دلووووني مالعمل ؟؟

[إبتسام الآه]

السلام عليكم ورحمة الله اخواتي
والله بطق من القهر ومو عارفة وش اسوي
هذا وزواجي بعد العيد يعني توي ماصرت عروس
المشكلة ومافيها ان شهر العسل بنقضيه بالرياض ببيتنا بدون سفر ووالله مو هاذي المشكلة ابد ابد بالعكس انا مقدره كل اوضاعه ودايما لمايجيب السيرة اقوله وين مايكون المهم اننا مع بعض ،، وهو يتشكرني وقدر لي هالكلام وطبعا انا متملكة لي 8شهور
بس المشكلة اني راح اقضيه ببيتي ومو معقولة انظف واكنس باول شهر :tears:
وكم مرة لمحت له بالموضوع وهو مو فاهمني :sad_1:
والله احس بكسر قيمة واني مااسوى عنده هذا اللي قاهرني
لاتقولون عادي والله شي يتعب النفسية
يكفي ان البنت تفارق اهلها وتسلم نفسها لزوجها
بس تحتاج دلال صح ولا لا
بالله انصفوني ارجوكم :tears:

وش اسوي :sadwalk:
ادري والله مو خباثة منه وهو طيب بس كيف مايحس فيني ؟؟

 

[إبتسام الآه]

لاتبخلو علي بردودكم
انا مقهوووووورة

 

[إبتسام الآه]

استغفر الله واتووووب اليه

وينكم يابنااااااااااااااااااات

:tears:

 

[جلجامش]

غلطانه تنازلتي عن شهر العسل
لما تنازلتي عن شهر العسل حسستيه ممكن تتنازلين عن اشياء ثانيه مثل الشغاله
وماله داعي تتمين ببيتج خليه يحجزلج فندق حبيبتي
وكوني واضحه مع زوجج
ماله داعي تتخيلين انه بيفهم من التلميح
على فكره ترا الازواج مايفهمون بالتلميح ..يعني موكلهم ..خلج واضحه
واسأليه: حبيبي دامنا بنتم شهر عسلنا هني خلي نجيب شغاله ..خلني نلتهي بس وناسه فهالشهر
ابيك تدلعني..
وجربي في حال كنتي تبين شغاله

 

[سنا الخيال]

أول شيء مبروك مقدما وربي يتمم بخير

ثاني شي من جدك انتي تبيك شغاله تقابلك انتي وزوجك !!

تحد من تحركاتك وتراقبكم

مجنونه اذا فعلا تفكرين بشغاله

ابدااااااااااا مو حلو وجودها في حياتك في بداية الزواج

صدقيني اللي انتي تفكرين فيه انه عذاب بتلقينه متعه بعد الزواج

كوني انتي الملكة في البيت وحافظي على مملكتك واغراضك واسرار حياتكم الزوجية خاصة في بداية الطريق

الله يوفقك

 

[إبتسام الآه]

اختي جلجا مش
مشكورة على نصيحتك بس انا ماتنازلت هو اللي قال يمكن ويمكن مااقدر وش كان يمديني اقوله
اتهاوش معاه في الملكة الا توديني شهر عسل وش بيقول علي مرة ماعندي كرامة ومو حلوة بحقي من بدايتها اصر على شهر العسل وانا قلتلوه نروج سياحة داخلية قلي والله اغلى من الخارج رحت استحيت وسكت
والمشكلة انه تكلف بتاثيث البيت عشان كذا لغى السفر اما الخدامة هو يبي يجيبها وانا اللي مو حابة الفكرة ابي اطلع من البيت بس احسه فعلا مزنوق ماديا
والله مقهورة احس مالي قيمة

 

[إبتسام الآه]

اختي سنا الخيال
الله يبارك فيك يالغالية
وشاكرة مرورك ونصيحتك
بس هو اللي يقول نجيب شغالة تروح وتجي مو انا
وش اسوي يعني انظف واكرف من شهر العسل والله صعبة

 

[الجذابه]

والله انتي غريبه في داخلك ماانت راضيه وقدامه تقولين ابي ارضيه واقدر ظروفه والمشكله انه شاورك يعني مافرض عليك وقال مااقدر وغصب عنك ترضين بالامر ..

الرجال لو يبي يتزوج هو افقر الفقراء تزوج ودبر عمره وانت تقولين له ماابي استمتع ؟؟

شوفي يالغلا انا ماابي اقلبك على زوجك قد ماابيك تستمتعين بحياتك ان كان قادر عليها واغلب الرجال لو حط براسه شي يسويه .. يعني قادرين ..

لاتتنازلين عن رغباتك بسهوله واطلبي منه ماتدرين لو هو بنفسه يستمتع بالسفر اكثر منك ويقول الحمدلله انها ماتنازلت ترى من امتع الامور السفر وقت الزواج لانكم توكم ماتعرفتوا على بعض وكل واحد بقلبه كلام كثير يقوله للثاني والفضول يدفعكم عشان تكتشفون بعض ومافيه احلى من الاستمتاع باماكن جميله وجديده وتحقيق هالامر ..

انا معك بتقولين نكتشف بعضنا ونتعرف في ديرتنا وش يمنع لكن ((ومن خلال تجربه)) السفر بعد كذا ومن بعد ماتجيبين العيال موب مثل وانت عروسه مسؤلياتك كثرت وانتم عارفين بعض تمام بتملون من بعض وتملون من المنطقه وبتكون سفرتكم ممله موب مثل وانتم عرسان .. هذا اذا ماكان اغلبها مضاربات وهواش وكل واحد ماد بوزه على الثاني ..

السفر بأول حياتك الزوجيه من احلى مايصير بين العرسان لانه كله حب ورومانسيه وتعارف واكتشاف ولانكم تو ماشبعتوا من بعض ..

وبعدين لاتعودينه على التنازل بسهوله عن كل شي ولاتضغطين على نفسك عشانه ولاّ ترى بعدين تطلبين منه هالامور اللي سبق وتنازلت عنها ومايعطيك هي لانه يعتبرها موب مهمه لك ومثل ماتنازلت عنها بالاول قادره على انك تتنازلين بالثاني وحتى لو تيسرت اموره وصار احسن ..

وقبل كل شي وبغض النظر عن ظروفه الماديه و..و.... اذا كان نفسك في هالامر اطلبيه بكل قوه ولاتتنازلين عنه ولاّترى بيحز بخاطرك وبتقعدين كل بعد فتره تتمنينه لكن ياحسره ..

انا ماابي اقفلها بوجهك وممكن تتيسر لكم لكن كل ماعشت مع زوجك كل ماكثرت مسؤلياتكم وشي بديهي ان امور الدلع كلها تحصل ببدايه الحياه لانه يستحي منك ويدفع ويسوي نفسه كريم لكن بعد كذا صعب ..

وبعدين اغلب الريجيل يشوفون ان السفر متعه وتضييع وقت واللي يحب هالشي بيستمر عليه واللي مايحبه انسي انه يسفرك بعد كذا لان بحياته اولويات اهم واولى وشكل زوجك من هالنوع بدليل انه موب مهتم بالسفر من البدايه .. صحيح انها صفه مرغوبه عند الكثير من النساء لكن ان زادت عن حدها تقرف وتجيب الهم وبالذات اذا كنت انت تهوين السفر ..

بالنهايه والمفيد من كلامي .. انه لا تتنازلين اذا كان عندك احساس ولو واحد بالميه انه قادر واذا كانت عندك الرغبه انك تستمتعين بهالامر مافيها شي توضحين له رغبتك بطريقه ماتسيء لك ..

انا فاهمه انك حايفه ياخذ عنك انك انسانه متطلبه وانانيه لكن وضحي له الامر وقولي ان هذي رغبتك مادام بالفعل نفسك في السفر وقولي له وش مميزاتها ووضحي له انك بتوقفين معه بطول العمر وبتكونين له خير زوجه لكن برغبتك وموب غصب عنك وبغير رضاك ..

لان الرجل احيان مثلك يتمنى هالامور وان ساعدتيه وماامتنعت بكره ممكن يحققها مع غيرك لو فرضا ماتوفقت معه ..

رغّــبيه في اي امر تطلبينه وحبـّبيه فيه وخليها بدل ماتكون رغبتك انت فقط خليه هو يتحمس ويشتهيها مثلك ..

ومثل ماقلت لك وضحي رغباتك بدون حياء دامك مااضريتيه بشي ماهي وقاحه قد ماهي توضيح وحفظ لحقوقك ..

فكري بنفسك قبل ماتفكرين فيه لانك ان مافكرت بنفسك مااحد راح يفكر فيك حتى لو زوجك ..

والله يعينك ويوفقك ..

 

[حرب الأحساس]

بارك الله لكما وجمع بينكما في خير
ومعزومين ولا لا؟؟؟؟؟
بسيـــــــــــــــــــــــــــــــــــــطة انت استعجلت الهم يالغالية
انت دحين ارتاحي وادعي الله
وقولي لنفسك بعيش لحظاتي الحلوة وبس
وبالنسبة للشغل بيكون ممتع اول الأيام أكل من برا وفي مطاعم مو من دحين تقوليله لا بوقتها ياحلوة
والمطبخ اول بأول وبيجري وراك وبتتساعدون
شي حلو صدقيني
بتعدي بس لا تفكرين
وشغالة مرتين بالأسبوع تكفي بس بدري عليها
عيشي حياتك ولا تتكلمين معه عن شي يكدركم

 

[ورد الفل]

حبيبتي شو هو هالكرف انت وهو لحلكون يعني ما في حدا يكركب ويوسخ بالعكس بتتساعدوا وبتنبسطوا مع بعض وخليه يجيب الاكل جاهز وخلص ولا احلى من هيك وان شاء الله الايام جاية وبتسافروا كتير اما هلئ حتى لو سافرتوا حتحبوا تقضوا اكتر الوقت بالفندق والغرف بقى البيت برايي احلى وبعد فترة بتحاولي تخليه يسفرك
بس اهم شي يا عروس روقي ولا تخلي شي يهمك ويعكرك ولا تهتمي الا كيف تخليه دايب فيكي وهيمان وربي يهنيكي ويسعدك يارب

 

[حياتى بلا حنانك]

والله ما ادرى ايش هذا الكلام البنات يقولون لك تنازلتى عن شهر عسل وراح تبقى تتنازلى على طول واللى تقول لك ما ادرى وشو ؟؟؟؟




افهمى كلامى يا اختى زين ما زين .....



انتى بتتزوجى بتروحى لبيت زوجك اللى هو بيتك ادخليه نظيف ومرتب وخليك دائما منظفته يعنى الكاسه اللى تشربى فيها مافيها شى لما تشطفيها وترا الحركة بركة
وكلنا تزوجنا ومارحنا شهر عسل ولا غيره هى عادة اخذناها من الغرب يعنى بدعه وتشبه بالكفار
وبعدين هو اكيد بيطلع بالنهار او يروح اى مكان بهذا الوقت قومى انتى نظفى بيتك رتبيه نظفيه وبخريه وولعى شموعك واتروشى وانتظريه بيجى يلقا بيته مرتب وانت مروقه ومنتظره
خليه يشوف انك حرمة سنعه نظيفه مو دلعوة تعتمدى على شغاله وبعدين لو جبتيها بتجلس لك على الدخلة وعلى الطلعه وتقزكم قز




كبرى عقلك يا اختى وبلاها الشغالة انتى قومى نظفى ورتبى واذا على الغسيل حطى حوايج الخروج حقت زوجك بالمغسله كوى بس وانتى غسليهم بالبيت مع ملابسه الداخليه وملابسك طبعا بس الكوى برا والاكل لا تتطبخى ما اكثر المطاعم ربى معك

 

[ديالا2]

يعني منكده على روحك بدون سبب
شغل المرأه في بيتها متعه حتى لو كانت عروس جديدة شغاله وانت عروس حتى تراقب حركاتك ولبسك وأكيد ما رح يكون طبخ ونفخ من أولها

 

[ذهب غالي]

حبيبتي الف الف مبروك ادا زوجك ضروفه ماتناسب شهر العسل كيف تبغينه يجيب شغاله بعدين مع احتراماتي شغاله في بداية الزواج ليه الامر مو محتاج وبعدين وضيفتها تعكير المزاج ومراقبات الازواج نصيحتي حبيبتي انسي الشغالهلانها خراب البيوت وبالنسبه لبداية الزواج كل الضيوف اهلك واهله الله يتمملك على خير ومبروك يااحلى عروسه الزواج دنيا تانيه ويارب تكون متل ماتتمنين ؟؟؟؟؟؟؟؟؟؟لكي حبي

 

[إبتسام الآه]

اشكركم خواتي على نصايحكم الثمينة والله ماقصرتوا
الله يجعله في ميزان حسناتكم
يعني الحين لما انا عرض علي وقلي معليه لاتزعلين لو ماسافرنا بشهر العسل وانا راح اعوضك بعدين اصير تنازلت عن حقي :icon1366:

والله قهر كان في نيتي وقفة انسانية وماابي اتطلب من اولها يعني احرجني قلي مااقدر:tears:

والحين صدقوني اصعب اطلبه نسافر وهو اصلا قلي لو كان في مجال راح نسافر بس كلمالها الأمور تضيق اكثر واكثر:icon1366:

 

[رشـة عطر]

وعليكم السلام

الله يوفقج مع زوجج
شي سهل ان شاء الله دامنج انتي وهو لوحدكم ,,يعني البيت بيبقى نظيف الا اللهم شويه ترتيبات

لا تستهمين ومب معناته الريال ما يفهمج ,, وهو يقول في خاطره الحرمه قدها وقدود ^_^

بالتوفيق

 

[إبتسام الآه]

رشة عطر شاكرة لك حبيبتي

والله حاسة مالي قيمة صح
والله منكدة واحس شي بنفسي تغير عليه

 

[إبتسام الآه]

وش رايكم ياصاحبات الخبرة أاجل الزواج شهر شهرين عشان يجمع له مبلغ نسافر فيه
بس اهلي يقولون لي لاتطولين الموضوع وان طالت ممكن يصير شي مو زين لا قدر الله
وبعدين مشي مو مهم اللي مقهورة منه الحين
بس في داخلي احس نفسي مكسوووورة
وهو من النوع اللي مايحب اللي تطلبه كثير وتلح
والله محتارة شوروا علي الله يجزاااااااااااااااااااااااااااكم خيييييييييييييييييير

 

[إبتسام الآه]

اللي ماسافرت شهر عسل مع زوجها ليتها تقولي وتريحني
احس اني انا الوحية المغلوبة على امري

 

[NANDOOOOS]

ياقلبي حاسه بشعورك لان اهم شئ شهر العسل لانه ماراح تنسينه بحياتك بس انا اقولك حاجه بما ان زوجك ظروفه صعبه حاولي تنبسطين وتستانسين بالموجود يعني خذوا لكم ليلتين او ثلاث في هوتيل وبالنسبه للبيت جيبي شغاله مرتين او ثلاث بالاسبوع تنظف وتروح ولاتحطين ببالك هالضيقة والاحساس بالقهر بالعكس هذي احلى ايام حياتك ونسي نفسك انتي وزوجك قد ماتقدرين والف مبروك مقدما

 

[دونيا123]

الله يهدهولك