{{{ دوووورة كيف تكسبين زووووجك حبيبك }}}

[ladysoso]

جزاكم الله خير على المتابعة ......


سابع طريقة اكتشفي السر العظيم و المخبأ عن الرجل ​

​

الموضوع في سر ؟؟ و عظيم بعد ؟؟

يعني في حاجة ما عرفتها لحد الحين ؟؟

و أسئلة كثيرة .. ممكن أي وحدة تسأل روحها .. بعد ما تقرا العنوان ..


تطمنوا عزيزاتي .. ما في سر بمعنى سر ,, أقصد هالسر كلنا نعرفه أو عرفناه ..

و هو :: إن في داخل كل رجل - مهما كان قوي و ناجح ... - طفل صغير , يحب يحس بالمودة

و المحبة اللي يخلونه متميز و خاص ..

و على فكرة الزوج ما راح يقول عن نفسه أنا مثل الطفل أحتاج كذا و كذا .. فكوني ذكية ..

و خلي هالسر بيني و بينك

الرجل يحب يعرف إنه بالنسبة لك .. أهم من أي شي .. أهم من والديك و اعيالك و اخوانك و خواتك .. و أهم من كل هالدنيا ..

وشلون بيعرف إنه مهم عندك .. تلقينه يسأل :: قولي لي يا .... ليش أنا متميز ؟ و ليش أنا مهم في حياتجك.. لا
تقولين لي مرة قولي لي كل يوم ::

بيكون هنن مثل الطفل اللي بيجي و بيقول :: ماما انتي تحبيني ؟ طيب وش كثر ؟ :: و يكرر هالسؤال يومياً ..

هذا الطفل .. لكن الزوج الطفل .. يبي إنك تقولين له و تحسسينه بهذا كله .. من غير ما يكرر السؤال ..

اعتبريه طفل من أطفالك .. و دلليه و دلعيه أكثر منهم

لما يسألك زوجك هالسؤال مو عشان انك مقصره معه لا بالعكس هو يسأل
بس زيادة معرفة و دلع هههه ..

في طريقة للتدليل سهلة و بسيطة و في نفس الوقت مؤثرة ::

هالطريقة تتلخص في ايش ؟ في إنك تنادينه بأسماء غير اسمه .. بس بشرط يكون هالأسم مناسب لصفة يحبها أو موجودة فيه ..

مثلاً :: إذا كان زوجك رومانسي ناديه بـ( روميو حياتي ) = لأنه رومانسي ..

و هكذا ..


الواجب العاشر :

فكري في الاشياء اللي يتصف بها زوجك أو يحبها , و دوري على صفات أو أسماء تناسبها

​

 

[ladysoso]

ثامن طريقه { أحبي قرابته }​

صحيح إنه مو شرط على الزوجة إنها تخدم ام الزوج و ابوه و أولاده ( إذا كان​

متزوج قبل ) أو أي أحد من أهله شرعا لكن يجب عليها حسن المعاملة والزوج​

مو مجبور إنه يعيش حياته مع هالنوعية من الزوجات .. (التي لا تحسن معاملة أهله)​

اي زوجة تقدر تقول " انا احب زوجي و اعشقه و أخدمه وتحطه في عينها " لكن في الواقع ​

القول هذا ما تترجم لأفعال .. طيب وشلون تترجمين ذاك الحب ؟​

بكل بساطة أقول : عشانه .. حبي اهله ​

لأن هذا هو الإختبار الحقيقي .. و قديماً قال الغزالي : ( المؤمن إذا أحب المؤمن أحب كلبه ) ..​

يعني لو كنتي تحبين زوجك فعلاً .. بتحبين كل حاجة تخصه كــــــــــل حاجة .. وشلون لو كانت ​

الحاجة هاذي هي أهله ؟! .. ​

و نصيحة لكم ياأخواتي :: مهما صار بينكم من سوء تفاهم ( بينك و بين زوجك ) او ( بينك و بين والدته )​

و هذا اللي يحدث دائماً ..​

انتبهي تخيرينه بينك و بين أمه

لأنه لو كان رجل يحترم إنسانيته بيختار أمه , ليش ؟ لأن مثل ما نعرف و جا في الحديث إن الأم ​

هي الأحق بالصحبة , يعني حتى من زوجته .. لأن الزوجة ذكرت في القرآن على إنها الصاحبة ​

كما في قوله تعالى : [ و صاحبته و بنيه ] .. ​

لا تحطينه في هالخيار .. لأنه الخيار بالنسبة له صعب و صعب جداً .. ​

الرجل الشرقي وش يحب؟؟ .. و شو الطريق لقلبه؟؟ ( غير معدته طبعاً ) الطريق سهل : حبي أمه ​

و أبوه و اعياله ( إن وجدوا ) .. ​

و انتبهي عزيزتي تذمين أمه أو ولده​

أو أبوه أو أهله .. عايلته .. قبيلته .. جنسيته ( إذا كانت غير ) .. سوي العكس .. امدحيهم و حبيهم​

أو حاولي تحبينهم عشان زوجك .. ​

يعني وش بيصير يا أختي و يا حبيبتي الزوجة ( و الكلام موجه للي عندهم مشاكل مع أم الزوج أو أهله عموماً )​

لو كسبتي هالأم و حبيتيها و عطفتي عليها .. لا تنسين إنها مرة كبيرة محتاجة لإهتمام و حب ​

و عطف .. لأن لكل إنسان حاجة و هاذي حاجتها .. لا تلومينها .. لأن ولدها ( زوجك ) إنشغل بحياته​

و أسرته .. ! عطيها اللي تحتاجه .. و في المقابل انتظري جزاء عملك .. هي بتتغير و بتصير ​

أحسن معاكِ و زوجك بعد بيصير أحسن و بيحترمك أكثر .. ​

طبعاً الكلام سهل أنا أدري ., لكن بعد التنفيذ مو صعب ( حاولي بس ) .. ​

و اللي ما تقدر تحب أهل الزوج .. الأحسن لها تشوف رجّال يتيم ما عنده قرابة و لا أهل .. ​

​

​

الواجب الحادي عشر ​

عددي أهل الزوج و قرابته .. و بعدين روحي لزوجك و قولي له عن أهله و حددي فعل راح ​

تسوينه لهم .. ​

مثال : أقول لزوجي ( أمك ذهب .. ) - الفعل : راح أشتري لها مجموعة عطور عربية ... و هكذا .. ​

واضح ؟ ​

- مهم جداَ :: تحسسين زوجك إن هالفعل اللي تسوينه .. و القول اللي تقولينه طالع من القلب .. و ​

عشانه هو

​

 

[الغلا86]

الله يجزيج ويجزي اللي كاتبه الموضوع كل خير

ومشكوره وماقصرتي اختي الحبيبه على هالنقل المميز

جعل من جابج الجنه

 

[حكاية أنثى]

موضوع رائئئئع

تشكرين على هالنقل

لو عندك أكثر هاتتتتتي

فحنا محتاجيييييين

 

[عيون الشوق]

مشكوووووووووووووره

 

[امل الحياة]

جزاج الله خير

 

[دلوعة المملكة]

مشكووووره اختي

 

[عذاري الامارات]

موضوع في غايــــــــــة الروعـــــــــــــة...

ونتريا المزيـــــــــد لانه رااااااااح يفيدنا كثيــــــــــر..

الله يعطيج العااااااااااااااااافية..

 

[((شوق القصيم))]

الله يعطيك العافيه بصراحه

هذي الدوره خلتني اراجع مفهوم الحب تجاه زوجي

 

[ريمانوفا]

موضوع جميل جدا ارجو قرائته ونقل مميز..............بارك الله فيك اختي..........:cupidarrow:...... ليدي سوسو​

 

[مرهفة الاحساس]

الله يعطيك العافيه من جد موضوعك

 

[لولا35]

الله يسعدك زي ما أسعدتينا بهاالموضوع الي اكثر من رائع

 

[فراشة القمر]

الف شكر على الموضوع الرائع

 

[سنبون 2]

موضوع أكثر من رائع

مشكورة اختي

 

[رهف المشاعر2006]

يعطيك العافية على هذا الطرح​

 

[Dandona]

موضوع أكثر من رائع سلمت يداك
وجاري تطبيق الواجبات

 

[ladysoso]

السلام عليكم ورحمة الله وبركااااااااااااته ..................

أشكركم يالغاليات على التفاعل الرائع الذي يثلج الصدر بارك الله فيكم يالغالياااات

وحيااااااااااكم الله ..من جديد ..


الطريقة التاسعة :: تجنبي الشكوك ::

في شكوك و في غيرة / الغيرة مقبولة و مرغوبة أحيانأ و انا اقصد الغيرة المعقولة .. أما

الشكوك فهي مرض ونار تغلي في قلب الشكاك .. و نار تكبر تبدا بالسؤال الواحد .. بعد هالسؤال

تظهر لنا أسئلة كثيرة ما لها حد .. بعدين تتحول الأسئلة هاذي الى تنصت و مراقبة و تتبع و تفتيش

في الجيوب ... الخ ! عملية كبيرة و معقدة ما لنا بها ..

المرأة اللي تشك دايماً عايشة في قلق و توتر و معاناة و إكتئاب .. و ممكن تمرض بعد !! و يصيدها

مرض ذهاني و في هالحالة راح تحتاج إلى طبيب نفسي ..

عشان كذا .. إذا ما كنتي تشكين قولي الحمد لله لأن هذا أمر طيب .. و تجنبي الشك من البداية ..

و إذا ابتليتي بالشك و تعانين منه لازم و حتماً تتخلصين منه ..

و تفضلي الطرق اللي ممكن تساعدك للتخلص من الشكوك :


1- اقطعي الشك من أول وهلة .. و لما تكون السالفة فكرة بس اقطعيها ..

2- إذا لا سمح الله شكيتي لا تتحققين ,, لأن ورد في الحديث الشريف ( إذا شككتم فلا تحققوا )

يعني لا تسوين شي و إذا كنتي تراقبين زوجك أو تتنصتين عليه .. اطلبي العلاج على طووول ..

و لا تطولين في المسألة ..

3- إذا كانت عندك شكوك و في مواقف أكدت شكوك .. لا تحترقين بشكك .. روحي و صارحي زوجك و تأكدي ( إن الله لا
يهدي كيد الخائنين ) ..

4- إذا عشتي في بيت أهلك .. و بين أم كانت تشك أو أب شكاك .. و تعترضتي أنتي للشكوك , اعرضي نفسك على طبيب نفساني .

5- إذا لا سمح الله زوجك فقد الثقة فيك .. بسبب شكك و متابعتك له .. تقدرين تردين الثقة و تبنينها
جديد في فترة ست شهور تقريباًُ بس متى ؟ إذا قطعتي التحقق تماماً ..

6- تعلمي الجلسة الإسترخائية .. لأنها راح تعينك على التخلص من الشكوك و التوتر بشكل عام ..

7- إذا مانفع الحوار مع الزوج و لا فادتك الاستشارة النفسية ,, وقتها اعرضي نفسك على الطب النفسي ..

طيب خلنا نقول إن الزوج هو اللي يشك فيك .. وشلون بتقدرين تخلصينه من شكوكه ؟؟؟؟

​

(هالكلام للي زوجها شاك على الفاضي أو الشك صفة فيه و مبتلي فيها)



انا اقول لك وشلون .. تابعيني



تفضلي :

1- إهتمي فيه أكثر ..

2- اكدي من الوقت للثاني إنه هو الوحيد اللي في قلبك .. و كل معاني الحب اللي في داخلك له ... الخ ..

3- حاولي تجرينه في الكلام .. و خليه يتكلم عن طفولته و ماضيه .. يمكن تكون في حوادث مترسبة
في نفسه .. و تخليه يشك في أي شي ..

4- تحاوري معاه في هالموضوع ( الشك ) و اوعديه إن الكلام بيدور بينك و بينه ..

5- علميه على طول وين تكونين .. رحتي مشوار .. طلعتي مع اختك مع صديقتك علميه على طول بمكان تواجدجك.. بهالشكل أنتي بتساعدينه يتغلب على شكوكه + لا تنسين تستأذنينه في أعمالك و خروجك .. بالعربي حطيه في الصورة ..

6- لا تسمحين له يتمادى في التحقق من شكه و متابعتك .. و أكدي له إنك مستحيل تسوين أي شي هو يشك فيه .. بعد ما تسمحين له يتعرض لكرامتك أو يشكك فيك .

7- إذا استمر في شكوكه و لا شي نفع وياه .. تعالي له في لحظة هدوء و استرخاء و اقترحي عليه إنه يطلب الاستشارة النفسية ..


​

 

[ladysoso]

الواجب الثاني عشر

اكتبي في ورقة المفاهيم :

" الشكوك مرض يعالج بمواجهته و ترك التحقق "




الطريقة العاشرة :: اخلصي الدعاء لله :: ​

 

[ladysoso]

نكمل ..................................!!!!


الطريقة العاشرة :: اخلصي الدعاء لله ::

نعم .. أكثري الدعاء لله .. لأن من الحاجات الرئيسية و اللي بإذن الله راح تعينك على الحياة الزوجية 3 أشياء :

1- الإيمان . 2- الدعاء . 3- العمل الصالح

تذكري قول المولى عز و جل في الإيمان و العمل الصالح :: ( من عمل صالحاً من ذكر أو أنثى و هو مؤمن فلنحيينه حياة طيبة ) ..

و تذكري قوله في الدعاء ( و قال ربكم ادعوني استجب لكم ) ..

يعني تخيلي حياتك كيف بتكون لو وفيتي هالجوانب الثلاث :: أن تكونين مؤمنة بالله وحده و تعملين أعمال صالحة يتقبلها الله بإذنه .. و تطلبين ربك بنية صافية و خضوع .. و يتقبل ربك منك دعائك و عملك و إيمانك ( تخيلوا لدقايق )


هذه 7 معينات للدعاء المستجاب ( بإذن الله ) ::


1- ادعي بخير دائماً .. و امنعي نفسك من إنك تدعين على أي بشر مهما كان ..

2- ادعي و انتي موقنة بالإجابة ..

3- خلي دعائك في كل وقت . و لا تيأسين .. لأن الله يحب من عباده الملحين بالدعاء ..
و لا تنسين أوقات الدعاء : وقت المطر / السفر / المرض / السجود / بين الإقامة و الصلاة / و بعد الصلاة المفروضة / و عند خطبة الجمعة / و قبل الغروب / و عند شرب ماء زمزم ..

4- اخلصي الدعاء لله وحده .. و لا تشركي به أحداً نبياً كان أو وليا صالحاً أو حجرا أو شجرا أو مشعوذ .. خلي دعائك لله ..

5- الصدقة .. و أنتي تدعين تصدقي .. و أنتي تتبرعين بأي حاجة ادعي الله يتقبل هالعمل خالص لوجهه ..

6- اعملي عمل صالح .. لأن الدعاء يرفع العمل (( اليه يصعد الكلم الطيب و العمل الصالح يرفعه ))

7- إذا لزم الأمر صلي صلاة الحاجة .. ركعتين تقرين في الركعة الأولى بعد الفاتحة سورة الكافرون و في الثانية الإخلاص .. ثم تدعين في السجود الأخير بهذا الدعاء :"" لا إله إلا الله الحليم الكريم ,,
سبحان الله رب العرش العظيم ,,
الحمد لله رب العالمين ,,
اللهم أسألك موجبات رحمتك و عزائم مغفرتك و العصمة من كل ذنب ,,
و الغنيمة من كل بر ,, و السلامة من كل إثم ,,
لا تدع لي ذنبا إلا غفرته ,,
و لا هماً إلا فرجته ,,
و لا حاجة هي لك رضى ولي فيها صلاح إلا قضيتها يا أرحم الراحمين ,, """

بعدين تسألين حاجتك ::

""" اللهم وفق بيني و بين زوجي و عمّر المحبة بيننا ""


الواجب الثالث عشر


اكتبي في ورقة " مفاهيم " :: الإيمان و الدعاء من أقوى معينات الإستقرار الأسري ::
و اكتبي في ورقة " أعمال يجب إنجازها" :: الدعاء يومياً لله بتقوية علاقتنا الأسرية ::

*
*
*
*

​

في غرفة النوم [ قــريــباً ان شاء الله ]

 

[ladysoso]

نستكمل موضوعنا اللي بدأناه ..

و الجزء الجديد خاص بـ " غرفة النوم " .. تابعوني

في البداية .. تفضلوا هالمعلومة ::

الإنسان الطبيعي يقضي أكثر من ثلث عمره في غرفة النوم .. تخيلوا ثلث العمر بس نقضيه في

غرف النوم ..!

النوم لمدة 8 ساعات من 24 ساعة يعني ثلث اليوم .. فلو إنسان عاش 90 سنة = 30 سنة منها ! غير

ما قبل و بعد النوم , و في ناس تقرا فيها .. و ناس تشوف التلفزيون يعني ممكن توصل

ساعات الجلوس في غرفة النوم إلى 10-12 ساعة يومياً ..

بإختصار كأننا نقضي نص أعمارنا فيها .. يعني لازم تكون أهم مكان بالنسبة لنا ..

عندنا مسائل متعلقة بغرفة النوم .. نحاول نذكرها بشي من التفصيل ..


أولاً : تهيئة الغرفة :


عادة .. لما أي وحدة راح تسكن بيتها أو كان بيت أو شقة مؤقتة .. نلقاها تهتم بالصالة أو

الصالون أو الإستقبال .. و تصرف عليها الألوف في ترتيبها و غيره .. و عادة الغرفة هاذي

ما تستخدم إلا مرتين في الاسبوع ..

لكن لو شفنا غرفة النوم بنلقاها مهتمة فيها أقل إهتمام .. لأن في نظرها هالغرفة ما فيه أحد راح

يدخلها غيرها هي و زوجها ! ..

و أنا هنا أقول لك عزيزتي .. بالعكس المفروض تكون غرفة النوم من أحلى الغرف في البيت كله ..

*
*طبعاً ما أقصد إن تصرفين عليها الملايييين .. و تختارين لها أغلى الأثاث ..

لا ..أنا أبيك تعرفين .. إن غرفة النوم تمثلك أنتي .. جمالها من جمالك .. إهتمامك بها من إهتمامك

بنفسك .. و نظافتها و ترتيبها يمثلونك أنتي .. التنسيق و إختيار الألوان مهم جداً ..

ناخذ مثال : الألوان << لو إن إحنا ما نتقيد باللي راح يجي في الفقرة الجاية لكن للعلم ::

النفسايين يشوفون إن اللون الوردي الفاتح .. يجلب السكون و الإثارة الجنسية !

يعني هاللون هو الأنسب للغرفة ..

بس اللون الأحمر يجلب الإثارة و الحركة الثائرة ..

و الأصفر يجلب التفكير ..

و البرتقالي يجلب الجوع و التفكير في الأكل ..

و الأزرق الفاتح يجلب الصفاء ..

و البحري يجذب ..

و الأخضر يجلب التوازن و يدفع للحياة ..


**


هاذي مب قاعدة .. لأنك ممكن تختارين اي لون تتفقين فيه مع زوجك .. بس المهم تختارون لون مريح

للعين و لكم

*
*


خلصنا من اللون ,, نجي لـ كيف نقوم بتهيئة الغرفة ::

بإنك تحطين لمسات خفيفة غير مكلفة .. منها :

الورود :



و حلو لو تكون طبيعية ( وردة وحدة كل 3 أيام ) ..

حمرا للإثارة ( الحب و الجنس ) ..

بيضا لصفاء النوايا ( حلوة لو كان فيه خلاف لأنها تكون مثل

الإعتذار الغير لفظي ) ..

صفرا للتنشيط و الحوار ..

الإضاءة الملونة :



الأصوات الطبيعية الرقيقة

نعومة الفراش

ممكن تحطين سلة فواكه

تقديم العصاير الطبيعية

و لا تنسين :: الروايح الحلوة ..

بإختصار :

املي حواسه الخمس : الشم / البصر / السمع / اللمس / الذوق .. بالإيجاب

نقطة مهمة

يستحسن إنك ماتملين الغرفة بالأثاث .. خلي فيها سعة + لازم تكون الغرفة مرتبة و معتدلة البرودة ..

*
*
*

ثانياً : التهيئة النفسية :

يعني لازم تكون غرفة النوم مكان آمن و مريح ..

خلي غرفة نومكم .. قلعة أمان / و عيادة تشافٍ / و مصح نفسي / و فندق راحة / و ساحل

إستجمام .. ( على فكرة ما في شي صعب .. و كل شي تقدرين تنفذينه )

​