رسالة من زوجي وهو مسافر نداء للدكتوره ناعمه ولكل من يقدر يساعدني

[باقة امل]

اكيد زوجته مهب زوجك باين ....... انصحك ترويه المسجات ........ بعدين يا اختي شوفي واطقسي ليش هو معجب فيها ويراعيها شوفي ايش تلبس وايش اتسوي وتعلمي وغير مظهرك ... واذا رجع من السفر تزيني واشتري ملابس حلوه واتدلعي ولكن لا تعطيه وجه كثير وقولي له عن المسجات بس مواول ليله لاتخربين على نفسك ....وصلي وادعي انه يعدل بينكم ويكفيج شرها ....وثقي بنفسك طنشيه يوم ....ويوم طرشي له رسايل ...حيريه والله معك

 

[سنديان]

يأختي وين كرامتك المفروض تبينين له انك مبسوطه وعايشه حياتك من دونه الحين بيقعد يتغلى عليك وحتى لو كانت زوجته هي اللي ارسلت الرساله تعلمي كيف ترجعينه بدون مايشوف منك لهفه وشوق والله قهرتيني ووووواسفه لو قلت لك تستاهلين المفروض انك استشرتي احد في المنتدى

 

[LaSt WoMeN]

يمكن تكون زوجته الثانية ..

 

[vdhq]

الاخوات كفوا ووفوا

لاتمسحين الرساااائل

وريه اياها اذا رجع

يمكن تكون هي

 

[بنت ال ثانى]

اعتقد موهو الى مطرش الرساله اكيد زوجته وذا اعترف انه هو الى مرسلها هزئيه وقولى مااسمح لك لان شكله موب وجه حشيمه واسفه على هالكلام لان بعض الازواج مايحترم الزوجه الى تسكت عن حقها

 

[فجر الاماني]

حبيبتي ما يبغالها ذكاء واضح انه ليس زوجك الي ارسل الرسالة ريحي بالك واذا رجع بالسلامة وريه الرسايل

 

[تومي2009]

مع احترامي لكي
مسافر مع زوجته وتراسليه ليه المفروض تثقلي عشان هو يستغرب ويتصل
ثاني شي يرسلك مسج ويكتبلك فيه ياغبيه وترجعي تعتذري له انتي خليتي مكانتك عنده صفر انسانه من غير قيمه
لأنك سمحتيله بالإهانه والرجل لايحب المرأه الضعيفه يحتقرها
انصحك ماتتصلي ولاتسألي عشان تثيري اهتمامه ولو قدرتي انك تقفلي جوالك يكون افضل لازم تحسسيه انك قويه لن الرجل تجذبه المراه القويه
انصحك تدخلي دورة الحب للأبد راح تغير شخصيتك تغيير جذري
واي مساعده انا جاهزه

 

[عنقود عنب]

الله يعينك اختي

البنات كفوا ووفوا

لكن انت يبغي لك تقوين شخصيتك شوي

يا اختي اذا سافر مع زوجته ...انتهزيها فرصة و تفرغي لنفسك

اعتبريها اجازه لك انت ...لا تفكرين فيه

هو مبسوط و مستانس مع زوجته و انت جالسة تفكرين فيه

عيشي حياتك اختي ... وانسية اذا كان هو مو موجود معك

ودللية اذا كان معك فقط

وربي يعينك

 

[الصبوره]

أنا أخوي متزوج ثنتين ومؤكد عليهم إنه لو كان مع واحدة منهم ما تتصل الأخرى أو تطرش مسج إلا للضرورة تفاديا للمشاكل ويقول أنا ما أبغي حركات حريم ( على أساس أحيانا يكون الهدف هو إغاظة الأخرى).
النتيجة الزوجة الأولى قدرت تكسب حب واحترام زوجها بتفهم كلامه واتباعه أما الثانية فهي الضعيفة التي تتعذب من الغيرة لأنها مب قادرة تفهم وهي تحس إنه ما طلب منها ذلك إلا لأنه يحب الأولى أكثر وخايف على مشاعرها مع إنه متزوج الثانية عن حب بس ما عرفت تحافظ على هذا الحب.

نصيحتي إذا اتصل وفتح معاك الموضوع وطلع هو اللي راسلك قوليله أنا آسفة بس ما كان في داعي للتجريح بس إنت لا تفتحين الموضوع معاه عشان ما يجرحك زيادة.

أما إذا لم يتصل ورجع فإنت بعد لا تفتحين معاه الموضوع ولا تحطي في بالك إن بمشاهدته للمسج بيعصب على هذيك إذا فعلا هي اللي مطرشة بل قد يكون العكس يعصب عليك إنت ويقولك تستاهلين من قالك تطرشين!!! فكوني أنت القوية وأنت الأذكى .

الله يسخر لك زوجك ويبعد عنكم الجف والمشاكل.

 

[لحن الوداع]

الله يهديكم يابنات لاتقولون الزوجه الثانيه اهي اللي أرسلت إن بعض الظن إثم الله أعلم
أختي طنشي وإذا مو قادره فاتحيه بالموضوع بطريقه لطيفه لما يتصل عليك

 

[لما]

طنشيه واستغفري وبيرجعلك

 

[عمود البيت]

انا زوجه اولى اقولك خلي الرسايل في جوالك واذا رجع عاتبيه
وقولي هذا قدر ام عيالك وعشرة عمرك
والحين اتركيه وطنشيه وحاولي انك تشغلين وقتك في شي بعيد عنه
ادري صعب عليك خصوصا انك تتذكرين انه معاها بس ادعي واكثري الاستغفار وسوف ترين النتيجه
دعواتي لك ان يصبر قلبك ويجلوعنك ما اهمك

 

[جروح ومعاناة]

هلا والله باخواتي اللي ماولدتهم امي
اشكر تفاعلكم معاي واقسم برب البيت يوم شفت ردودكم اني بكيت من الفرحه
مع اني ماكتبت الموضوع الا امس اخر الليل وهذا شي متوقعته في هذا الصرح الشامخ اللي خرج زوجات
مثاليات عشان كذا انا لجات بعد الله لكم
واشكر كل وحده نصحتني وعاتبتني بالعكس موزعلانه انا فرحانه حيل
وحابه ابين لكم اشياء تجهلونها
اولا انا الاولى مع اني صغيره ومامعاي الا طفله منه ويحبني يموت فيني
بس طبعه وتصرفاته وغموضه يذبحني وانفصلنا عن بعض لاسباب مع اني اموت فيه وصبرت وكان عمر بنتي 4 شهور بعد سنه طلاق كلمني وطلب يراجعني لانه تزوج من خارج السعوديه ومو مرتاح
فيقول يمكن 80 بالميه بطلقها انا تفاجات وبكيت وقلت مستحيل ارجع وانت متزوج
وقالي بالحرف الواحد مارتحت معاها انا مابي الا انتي واستخيري واحسبي حساب ان زوجتي ماراح اطلقها المهم ويقول عشان لبنت نا قلت اذا على البنت خذها وانا ماابي ارجع عشان البنت ماتضيع واجمع عيال وبس
الوحده اذا مارجعت لبيتها وراسها مرفوع وزوجها يبيها اهي مو عشان عياله فقال والله اني فاقدك
واحبك وانتي قدام عيوني من تزوجت بعدين دق علي قال سفرتها خلاص ارجعي بس الى الان ماطلقت استخرت ربي واستشرت ابوي واخواني احد رافض واحد معاي المهم
رجعنا وجلسنا 6 شهور زي العسل شي ماتتخيلون وزوجته مسافره لاهلها
بعدين جاني فيوم وقال بسافر لزوجتي انا تفاجات وسويت نفسي ماادري انها معاه فقلت مو انت مطلقها قال لا ماطلقتها
فقلت انا توقعتك مطلقها لانك 6 شهور عنها شلون كذا قال صار اللي صار مع العلم في بداية رجعتي شرطت
سهر مافي ودراستي بكملها وزوجته قالي بالحرف الواحد لوتجلس عشرين سنه ماراح اجيبها للسعوديه انا رضيت
وبعد مارجعنا نكد علي عيشتي لين ماخليت الدراسه وانبسط لانه عوضني عن اشياء كثير وقلت له ماخليتها الا عشانك ابغاه يحس اني تنازلت بس عشانه
المهم سافر لزوجته وكان يكلمني ويراسلني عادي جدا وارسله باليوم رسالتين او يوم ورى يوم ماكان يعارض ابدا
رجع من السفر وصارحني انها راجعه معاه بكيت بكا من القهر بس رضيت بقضاء الله وقلت اللي كاتبه ربي بيصير
بعد شهرين تناقشنا وسالته ليه تزوجت علي مع اني صغيره وحلوه ولساني زي العسل معاه من يوم اخذه
وكلمتي حبيبي ويابعد روحي يابعد اهلي يابعد ناسي لاتظنون اني مقصره معاه لابفراش ولابلبس
ولابطبخ ولابنظافه كل شي كامل حتى اهو يقولي والله مامنك قصور
توقعو وش قالي قال انا رجعتك عشان بنتك مو عشان اني احبك واكتشفت ان حليمه هي حليمه
وزوجتي الاولى اللي كانت معاي طلقتها وهذي جديده يعني تخيلو يوم يسافر ماسافر يرجع زوجته لا
سافر يطلق ويتزوج ثانيه
سبحان الله انا حاسه انها وحده ثانيه لان هذي دايما تكلمه ورسايلها اشوفه بالجوال بشكل ماتتخيلون انا
قلت ياانها تغيرت وتسنعت
او انها وحده جديدهوفعلا صارت زوجه جديده ومطلقه وعندها عيال يعني اكبر مني بكثير
وانا مستغربه عجزززززززززززت افهمه متقلب دايما ساكت ماادري وش وراه
احيانا يجيني زعلان من شي ومايتكلم اسكت انا واطبطب عليه واقرى عليه لين ينام بعدين يقوم مرتاح
واقول سبحان الله ماكنه اللي امس زعلان مشكلته مايعلمني لو اسئله فصرت اسكت
ومرات البس واكشخ وانا دايما كذا وانتظره بكل شوق ويدخل يقولي دايخ وتعبان ومالي خلق شي ولو امسك يده سحبها بقوه مع العلم انه سهران كل الليل مع اخوانه ويجيني يقول دايخ وبنام
طلبت منه الطلاق يوم صارحني ان اللي معاه حرمه جديده فقال استري علي واجلسي في بيتك وتراك من عز لعز هو يحس انه مدلعني بفلوسه وماراح استغني عنه وقالي مو معناته اني مااحبك بالعكس الواحد يغير ولو انا مااحبك ماجيت اكل واجلس معاكم والله محتااااااااااااااااره تصدقون لي شهر استخير انفصل
واهلي يقولون مانقدر نسوي شي القرار بيدك
وبعد الرسايل اللي ارسلها احس اني كرهته مالي خلق اقابله هل البس واكشخ واستعد له وهو اهانني في ذي الرسايل وكم له من يوم مادق يسال لانه بالعاده مايطول عنا كذا
اتعبتكم معاي بس والله مالي غيركم

وانا ماغير ادعي ربي وابكي

 

[قلب ذاكر]

ما اعتقد هو المرسل بس احتفظي بالرسايل لما يجي ولا تعبين نفسج وايد لانهم ما يستهالون كل اللي نسويه في عمرنا

 

[قلب ذاكر]

توني اقرا ردج صراحه كان الله في عونج ويارب يفيدونج الاستشاريات

 

[7elwa]

لا تمسحي الرسالة، اغلقي التلفون واذا ما تقدرين حاولي لا تتصلين فيه أبد، لما يرد لا تردين، واذا واصل الاتصال ردي عليه بدللللللع، وصوتج كانج ما تبين تكلميه، لما يقولج ليش؟ قوليله انا زعلانه ولازم تراضيني، وتذكري(انتي ما تبين تكلميه، وزعلانه، بس بدللللع)
صدقيني، دلعج وغموضج بيخليه يحتار شفيج، ولو كان هو الغلطان بيحب يراضيج على دلعج، واذا كان غيره، بيحب اسلوبج، وانتي سوي عمرج ما يهمج لو كان من حرمته(عشان يشوف انج عاقله، تحبيه، وهي مب في بالج)
في النهاية، انتي ما يهمج الموقف كثر ما يهمج انج تملكين ريلج وتخليه يحترمج ويحبج، والرياييل ايون بالسياسة مب بالمبدأ

 

[جروح ومعاناة]

لحن الوداع
zenah
دلوله المحبوبه
دمعة مشاعر 00 اشكرك على الدعاء جزيل اشكر وجعله الله في ميزان حسناتك
قلب حائره
عاشقة الاسحار
ام الاصيل
احبك في الله
وردة وفله
ميوسه
سما صافي
زين الوصوفي
الحب الدائم
m2008
زهرة البوادي2006
3rbmoon
نفر تاري
ضياء القمر
ذكريات الطفوله
دونيا123
باقة امل
Last women
سنديان
vdhg
بنت ال ثاني
فجر الاماني
سنافيه
عنقود عنب
الصبوره
لما
عمود البيت
قلب ذاكر


لكم مني جزيل الشكر واول مايصير شي بخبركم
بس ادعولي بالقوه والصبر والثبات
لاني خايفه منه ومن العواقب وانا صبرت على اشياء لحد هنا وكافي
واهانه مو قادره استحملها لانه اول مره يسوي كذا واتمنى مايكون هو المرسل لان المصيبه حتكون اعضم

 

[أم الأصيل]

الله يجعل لك من كل ضيق مخرجا وينصرك على من ظلمك.. استمري في الدعاء وطلب الله بإلحاح... المهم إذا تقدرين انشغلي عنه بأمور انتي تحبينها يعني اطلعي وخذي دورات أو ادخلي حلقة تحفيظ اختاري حسب ميولك... وشوية صبر وبإذن الله بيرجع لأنك مو مقصرة معاه حسب كلامك وبعدين لاتدلعينه الظاهر مل من الدلع ويدور وحدة تعطيه على راسه غيري طريقتك لعل وعسى...

 

[7elwa]

وعلى سالفة الكشخه، اكشخي ورتبي البيت بس لا تبالغين(لانج مب فرحانه بردته بس انتي مازلت لازم تحافظين على اناقتج واتكيتج)
لما يرجع لا تستقبليه، وسوي نفسج مشغولة تقرين كتاب، او تشوفين العيال او اي شي، وسوي نفسج اتفاجأت لما وصل، كأنه وصل من الدوام، وتذكري انتي زعلانه!
مثلي عليه حتى لو صعب عليكي واعرف احساسج، خاطرج تقتلينه وفي نفس الوقت تحضنيه، بس خذيه بالسياسة واقلبي الموقف لصالحج

 

[جروح ومعاناة]

7elwa
كلامك جمييييييييييييل والله العضيم فاجاتيني تصدقين قريته خمس مرات
الله يسعدك ياربي
تتوقعين افضل من القوه والزعله الكايده لاني انا اقول بخاطري اذا من زوجته الرساله مصيبه
واذا منه فالمصيبة اعضم حتى فكرت ارسلها له بس قلت اخاف مايكون الجوال بيده
وتنمسح
واحيانا افكر ادخل ابوي والا اخوي الكبير بعدين اقو لالا
لاني حاسه باهانه عمري ماحسيتها مشكوره يالغاليه ولاتقطعيني
والاخوات كلكم ابيكم جنبي انتم خواتي وقفتكم معاي وربي قوتني ورفعت راسي
الله يجمعني فيكم بجناته على منابر من نور