خلونـــا نســـتفيد ونفيـــد....... الكلام في الطلعات الرومنسيه

[دلوعة المملكة]

هلا خواتي... اميرات وملكات ممكلة بلقيس.....


طبعا كلنا نحب نطلع مع ازواجنا بين فترة وفترة طلعه رومنسيه:icon26: هاديه بدون العيال....
بس المشكله شو بيكون حواركم.. عن شو تتكلمون.. وشو الاشياء الي المفرووض تسوينها.. عشان مايمل الزوج من الطلعه معاج بالعكس .. يلح علييج دوم يريد يطلع معاج...


انا وحد ما اعرف شو اقوول ولا عن شوو اتكلم.:shutup:.. بس نسولف عن العيال البيت والاهل وباقي الامور العاديه مثل مانكون بأي طلعه :thumbdown::thumbdown::thumbdown:

بليز بنات خلونا نستفيد ونفيد بعض... لاني وللاسف احس زوجي يمل من الطلعات معاي.. واذا كنا في مطعم عطوول نطلب وناكل ونطلع... مادري ليش مستعيلين؟؟؟؟:sadwalk::sadwalk::sadwalk:


والله تعبت ودي اكوون شي عجييب معاه جني عشيقته.ز بس مادري.. والحين خاطري اروح معاه سينما.. بس مادري شكله مب متحمس؟؟؟؟


ساعدوني بنات بلــــــــــــــــــــــــــــــــــــــــــــــــــــــــــيز... وخصوصا امره لاتنسى.. لاتبخلين علينا بنصايحج.

 

[umm_reem]

بقولج رأيي..

اكشخي كأنج مواعده...يعني بتقابلين حبيبج..أو خطيبج....
لأن هالكشخه بتبين في السياره او في المطعم اذا كان بارتشنات..يعني في أماكن مخصصه للعوائل....

شو تتكلمون....مثل سوالف العاشقين....تخيلي ايام الخطوبه شو كنتوا تسولفون؟؟؟سلمي عليه من أول وجديد..كأن شخص جديد عليج...استحي واتدلعي...مع شوية غموض....تذكروا مواقف حلوه مرت عليكم ايام الخطوبه...امسكي بإيده وامسحي عليها...لا مانع من بعض المداعبات..والعبارات الخاصه الحميميه....

هذا اللي يحضرني الان

 

[البسمة العذبة]

حلو

انا مثلك تماما دلوعه المملكه
ساعات اقول لو قاعدين ببيتنا احسن خخخخخخخخخ

ما الومه لو كره الطلعات معي بس الغريب زوجي مايعطيني فرصه ابدااا

 

[سامية الروح]

يكفي إنك :msn-wink: دلوعه

ورأيي تاخذين لفه عالانترنت ,, من هنا نكته ومن هنا لغز ومن هنا موضوع يخص شخصية هو يحبها

ها وش رايك :smoke1: وأتمنى أستفيد من باقي الردود.... ​

 

[البرائة]

صحيح بعض الاحيان افكر اسأل وحدة من العشيقات...ايش تسولفون لما تطلعون مع الرجال ولما تكلمونه فالتلفون ؟؟
لاني الاحظ ان الرجال مايمل من العشيقة حتى لو طوول معاها بينما يمل من الزوجة مع انه مايشوفها ولا يسولف معاها وايد..

اشكرك اختي عالموضوع وبانتظار باقي المتزوجات..على قولتك خلونا نستفييد ..

 

[جـود]

خلي عيونك هي اللي تتكلم وهي اللي تغازله

تدلعي بطرقة مشيتك وجلستك وحتى اكلك00


اغريه بنظراتك وعلميه شقد انتي فرحانه بطلعتكم مع بعض وانك مشتاقه لمثل هالطلعات وودك تضمينه

لبسي مثلا تحت العبايه تنوره قصيره مع بوت طويل واذا جلستو لحالكم بعدي العبايه كأنك ماتدرين


طلعي القوس من شنطتك ومرريه على شفايفك وسأليه عجبك لون القلوس! (بريئه)

(تأكدي انه المكان ساتر)



لاتسولفين معاه عن البيت ومشاكل العيال ، تذكرو ايام الملكه وشهر العسل واحلى الايام

 

[الإبتــ: )ـسامه]

موضوع مهم فعلا
تشكراااات

 

[دلوعة المملكة]

مشكورات خواتي...
بانتظار باقي الردوود الرائعه

 

[دلوعة المملكة]

وينكم خواتي

 

[البسمة العذبة]

بصراحه اشكرك دلوعه الموضوع جدا كان يهمني

لدرجة فكرت اسال على قولتهم العشيقات خخخخخخخخخخ

خصوصا عشيقات زوجي خخخخ

 

[دلوعة المملكة]

للرفع

 

[قلب من الالماس]

نصيحتي لك حبوبة رغم اني لسه مو متزوجة بس متملكة وهالحركات اسويها مع زوجي كثير:

اولا مثل ماقالوا الاخوات البسي واكشخي

ثانيا حطي ايديكي بايديه بغنج ودلع ولفي رجلينك من تحت الطاولة على رجله ^_^

ثالثا امسحي علي وجهه بين الفترة والثانية بحنية وكلمييه بهمس واضحكي بنعووومة


رابعا اكليه بشوكتك وبعد ماياكل اهمسي له احبك

خامسا واذا صار بالجهة المقابلة يري له بوسااااات بالهواء<<الرجال يحبوا هالحركة @@

ومن حركااااااتي اكتب له على منديل المطعم (اليوم زوجي حبيبي عزمني على العشاء والاجواء بيننا كانت رومانسية الله لايحرمني منه صاحبي وزوجي وحبيبي واكتب تاريخ اليوم اللي طلعنا فيه واطبع بوستي وياريت الروج يكوون احمر على طرف ا لمندييل)

صدقيني بذي الحركااااات تحسسيه انك مقدرة طلعتك معاه وسعيدة بوجوده في حياتك *_*


والله يديم المحبة بينكم



وان شاء الله اكووووون افدتك

 

[قلب من الالماس]

خامسا واذا صار بالجهة المقابلة طيري له بوسااااات بالهواء<<الرجال يحبوا هالحركة @@

وقبل لاانسى لاتتكلمي معاه عن العيال ومشاكل البيت خلي هالاموووووور في بيتكم **


وسلااااااااامتك

 

[أترجة]

ومن حركااااااتي اكتب له على منديل المطعم (اليوم زوجي حبيبي عزمني على العشاء والاجواء بيننا كانت رومانسية الله لايحرمني منه صاحبي وزوجي وحبيبي واكتب تاريخ اليوم اللي طلعنا فيه واطبع بوستي وياريت الروج يكوون احمر على طرف ا لمندييل)

الحركة حلوة لكن ... المنديل تبع المطعم .. يعني مو حلوه يشوفنه :in_love:... وبعدين :santa_1: راح يولع :icon28:..
والليلة راح تنقلب من

إلى :a049:....لكن هذا ما يعني أن الفكرة موب حلوه ... لا بالعكس روووعة .... تسلمين حبوبه

 

[البسمة العذبة]

للرفع لزيادة الفائدة

 

[نهر العطاء]

جزاك الله خيرا أختي دلوعة على الموضوع لأني فعلا أحس بالحيرة فعلا في هذا الموضوع لأني بطبعي قليلة كلام
و الأمر الآخر أنني لابد أن أن أتطرق لمواضيع عن البيت و الأولاد لأن فرص الحديث بيننا قليلة فزوجي كثيرا ما يردد أنا الآن مشغول لا وقت لدي لأسمع الآن أو أنا أحتاج للتركيز - إما على الكمبيوتر أو لقراءة كتاب أو مجلة - لذلك أجدني أتحدث بذلك تلقائيا عندما تسنح لي مثل هذه الفرصة .
لكن سأحول أن أستفيد من تجاربكن و أفكاركن .

 

[أم الأمراء]

دلوعة المملكة شكرا على الموضوع

قلب من الالماس اله ينور عليك

اللبس ما يحتاج والطيب لكن

سواليف مافيه ابتسم ابين فرحتي الطلعة معه

طبعة صامت لاولا يحب كثر الكلام

عطونا يابنات مواضيع ممكن نتكلم فيها

معالزوج اذاطلعت مع زوجي مدري

تضيع السواليف ومع الناس اتصدر المجاس

انقهر جد00000

 

[شـتــاتـ]

موضوع حلو ومحتاجينه تشكرين عليه:c011: نفس الوضع أخت دلوعه أشتكي منه
أنشاءالله نستفيد منه أناعن نفسي ماعرف أعبرعن مشاعري:redface: حتى أذاحطيب في بالي أقول كلام وقتها يضيع مني وأرجع أسكت صرت طرمه :e076:

​

 

[على الله]

شكرا لكم . الموضوع من جد روعة .. بس بصراحة الزوج ما يعطي فرصة .. أو تلاقيه يتكلم عن أشياء من اهتماماته .. مثل قرائته لكتاب معين .. أو إعجابه بشخصية إسلامية .. أو يفتح المسجل على محاضرات ودروس .. كيف أجيب الكلام إللي يعجبه..

 

[umsarona]

والله صاجين حتى انا ما اعرف وش اقول بس اكثر شي نحش في اليهال والبيت بس في الاشياء الحلوه الي تضحك والمواقف الي تصير بين العيال وغيرتهم من بعض ونقارنها بنفسنا يوم كنا عيال صغار ومع خواتنا واخواننا كيف كنا .................. او مثلا عن الدوام والمواقف الي تصير في الدوام ................. واحيانا عن موضوع قريته في النت وعجبني ونتناقش فيه .......... بس رومنسيه ما في هي بصوب وانا بصوب خخخخخخخخخخخخ
الله يعين