اهلا باميرات وملكات المنتدى
الله يسعد ايامكم وينور حياتكم بالتفاؤل والسعادة خجلتوني بردودكم دخلت من الصبح والردود بثت فيني النشاط اني اكمل واكتب
بالنسبة لكل وحدة ردت وكل وحدة دعتلي والله اسعدتني وهتميت بكلامها واعذروني حبايبي اني ما برد على كل وحدة باسمها لضيق الوقت .....
لكني ان شاء الله المرة الجاية حرد عليكم كل وحدة باسمها الي راح يضل جوة قلبي لان الناس الزوق كلامهم ما يتنسى...
المهم نرجع لخطط حواء الماكرة ههههههههههه امزح ان شاء الله مكرنا نسخره بحكمة وذكاء ولارضاء الله ثم ازواجنا مش لأي غاية سيئة
انا وعدتكم المرة الماضية اني اتكلم عن التنظيف الزيتي وانا اطلب من كل وحدة منكم تعمل هادي الطريقة يوم بعد يوم لمدة اسبوع وتقلي النتيجة بس على فكرة طريقتي مش للبشرة الحساسة يعني الي بشرتها حساسة ممكن تنفعها وممكن لا لاني بشرتي مش حساسة الحمدلله فحابة انبه الي بشرتها حساسة من الزيوت او تحسها حارة عليها بلاش تستعمل زيت ممكن الجلسرين ان شاء الله راح يناسبها ...
الطريقة: اول ما تصحي من النوم، وبالذات لو بشرتك دهنية او مختلطة (يعني الدهون على الانف والجبهة) تكون البشرة رطبة نتيجة الاسترخاء وفي نفس الوقت تظهر شوائب الاكل او وساخة الدم على البشرة زي الي ياكلوا شوكلت او مكسرات كتير لما يطلعلهم حب الشباب غالبا يشوفوه بعد ما يصحوا صباح اليوم الجديد...
فالبشرة عموما تكون عليا رواسب والشي التاني...لو فيها خطوط رفيعا تظهر بوضوح ذاك الوقت.. جهزي فوطة صغيرة خاصة بوجهك فقط وتكون بيضاء...مويا دافية ممكن موية الحنفيه العادية بس نصيحة لما تفتحي المويا من الصباح استني كم ثانية قبل ما تستعمليها خلوها قاعدة عندكم حتى في الاستحمام عشان الاوساخ المترسبة اوك؟
استعملي المويا الحارة بللي المنشفة شوية منها بعدين غطي وجهك بالفوطة وهي فيها شوية دخان غطي الوجه بالكامل واستني دقيقة وحدة بس
شيلي الفوطة من على وجهك وتكوني مجهزة جنبك زيت لوز حلو+زيت زيتون يكون زيت الزيتون بالنسبة للوز1:2 ادهني وجهك ودلكيه في نفس الوقت وهو عرقان بالبخار ادهنيه بالزيت كلللللللللللله ارجعي بلي المنشفة مويا دافية تميل للحرارة وغطي وجهك من جديد
بعد نصف دقيقة افركي (بلطف!) وجهك بشكل دوائر للأعلى مش للاسفل وكانك تنظفيه بالمنشفة
نضفي الجبهة.. الانف... اعلى الخدين الانف شوية اضغطي عليه في التنضيف بس بلطف لا تشدي بقوة لان في هادي اللحظة تكون المسام مفتوحة والبشرة رطبة ولينة نضفيها كويس
لحد ما يختفي اثر الزيت وكأنك غسلتيه بالصابون طيب فين راح الزيت؟
جزء منه يروح في الفوطة لأنه يذيب الاوساخ والدهون المتجمدة الي تعملك لون باهت على وجهك وجزء من الزيت تشربه البشرة اثناء التدليك والمسام مفتوحة فتصيرنضرةةةةةةةةةة ووجهك يصير منور...بعد ما نضفتي ايش تعملي ؟ تغسلي بالصابون ؟ لالالالالالا والف الا
جيبي قطنة وصحن فيه مكعبين تلج صبي على المكعبين الثلج قليل مويا غمسي القطنة في الماء المثلج ورشي عليها كلونيا الليمون او اسكينول بالليمون او الخيار وامسحي وجهك لاغلاق المسام وضلي امسحي وامسحي واخر شي مرري الثلج على وجهك بشكل سريع لا تبالغي في التبريد واتركي وجهك ينشف طبيعي ... هادي الطريقة اكتبها عن تجربة خاصة وهي افود ما تكون للي بشرتهم دهنية او مختلطة... رااااااااائعة نضافة وصفاء وتوريد ونعومة للبشرة راح تلاحظيها من اول مرة
الشي التاني في خطوة الزيت حاولي انك تعملي مساج خفيف لوجهك كل يوم بالزيت بهادي الطريقة لانه يساعدك في شد الوجه وازالة حتى الخطوط الرفيعة او التجاعيد المؤقتة البسيطة بدل ما ناس كتير تروح عشان خط بسيط وتعمل عملية شد وانا هنا اتكلم عن التجاعيد الخفيفة مش العميقة او الناتجة عن تقدم كبير في السن طبعا
انا الحمدلله ما عندي تجاعيد ولكني اتبع هادي الطريقة في التنظيف ومرة قرأت في موقع انها متبعة عند بعض الغربيات وانهم لاقوا منها فائدة في ازالة التجاعيد الطفيفة
،،،،،،،،،،،،،،،،،
همستي اليوم للانثى الذكية:
همستي اليوم عبارة عن سؤال خاص موجه لحبايبنا العازبات البنوتات القلقانات...
راح اكتب لكم سؤال وابغى من كل وحدة فيكم تجلس مع نفسها قبل ما تكتبلي الاجابة وتحددها في نقاط عشان نتعاون سوى ونشيل القلق الي مخوفكم....السؤال هو:
ماهي أكثر الامور التي تخيفك وتبعث فيك القلق والتساؤل الملح عند التفكير بالزواج؟
وهنا ارجو من اخواتي المشرفات مشكورين انهم يعذروني لان السؤال يبدو وكأنه ماله علاقة بقسم الزوج والزواج وكأني دخلت في المشاكل تجميليه ههههههه ولكن انا كتبته هنا لاني اتكلم بصفة اخص عن المخاوف والهواجس الجمالية الي تخص المظهر الي يخص الزوج وما الى ذالك وحنتكلم بكل ش يخص الزوج والاشياء الي تجذبه بس بابسط الطرق........
كل وحدة تفكر في السؤال وتجاوب عليه بصراحة
لكن كل غايتي وربي يشهد عليا اني افيد بالقليل الي عندي يعني اقول الي اعرفه وجربته والي ما اعرفه ما اسمح لنفسي اجربه على غيري او ادعي معرفته...
وكل هدفي اني زي ما كنت في يوم خايفة ومحتاجة للعون والحمدله ربي اعانني فسعادتي اني اخرج كل وحدة في نفس حالتي الي كنت فيها واعينها بما اعانني الله بمعنى الحديث احب لكم ما احب لنفسي... وطلبي الدائم الدعاء ...ثم الدعاء... ثم الدعاء ان ربي يصلح لي زوجي ويصلحني له ويسخره لي ويهدينا سويا الى سواء السبيل ويخرج شياطين الانس والجن من بيننا حتى نصل للفردوس الاعلى بعد طول عمر في طاعته وذرية طيبة صالحة نربيها على ذكره يارب عسى ربي بحق لا اله الا الله وحرمتها وقوتها انه يفرج كرب كل وحدة تدعيلي هذا الدعاء في ظهر الغيب وانه يحل لها كل مسألة صعبة تواجهها وينولها مقصودها دنيا واخره اللهم امين...
يـــــــــــــتبع