عبير يسلم عليها ...
وبعدها راحوا الاعمام للشركه ... و وائل بسيارته ومعاه سعود.. راحوا يوصلون عمتهم للمطار...

وعلى المغرب ..من نفس اليوم ... سافر ابو سعود واهله للشرقيه .. و وائل ما زال محتار وفكره يوديه للشرقيه ...ولعبير غصب عنه ... ..والشي الوحيد اللي يريحه انه يسمع ......
""حـبـيـتـك مــن قـلـبـي .. ومـا أنسـى أيـامك
نـار الـشـوق عـامـيـنـي .. وأنت بتـروي حـالي
شلون أصبر وأنت الماي .. ماظـنـيـت تـنـسـانـي
أنــا الـيــوم أتـرجـاكـ .. وأطـلب مـا تنسـانـي """

اللي يحس انها تمثل حاله مع عبير ...

 

[محارة لؤلؤ]

<<<<<<<<<<<<<<<<<<<<<<<<<<<<<<<<<<

الجزء التاسع

<<<<<<<<<<<<<<<<<<<<<<<<<<<<<<<<<<<​

بعد مرور اكثر من شهر ....

اجتماع في الشركه....الجد ..ابو وائل ..ابو خالد ..ابو عبدالله ..وائل ..ماجد "السكرتير ".. ورؤساء الاقسام بالشركه ...

ماجد : وقد وصلت الشحنه ..وهي في الميناء ..وقريبا تكون موجودة في المستودعات ...ليتم تصنيفها وتحديد سعرها ومن ثم تزويد السوق بها ...
ابو خالد : اتمنى ما تتأخر في الميناء مثل كل مره ...
ابو علي " رئيس قسم المستودعات" : ..ان شاء الله ما تتأخر وانا بتابع الموضوع بنفسي ...
الجد : أجل خلاص اول ما توصل اوراق الشحنه تكون على مكتبي .. وكمان الاوراق الخاصة بشركتنا في الشرقيه ..
ماجد : طال عمرك ما تبغى اوراق شركة الشرقيه نرسلها بالبريد المستعجل ...
ابو وائل : لا انا من رأيي .. تسلم يد بيد ...
ابو عبدالله : وانا مع ابو وائل ..اخر مره صار تأخير ولخبطه بالعنوان ..وهذي اوراق رسميه ...
الجد : وش رايكم لو نعين وظيفة لشاب يكون قد المسؤولية ونثق فيه ...وماعنده التزمات على اساس يروح الشرقيه وقت ما نبغى ..
ابو خالد : من ناحية الثقة ..ما راح نلاقي افضل من أولادنا ...
ابو وائل : معاك حق ...
الجد : ما ودي نعطل أولادنا وعندهم دراسة ...
وائل : وانا وين رحت يابوي ...وقت ما تبغى اروح الشرقيه ...انت تامر ...
الجد : كفو يا ولدي ...
ابو وائل : الاوراق الجايه وائل بيوديها للشرقيه ..هو تكلم معاي من قبل انه وده يروح للشرقيه اسبوع ...
ابو عبدالله " يطالع في وائل ": ومتى مسافر ...
وائل : كنت على اساس الاسبوع الجاي ..بس خلاص بانتظر الاوراق عشان اسلمها لعمي صالح "ابو سعود "...
الجد : طيب ..طيب ... فيه شي ثاني ...؟!
ماجد " يطالع في الكل ": أحد عنده سؤال او استفسار في نهاية اجتماعنا ..." يطالع فيهم محد رفع يده "... إذا ننهي اجتماعنا اليوم ..وسوف توزع على جميع من حضر الاجتماع .. ملف يضم جميع ما تم الاتفاق عليه في هذا الاجتماع ... وشكرا .. انتهى الاجتماع ...
الكل طلع من غرفة الاجتماعات ... ما عدا وائل ..اللي شاف جواله وحصل 4 مكالمات من عبدالله ....
وائل " يدق عليه ":.. خير ان شاء الله ...عبدالله يدق 4 مكالمات اكيد فيه شي ...
عبدالله : اخييييييرا ...عطيتنا وجه ...
وائل :كان عندنا اجتماع ... خير عبدالله ..
عبدالله " تغير صوته وبفرح " :... بارك لي ..طلعت نتيجة فحص الزواج ...
وائل : مبروك... واخيرا سويتوا الفحص ...
عبدالله : يوه يا وائل ... وربي كنت أأخره لاني خايف ...خايف تروح وفاء مني ...بس " ضحك "... الحمدلله الحمدلله ...
وائل : هههههههههه أي والله الحمدلله على كل حال ... عطيت خالد خبر ...عشان يقول لاخته ..
عبدالله :... لا ما قلت له ..." وبضحكه ".. انا قلت لها ...
وائل : كيف ...؟!...كلمتها ؟؟!
عبدالله : لا لا ..وين تبغاهم يذبحوني ...لا بس اخذت ورقة الفحص وحطيتها في علبه حلوه .. وغلفتها ..واعطيتها شيماء تعطيها ...وش رايك فيني ...
وائل :وربي منت بسهل ...مين علمك هالحركات ...هههههههههه
عبدالله : آ آ آ ه يا وائل ..هذا قلبي اللي يفكر مو عقلي ...صدق اذا الواحد حب ..يسوي اشياء ما قد سواها .........
وائل " غصب عنه تذكر عبير...": أي والله وانا اشهد ...
عبدالله : هههههههههههه ...يالله ما اطول عليك روح شوف شغلك ...وبعدين برسل لك مسج انت والشباب معزومين اليوم على حسابي ...باي ..
وائل : ان شاء الله ...مع السلامه

تذكر وائل ..كيف استقبل خبر توافق الفحص هو وشيماء .. كلم عمه وخبره بالنتيجه ...وانتهى الموضوع بالنسبه له .. اما عبدالله عزيمه وهديه وحركات ..... فعلا اللي يحب يسوي شي ماقد سواه ... يعني انا ما احب شيماء ...؟؟!!...انا من متى اتعمد اشوف بنات عمي ...ومن متى افكر في اني احضن او اقرب او امسك يد بنت ...بس عبير ..آ آ آ ه يا عبير ...خليتيني اسوي كل هذا معاك وانا مثل الاعمى ...صدق الحب اعمى ........
يوه لازم اكلم شيماء ..انا قلت كل ما فكرت في عبير راح اكلم شيماء ...عشان انساها ... حلوه تنساها ..وانت رايح لهم الشرقيه قريب ... ايه بس انا رايح اغير جو ..وافكر اروح للبحرين يعني مو بس بالشرقيه ....."مسك جواله ...وبعدين رجعه في جيبه ".بلا شيماء الحين بلا سدة النفس ..اكيد بتكون توها راجعه من الجامعه ونايمه كالعاده ...طلع لمكتبه ..وهو يعد الايام لموعد سفره للشرقيه ...

.............................

وفاء " تطالع في العلبه اللي عطتها شيماء ..حمر وجهها ..وبتعجب ":...ا أ يش هذا ..
شيماء " تطالعها بنص عين ":... يعنني ما اعرف ...اجل ليه حمر وجهك هاه ...
وفاء " تضربها ": ...لا حمر ولا خضر ...بس قولي لي بسرعه ايش هذي والا برميها ...
شيماء " بلا اهتمام ":... ارميها ..." وشافت عمتها ام خالد ..تركت وفاء وراحت لها "...عمتي سعاد كيف حالك .؟...
ام خالد : الله يسملك يا شيماء ...كيفك انتي ...اخيرا جيتينا من يوم ملكتي قلت زياراتك لنا ..
شيماء : اعذريني يا عمتي بس والله الاختبارات .وانتي عارفه ...
ام خالد : الله يوفقكم يارب...الا ليه واقفه عند الباب انتي و وفاء ..ادخلوا اجلسوا وباجيب القهوه ..
شيماء " تطالع وفاء تبغى تحرجها ":... بس كان عندي هديه من .." وقربت من اذن عمتها وبصوت واطي عشان وفاء لا تسمع "..هديه من عبدالله جواتها نتيجة فحص زواجهم ..
ام خالد " فرحت ": الله يبشرك بالخير...
شيماء : اآمين ..." تلبس نقابها "...يالله استأذن انا ....
ام خالد : اقعدي يا بنتي تغدي معانا ...
شيماء : مره ثانيه يا عمتي ..." تطالع في وفاء "... نص ساعه وبكلمك ...باي
وفاء " مبلمه ": باي ...." تطالع في امها "... ايش قالت لك ...
ام خالد " ضحكت .. وهي رايحه للمطبخ ":... افتحي العلبه وتعرفي ..

وفاء طلعت ركض لغرفتها ... وجلست على السرير وحطت العلبه قدامها علبه انيقه لونها اصفر وفيها قلوب حمراء ومربوطه بشريطه ذهبي ..."مسكت على قلبها اللي حست انه بيطلع من شدة الدق .."..يا ترى هي من عبدالله ؟!... كيف تجرأ وارسل لي الحين ولسى ما كتبنا كتابنا ...وامي ..؟! .... مدت يدها للشريطه وسحبتها بكل خفه ...وفتحت العلبه ..ولقيت فيها ورقه مطويه .." كل هالحوسه عشان رساله ..." ضحكت في نفسها "... وفتحت الورقة بهدوء .. وفجأة .. وقفت وهي حاطه يدها على جبهتها وتقرا بصوت مسموع .... توافق ...توافق ...اي والله توافق ....الحمدلله الحمد لله يارب ..." وحطت الورقة على صدرها ... ويدها ترجف "..الحمدلله الحمدلله ...يارب لك الحمد ...

احمد " دق باب غرفة وفاء ..":... وفاء ..؟! .... وفاء ..؟!
وفاء " ارتبكت بس سمعت الدق وحطت الورقة بسرعه في العلبه ورمت العلبة تحت السرير ..".....ها..أأأ...أ
احمد " فتح الباب ..ودخل راسه ":... فيك شي ؟!
وفاء " مرتبكه مرره وجهها احمر ":... هأ..أأأ..أ ...لا ..
احمد " طالع فيها من فوق لتحت ":.. متاكده ..!؟
وفاء "بسرعه ": ايه ..ايه ...
احمد : .. أها ... اجل ثاني مره لا تصارخين توافق توافق الحمدلله ...
وفاء " فاتحه فمها":..............
احمد : ههههههههههههههههههههههههههه مبروك يا أختي العزيزة " وحرك حواجبه لها بسرعة "...هههههههههه سي يو "وقفل باب الغرفة وهو يضحك "....
وفاء " حطت يدها على وجهها وجلست على حافة السرير ..وهي خجلانه مره من اخوها ":... ياربي انا ما طحت الا في احمد ...الحين ايش يفكني منه ..." تذكرت العلبة ...أخذتها ..وضمتها لصدرها ...وغمضت عيونها وجلست تفكر في عبدالله اللي بدأ يدخل قلبها بسرعه ...

...................................
في الشركة

وائل .. في مكتبه ..دق عليه السكرتير " ماجد " الباب ....
وائل : ادخل ..."رفع راسه "... هلا ماجد ...
ماجد " مرتبك شوي ":.. أ أنا حبيت أقول لك يا أستاذ وائل ..لو عندك مشاغل وما تقدر تسافر الشرقية ..انا ممكن اسافر بدالك ..وأكيد الملفات راح تكون بيد أمينه ..وراح أسلمها للشيخ ابو سعود يد بيد في الوقت اللي يحدده ...
وائل " طالع فيه باستغراب ...ابتسم ":...مشكور يا ماجد ..انا أساسا كنت بسافر للشرقية بالملفات او بدونها ..ودي كمان أروح للبحرين ...يعني " وتكى على الكرسي ..".. تقدر تقول استجمام ..
ماجد " بخيبة امل ":..اللي يريحك .." وابتسم له "..تروح وترجع بالسلامة ...استأذن انا ...
وائل :ماجد.. أجلس ...انت ودك تسافر للشرقية ... ؟!..عندك شي عائلي هناك ؟!
ماجد : لا لا أبدا ..بس حبيت اعرض خدماتي عليك ..لو تحب لأني انا من عشاق السفر...
وائل " ابتسم ":...اعتبرني واحد من أصحابك أعمارنا قريبه من بعض وبنفهم على بعض ... قول لي تبغى إجازة ... انت لك فتره ما أخذت إجازات وجالس تجمعها ... في بالك شي ...
ماجد : والله نفس شعوري يا أستاذ وائل .. انت مريح جدا في تعاملاتك .. ولا مره حسستنا انك صاحب الشركة ... اما من ناحية الإجازات " ابتسم ".. مجمعها لبعدين ..إذا ..إذا ..تزوجت .. ودي ألف العالم كله معاها .. هذي أمنيتي ...
وائل : وا ا ا ا و... انا ما فكرت في هاشي ..تلف العالم !.. والله فكره مش بطاله ...
ماجد " وقف ".:.. ايه أكيد مش بطاله ...بس ...بس هي توافق ...يالله تأخرت على مكتبي ...
وائل " مبتسم له ":.. تفضل ...

..............................................

 

[محارة لؤلؤ]

بعد أسبوعين في الشرقية .....

عبير : بابا تكفى خلينا نطلع للبحر ... أحس اني ابغى أذاكر عند البحر ..
سعود : وين تطلعين الحين .. في نص الأسبوع ...مو حلو الشاطئ فاضي ..
ام سعود : أحلى شي يكون فاضي عشان نأخذ راحتنا ..
ابو سعود : اجل متفقه انتي وبنتك ...اجل خلاص يالله قوموا تجهزوا ....
عبير " تبوس أبوها ":..الله يخليك لنا يارب ..." وقامت هي وأمها يتجهزون "..
سعود : من جدك يبه .. والله بيكون ملل ..
ابو سعود : يا ولدي وش عليك خلهم يطلعون ويشوفون بنفسهم ... وش خسرانين احنا ...بعدين اختك ثالث ثانوي ..
سعود : ترى لها سنه وهي ماسكاها علينا ثالث ثالث ..كان محد في ثالث غيرها ...
ابو سعود " ابتسم ":.. تقصد ان حتى سمر في ثالث ...
سعود " ارتبك ":... هأ..أأ..ما اقصد شي
ابو سعود :هههههههههههههههههههههههه
سعود : يبه .. تراك ما خطبتها لي ... وانت تعذبني كذا ...
ابو سعود :..ههههههههه ..يالله هانت يا ولدي باقي لك شهر وتخلص ...واذا جبت معدل حلو في هالمستوى .. هديتك هي خطوبتك ...
سعود" وقف يسلم على رأس ابوه..وهو مبسوط ":... الله يطول بعمرك يارب ..
على جية عبير وأمها من فوق وهما لابسات العبايات ...
عبير " حاطه يدها على خصرها ":.. خير ..ليه تبوس بابا وش طلبت منه انت كمان ..
ابو سعود , وام سعود :هههههههههههه
سعود : بلا لقافه ..ما بقول لك سر بيني وبين ابوي ...
ابو سعود "وقف " :... يالله يالله لا نتأخر ... ترى أحلى شي العصرية قبل غروب الشمس ...
...............الكل طلع من البيت واتجه لشاطئ..............

..............................................

وائل ..في طريقه للشرقية ... اكلم عمي الحين والا انتظر ... يالله بكلم سعود ....

سعود ..>>>>>>> وائل يتصل بك ...
وائل : الو ..السلام عليكم ...
سعود : وعليكم السلام ...هلا وائل ..
وائل : كيفكم ..وش علومكم ..؟
سعود : والله بخير ..وعلومنا تسرك ...
وائل : أنت بالشركة ..؟
سعود : لا ..لا انا اليوم كان عندي محاضرات ..
وائل : أجل عمي بالشركة لوحده ..؟
سعود .لا ولا ابوي بالشركة ...
وائل " بقلق ":.. عمي مو بالشركة غريبة ..خير فيه شي ..
سعود : لا الحمدلله كل شي تمام ..ما تسمع صوت البحر ...
وائل : والله مدري مشبهه ..هههههههه
سعود :ههههههههههه ... ايه احنا في الشاطئ ...
وائل : جد...شاطئ يوم الاثنين ...غريبة ...
سعود : عاد وش تقول ...الأهل قالوا لابوي وهو شكله ما صدق خبر ..يبغى الفكه من الشركة ...
وائل : ايو و و وا قلت لي ...أجل أروح اخذ لي شقه مفروشة وأمر عليكم بالليل ...
سعود : ليه وين انت ....أنت بالشرقية .!
وائل : ايه توي واصل وكنت باروح الشركة عشان الملفات ..
سعود : لا لا وين ..تعال الشاطئ طيب...
وائل : لا لا ما أحب أزعجكم ...
سعود أي إزعاج ...ترى السالفة كلها عشان مذاكره عبير ...يعني انا جالس لوحدي وطفشان ..تعال سليني ياخي...
وائل : والله مدري ...
سعود : شوف ابوي جنبي يقول قول له يمرنا ..
وائل : خلاص بمركم بس انتو وين ...
سعود : احنا بالهاف مون .. اول ما توصل الشاطئ كلمني احدد لك مكاننا ..ما راح تضيع لان مافيه ناس كثيرين ...
وائل " والفرحة بدأت تظهر على وجهه ":.. ان شاء الله ...باي
سعود :: باي..

سعود " يطالع في اهله ":... وائل وصل اليوم الشرقية وبيجينا بعد شوي ...
ام سعود : الله يحييه ..
عبير " ما عجبها الوضع .. وخاصة انها ماخذه منه موقف من سالفه المفتاح ":.. يوه انا كيف اذاكر الحين ...
سعود : الله واكبر اللي يسمعك يقول محد عند البحر ..و وائل هو اللي بيجي يجلس على راسك ...
عبير : ايه بس الناس الثانيين بعيدين ...والحين بيجي بتجلسونه قريب منا ..
ابو سعود : يعني تبغينا نمشي يا بنتي للبيت ..؟!
عبير "بسرعه ":..لا يا بابا لسى ما خلصت ...
ام سعود " تطالع في سعود ":.. سعود اذا جاء وائل خذه معاك واجلسوا بعيد شوي عنا ..وخليه يعطينا ظهره ...
ابو سعود : لا تعقدون الأمور ... هذي بنتك متغطية ..و وائل برضه يصير ولد اخوي .. وهو اصلا ما راح يرضى يجلس معانا وعبير فيه ...
عبير " في نفسها ..ما تدري عنه ..":.. ماما فيه شاي ...
ام سعود " تهز ترمس الشاي ":.. مافيها الا شوي خليه لولد عمك اذا جاء ...
عبير" بطفش رمت كوب الشاي . .. وطالعت في الشمس اللي تحولت للون البرتقالي تنذر عن قرب موعد الغروب ...وفي نفسها .. اوف من وين طلع لنا وائل الحين "..

سعود ..يدق جواله .........: هلا وائل ...." وقف بعيد عن اهله يوصف له مكانهم بالضبط "....

عبير وامها معطين الشارع ظهرهم وجههم للبحر ... وابو سعود على شمال ام سعود ... وسعود واقف ينتظر وائل ..اللي شافه جاي من بعيد ...وبعد ما أشر له سعود ..ركن وائل سيارته خلف سيارة عمه ابو سعود ..
وائل..اللي نزل من سيارته وهو موقف ظهره ..ونافخ صدره .. لابس نظاره شمسيه لونها فضي .. وغتره بيضاء وثوب ابيض .. وحذيان شرقيه بيضاء .. كان مخفف سكسوكته كثير ... مغيره شكله ومناسبته تماما ... : السلام عليكم ...
سعود " بفرح ": وعليكم السلام ..هلا والله ...
" وسلموا على بعض .."...

عبير ..ضبطت لثمتها ..وغصب عنها لفت تطالع في وائل .. وهي لابسه نظارة زهرية وحاطه اللثمة .." دق قلبها من شياكة وائل ... ارتبكت لما حست انه يطالع فيها ..مع ان نظارته كانت ما تساعد انها تشوف نظراته لانها تعكس اللي قدامه ..."....... رجعت طالعت في كتابها اللي بيدها ...وهي مسرحه ...

وائل " من بعيد ما حب يقرب من الفرشة اللي هما جالسين عليها عشان عبير ...بصوت عالي ":..عمي صالح كيف الحال ؟
ابو سعود " لف يطالع فيه اشر له ":.. تعال تعال يا وائل ....
وائل طالع في سعود لانه منحرج يقرب ..سعود اللي ابتسم له واشر له يقرب من العم ابو سعود ..
سعود : تعال يا وائل ..الأهل متغطين ...
وائل " فصخ نظارته الشمسية .. وقرب من عمه وهو جالس ..وسلم عليه ":...كيفك يا عمي ...ان شاء الله بخير ...
ابو سعود "وهو جالس .. ورافع راسه له ":..بخير يا وائل ..كيفك انت وش علومك ..والحمدلله على السلامة ..........
عبير " تجمدت مكانها تطالع فيه .. ما يفصلها عنه الا خطوتين او اقل ..."...
ام سعود : الحمدلله على السلامه يا وائل ...كيفك طيب ...؟!
وائل " لف يطالع في زوجة عمه .. وقدر يميز ان عبير تناظر له ..ابتسم ":... الله يسلمك يا عمتي ...انا بخير دامكم بخير..
عبير " اشم ريحة عطره من هنا .... شكله تغير عن الملكه .. وما انتبهت الا و...."
وائل " بكل حب وبكل شوق .. وحاول يكون صوته طبيعي .": كيفك يا بنت العم ؟
عبير " مبلمه ..وفاتحه فمها ..هذا يكلمني ..قدام اهلي كلهم ... ياربي والله انه جرئ":...
وائل " طالعها بنظره سريعه .. ولكنها كانت كافيه انها تروي ضما أكثر من شهر ما شافها فيه ...ابتسم لما ما حصل منها رد"
ام سعود "تدق عبير ..":... ردي عليه ...
عبير " انتبهت لابتسامة وائل ..ودقت امها لها .بصوت واطي":...أ أ ...ا ...بخير...
وائل " حس انه وده يضم سعود لصدره من شدة الفرح ... انه قدر يكلمها قدام امها وابوها واخوها .. وهي ردت عليه ... طالع في سعود .. مبتسم ":... تحب نتمشى والا اطلع الفرشة من سيارتي ..ونجلس هناك ..
سعود " لف يمين يسار ... ":.. شوف الكراسي اللي هناك تعال نجلس عليها ...
وراحوا جلسوا على كراسي مو بعيده كثير عن فرشة ابو سعود ...بس حاول سعود يكون وائل ظهره لعبير مثل ما وصته امه ...

سعود : ايوا ايش اخبارك يا وائل وأخبار أهل الرياض ...
وائل " لف جسمه لجهة سعود ..ونزل يده اليمين على الكرسي من ورا .... وبدون نفس ":.. بخير ...لا جديد ...
سعود " حس ان وائل متضايق ":... بخير؟!.... بس وجهك ما يقول كذا ....
وائل " يحرك يده ":.. لا تهتم كل شي ماشي على حسب الأصول والعادات مافيه شي ماشي على حسب قناعات الشخص واللي يبغاه .. " وسرح شوي ..."....
سعود : شكلك مو عاجبني يا وائل ..فيك شي ...
وائل " يغير الموضوع ":... انت عرفت ان عبدالله طلعت نتيجة الفحص. ..وطلع توافق...
سعود :.. او و وهو و وه ... الظاهر كلمني وهو بالمستشفى ...هههههههه..كان قلقان مرره ...ماله داعي هالقلق ..
وائل : بالعكس له داعي ...وسمعنا انه تكثر الأمراض الوراثية بين الأقارب اكثر شي ...يعني ما صار بالسهل مثل أول أي ولد عم يتزوج بنت عمه ..." في نفسه ...ياليت ما صار توافق بيني وبين شيماء ..كان انا بخير ..."...
سعود : ليه سكت ....
وائل : لا ولا شي ...بس ..منظر البحر حلو بعد الغروب ...
سعود " لمح سيارة همر .. مرت من جنب سياراتهم الواقفه ":.. وائل وائل ..شوف شوف ..هذاك الهمر ...الاصفر ...
وائل " لف بسرعه ...يطالع ..وما لحق يشوف الهمر ...بس شاف عبير ...وهي منزله راسها وماسكه كتابها واضح انها تذاكر .. وكانت منزله اللثمه ..ومفصخه النظاره اللي كانت لابستها ..وائل ..انقهر منها لانها كانت كاشفه ...بس لما عبير رفعت عينها تشوفهم ...لف بسرعه لسعود ":... ايه ...شفته وش فيه ...
سعود :هذا اللي ابغي اشتري مثله ...
وائل : قصدك هديه نجاحك هالسنه ...
سعود " بابتسامه عريضه ":... لا هدية نجاحي ابوي مجهزها لي ...بس السياره هذي باخذها كذا تغيير ....
وائل " بخبث ":... ايييش هديه نجاحك ...قول لي ...
سعود : ما بعلمك ياخي غصب ... بتعرف وقتها ....

عبير .. بالقوة قدرت ترجع تركز في المذاكرة من بعد ما وائل جاء ...واخذوا بعضهم وراحوا جلسوا في الكراسي مو بعيدين مره ..ولاني قدرت المح يد وائل لما حطها ورى الكرسي ...ان يده اليمين مافيه الدبلة ...فرحت فرح مو طبيعي ...حسيت ان وائل مو ملك لاحد ...هذا الشي خلاني ارتاح واكمل مذاكرة بتركيز اكثر.. بس ..بعد فتره حست انهم لفوا لجهتي ...ولما طالعت فيهم لقيت سعود يأشر على الشارع ..و وائل يطالع فيه ..وبسرعة لف وجهه ..وكملوا كلامهم ....انا تذكرت إني فاكه اللثمة .. ابتسمت غصب عني ..لاني حسيت ان وائل أنحرج مني ..لما كشفته يطالع فيني وكمان لما شافني كاشفه ... نزلت عيني على كتابي اللي احسه كان الشاهد على مشاعري تجاه وائل ..من رجفة يديني ..وانه اقرب شي سمع دقات قلبي ...واكثر شي خطيت عليه بقلمي ...

وائل " تضايق ان عبير كاشفه والناس رايحه جايه ...ومو عارف كيف يبدأ ...":... مع انه نص الأسبوع ..والناس قليل بس الشباب رايحين جايين ...صعب الواحد يخلي اهله يكشفون ..لمبات الشارع توضح كل شي ....
سعود : ايه صادق ..." ولف يطالع في اهله .."...دقيقه بس يا وائل ...
راح سعود يكلم اهله .. ورجع لوائل ..
سعود : ابوي يقول واضي والا نروح نتوضى هناك بدورات المياه..
وائل "طالع في عبير لقيها حاطه اللثمه ..انبسط ..ورجع طالع في سعود": وين بنصلي ..هنا ..؟!
سعود : ايه ابوي واضي .. وانا بروح لدورات المياه تيجي والا واضي ...
وائل : لا لا جاي معاك ..." وقف "بس توقعت اننا بنروح البيت ..
سعود " وهما واقفين جنب بعض ..": بتفوت علينا وقت الصلاة ..نصلي ونمشي والحريم يصلون بالبيت ...يالله مشينا لا نتأخر على ابوي ...
وائل " فصخ العقال و غترته البيضاء وطاقيته ":...دقيقه بروح أحطها بالسيارة ...
سعود : باقي تروح للسيارة ..." واخذ منه الغتره والعقال والطاقية "...هاتي .. بوديها هناك على الفرشه ...ترى نظيفه وربي ...
وائل " انحرج ":.. لا والله عادي ادري انها نظيفه بس..اخاف تضايقهم ...
سعود " يأشر لوائل ...يعني ما عليك ....رماها قريب من عبير بدون ترتيب .. ورجع بسرعه لوائل ..."...يالله
وراحوا لدورات المياه .... توضوا ...وهما راجعين بالطريق...

ام سعود " تطالع في غترة وائل " : ..الله يهديه سعود ..رمى غترة الولد كذا بالأرض لا رتبها ولا شي ...
ابو سعود : شكل وائل ما انتبه له والا كان ..شاف شي ما سره .ههههههههه
ام سعود : حرام عليك يا صالح ...
ابو سعود : ترى وائل مرره مرتب وما يحب أي شي معفس ..ممكن لو جاء وشافها كذا ما عاد لبسها هههههههههه
ام سعود :هههههههههههه
عبير ..من لما شافت الغتره قدامها وهي تناظر فيها .. ودها ترتبها بس خايفه من امها وابوها ...ودها تشمها.. وتمسكها بيدها ...
ام سعود : باطوي غترته قبل لا يجي ... عبير ..عبير...
عبير: نعم يا ماما ...
ام سعود : اعطيني غترة وائل ..أرتبها له قبل لا يجي ...
ابو سعود : تسوين خير والله ...
عبير" بلعت ريقها ...وبيد مرتجفة ..مسكت الغتره ..اللي جاها نفس الشعور لما حست بيد وائل تقبض على يدها لما اعطته المفتاح..غمضت عيونها ...وبسرعة أخذتها ورمتها على أمها ...اللي كانت تصب القهوة لابو سعود .."...
ام سعود " وقفت صب القهوه ...وتطالع في عبير بقوه ":... انتي ايش سويتي ...
عبير" حاطت يدها على فمها وشهقت بقو و و ه ..."... وأ أ أ أ أ أ أ أ أ أ أ أ أ أ أي ...الغتره ....
ابو سعود "عدل جلسته .. وسحب الغتره .. اللي انكبت عليها القهوه ... ":... حصل خير حصل خير ...
ام سعود " معصبه على عبير ":... كان فتحتي عيونك .. ايش بيقول علينا وائل الحين ...بزران ما نعرف نحافظ على غتره حطها عندنا ..
عبير"دمعت عيونها .. ويدها على فمها ":... والله ما انتبهت ...آ آ آ سفه ...
ابو سعود " حزن على شكل عبير ":... خلاص يا بدريه..ماصار الا كل خير.. وائل ولدنا .. ما راح يزعل ...
ام سعود " تحط يدها على راسها ":... يا فضيحتنا فضيحتاه ...بنرجع الولد البيت بدون غتره...
ابو سعود " يطالع بعيد ":.. هذا سعود و وائل وصلوا ...انا بتكلم اسكتي انتي يا بدريه ...
سعود , وائل" جايين من جهة عبير " : السلام عليكم ...
وائل " لف على الجهه الثانيه وقف قريب من عمه ...ويطالع في يد عبير .. باستغراب .."..
عبير " وقفت من الربكه ":..
سعود " واقف قريب من عبير يطالع في الغتره ..وهي بيد ابوه ":.. يبه عجبتك غتره وائل والا ايش هههههههههه
ابو سعود " لف على وائل ":... العذر والسموحه يا ولدي انكبت القهوة على غترتك ..
سعود : ايششششششششش.... كيف انكبت ...
وائل " تفاجا .. بس رجع طبيعي ":... عادي يا عمي فداك الغتره وصاحب الغتره ...
ام سعود :.. متفشلين منك يا وائل ..بس غصب عنا " ولفت طالعت في عبير "...
عبير " عيونها حمراء ..وتلمع من الدموع "....
وائل " طالع في عمته "... عادي يا عمتي حصل خير .." ولما لمحها تطالع في عبير ... كانه فهم ان عبير السبب خاصة ان عيونها فاضحتها .."...
سعود " يطالع في عبير ..وبصوت واطي ":...انتي السبب .؟!..
عبير " لفت عليه وهي منزله راسها ..وبعصبيه ":.. ما كنت ادري ..
سعود " يطالع في يدها ..":... مو داريه ..وعلامات الجريمة في يدك ...
عبير" تطالع في يدها بسرعة ...لقيت انها ماسكه العقال بيد والطاقيه بيد ... شهقت بصوت رافع ...وطالعت بسرعه في وائل ..اللي يطالع فيها ومبتسم ... انحرجت ..ورمتها على سعود ."...
الكل : هههههههههههههههههههههههههههههههههه
سعود " مسك العقال .. والطاقيه ":.. ايه حطيها فيني ...بس عقاب لك وردعا لامثالك ....... انتي اللي بتغسلين الغتره ..ههههههه ...فاهمه مو الشغاله انتي ...
ابو سعود :هههههه بتغسلها بتغسلها .. ما عليك .. " امسكي حطيها بكيس .".. ورمى لها الغتره .."....
عبير " مسكت الغتره ..وهي منحرجه .. وجهها احمر ... وطالعت في سعود ...تتوعده بعيونها "...
سعود " راح يتخبى ورا وائل ":... وائل انت قلت لي بتقعد أسبوع ...خلني معاك... وربي نظراتها تخوف ما راح تعديها على خير ...ههههههههه
وائل " اللي كان يحاول ما يطالع في عبير ..مع انه شاف تقريبا كل الموقف ... ومبسوط انها بتغسل غترته.. شعور حلو حس فيه لما شافها ماسكه غترته .. طالع في سعود اللي يضحك وهو يطالع في عبير ":.... اقول هات هات طاقيتي وعقالي ...
سعود " يعطيه بقوه ":... خذها ..يعني من زينها عاد ...
وائل " يطلع له لسانه ":... ايه عاجبتك ... واتحدى تقول غير كذا ..
ابو سعود :.. يالله نصلي المغرب تاخرنا ....
سعود " يقرب على الفرشه .. بعد ما ام سعود وعبير جلسوا على الكراسي اللي كانوا جالسين عليها ... واذن ":... الله اكبر ..الله اكبر ..


..............................

 

[محارة لؤلؤ]

..............................
شيماء بغرفتها .. وجالسه على الجهاز المكتبي ..وفاتحه الماسنجر ...
نجوى " دخلت بسرعه على شيماء .. وفي يدها مجله ازياء":... شيماء شوفـــ.....ـي....
شيماء " ارتبكت ..وبسرعه ضغطت على زر الشاشه وسكرتها ":.. هأ ..أأأ ... اش اش فيك ......... فجعتيني ....
نجوى " تحاول تستوعب اللي شافته على الكمبيوتر .. ":.. ايش قاعده تسوين شيماء ؟!
شيماء " لفت لعندها وهي على الكرسي الدورا ..وتحط شعرها ورا اذنها ":... وش اسوي يعني ...و و ولا ولاشي ...
نجوى " فاتحه فمها ..و باقي تطالع قي الشاشه بالرغم من انها مقفله ":... هذا ...هذا ..مو كمال ..؟!
شيماء " فتحت عيونها ...وبعدين صارت طبيعيه .. وبعدين ":..ههههههههههههههه قال كمال قال... " ورجعت عصبت ".. خلصيني وش تبغين ...
نجوى " تكذب نفسها ":.. يمكن يتهيأ لي ...المهم ... شوفي هالمجله .." اعطتها شيماء "... شوفي نفس فستان عبير بنت عمي صالح ...
شيماء " تطالع وهي مالها نفس ":... أي فستان مو فاكرته عليها ...
نجوى :.. لا ما لبسته بس ورتني انا وسمر لانها شرته لملكتك .. بس لما اتفقنا نلبس مثل بعض بطلت ...
شيماء " رجعت تطالع في المجله باهتمام "... مره حلو وناعم ..اشوا انها ما لبسته ...كان طلعت احلى مني ...
نجوى : ههههههه محد يغطي على العروس مهما كانت ...
شيماء " معصبه ":... وش تقصدين ست نجوى مهما كانت ...
نجوى : والله انتي ادرى ...انخطبتي ولا نحفتي ..وملكتي ولا نحفتي ...والحين لو حددوا الزواج بالصيف ايش بتسوين ..بتزوجين كذا ...
شيماء "فتحت عيونها ":... هيييييي انت مين طلب رأيك ...
نجوى : لا جد أكلمك يا شيماء ... انحفي ياختي خلاص من الأكل .... ترى وائل يحب الجسم المتناسق ...
شيماء " كتفت يدينها ":.. ومن وين عرفتي ...
نجوى : سمر قالت لي انه يخاصمها لو زادت كيلو ... انتي ما تدرين انه مشترك بنادي رياضي ..ومربي عضلات ...
شيماء :.. مو كل الرجال يحبون النحف ..فيه رجال يحبون الجسم المليان ...
نجوى " بتريقه ":... مين قال ..؟!
شيماء " وقفت ..واعطتها المجله "... انا قلت .. خذي مجلتك .. وفارقيني ...ولا عاد تدخلين علي كذا الا بعد ما تدقين الباب ..والا اقفل وارتاح منك ومن غثاك ....
نجوى " وهي طالعه ":... طايب طايب ...بقول لبابا عليك ...انك تقولين عني غثى ...
شيماء "تسكر الباب بالمفتاح ":.. اوف ...لا يكون شافت شي ...لا ان شاء الله ..يعني مافيه الا كمال بهالدنيا ..."تذكرت الكمبيوتر..وابتسمت" بروح اشوف ان شاء الله لسى ما طلع...

..............................

في بيت ابو خالد ...

يدق باب غرفة سعاد " أم خالد "....أدخل ...!
خالد " يفتح الباب ويدخل ":... أمي فاضيه اتكلم معاك شوي ...
ام خالد : تعال يا خالد .."وراحت تجلس على الاريكه ..". اجلس جنبي ...خير يا خالد ..
خالد " جلس جنب امه على الاريكه .." : يماه انا كبرت وهذي اخر سنه لي في الجامعه ...متى بتخطبين لي منال بنت خالي ...
ام خالد " ابتسمت ":.. كنت ادري انك بتكلمني عن منال ... طيب ..انت خلص اول الجامعة ...
خالد " قاطع امه ..":...يماه يماه افهميني بس خطوبه شوفوها موافقه والا لا.. يمكن مو موافقه ادور غيرها ...لي سنتين ..وانتو تقولون اذا تخرجت اذا تخرجت ..طيب هذا عبدالله ولد عمي سلطان خطب وهو اصغر مني ...
ام خالد : طيب طيب..لا تعصب ...يعني انت بس تبغى تعرف اذا هي موافقه عليك والا لا ...؟!
خالد " بعصبيه ..وبدون ما يطالع في امه ":... اييييييه ...
ام خالد " تحط يدها على كتفه ":.. بيني وبينك ...البنت موافقة واهلها موافقين ...
خالد " فز من مكانه ..وطالع في امه ..ومسك يدها..وبصوت رافع ":... جد ..جد يماه ..وش عرفك قولي لي ..انتي كلمتيهم ...كلمتي خالي ...
ام خالد " تشوف عيون خالد اللي امتلت دموع فرح .. ورجفة ايدينه ..عرفت قد ايش هو يحب منال ".. : بسم الله عليك يا ولدي ...ايه كلمتهم من سنه تقريبا ... وقالوا ما عندهم مانع ينتظرونك لحد ما تتخرج ...
خالد : يالمفتريه سنه سنه من لما كلمتيهم ولا بردتي قلبي بكلمه ...
ام خالد " تسحبه من اذنه .":.. مفترية ..احد يقول لامه كذا .." وسحبته لصدرها "..هههههه والله والله يا خالد لو كنت اعرف انك بتفرح هالكثر قلت لك من زمان ...
خالد " مسح باقي دموعه اللي نزلت غصب عنه ":..الله يخليك لي يا احلى ام ..." وسلم على راسها ويدها ..."..وانا اللي كنت افكر انكم نسيتوا موضوعي .........
ام خالد :.. اصلا حتى لو نسينا انت تذكرنا ما تقصر ..ههههههه
خالد " باحراج .. يحك شعره ":...هههههههههه
ام خالد " تناظر في شعره ":.. على فكرة ترى مو بس شرط التخرج هالسنه عشان نخطب لك ...فيه شرط ثاني ...
خالد " ملامحه تغيرت ":.. وشو بعد ...يا حبكم للشروط ...
ام خالد " تضحك ..وتسحب شعره ":... هذا الشعر ينقص ويترتب ..
خالد " يمسك شعره":... يا هذا الشعر ..مسبب للكل عقده ...ابشري " ويحط اصبعه على خمشه "..على هالخشم ...
ام خالد : الله يسعدك يا ولدي ..
خالد " باحراج ":... يماه ؟... منال تغيرت ...؟!
ام خالد : ..بسم الله عليها ..كل مالها تحلو .. هالسنه هي باول جامعه ..
خالد : انا خابر انها كبر وفاء يعني بثاني ....
ام خالد : تاخرت سنه ...فاتها التقديم ...
خالد : اها ..."ابتسم"
ام خالد " وقفت ":.. هاه خلصت كلامك ...
خالد " وقف وهو يضحك ".:..هههه...ايه خلصت ...خلاص تطمنت على مستقبلي هههههه
ام خالد : الله يوفقك يارب ...
خالد " طالع من الغرفه ":... باي يا احلى ام بالدنيا...يسسسسس
ام خالد :هههههه ...قفل الباب وراك ...

................................................

في الشرقيه .. ببيت ابو سعود ....

عبير.. في غرفتها تذاكر ...ودخلت عليها الشغاله ..
الشغاله :.. هدا مستر ساود ..يقول هدا لكي انتي ( هذا مستر سعود يقول هذا لك انتي)..." وطلعت من الغرفه بسرعه "...
عبير" تطالع في الكيس الشفاف ..وكانها عرفت وش فيه .. سحبت الكيس ..وبصوت واطي و كله حزن وألم ":... غترة وائل ...واي يا قلبي ... حرام والله عليكم هو خاطب ولا يفكر فيني وانا تعبت من التفكير فيه .. آخر شي اتوقعه اني اغسل غترته او شي يخصه ... " دمعت عيونها ".. لازم انساه ..هو وشيماء مخطوبين وبيتزوجون ..وغلط اني احبه او حتى افكر فيه ..غلط غلط غلط ... " وانهارت تبكي ..."...
في مجلس الرجال ...
سعود " يطالع في وائل ":.. وين شنطتك ..والا ما جبت شنطه ..؟
وائل :...بالسيارة ...كيف ما بجيب شنطه وانا قلت لك بجلس اسبوع ...
سعود : ههههه أي والله بعد حادثة القهوه اليوم لازم تاخذ احتياط اذا جيت عندنا ...ههههه
وائل " تذكر عبير وهي تبكي .." :... الا على فكره ..وين غترتي ..
سعود : نفذنا العقاب ... وبتكون عندك بكره مثل ما كانت فوق راسك يوم جيت ...
وائل : تراها جديدة ... اذا أختك ما تعرف تغسلها ..هاتيها بوديها المغسلة ...
سعود : والله ما اضمن لك بس اتوقع تعرف ...يعني ما يبي لها شي ...
وائل " كان يفكر في عبير اكثر من الغتره .. وحب يطلعها من ورطة غسيل الغتره ".:.. اقول اللي عنده شغاله ..ما يعرف يشتغل ...جيب غترتي ...
سعود " يحك راسه ..": والله جد هي ما قد غسلت ...بس ..
وائل : لابس ولا شي ...جيبها ..
سعود " باستسلام ":... طيب ابشر بجيبها لك .." وقف .. ورجع لف عليه "... بروح أجيبها وانت روح دخل شنطتك ...
وائل : لا ماني منزل شنطتي ...
سعود " عدل وقفته له ":... وشو ...ليه منت منزلها ...
وائل : بروح شقة مفروشه ....
سعود " متفاجئ ":.. خييييييييير .... شقه مفروشه ...افا ..وبيت عمك هنا .. وتروح شقه...
وائل " بلا اهتمام": خلني على راحتي يا سعود ...
سعود " زعلان ":... ياخي والله ما يصير ...بعدين انت كل مره تيجي تنام عندنا يعني هالمره لا ..." ورجع جلس جنبه "... انت زعلان مننا ..والا غلطنا عليك ..
وائل "رد بسرعه ":... لا لا وين راح بالك محشومين والله ..بس " احتار وش يقول ان حبه لعبير هو اللي تغير هالمره "..بس ..عشان لا ازعجكم عندكم دومات ..
سعود :..حتى انت بتداوم في الشركه مع ابوي ..وين المشكله ...
وائل :..لا انا بداوم بس الثلاثاء ..والاربعاء ...والاسبوع الجاي بكون فاضي ..ماخذ اجازه ...
دخل ابو سعود ...عندهم المجلس ...
ابو سعود "وهو واقف ": يالله يا وائل العشاء ..سعود روح شوف السفره ..
وائل " وقف " :... الله يعطيك العافيه يا عمي ليه تتعب نفسك ...
سعود " زعلان ":... يبه كلم وائل ...يقول بيروح شقه مفروشه .." وطلع يشوف السفر مثل ما قال له ابوه "....
ابو سعود " مستغرب ":... خير يا وائل ليه شقه مفروشه وبيتنا موجود ...
وائل :.. يا عمي انا عندي اجازة الاسبوع الجاي وما ابغى ازعجكم وانتم في الدومات والمدارس ..و
ابو سعود : خليك معانا.. والاسبوع الجاي يصير خير ...
وائل " باستسلام ":... ان شاء الله يا عمي ...
ابو سعود: يالله تعال نتعشاء ... وبعدين توريني الملفات اللي جبتها معاك ....
وائل : هي في الشنطه ...بعد العشاء اجيبها لك ....
ابو سعود : خير ان شاء الله ...


سعود قبل ما يتعشا.. يدخل غرفة عبير مظلمة وهي مو موجودة... وسمع صوت في غرفة الغسيل ...ودخل ...
سعود" بتعجب ":... عبييييييييييييير ...
عبير " تصرخ ":... يممممممممممه.... سعود فجعتني يا دب ...
عبير كانت مرفعه شعرها لفوق بطريقه عشوائيه ..ولابسه بجامه بيضاء عليها رسمات زهور صغيره بلون فوشي وشريطه فوشيه على اطراف البجامه....
سعود : ههههههههههههههههاي ...وربي شكلك تحوفه.. كل هذي الحوسه عشان غتره ....
عبير " تطلعها من النشافه ":.. اخيرا خلصت ...
سعود " ببرود ":. ترى كنت جاي بقول لك ..ان وائل يقول لا تغسليها ..
عبير " معصبه ..وحطت يدها على خصرها ":...نننننننننننننننعم.. بعد ايش ...
سعود : ههههه والله هو قال يقول جديده ما ابغى عبير تخربها علي ...
عبير " انقهرت ":..اصلا يحمد ربه اني غسلتها له ... " وقربت من سعود ".. امسك اعطه قول كفايه غسلتها ما راح تكويها ..
" وتقرب الغتره من وجهه"... شم شم بالله النظافة والسنع ..حتى بقع القهوه راحت ...
سعود " مفتح عيونه ...وبحركه بطيئه يمسك الغتره .. ويلمسها بقوه ":... ايش هذا ايش سويتي ...بايش غسلتيها ...
عبير " بكل ثقه ":... غسلتها بصابون تايد..ولفيتها مرتين بالغساله ..بس تصدق ما راحت البقعه رجعت كبيت عليها كلوركس ..والحمدلله راحت ..وبعين شطفتها في منعم الملابس بريحه الورد المركز ...ايش رايك فيني ...
سعود " حط يده على راسه ":...يا ويلي يا ويلي ..كل هذا سويتيه في هالغتره المسكينه ...
عبير " مستغربه ":...ليه وش فيه ...شوفها نظيفه وريحتها تجنن..

ابو سعود ..من اسفل الدرج ينادي على سعود ....
سعود" محتار في الغتره ":...ياربي ايش اسوي اعطيه والا اشتري له وحده ...
عبير "مو فاهمه ..ايش سوت" : وليه تشتري وحده ثانيه له ..؟!
سعود " طالع فيها معصب ":.. روحي انتي بس .."ونزل تحت يتعشاء "....دخل عليهم سعود ..وهو حاط الغتره ورى ظهره ...
سعود "في وجهه ضحكه ":.. اللي يخلص من العشاء يقول لي ..عشان اعطيه منشفه ينشف يده ..ناعمه ورقيقه وريحتها وا ا ا ا و تجننننن ..." وطلع الغتره من ورى ظهره ..وهو ميت ضحك "..ههههههههههههههههههههههههههههههههههههه
ابو سعود " ما فهم على سعود ":.. وش تقول انت أي منشفه تعال تعشاء بلا هبال ....
سعود " من شدة الضحك جلس على الأرض يضحك ...والغتره بيده ."...
وائل " ابتسم من ضحك سعود ..بس ركز في يده ...وقف بسرعه وراح لسعود ..." :. هـ.. هــذي غترتي ..." وطالع في سعود ..اللي يهز له راسه بمعنى ايه .. وهو ميت ضحك...فتح عيونه ..ومسك غترته اللي حس انه ماسك غتره لها سنتين وهريانه استخدام ...ولونها متغير .. وفيها خيوط مسحوبه .. ورجع طالع في سعود ..":..هههههههههههههههههههههههههههههههههههه
سعود , وائل : هههههههههههههههههههههههههههههه
وائل :هههههههههههه وش صار فيها مسكينه هههههههههههههه
سعود : هذي عبير ..ما بقت ولا خلت شي من ادوات التنظيف الا حطته عليها هههههههههههههههه ولا بعد تقول شم ريحة النظافه ههههههه..
وائل " قرب الغتره من وجهه .. وشمها ":.. يا سلام جد ريحه نظافة ...ههههههههههههههه
ابو سعود " مبتسم ":.. اجل راحت عليك الغتره يا وائل ..ابشر بكره اشتري لك غيرها ...
وائل " قرب من عمه وجلس مكانه على العشاء "..: وش هالكلام يا عمي قدها غتره لا راحت ولا جت .." وحط الغتره جنبه ..وهو مبتسم ".. ورجع يتعشاء. . بنفس مفتوحه ..من سوالف عبير ...

......................

خلصوا العشاء .. وطلع وائل مع سعود لسيارته واخذوا شنطة وائل ..ورجعوا للمجلس الرجال عند ابوسعود ... جلس وائل وابو سعود يشوفون الملفات ويراجعونها ... اما سعود فكان في غرفة الضيوف اللي دايم ينام فيها وائل او احد من اعمامه اذا زاروهم .. كان يساعد امه وعبير يسون السرير عشان وائل ..وسعود قال انه بينام معاه فرتبوا لهم السريرين ..بعدها سعود راح لمجلس الرجال وام سعود راحت غرفتها ... اما عبير فطلعت على غرفتها وجابت عطرها ...وبخت منه على السريرين ..لانها مو عارفة وائل بينام على أي سرير...كانت حركتها عاديه لانهم يسونها دائم ..بس اللي غريب انها تستخدم عطرها الخاص الغالي ..

 

[محارة لؤلؤ]

<<<<<<<<<<<<<<<<<<<<<<<<<<<<<<<<<<<
الجزء العاشر
<<<<<<<<<<<<<<<<<<<<<<<<<<<<<<<<<<<




الشركه بالشرقيه ...ابو سعود و وائل ..

ابو سعود " قفل الملف ":..خلاص انا تعبت ..
وائل " ابتسم ":.. طيب خلاص يا عمي ..بكره نخلصها بالشركة ..
سعود " يتثاوب ":.. يالله خلونا ننام ترى تعبت حتى انا وراي محاضرات بكره للساعه 3 العصر ...
ابو سعود " وقف ":..انا رايح انام ... ايه يا وائل الدوام بالشركه بكره الساعه 9 .. بس لو تصحى من 8 عشان نفطر ونوصل في الوقت ...
وائل : ان شاء الله عمي .. ولا يهمك الساعه 8 تلاقيني صاحي ..
ابو سعود : يالله تصبحون على خير...
وائل , سعود : وانت بخير ...
سعود :..يالله تعال اوريك وين بنام ....
وائل "متعجب" : وش قلت ننام ؟!
سعود " بكسسل .. وهو رايح ..وياشر له ":.. تعال ...
وائل " مشى ورا سعود .. وهو ماسك غترته ... لحد ما وصلوا الغرفه ...وفيها سريرين مرتبه ..":.. مين اللي بينام معاي ...
سعود " بتريقه ":.. الشغاله ..مين يعني بينام معاك انا ... يالله اختار أي سرير تبغى ...
وائل " كتف يده ": وليه ان شاء الله ..ما عندك غرفه تنام فيها ..والا انا بزر تنام معاي ...
سعود " طنشه واختار واحد من الاسرة .. ورمى نفسه عليه .. وغمض عيونه ":..يالله تصبح على خير ...
وائل " ابتسم ":. وانت بخير .." وفتح شنطته .. واخذ له بجامه وراح دورة المياه اخذ له دش ولبس ملابسه .. وراح على السرير .. شاف الغتره وابتسم طواها بشكل مرتب وحطها بالشنطه .... ورجع للسرير وحط راسه على المخده .. وغصب عنه شدته ريحة العطر .. لف وجهه على المخده ..وشمها بقوه .. وحس بعبير .. " ياترى هالشي قاصدته والا صدفه ...يا ترى يا عبير تفكرين فيني مثل ما افكر فيك ..والا لا ...

......................................


وفي الصباح ... صحيت عبير وسعود ... افطروا .. وعبير راحت مع نقلها الخاص ..وسعود بسيارته وعلى الجامعه ... وابو سعود و وائل على الساعه 9 كانوا بالشركه ....
وائل " قفل الملف ":.. وبكذا خلصنا ...
ابو سعود : الله يعطيك العافيه يا وائل ...
وائل : الله يعافيك يا عمي ..
ابو سعود : خلاص كذا خلص شغلك بالشركه..اذا تبغى تطلع روح الله يسهلك ...
وائل : ما تبغى مني شي يا عمي .. عادي بجلس معاك ...
ابو سعود : لا والله ما تجلس خلصت اللي عليك ..توكل على الله يا ولدي ..روح شوف الشرقيه تراها تغيرت في سنه هههههه
وائل :ههههههه ..طيب "وقف" استاذن انا...

.............................
وائل ... في سيارته .. وحاس بملل .... تذكر شيماء ...
وائل "طالع في ساعة السيارة ":.. الحين الساعه 12 ونص ..اتوقع شيماء رجعت من الجامعه ..." ركب سماعة البلوتوث تبع الجوال "..الو
ام عبدالله : هلا يا وائل ..
وائل " متضايق لما سمع صوت امها ":...لا تقولين يا عمتي انها لسى ما جت من الجامعه ...
ام عبدالله " وصوتها تغير ":.. جت جت يا ولدي ..بس ..بس هي عند بنت جيراننا ...
وائل : ما يصير كذا يا عمتي ..كل ما كلمتها مو فيه ...او عند الجيران ...
ام عبدالله :.. انت تعرف يا وائل ..هذا جوالها الثاني وتنسى تاخذه معاها ...
وائل : جوالها الثاني هذا طلبها يا عمتي ... " يحك جبهته ".. انا اسف يا عمتي اني رفعت صوتي عليك ...بس لي اسبوع اكلمها وهي مطنشتني ...مدري اطنشها انا بعد ...
ام عبدالله :.. لا يا وائل لا تتأسف ولا شي ... بس تعرف اختبارات ..واذا قلت لها تقول طيب بس يمكن هي تنسى ...اصبر عليها يا وائل ..
وائل : خير خير يا عمتي ...يالله مع السلامه...

وائل ..كان معصب من شيماء ومتضايق من تطنيشها له ... بس قرر بما انها تطنشه هو بعد بيطنشها .... تذكر بيت عمه صالح ... وفكر انه يكلمهم على البيت ... ويقول لهم ما يطبخون الغداء لانه بيجيبه معاه ...
وائل " يدق على تلفون بيت عمه ..": الو ..السلام عليكم ..
ام سعود :.. وعليكم السلام ..مين معاي ؟!
وائل " مو عبير ":.. انا وائل يا عمتي ..
ام سعود : هلا يا وائل ...
وائل : عمتي كنت ابغى اقول لكم لا تسون الغداء ..انا بجيب من المطعم ..
ام سعود : لا يا وائل لا تتعب نفسك .. انت تعال وبنقول لسعود هو اللي يجيب...
وائل : افا يا عمتي يعني انا غريب ...أصلا قلت بعطيكم خبر عشان بس لا تتعبون تسون غداء ..وانا بجيب ..الا المفروض ما اخذ رأيكم هههههه
ام سعود : ههه الله يسعدك .. ويكثر خيرك ..خلاص ابشر ..
وائل : عمتي تحبون السمك ..؟!
ام سعود : جيب اللي تبغى .. كله حلو ...
وائل : بس قلت لا يكون محد يحبه منكم نجيب له دجاج او لحم ...
ام سعود : كلنا نحبه .. بس لا تكثر .. انا اعرفك ...
وائل : ههههههه ابشري ...يالله مع السلامه ...
ام سعود : مع السلامه ...

وصلت عبير من المدرسه .............ورمت نفسها على اول كنبه بالصاله ....
عبير " تفك طرحتها ":...ياربي ايش هالحر ..
ام سعود " نازله من الدرج ":..عبير ..! ..متى جيتي ...
عبير : توي داخله ... ماما وين الشغاله ؟!
ام سعود : وش تبغين فيها ؟
عبير " تهوي نفسها بطرحتها ":.. ابغاها تجيب لي ريموت التكييف..حرر بموت..
ام سعود : قومي روحي غيري ملابسك وخذي لك دوش ..وراح تبردين ... اما انك جالسه بالعبايا والمريول ومعصبه فالحر واصلك واصلك ...
عبير " بكسل .. وقفت وهي رايحه للدرج ":.. ماما ايش الغداء ؟!
ام سعود : سمك ...
عبير "..سمك ؟! .." تحاول تشم "...بس ما اشم ريحه ولا شي ...
ام سعود "بلا اهتمام" : من المطعم ...
عبير : اها من المطعم ... طيب قلتي لهم يجيبون بطاطس مقلية ...
ام سعود : لا ...ويالله اطلعي خلصي قبل لا يجي ابوك واخوك ولد عمك ...
عبير " دق قلبها وتذكرت وائل ":..طـ طـطيب .. " وطلعت بسرعه لغرفتها وهي مبسوطه ان وائل عندهم "... وا ا ا ي ما احلى اليوم عشان وائل عندنا ... ادري انه ما ينفع اني أحبه بس غصب عني ...وربي غصب عني ...سامحيني يا شيماء ...
دق جوال عبير >>>> ريم يتصل بك
عبير : غريبة تدق علي توي شايفتها في المدرسه ...الو
ريم : عبير ..كيفك ؟!
عبير : الحمدلله ..خير ريم وش فيه ...
ريم : أ أ ايش رأيك نطلع اليوم المول مع بعض ...
عبير : بس اليوم الثلاثاء ..
ريم : ايه احلى بعد يكون المول مو زحمه مثل الويك اند ...
عبير : ايش الطاري ..تونا كنا بالمدرسه ما تكلمتي...
ريم " مرتبكه ":.. لا ولا شي توي فكرت بالموضوع ...وانتي بعد مو تقولين ولد عمك وائل موجود ... مو هو نفسه اللي شفته من قبل سنه تقريبا ...
عبير "مقهوره منها ":.. ايه هو ماشاءالله عليك ما تنسين ...
ريم :الحلوين محد ينساهم ...هههههههههه
عبير : مدري والله ..شوفي لو بطلع معاك بطلع لاني ابغى لبس لحفل التخرج ..مو عشان الحلوين والا اللي مو حلوين ...
ريم : ايه بس حاولي في ولد عمك يجي مع سعود ..
عبير : هييييي هييي وش احاول فيه ما احاول .. ترى ما اكلمه ولا يكلمني ...
ريم :مو معقول ..ليه ..هذا ولد عمك ...والا منتي قد جماله ..
عبير " معصبه ":. ريم لا تبدين ... انا ما رجعت لصداقتك الا بعد ما كلمتني المرشدة الطلابية انك انتي تبغين صداقتي ...بس ما راح أخليك تغلطين علي مره ثانيه فاهمه ..
ريم : طيب طيب خلاص لا تزعلين ... ترى كنت امزح ...
عبير " ملت منها ":.انا بقفل الحين ..
ريم : تكفييين عبير اطلعي معاي ..
عبير : خلاص بكلم اهلي وارد منك ...باي
ريم :باي

عبير ...اوف نشبه هالبنت ... لا وحاطة عينها على وائل .. "ابتسمت " وائل ...وائل هذا مو أي بنت تقدر تجيب راسه ما يعرف له الا شيماء .. " بحزن ..تذكرت وائل يوم ملكته وهو ماسك يد شيماء وقت الزفه وابتسامته دليل الفرح "... يا خسارة يا شيماء مو شايفه جماله ولا جمال روحه ....

عبير وقفت تفكير في وائل وشيماء وريم ...واخذت دش ولبست بنطلون جنز اخضر وتيشرت اصفر برسومات سوداء ...نزلت بسرعه على الصاله .. ودق تلفون بالبيت ... وبسرعة ركضت له ...
عبير : الو و و و
: تبغون رز ابيض والا صياديه ..؟!....
عبير : بكيفك بس اهم شي البطاطس ..سامعني لا تنسى ..
: بطاطس ايش ؟!
عبير :أ أ ...مين انت ...
وائل " ابتسم ":.... ما اسمعك .." وطلع برا المطعم .. وبخباثه "... مين معاي " وابتسم " ؟!...
عبير : انت اللي مين ..
وائل"بصوت هادي ورجولي " : انا وائل ... انتي عبير ؟
عبير " وجهها احمر ..وتبلع ريقها بصعوبه ":.. إيه ..
وائل "عض على شفايفه .. لما سمع صوتها وتذكر شكلها .. ".: ايه عبير ..ايش كنتي تبغي ...
عبير " تنطط مو عارفه ايش تقول ":...
وائل : ما اسمعك .. " حب انه يحرجها .."..الو تسمعيني ..ترى ما اقدر اطول معاك ...
عبير "عصبت منه":. قلت بطاطس مقلية ...
وائل "يضحك": كم يكفيك صحن ..
عبير "فتحت عيونها ... يستخف دمه ":.. يالله انا بقفل ...
وائل :ههههههههههههههههه .. تعالي تعالي ..ما قلتي لي تحبون الرز ابيض او صياديه ...
عبير "بسرعه": بكيفك ...
وائل "تغيرت نبرة صوته لحزن":يا ليت كل شي كان وبيكون على كيفي ...بس ..مو بيدي .."رجع صوته عادي " على العموم مشكورة يا بنت الشرقيه .. ههههههههه
عبير "انحرجت منه ... قفلت على طول في وجهه ... وحطت يدها على خدودها ..":.. لازم يحرجني يعني ..." ابتسمت "..بس لسى فاكر كلامي معاه .." جلست على الكنبة ..وأخذت الخداديه في حضنها ..وغمضت عيونها ..."..

ام سعود" تطالع في عبير ":.. عبير وش فيك ...
عبير " فتحت عيونها ...وارتبكت ":.. ولا ولا شي ...
ام سعود : متاكده ...
عبير : ايه يا ماما ...ليه ايش فيني ...
ام سعود " بنص عين ":.. مين اللي كنتي تكلمينه قبل شوي ..
عبير "حمر وجهها ": هذا هذا وائل ...ولد عمي محمد .." ومن الإحراج قلبت السالفة "..ماما ليه ماقلتي لي ان وائل اللي بيجيب الغداء ...
ام سعود"تضحك": ليه وش قلتي ليه ...بطاطس مقليه ...هههه
عبير : ماما سمعتيني .... وربي احراج ...فكرته سعود ...ما ميزت الصوت الا بعدين ...
ام سعود " بابتسامه ": حصل خير ...بس كذا مرة نبهتك ..قبل ما ترفعين السماعه تشوفين الكاشف ..وتسالين مين الشخص اللي يكلم ..مو كل اللي بيتصل ابوك او اخوك ...ترى كثير ناس يتصلون غلطانين او يلعبون ..
عبير " وهي طالعه الدرج ":أن شاء الله ماما.. بروح استشور شعري ...اذا جاء الغداء لا تنسوني ...


.............

 

[محارة لؤلؤ]

.............


رجع وائل على بيت عمه بالغداء على الساعه 2 ونص .. وطلعت الشغالة تاخذه من السيارة .. اللي وقفها في الكراج في حوش عمه .. دخل وائل عند عمه صالح في المجلس .. وعبير لما تأكدت انه دخل ..طلعت الحوش مع الشغاله ...
عبير .. تطالع في السيارة .."ابتسمت "..قربت من السيارة وتكت على الباب ..ولفت على جهة السواق وجلست تطالع في الدركسون من ورا القزار .. وتتخيل وائل ماسك الدركسون "يا حضك كم مره حسيت بدفا يده .. انا حسيتها مره ولحد الان "طالعت في يدها ..وقبضت عليها "..لحد الان احس اني اشعر بلمسة يده ..
"فتحت عيونها .. وتمسع صوت الشغاله ..لما ركزت فيهم ...

وائل خرج وكان يبغى يروح للسيارة بس الشغاله قالت له ان عبير فيه ... رفع عينه للسيارة ولمح عبير من ورا القزاز ..اللي بسرعه نزلت على ارجولها وجلست بالارض ..
عبير " تضرب ارجولها ":... غبيه غبيه ..وش طلعني ...صدق مفضوحه ...يا ويلي ...يا فشيلتي ايش بيقول عني ...بيقول تغازلني وانا خاطب ...

الشغاله " جات عند عبير ":..كلاص دخل وائل ..
عبير" وقفت وبسرعه تركض لداخل البيت. وقفت في الصاله وهي حاطه يدها على صدرها ":.. مو كفايه طلبته بطاطس وا ا ي وربي متفشله منه ...
ام سعود " من المطبخ ":..عبيرر..عبير... تعالي ...
عبير" ضبطت نفسها .. وكانها طبيعيه ":.. هلا يا ماما ...
ام سعود " تضحك .. وتوريها الكيس ": شوفي قد ايش جاب بطاطس ...
عبير " تطالع متعجبه ":.. كل الكيس بطاطس مقليه من كودو ..تقريبا 10 اكياس ".: وا ا ا و ..كل هذا لي ..
ام سعود : شكلك قلتي للعائله كلها ...
عبير "تذكرت الموقف وضحكت": ..لا والله يا ماما ...بس انا كنت افكره سعود ..فطلبت ..عادي ...
ام سعود : يالله ساعديني نوديها للمقلط ...اخوك توي كلمته قال في الطريق جاي ...
عبير "بحماس" :.او و و كي مام ...

................................

بعد الغداء اللي الكل عجبه ...وخاصة عبير طبعا ...الكل تغداء وصلوا العصر ...ورجع سعود و وائل غرفتهم ....
سعود " متمدد على السرير ":.. والله اليوم تعبت تعب ..ما وقفت المحاضرات ...بس كويس بكره عندي محاضرة وحده بس ..
وائل "جلس على السرير ":.والله حتى انا خلصت من الشركة بدري..وعمي اصر اني اطلع اتمشى ...بس مليت ومحد فيه يسليني "تذكر شيماء.. وبان الحزن على وجهه "...
سعود " انتبه للحزن اللي بوجهه ":.. وائل وش فيك ..انا موجود بس كنت مشغول مثل ما قلت لك محاضرات...
وائل " ابتسم بحزن ":. عادي يا سعود ..بس انا متضايق اليوم ...
سعود " فز وجلس جنبه ":..خير ..احد مزعلك ..والا اشتقت للرياض ..
وائل :ههههههههه حلوه احد مزعلك ليه بزر انا ...
سعود : عادي لو صرت بزر يوم واحد هههههههههههههه
وائل " يضربه بالمخده ":.. قوم قوم من فوق سريري ...اللي حتى الغرفه ما هنيتني انام فيها لوحدي ...
سعود : ياربي انت ذليتني لاني نمت عندك ...لمعلوماتك ...غرفتي توي ركبتها جديدة ..بس ما ارتحت فيها ..."حط يده على فمه " ايش رأيك تيجي تشوفها ...
وائل :لا وين أشوفها .. مو غرف ابوك وامك واختك فوق ..صعب اطلع..
سعود : لا صعب ولا شي ...يالله قوم ...
وائل :بس...
سعود"سحبه من يده ":.. قو و م ترى ما قدر فيك أسحبك ..هههه
وائل " وقف ":. طيب فك يدي بأجي من غير ما تسحبني ...

طلعوا الدرج فوق ... وراحوا لغرفة سعود ...فتح الباب سعود وشغل اللمبات ...

""غرفة سعود كان لونها بني محروق ...والجدار سكري ..على زخرفه بني محروق ...والستارة بني وسكري مع طبقات ..وطويله للارض .. سرير كبير ودولاب مع كمودنتين ومرايا طويله في ركن الغرفه ...والإضاءة كلها مخفيه لونها اصفر""

سعود : ترا .. ايش رأيك ؟!
وائل : وا ا ا ا و ... جدا فخمه ...وحلوه ... " ودخل لنص الغرفة.. ولف على سعود اللي واقف عند باب الغرفة "...معقول كل هالاناقه والفخامة ولا ارتحت فيها ...
سعود :ياخي شوف زوائد السرير اللي على الإطراف تتعب ..المرتبه صغيره ...
وائل : طيب كبرها ...
سعود : لا بالله أيش هالذكاء ... ايه اكيد بس ترى لها ثلاث ايام من لما جت نمت يوم عليها ..ما عجبني الوضع وامس رحت افصل لي مرتبه ..ولسى ما خصلت ...عرفت ليه نكت عندك...
عبير فتحت باب غرفتها وطلعت منه ولا لفت على غرفة سعود ما انتبهت ...نزلت على طول من الدرج ...وهنا وائل شافها ..وارتبك ...
وائل : سعود الله يهديك أحرجت اهلك لما طلعتني هنا ...
سعود " يلف وراه ويشوف عبير نازله ":لا ما عليك ...تعال اوريك الحمام ...هذا بالذات شي ثاني...
وائل " يفكر في عبير .. ":.. ورينا حمام الهنا تبعك ..
سعود : هههههههههههههههه

عبير جالسه بالصالة تطالع في التلفزيون .. وشوي تحس فيه أصوات نازله من الدرج ...مستغربه لان ابوها وامها بغرفتهم نايمين من بعد صلاة العصر ...جلست تطالع في الدرج ..وهي خايفه ..
عبير "بخوف":.سـ سـ سعود ..؟!
سعود" لما سمع صوتها اشر لوائل يوقف ":..بوه
عبير " تصرخ ":..يممممممممممممه يا سعود يا دب اوريك..
سعود : ههههههههههههههههههههههههه
وائل " واقف بالدرج وسمع كل شي ":الله يهديك يا سعود لازم تخوفها حرام عليك ...
عبير : سعود سعود حبيبي ....
وائل " حط يده على قلبه "...
سعود : فيها حبيبي معناه عندك شي... ايش بغيتي ...
عبير "تقرب منه ..": فدييييييت اخوي الغالي اللي يفهمني ...
وائل "كفاية يا عبير ارحمي قلبي"
عبير : توديني اليوم المول ...
سعود: ليه
عبير : اتفقت انا وريم نتقابل هناك وابغى اشتري لبس التخرج باقي له اسبوعين ...
سعود : ريم ما غيرها ...او و وف ...
عبير : لا تغيرت ..سعود تكفى ...واذا على وائل جيبه معاك واتسلوا سوا ...
وائل " فتح عيونه ...من لما سمع اسمه ..": والله ان نهايتي على يدك يا عبير .. خايف أتهور بس وانزل أحضنك قدام أخوك واللي فيها فيها ...وربي اشتقت لريحتك ...ياليتني ما عطيتك الشماغ والثوب تبعك ...آ آ آه ياربي صبرني ."...
سعود : بكلم وائل وأشوف ....يؤؤؤؤ...الرجال نسيته بالدرج ...
عبير"متعجبة" : أي درج ...كنتوا فوق ؟!..
سعود : ايه ايه ادخلي هنا والا هنا ...
عبير " دخلت بسرعه على المطبخ .. " : ياربي لايكون سمعني وانا اقول انت و وائل ...والله اني جبت العيد انا ...
وائل " نازل من الدرج بعد ما سعود ناداه ":.. ليه ياخي تستعجل كان خليتني لليل ...
سعود :ههههههههههه السموحه يا ولد العم ....

.................................................

طلعوا يتمشون وائل وسعود ..بعد ما رفض وائل يروح معاهم المول ...سعود وصل عبير للمول وراح عند وائل على البحر مثل ما اتفقوا ...
سعود: السلا ا ا م عليكم..
وائل : اخيرا جيت ...وعليكم السلام ...
سعود"جلس جنبه" : ما تأخرت بس نزلت عبير على المول وتأكدت انها مع صاحبتها وجيت لك جري...
وائل : انا ما عمري خليت اختي في المول لوحدها ..
سعود : ولا انا والله أول مره بس عشانك ...
وائل "متعجب ": وش فيني ..
سعود : والله ما ادري ...بس الحين بتقول لي وش فيك ..
وائل "بصوت محزن": آ آ آه ايش اقول يا سعود ..وربي اني بانفجر ...مو قادر أتحمل اللي بقلبي لوحدي ..ودي أفضفض ..يمكن ألاقي حل ..مع انه صعب الحل ..
سعود "حط يده على كتفه ":قول يا وائل ترى صعب تكتم في قلبك .قول لي يمكن اقدر أساعدك ...
وائل "بنفس صوته الحزين ..بس نزل رأسه": انا ..انا احس ..اقصد اتوقع ..او او ..."زفر".. ما ادري اذا بتفهمني ...بس..
سعود : قول وبافهمك ...
وائل : بالمختصر وبدون أي ترتيب للكلام ...انا ما احس باي مشاعر لشيماء ...قلبي ومشاعري وتفكيري .."وطالع في البحر وسرح" مع بنت ثانيه ... أحاول اكذب نفسي بس الاقيني كل ما سمعت اسمها او شفتها يتجدد حبها في داخلي ويكبر اكثر عن اول ..
سعود : انا مو متفاجئ انك ما تملك مشارع لشيماء ..بس ما توقعت السبب ان فيه بنت ثانيه بالموضوع ...
وائل " طالع في سعود ": لا يا سعود وربي مو على كذا ...من لما خطبت شيماء وصارت الشوفه ..ما حركت فيني أي شي غير فكرة الزواج وانها شي جديد ..او مغامره راح اخوضها عن قريب...بس عمري ما توقعت انه فيه شي اسمه حب من أول نظره ..او
سعود : من هذي البنت ..ومتى تعرفت عليها ...واذا انت تحبها ليه ما فسخت الخطوبة قبل عقد الكتاب ...فاكر لما جيتك وكلمتك يوم الملكه ..مدري ليه "حط يده على قلبه" قلبي كان ناغزني منك هذاك اليوم وحسيت انك ما تبغى تكمل ...
وائل : لا تظلمني يا سعود .. حبها في قلبي ماله شهرين .. بس صدقني نستني كل شي بالدنيا ...
سعود : شهرين ؟!.. وانت ملكت من شهرين ؟.. وش تقصد ..
وائل : صعب اقول لك من هي ..والاصعب انها تكون لي في يوم من الايام ...
سعود"بعصبيه": ليه هي متزوجه ...لا لا يا وائل ما توقعتك كذا..
وائل : لا ..وش متزوجه لسى هي بنت ...وفي بيت اهلها ومو مخطوبه ...
سعود:ماشاء الله تعرف كل شي عنها ...
وائل "طالع في البحر":.............
سعود : طيب قول لي ايش بتسوي الحين ..
وائل "ضحك على جنب": ايش اسوي بعد ..ولا شي .. وقت ما يقررون اهلي راح يتم الزواج ... مو هما من الاول اختاروا وكل شي تم مثل ما يبغون...
سعود : بس ما فهمتني ليه صعب تتزوج اللي تحبها ... لازم تقول لاهلك ..لانك كذا بتظلم شيماء ..
وائل : ههه شيماء .."وتغيرت ملامح وجهه للجد" وينها شيماء ..احاول اتقرب منها وهي تهرب لي اسبوع..اسبوع يا سعود ابغى اسمع صوتها ما ترد علي ... حتى اذ كلمتني ايش بستفيد غير انها بتكون معصبه ومتنرفزه ...حتى لما اروح لها البيت مره تطلع وعشر ما تطلع ...اول ما تدخل علي ..تروح تجلس بعيد عني ..ولا حتى تصافحني او تضيفني او تقول لي كيف حالك ..ما تخليني حتى المسها ..ولا تشكرني اذا جبت لها هديه ..."حط يده على وجهه ومسح على شعره "... اسف تكلمت مره وحده "طالع في سعود بنص عين "...فهمت شي ...ههههههههههه ...صدق اللي قال شر البليه ما يضحك ...
سعود :ههههههههههههه ..لا ما عليك فهمت ...والله ما توقعت انك تعاني مع شيماء كذا ...كنت تمثل انك مبسوط قدامنا ...يوم ملكتك توقعتك فعلا اسعد شخص في الدنيا ...
وائل : وليه الكذب فعلا كنت مبسوط ... لاني توقعت ان تصرفها معاي كان من الخجل ودلع البنات...بس للاسف لي شهرين ما سمعت منها كلمه حلوه ...حتى صرت اتجنبها ..كنت ابغاها تنسيني "عبير" بس للاسف كل مالي اقارن بينهم وترجح كفة الثانيه عن شيماء ...
سعود" انتبه لما قال له وائل عبير بس ما حب انه يحرجه ":.. انت تقابل حبيبتك ...
وائل "طالع في سعود بنظرات مضحكه" : يا زين حبيبتك من فمك هههههه... يا ولد الحلال لا تقول حبيبتك...
سعود : ليه مو انت تقول حبيتها ...خلاص اجل حبيبتك ..
وائل "كانه اول مره يسمع هالكلمه": ياليت تكوني حبيبتي وزوجتي وكل دنيتي ...بس صعب صعب يا سعود صعب ...
سعود : صعب يعني عشان شيماء ...
وائل : خلاص انسى ... ما راح يتغير شي ...وصعب اني احرج ابوي وامي مع عمي ...مهما كان هي بنت عمي سمعتها من سمعتي ...لو انا فصخت الخطوبه ما اتوقع راح احد يخطبها بعدي ...وانا ما راح اقدر اتقدم لحبيبتي...
سعود " تذكر سمر ":.. يعني انت كنت موافق على شيماء لانها بنت عمك بس ...
وائل : توقعت الحب بيجي بعد الملكه او الزواج ...بس للاسف طلعت هالبنت في نص الطريق...مو قادر اكمل طريقي مع شيماء ولا قادر ارجع ..
سعود "حزن على وائل ": طيب هالبنت ليه طلعت لك الحين ...
وائل "يرفع كتفه ": ما ادري ... لو قلت ان هالشي مخطط له كان مشيتها ...بس كل شي كل شي "وتذكر المزرعه " كل شي كان صدفه بحته....
سعود : وربي شوقتني اعرف كيف تعرفتوا على بعض...
وائل : مو مهم كيف عرفتها .. بس الاهم اني اني فعلا احبها ...
سعود : اها عشان كذا انت زعلان ... لانك جيت وتركتها بالرياض ...
وائل : هي مو في الرياض ...
سعود "ارتبك ..لان اسم حبيبته نفس اسم اختك ..وخاف لا يكون وائل يفكر فيها" : اجل هي من وين ...من الشرقيه ؟!
وائل "حس لو تكلم اكثر مع سعود راح يعرف اشياء صعب انه يعرفها": هي هنا ا ا ا ا "واشر على قلبه"... يالله خلنا نقوم عشان نرجع البيت نتعشا ..بكره ورانا دوامات ....
سعود : يالله ..بس بمر على عبير اجيبها من المول ...
وائل "ابتسم ": سعود والله ارتحت لما تكلمت معاك ...احس حمل ثقيل انزاح على قلبي .." بمزح " صرت خفيف ههههههههه
سعود :هههههههههههههههههههههه
وائل "بملامح جديه": سعود هالكلام اللي قلناه سر بيننا ولا ابغاة يطلع لاي مخلوق ...حتى لو مت ..ما يطلع ...اعتبر نفسك ما سمعتني قلت شي ..هالموضع لو يطلع لاحد بتصير فيها قطع ارحام ومشاكل بين الاخوان واولاد العم ...
سعود : افا عليك يا وائل لا توصي حريص...صدقني ما راح احد يدري بهالموضوع ...واسال الله ان يفرج همك وانا اخوك ...
وائل : أي والله كثر لي من هالدعاء يا سعود... اصعب شي انك تفكر بشخص ما تقدر توصله ومعاك شخص هو ما يوصلك ...
سعود :هونها وتهون .....يالله تاخرت على اختي ...باي ..
وائل : نتلاقى بالبيت ...باي ...

سعود .. طلع سيارته ..وهو يفكر في كلام وائل ...اسم حبيبته عبير .. ويقول مستحيل يتزوجها ...لانه صعب ...وهو فعلا لو يفكر في عبير اختي صعب يفسخ خطوبته من بنت عمي ويتزوج عبير... بس لا ..لا ..وين وائل يفكر في عبير بينهم فرق خمس سنوات ..بس مو مهم الفرق ..لو فعلا هي اختي ايش صار من شهرين ...يقول جت بطريقه من شهرين ...لا لا مو اختي مستحيل ..وش هالتفكير يا سعود .. صدق راح تفكيرك غرب وشرق ...هههه ... المفروض تفكيري الحين يكون في " سمر"...لازم افكر في موضوعها بشكل جدي اكثر ... اللي سمعته اليوم من وائل فتح عيوني على اشياء ما كنت افكر فيها ... موضوع سمر لازم ما استعجل فيه ..ولازم اتاكد اذا هي فعلا تبغاني والا لا ... ما ابغى اصير محتار نفسك يا وائل ...الله يعين ...

عبير "فتحت باب السيارة ": اخيرا جيت ...
سعود : الناس تسلم بالاول...
عبير : وعليكم السلام ... بس ريم راحت من نص ساعه وانا لوحدي خفت اول مره اكون لوحدي كذا ...
سعود : لا تفرحين ترى اول واخر مره ...
عبير "تفتح اكياسها ..ومسببه دوشه وزحمه قدام ".: اوريك ايش شريت ...
سعود "يبعد الاكياس من قدامه وجنبه ": هيييي انتي وش هالحوسه كلها ليه ما حطيتي الاكياس ورا ...
عبير : وكيف بوريك اللي شريتهم ...
سعود "ضربها على راسها بشويش": فتحي مخك انا اسوق ..كيف تبغيني اشوف اللي شريتيه ...
عبير "معصبه ": طييييب هاه "لمت الاكياس عند ارجولها" ارتحت كذا ...
سعود "ابتسم": كثيييير ارتحت ...." تذكر كلام وائل .. وحب يسال عبير يشوف اذا بينهم شي وهو ما يعرف "...عبير ...
عبير : وت ...
سعود "ايش اقول لها ايش رايك في وائل.. اخلي البنت تفكر فيه ..لا لا يا سعود ..وش جاب وائل عند عبير ..لو احنا بالرياض كان قلت ممكن بس احنا بالشرقيه من وين بيعرفها..واصلا لو كانت اختي ليه يقول لي انا بالذات .."
عبير : ترى قلنا وت يعني ايش عندك ....
سعود "غير الموضوع اللي بباله":.جت ريم ؟
عبير :ههههههههه ايه جت ...
سعود : وجع...ليه تضحكين ...
عبير : كل هالربكه والاحراج وتسال عن ريم...تراها غثيثه وثقيله دم لا تفكر فيها ..خلك على سمر احسن لك ...
سعود"متفاجئ ..وقف السيارة بسرعه":..مين قال لك عن سمر ...
عبير :بسم الله ..وش فيك وقفت ..ماما قالت لي ...
سعود : قلتي لسمر شي..
عبير"ببرود" : لا
سعود "معصب": عبير قلتي لسمر ...
عبير : وش فيك قلت لك لا...اصلا ماما وصتني الكلام ما يطلع من البيت ... "وبصوت كله فرح"..وانا مبسوطه انك بتاخذ سمر ..
سعود "ارتاح شوي لما سمع كلام اخته ..ورجع طبيعي ..وكمل سواقه " ..يعني انتي تحبين سمر ...
عبير "بحماس ": الفتره الاخيره انا وسمر صرنا قريبات من بعض كثير.. ونتقابل على الماسنجر كثير ومسجات ..بس مكالمات على الخفيف وقت الضروره يعني ...
سعود "انبسط من سالفة سمر": ايوا وعن ايش تسولفون ..
عبير : حلوه عن ايش تسولفون ...سوالف بنات انت ايش عرفك فيها ...
سعود : طيب ..طيب لا تاكليني....
عبير"طنشت سعود .. وفتحت اكياسها تشوف ايش اللي شرته ..ما عندها وقت تشوفها بالبيت .."...

 

[محارة لؤلؤ]

....................................

في بيت ابو عبدالله ....

ام عبدالله : شيماء ...وين كنتي ...؟!
شيماء "تفصخ عبايتها ..وهي مرتبكه ":..ا أ كنت عند جيراننا ام كمال ...
ام عبدالله :طيب ...كلمي وائل كل يوم يتصل عليك ما تردين عليه..
شيماء "زفرت بقوه .." اوف ...طفشتوني وائل وائل ..ماني مكلمته واصلا ما ابغى اسمع صوته ...اقرف من لما اسمعه ...
ام عبدالله : وش تقصدين بهالكلام ....مو عاجبك ولد عمك ...
شيماء "حست انها غلطت " : لا لا يا امي بالعكس ..بس خلوني ارتاح شوي ...مو كل ما شفتوا وجهي قلتوا وائل ..احسكم صرتوا تحبونه اكثر مني ..."قربت من امها وحضنتها"
ام عبدالله "وهي حاضنتها": يا شيماء يا بنتي ...مافيه ام تحب احد اكثر من عيالها ...بس اذا شافت الخطا من بنتها او ولدها لازم توجههم...
شيماء : ان شاء الله يمه ..يالله انا بطلع انام ...بكرة وراي محاضرات بدري ... تصبحي على خير...
ام عبدالله : وانتي بخير يا بنتي الله يهديك يارب ...

..........................................

.. سعود ..وائل ...في مجلس الرجال ..
وائل : سعود انا بكره رايح للبحرين بجلس يومين هناك ...
سعود : والله ..حلو
وائل : ما تفكر تيجي معاي ...
سعود : لا
وائل "يطالع في سعود بتعجب" : سعود ايش فيك .. تعطيني رد بالقطاره ...
سعود "حس على نفسه ..وعدل جلسته ..وطالع في وائل ":... والله انت فضفضت ..وحملت انا همك عنك وخليتني احمل همي انا بعد ..
وائل : وطي صوتك وش فيك لو يدخل عمي الحين ويسمعك بيقول ايش عندهم ...وبعدين تعال أي هم عندك انت ...
سعود "حك راسه ": انا بعد احب ...لا لا اقصد افكر في بنت ..وانتي خليتني اعيد تفكيري فيها اكثر من مره ...
وائل :هههههههههه جد .. "وبسخريه" ومين حبيبتك ..؟!
سعود "بدون تفكير":... سمر اختك ...
وائل "متفاجئ... وبعدين عصب" : انت تتريق على وعلى اختي ..
سعود "وبلا اهتمام": لا ..بس هذا الجد ..
وائل : انت تحب سمر ..؟! وسمر تحبك .؟!
سعود "توه يستوعب الموقف": لا يا ابن الحلال ..والله ان سمر ما تعرف اني احبها ...انا بس فكرت فيها من كلام امي وعبير عنها ...وبعدين لا تخليني اندم اني قلت لك ...
وائل "هدي شوي ":.. تفكر تخطبها يعني ...
سعود :اكيد افكر .."وغمز له"مو هذي هديه ابوي لي اذا نجحت..
وائل "ارتاح":يعني عمي يعرف بالموضوع ...
سعود : كل الاهل يعرفون ...
وائل : انا اسف اني عصبت عليك يا سعود ..بس غصب عني ..
سعود : ما عليك ..بس انا جد كنت افكر فيها بس ..انت غيرت طريقة تفكيري فيها ...
وائل : من أي ناحيه ...
سعود : مستحيل اتقدم لسمر الا اذا عرفت انها تبغاني او على الاقل مرتاحه لي... ما ابغى اكرر سالفتك انت وشيماء ...
وائل "مفتح عيونه": وكيف بتعرف...
سعود : هذي سوالف البنات ...يفهمون بعض اكثر من الامهات ...
وائل : اها ..مضبط امورك انت ...
سعود "وقف .. ومشط شعره باصابعه ..وعدل ياقة ثوبه ": الا قول لي يا وائل ..ايش رايك فيني انفع اكون زوج اختك ...
وائل : ههههههه .. وربي انت موبسهل ...هههههههههههههه
سعود:ههههههههههههههه
وائل : تعال قول لي بلا هالهبال ...بتروح معي البحرين والا لا ..
سعود : والله انا عادي عندي ممكن اجي ...بس لازم اخبر ابوي ..يمكن كلنا نروح البحرين معاك ....
وائل : قصدك انت وعمي ...
سعود : لا كلنا وامي واختي والشغاله ...
وائل " معقول ممكن يصير وتيجي عبير البحرين" : انتو قد رحتوا البحرين كلكم ...
سعود : ايه كثير...بس لنا فتره محد جاب سيرتها ...
وائل : امممم ما ادري عمي صاحي تكلمه الحين وتشوف رايه وراي عمتي ...
سعود: لا وين ابوي نايم من بدري ..لان بكره دوام الشركه من الساعه 7 مثل دوماتنا ...
وائل : خلاص نكلمه في الصباح ...
سعود "يتثاوب ": اييييييه طيب ..بس خلاص انا منتهي ...بروح انام ...
وائل : وانا جاي معاك ...يالله ...

..............................

في الصباح ..

ابو سعود على الفطور ..ومعاه ام سعود ... دخل عليهم سعود وهو ماسك كتاب بيده ...
سعود : صباح الخير .."وسلم على ابوه وامه على راسهم"..
ابو سعود , ام سعود :.. صباح النور ...
ام سعود : اقعد افطر يا سعود ..وائل صحي..؟!
سعود : ايه وائل جالس بالمجلس .. ادخله هنا والا نروح نفطر برا ..
ابو سعود : لا وين تفطرون برا ...ناديه ...وائل ..وائل ..
سعود " راح يجيب وائل ":..تعال يا وائل مافيه الا امي وابوي ..
وائل "دخل الصاله وهو منحرج ":.. السلام عليكم ...صباح الخير..
الكل : وعليكم السلام ...صباح النور ...
ابو سعود : تعال يا وائل افطر انت وسعود ... تعالوا ..
وائل : عمي انتو افطروا ..واحنا بنطلع نفطر برا انا وسعود..

عبير.. نزلت ركض من الدرج ..وهي لابسه مريول كحلي مع بلوزه بيضاء كم طويل من تحت ... وفارقه شعرها من النص وشادته على ورا بشباصه كبيره..وحاطه شباصتين صغار كحلي على الجهتين .. طالع شكلها بنوته صغيره وناعمه ..

ابو سعود : لا افطروا معانا و .....
عبير " قاطعت ابوها ":.. صباح الــ ............." شافت وائل قدامها ".. يو و و ه ..." ورجعت لفوق بنفس سرعة نزولها .."..

وائل " رجع شعره بيده على ورا ..وباحراج ":. يا عمي خلينا نروح نفطر برا ..وبالحقك ان شاء الله ...
سعود " يحاول يركز في وائل .. بعد ما شاف عبير ..بس ما حس بشي ..ردة فعله كانت عاديه ..":... ايه يا بوي بنطلع ...
ابو سعود "بعد ما شافت عبير نزلت ": خلاص بكيفكم ...يالله روحوا افطروا ..لا تتاخرون ...
سعود : ان شاء الله ..يالله يا وائل ..
وائل "يأشر لسعود ينتظر": عمي ...كنت ابغى اقول لك اني ماشي اليوم العصر للبحرين ... وكنت ابغى سعود يجي معاي ...ولو كلكم تجون معاي بعد احلى واحلى ...
ابو سعود : البحرين ؟!... ليه وش عندك هناك تروح ...
وائل : تغيير جوا ...وش قلت يا عمي ...
ابو سعود "يطالع في ام سعود ": ايش رايك يا ام سعود ..تبغون نروح البحرين ...
ام سعود : والله من زمان عنها .. اذا لك خاطر يا بو سعود رحنا ..
سعود: احم احم نحن هنا ...خذوا رايي طيب....
ابو سعود : انتي معروف رايك ..باقي عبير...
عبير "كانت جالسه بنص الدرج وسمعت سالفة البحرين وفرحت كثير وكانت تدعي ان ابوها يوافق.. ولما سمعت اسمها ..بصوت رافع ":.. ايه يا بابا موافقه ..
الكل :ههههههههههههههههههههههههههههههههههه
عبير " انحرجت ...": يا ربي ما لقيت الا موافقه ...صدق غبيه ...
سعود : استحي على وجهك يا بنت ولد عمك هنا ...
وائل "ابتسم ... وطالع في عمه "...: وش قلت يا عمي ...
ابو سعود : الحين لو جلسنا نتكلم بنتاخر ...اذا رجعنا على الغداء بنشوف الوضع. ...
وائل , سعود : اجل نستاذن نروح نفطر برا ..."وطلعوا"
ابو سعود "يطالع في ام سعود ":... انتو جهزوا شنطكم واغراضكم ...احتمال نروح ...
عبير "نزلت تركض": اجل اكيد بنسافر ...يسسسسسس...
ابو سعود : ايه يمكن ...الله يسهل ....

الجزء الجاي سفرهم للبحرين ..

 

[محارة لؤلؤ]

لا تظطوووووووولييييييييييي عليا نزلي 8 باراتات بليييييز ههههههه طماعه

ايش رايك بالبارتات ياطماعه :37:

ههههههههههههه

 

[وردة جميلة]

روععععععععععععععععععععععععععععععععععععععـه الببببارت فيري ناااسس والرواييييييييييه اروع بواااااايـد .. بلييييييييييييييييييييييييز لاطولــــــي علينـآ .. <3 ..

 

[وردة جميلة]

بليييييييييييييييييييييييييييييييييييييييييييييييييييييييييييييييييييييييييييز لاتتآخــري عليـنا بالباااااااااااااااارت ... ^^ تقبلــــــي مرروري "^^

 

[محارة لؤلؤ]

روععععععععععععععععععععععععععععععععععععععـه الببببارت فيري ناااسس والرواييييييييييه اروع بواااااايـد .. بلييييييييييييييييييييييييز لاطولــــــي علينـآ .. <3 ..

يسلمو على مرورك ومتابعتك .... اوكي ما بطول ...بنزل لك اليوم 3 بارتات ...:17: