يا بنات وانا عم بتصفح بالمنتديات عجبتني قصة صغنونة وحكيت لازم اكتبها لكم كان في مجموعة أطفال بدهم يتسلقو برج عالي كتير، واجتمعو الناس حواليهم وصارو يحكو هاد البرج عالي ما رح حد يقدر يوصلو، وهدول الاطفال رح يتعبو، وصارو الاولاد يطلعو وكل شوي واحد فيهم يتعب ويوقف، بالنهاية ما طلع الا طفل واحد، ولما راحو الناس ليعرفو ايش سر هالطفل وايش يلي خلاه يصل اكتشفو انو أصم يا صبايا في حياتكم رح تواجهو كتير من هدول الناس المحبطين، والي ما بدهم يطلعو ولا بدهم حد يطلع علشان هيك لازم متل ما بحكو اذن من طين واذن من عجين أهم شي في حياتنا الإرادة ولما يواجهكم حد من هدول الناس لازم تصيروا طرش متل هالطفل. يتبع
مساء الخير يا حلوين كلنا بلشنا بكلمة التغيير، وكتير ناويين يتغيرو، وأكتر سؤال بيتردد كيف؟ أنا أو غيري ممكن نحط بدايات أو خطوط عامة للتغيير، ممكن نشجع، لكن في النهاية أخواتي انتو يلي رح تشتغلو على حالكم. كتير منا بيحكو بدنا نتغير وفعلا بلشو يتغيرو بس ما كملو، عارفين ليه؟ لانو ما في هدف؟ هالهدف هاد هو يلي بيمشي عملية التغيير كلها، وهالهدف انتي يلي بتحدديه مو أنا ولا غيري. كل واحد منا لازم يكون إلو غاية تحديد الهدف هو أهم شي بعملية التغيير. بعد قراءة هالكلمات كتير منكم رح يتساءلو كيف أحدد هدفي، اطلعي على حياتك أختي شوفي قدراتك، شوفي ايش بتقدري تعملي. بالنهاية حبيباتي كونك ربة أسرة مثقفة وناجحة وسعيدة هدف بحد ذاته.
السلام عليكم صبايا يا حلوين ولأني ما بحب الفشل وبحب اتقان اي عمل اقوم فيه لاحظت عدم قدرتي على الوفاء بمتطلبات رحلة التغيير، وذلك لاكثر من سبب اهمها تشتت الافكار وكثرتها، وكثرة الجوانب التي يجب معالجتها بأكثر من مرحلة، فإنني سأوقف الموضوع حاليا، وأنا في هذه الأيام اتلقى دورات مختلفة، وإلى أن أكون قادرة على إعطاء كل شيء حقه خصوصا طلبات الأخوات لنصائح في حياتهن الزوجية، سأمتنع عن إجابة أي أخت عن سؤال يختص بشخصية زوجها إلى أن أنهي دورة بوصلة الشخصية.