خيانته دمرتني اب حل تكفون؟؟؟؟

[صديت بقهر]

السلام عليكم ورحمة الله وبركاته

لجأت لله ثم لكن بعد ماضاقت بي الدنيا

خواتي اللي عنده حل لمشكلتي لاتبخل علي

الله يجزاكم خير

مشكلتي مع زوجي بالخاينه اناعمري 21 سنه اكتشفت خيانته اول شي بالنت علاقات غراميه وانا لااعلم هي صادقه ام مجرد لعب وصارحته بالذي رايت بعد مالحظت تغير اسلوبه معي وبكيت بكاء شديد وجوابه لي (كل انسان يخطي) فطلبت منه ان يحلف لي على كتاب الله ان لايكررمافعل ونعتمر لكي انسى واتغاضا عن الموضوع

مررت سنه وبعدها اكتشفت خيانه اخرى وليست مع واحده ورسايل شوق وحب وعشق
والاامر من ذلك ان المسجات اللي ارسلها له يرسلها لهن وحده منهن متعلق فيها والثانيه يتسلى معها
قررت ان اترك البيت لان الجرح مو مره مرتين والثاني امر
توقعت اني اذا تركته بيحزن علي اويتضايق لكن سمعت انه يشوه سمعتي عند اهله ويقول كلام ماصار بيني وبينه

بنات وش الحل تكفون بيني وبينه بنت

وبغيت اعرف شلون اقدر اوصل للاخت ناعمه الهاشمي

ودعواتي لكم
​

 

[تؤام روحي وقلبي]

الله يفرج همك

 

[ام مناوي]

شووفي الريال اذاا خاااااانج لااتطلعين من البيت حتن لوو بتمووتين من القهر دوسي علي نفسج لان ان طلعتي ابيقسى قلبه وتخلين له مجال على هالاشياء لااتوقعين انه بيحس انه فراقج اثر فيه الا بتعطينه احلا هديه قعدي علي قلبه وعامليه جنه موو بالبيت بس جدام الله اغراضه لازم اتزهبينهم ولاااااتكلمينه ولاا كله ادري صعبه بس تحملي لان هذوول بنات بليس واهوو راعي بنات تلقينه متعود فعادي عنده انتي الي مسكينه وتبجين وتفكرين واهووه لاااهي عنج لا لااتطلعين من البيت نصيحتي لج

 

[صديت بقهر]

توام روحي وقلبي
الله يجزاك خير
​

 

[صديت بقهر]

ام مناوي
الفاس طاح بالراس
خلاص انا عند اهلي اللحين من شده القهر اللي حسيت فيه
​

 

[الـخزآمى]

ربي يفرج همك
بس نصيحتي لك بترديد هذا الدعاء في سجودك
(اللهم اني اسألك رضاك)
فإذا كسبتي رضى ربك فإن الله سيرضي عنك وبك زوجك وكل من حولك
ايضا اختي
رددي مع الاذكار(اللهم اني استودعك زوجي جميع حواسه وسائر جسده وقلبه وفرجه اللهم احفظه عن الحرام كله سبحانك الذي لاتضيع ودائعك الله خير حافظ وهو ارحم الراحمين)
وكوني على يقين من الله فإن الله قريب يجيب المضطر
ايضا اختي
افرشي سجادتك في الثلث الاخير من الليل وقولي كل مافي خاطر لربك فهو القادر سبحانه على زوجك وقلبه

الله يرد لك زوجك ردا جميلا
ايضا اختي شوفي نمط زوجك وتعاملي معه من جديد
والله يوفقك ويسخره لك​

 

[صدمتيز]

انا مع كلام الاخت الخزامي
عليك باالدعاء ثم الدعاء ثم الدعاء والله غير يفرجه ربي عليك بلي فيه خير لك
ما تحت الله قوي بس قولي يارب بكل صدق و ايمان
اسال الله ان يفرج همك و يشرح خطرك و يريح بالك انه على ذلك قدير

 

[سمرء غير]

حبيبتي الله يفرج همك ويهدي زوجك ويسخره لك ويصرف عنو بنات الحرام

 

[نضوج أنثى]

ارجعي بيتك ياقلبي ولا تخلين الفجوه تكبر بينكم ويفرقون بينكم شوفي زوجك لعاب مجرد نزوات ويبي يحس انه مرغوب والدليل له عدة علاقات مو مع وحده بس واللي تقولين انه متعلق فيها اقولك تتوهمين صدقيني لو متعلق فيها مايكلم غيرها بس هو يبي يحس انه محبوب عند البنات مرض شائع عند كل الرجال ارجعي واتغاضي عنه هذا زوجك تنحرمين منه وهو ينحرم منك عشان غيرك يستمتع فيه بالحرام وهو حلالك بالنسبه لتشويه سمعتك ادري غلطته كبيره بس هو خايف صورته تتشوه عند اهلك بسبب خيانته قام حط اللوم عليك وانه انتي السبب الجأي لله ولا تخلي الشيطان يدخل بينكم

 

[لمن يجرؤ]

كلام البنات عين العقل غلط تطلعين من البيت ولو طلعتي الحين ارجعي واكبر تطنيش خليه يحس بغلطته ربي بنتج حبيبتي وخل المشكله للزمن

لي عوده

 

[حبي لهـ وحدهـ]

هذا اللي يقهر يخونون و إذا انكشف قاااااام يطلع في زوجته كلام مو فيها
حبيبتي الله يفرج همك .

 

[حلم احلامي]

الله يفرج همك ياكريم

 

[روحي واو]

الله يعينك يالغلا .,

 

[ғ α η т ά s ч ♥]

نصيحة الخزآمي ~{ روووعة و الله يعطيها ألف عافية

و نصيحة مني

الزمي الإستغفاااار < و ربي ما حيمر شهر إلا و النتيجة الي تبغينها و تمنيتيها في الإستغفار ؛ صــــآإرت

و عن جد كلامهم

إرجعي البيت و اسحبي عليه من قلبك ؛ حطي قهرك في التطنيييش

حبيبتي إن كانت الحيوانات و هم حيوانات ما يستحملون التطنيش ؛ كيف بأوآآآدم !

خليه يعرف الفرق بين إن كنتي راضية عليه < كيف تكوني معاه من أروع ما يكون

و إن كنتي زعلانة و مجروحة منه < كيف تكوني معاه طنااااش و لا كأنه في البيت ؛ زيه زي الجدار

لازم يقاااارن ؛ و يعرف إن الله حق

=(

الله يفرج همك حيــآإتي ؛ و يصبر قلبك​

 

[اسيرة الخيانه]

السلام عليكم
بقولك شي بس ابيك تسوينه اعتبريني اختك وانا ترى مابيلك المضره
زوجك يخونك اغسلي ايدك منه هذا اول شي والاهم الا اذا ربي هداه
انا ياما زوجي خاني مو بس مكالمات الا طلعات وشقق والله لا يعاقبنا
انا بقولك اسلوبي مع زوجي اذا اعجبك امشي فيه واذا لا كانك ما قريتي شي
بس اول شي اذا كنت للحين عند اهلك دوريلك اطلق رساله شوق وحب وارسليها
وكتبيله بعدها انك باقيه ع العشره وانك تبين بنتك تتربى بينكم وبينيله ان ودك ترجعين عنده
ومو بس رساله او رسالتين احرقي جواله بس اول شي شوفي اذا يرد على رسايلك واذا مايرد
حاولي تستعطفينه باسلوب حلو
وبعد ماترجعين خلك قمة الانوثه معه ولزقي فيه فنومه وجلوسه بس بحنيه وتغزلي به والرسايل الحلوه لا توقف اذا كان برى البيت
وارهقيه بالجماع وبدعي وخليك لهلوبه والي يخطر ببالك سويه جننيه
ودلعي نفسك بالكشخه والبس الي مايحتاج فكل شي لبس النوم والبيت
طيب نجي لليوم الي تكتشفي انه رجع يخونك
اسحبي عليه السيفون ولا كانه فالبيت اشغلي نفسك باي شي وزيدي فكشختك وزيدي بالطلبات والمشاوير ولا تكلمينه ((انا اذا زعلت الي بينى رسايل حتى جوى البيت )) وقمصان النوم بدعي فيهم
وبتشوفين ان شاءالله تغير ولا تنسين الاستغفار والدعاء والصلاه
الحمدلله انا وزوجي مانتخاصم اكثر نصف يوم وهو الي يراضيني تبارك الرحمن صحيح انه مغلبني بخيانته بس انااحبه وهو يحبني ومايطيق زعلي وكم مره اروح بيت اهلي بس يجي يرجعني وانا اسامحه عشا ن بيناولدين امشي بطريقتي وان شاءالله بيتغير وطمنينا عليك واسفه ع الاطاله والله يخليكم حق بعض

 

[^_^الشامخه^_^]

ماشاء الله الاخوات ماقصرومعك اذا تعود على غيابك انسي يدور عليك ارجعي بيتك باقصى سرعة
واكثري من الاستغفار وقيام الليل والدعاء لزوجك بالصلاح والهداية

 

[ميرندا حمضيات]

شكلك توك مجربة الخيانة انا ميرندا حمضيات مشهورة قبل كم شهر بخيانة زوجي المتكررة لو تقرين مواضيعي تموتين قهر
ومازال زوجي خاين وازيدك من الشعر بيت كم مرة اروح لاهلي وياخذها فرصة ونذرت نذر اني ما اطلع بس عشان مااعطية فرصة
لا بعد امس لقيت في سيارتة جوال ثاني
وماتصدقين صار الموضوع عااااااادي عندي تخيلي زالله اني صرت ماتتحرك فيني المشاعر لما اشوف خياناتة بس ادعيلة بالشفاء لانة ياحبيبتي انسان مبتلى الله يرفع عنهم جميعا
خليك مثلي واذا ماصرتي مثلي الزمن بيجبرك صدقيني

 

[رازيا]

عزيزتي كان الله في عونك
الانسان خلقه الله ليكون ( إنساناً ) يخطئ ويصيب ويذنب ويستغفر . ولا يمكن بحال مهما كانت مكانة الانسان ومقامه وورعه وتقواه أن يصل إلى حدّ أن يكون فوق عتبة ( الخطأ ) و ( المعصية ) و ( الذنب ) .
يقول النبي صلى الله عليه وسلم : " كل ابن آدم خطّاء وخير الخطّائين التوّابون " .
لاحظي أنه يقول ( خطّاء ) ولم يقل ( مخطئ ) أو ( يخطئ ) وإنما قال ( خطّاء ) بصيغة تدل على أنه يخطئ ويخطئ ويخطىء .. ثم نبّه إلى أن خير الناس ليس الذي لا يخطئ إنما ( خيرهم ) هو الذي إذا أخطأ سارع إلى التوبة والاستغفار .
هذه حقيقة مهمّة ينبغي أن ندركها : أن الانسان من طبيعته ( الخطأ ) .
الحقيقة الثانية - والمهمة - : أن الرجل فيه ضعف طبعي عند ( النساء ) قال الله تعالى : " وخلق الانسان ضعيفا " قال ابن عباس رضي الله عنهما : هو ضعف الرجل عند النساء .
الحقيقة الثالثة : أن الشيطان أحرص ما يكون على الافساد وخاصة ( الافساد بين الزوجين ) .
أخيّة ..
حين أقول لك أن الانسان من طبيعته الخطأ ، والرجل من طبيعته الضعف عند النساء ، فذلك لا يعني أنّي أبرر لك خطأ زوجك .. الخطأ يبقى ( خطأ ) ولا يمكن بحال أن يكون الخطأ في لحظة ما أنه شيء ( صحيح ) !!
لكن المراد من هذه المقدمة هو أن تتخلّي عن النظرة المثاليّة للأمور . فكون أن ثقتك بزوجك تهتزّ فهذا ليس سببه أن زوجك ( أخطأ ) لأن احتمال الخطأ شيء وارد .. إنما سببه أنك تضخمين نظرتك المثالية لزوجك ولمعنى ( الثقة ) .
كون أنك ( تثقين ) بزوجك هذا لا يعني بحال أنه لا بد ( أن لا يخطئ ) !
أخيّة ..
مع ما قررته لك من ضعف الانسان وطبيعة الخطأ كان يبنغي أن يكون هناك نوع من التحرّز من الأمور التي تزيد من هذا الضعف
النصيحة لك :
- أن تحافظي على ثقتك بزوجك .
- المخطئ حين يخطئ هو بحاجة غلى من يساعده على تجاوز الخطأ لا من يفتح له باباً آخر للخطأ والخطيئة .
عدم قبولك له ، تقصيرك في إشباع حاجته ورغبته ، تباطؤك في صناعة الاغراء له .. قد يفتح له ( أبواب ) أخرى لا تلاحظينها وربما لن تكتشفيها إلاّ في لحظة فوات الأوان .
نعم أقول لك .. اهتزاز ثقتك به وشعورك بعدم القبول له لن يساعده أبداً على التصحيح والتحسّن .
وإن كان مرّ يوم من الايام وفي قلبك نسمة حب له .. فإن ( الحب ) يحتّم عليك أن تكوني عوناً لزوجك .
نعم .. لابد أ ن تستشعري أن مهمّتـك ان تكوني دافعة لزوجك غلى التصحيح والتحسّن، وأن يكون الأفضل بروح الحب والودّ والتسامح والتغاضي ..
- غيّري في واقعكما ... تخلّصي من الأمور التي تثير الغرائز أو تكرّس الوجود الشيطاني في البيت كوجود قنوات غير محافظة أو غناء وموسيقى وصور واختلاط ونحو ذلك .

- التفتي بجديّة إلى تحسين العلاقة مع الله سواء من جهتك أو من جهته . وأهم ما في ذلك الصلاة ..
كيف هو حالك أنت مع الصلاة ، وكيف حاله هو ايضا مع الصلاة ، وكيف هو واقعكما مع بعضكما في تعاونكما على الصلاة .
حسن العلاقة التي بينكما وبين الله تنعكس - بإذن الله - على حسن العلاقة بينكما ببعضكما .
وضعف العلاقة أو انقطاعها بينكم وبين الله ، يجعل من السهل انقطاع العلاقة بينك وبين زوجك لأي سبب كان .
لذلك التفتا بجديّة إلى شأن الصلاة .. إلى شأنكما مع القرآن .. إلى شأنكما في حب الله وتعظيمه .
- أكثري له ولنفسك من الدعاء . واسألي الله تعالى أن يصلح ما بينكما .
- امنحي زوجك الثقة . . وتصالحي مع نفسك .. وانظري للأمور في حدود واقعيتها وطبيعتها .
وتذكّري " فعسى أن تكرهوا شيئا ويجعل الله فيه خيرا كثيراً " فقد يكون هذا الحدث وهذا الموقف نقطة تحوّل في حياتكما في التوبة والاستقامة والرجوع الى الله

 

[هياووووووي]

حبيبتي ارجعى بيتج وخليه غصبن عليه يصرف عليج وعلى بنته
اصلا اهو ماهمه انتى لين رحتى بيت اهلج بالعكس بياخذ زاحته
ارجعى بيتج والبسيه لا تعطينه وجه كلش وكلميه على قد السوال اللي يسالج
وادعى ربج يصرف عنه بنات الحرام

 

[صديت بقهر]

الله يعطيكم العافيه حبايبي
بس الاكثر فيكم يقولي ارجعي
شلون ارجع واذل نفسي له عقب ماطلعت من بيته والكل يدري ان الحق معي والمفروض هو اللي يجي يصالحني ويعتذر عن اللي سواه شنو بيقولون عني الناس اذارجعت بايعه كرامتها
وفيه شي مستحيل اقدر اسويه شلون اكشخله وادلعه واسمه كلام حب وهو جارحني مستحيل تطلع من الساني ماقدر اجامل اواطلع شي مو بخاطري
ودائما اسمع ان اللي يحب عمره مايخون
اسف ع الاطاله
الله لايحرمني منكم عن جد خوات
الله يوفقكم دنيا واخره
​