خطيبي ما يصرف علي :( (أرجوج ناعمة ساعديني)

[نسمات الاصيل]

الله ييسر لك امورك

اما عـ المهر خلي ابوك او اخوك يتفاهم معاه من الناحيه هذي

انتي شغلتك الوحيده انك تشترين لنفسكاغراض العرس

والباقي كله عليه هو

اتمنى لك التوفيق

 

[EMoOo 4 EvEr]

حبيبتي لازم هوا يعرق مسؤليتوو
لازم تعرفيه من دحين ولا بعدين بيحطلك كل المسؤليه عليكي ان كان البيت

والمصرووف والطلبات حقت البيت

والعيال ازا ربي رزقكم

لا تستعجلي بالزواج..

 

[m!ss pink]

هلا فيكي اختي

انا بصراحه اشوف انك تسكتييييين بالمررررره ولا تجيبين طاري الموضوع نهائيا لما تكلمينه

بس طبعا تجهزي للزواج من راتبك

وبعد كذا اذا هوه حدد الزواج قوليله معليش انتا ماعطيتني فلوس عشان اجهز للزواج وبكذا اتوقع راح تنحل ان شاء الله

ولاتنسي ياقلبو انو هوه وراه اهل واكيد يزنون عليه .... يعني انتي تطمني وانسي السالفه

يارب يختار لك مافيه الخير ويسخره لكي ويسخرك له

 

[تعبت جراح]

عزيزتي مشكلتك نفس شكلتي
قعدنا سنة من بعد الملكة وهو كل شوي الشهر الجاي
والشهر الجاي وحتى المهر اخذته بالقطارة
عانيت نفسيا والله لان زوجي الله يهداه اتكالي وهذي التربية
لها دور اذا اهله معودينه كل شي يسونه له وكل شي يجيه جاهر
يجي على بنت الناس ويتعبها
بس زوجي كان مهتم بتجهيز البيت وخصوصا غرفة النوم (متحمس الاخ)
وانا طبعا طلعت روحي وانا اجهز الزواج حتى عشا الرجال
انا اللي اتفقت ونسقت
وبصراحة صعب جدا انك تلاقي انسان كامل المواصفات
ولو قعدت الوحدة تدور الكمال في الرجال بيروح عمرها
وعلى حسب تحلليلي
زوجك جنوبي غربي المماطلة والتأجيل مملة لدرجة انك تحسي انه مايبيك ويذلك
ومااعتقد تأخيره بسبب البخل
لانه اكيد لما جا يطلبك .. اهللك اتفقو معاه على قيمة المهر والتكاليف ووافق عليها لو بخيل بيقول كثير ويدور على وحدة غيرك طلباتها اقل
والمماطلة سببها هو انه لسه يسعى لتوفير المبلغ
مشكلة هالشخصية
انه اذا توفر معاه مبلغ صغير مايوفره
يعني مثلا لو بياخذ ساعة بثلاث الاف ريال والمبلغ موجود وياه بيشتري الساعة
مابيقول احطها على جنب وازيد عليها لان وراي زواج
يبي المبلغ يجيه كاااااااامل حق القاعة كاامل وحق البيت كاامل
مايحب شي اسمه اجمع مبلغ على مبلغ حتى
اشتري كذا واسوي كذا
قاعدته هو اصرف مافي الجيب يأتيك مافي الغيب

الحل
انا زوجي اكبر مماطل وماعطاني المهر الا لما ابوي سفط الخجل على جنب
وقاااااااله رايح جاي
تشوف البنت ولسا ماعطيتها مهرها(طبعا ذكرت في كلامي اني اخذت مهري بالقطارة
لاني عطيته المهر للاسف من دون مايدري ابوي فجأة جاله ظرف وعطيته مبادرة مني من دون مايطلب
يعني وقفت معااه
وطبعا تعذبت بعدها وعطاني بالقطارة وهذي غلطة انتبهي تغلطين نفس غلطتي


يبيله اهلك يكلمونه ويحسسونه انه بيفقدك لو تأخر اكثر وانهم صبروا عليه كفاااية
ركض بتلاقينه دبر عمره حتى لو دين ودفع مهرك وانتي الافضل انك تسكتينخليها على ابووك وبالنسبة للبيت(طبعا بعد ماتاخذين مهرك) هونيها قوليله مابياخذ وقت
وانك عارفة الاماكن والموديلات
اللي تحبيها اسبوع وانشالله شقتنا جاهزة
وقسميها بينكم مثلا المكيفات عليك تبدأبها اول ومثلا علي اختار المجلس وادوات المطبخ
اماغرفة النوم لازم نخرج سوى ونختارها بالمكان الفلاني

انتي حاولي تعرفين الاماكن اللي فيها ذوقك لان اغلب الرجال يكرهون الدوران
ممكن تروحين مع امك وتختارين كم غرفة وتقولين له وش رايك بهذي وبهذي
وخليه يساعدك بالاختيار
والله يعينك ويقويك ويهديه لك


​

 

[قطـــــريه]

يالله كانك تتكلمين عن معاناتي بس انا اكثر منك
تخيلي معي انا مخطوبة من سنتين كلام ومن 8 مملكة وللان لا موعد محدد للزواج ولا مهر اندفع كامل باقي منه جزء ماجا
تعبت منه قرفني في حياتي يبي مكالمات وبس احس احيانا انه يتسلى هو ولد خالي وكبير عمرة 30 لكن والله قرف بمعنى الكلمة مرة يسدد عن اخوه قروض وهو عليه قرض بعد مدلع اهله ع الاخر عايلتهم كبيرة اول ما يجي من السفر بس يسحبون فلوسه وهو ما يتكلم اقول حدد موعد الزواج هات المهر يقول ربك ييسرها
عصبت وبكيت مع نفسي طبعا وغيرت معاملتي 180 درجة ومدري تنفعك طريقتي والا لا المكالمات ما عاد ارد الامرة و10 دقايق او اقل الكلمة ورد غطاها قال اش فيك ليش متضايقة قلت ماني متضايقة بس اللي ما يعز نفسة محد يعزه ونا بعز نفسي وبدلعها ع الاخر ونا بالجامعة واخر سنه عندي مشروع تخرج ومشغوله فيه ولا عندي وقت اضيعه استغرب من كلامي وحسيت زاد يطاردني بس انا ولا كاني حاسة وكلما رديت قلت له اني مبسوطة وابين له اني اضحك احسة ينقهر اني مبسوطة بدونه قلت له تحبني تبغاني تعرف توصل (اللي يحبك يدل خدك) باختصار جمديه خلية ولا تسالينه عن شي انشغلي بعملك ولا تردين على كل مكالماته الين يسير زي الاوادم ويحدد موعد للزواج ويعطيك اللي تبغينه الله يصبرنا عليهم

تصرفج سليم 100% أتفق معاج فيه وياريت تسوين نفسها ..

 

[الامومه]

والله ياعسل المعروف العريس يتكفل بكل شي
بالتوفق يارب

 

[احاسيس منسيه]

والله انا بعد مثلك بس انا عطاني فلوس المهر والزهبه وخلى كل شي علي..
وجهزت حفلة الملجه حجزت كل شي انا واخواني ويوم ياا وقت الدفع قال ادفعي من عندك وبعدين بردها والى يومك هذاا ما شفت شي مع انه صار لنا 6 شهور من مالجين..طبعاً العرس تم يماطل وكل يوم يقول باااجر ..وانا رجعت سويت نفس الحركه الغبيه سرت وسألت وحجزت القاعه مع اخواني بس يووم ياا وقت الدفع قال لي نفس الشي دفعي وبعدين بردها..عاد هني ما عديتها له وصارت سالفه عوده ولاول مره اعاتبه من هالنااااحيه..طبعاً وصل الموضوووع للطلاااق بس ولله الحمد عدى الموقف وعرف غلطته وانا عشااان ادبه وادرسه عدل اجلت العرس لاجازت الصيف مع انه كان يباها ع شهر واااحد..وعلى فكره طلع سبب مماطلة زوجي انه ما عنده فلوووس وانه كان مديوون بس ما حب يقولولي..وهو مب من النوع اللي يحب السلفيااات..المهم عقب هالسالفه على طوول بنفسه رااح وحجز ودفع المقدم..وتغير شوي ..بس بعده فلوس الملجه ماردها لي ..حاطه في بالي اكلمه هالاياام لان الريااايييل يبون الوحده تقطها في وجهم ومايحبوون اللف والدوراااان

 

[ام فراااس]

باالاول الف مبرووووك وربي يتمم لك على خير ان شاءالله
:icon26::icon26:​

ثانيا من ناحية قصتك ومعاناتك انا مريت بنفس الظروف القاهرة بس بمواقف ثاااااااانية ​

امر وادهي // وكان اعظمها تاجيل زواجنا لاجل غييير مسمى
:sadwalk::tears:​

حبيبتي انا عن تجربة سويت هالشئ وحسيت ان في بصيص امل من الحركة من ناحيته​

مثلا تركت الحبل على القارب:thumbdown:​

يعني لما تعبت من كثر متى ومتى وصار لنا كذا وابقيك تتحرك كان ردة فعله تضايقني​

ايش اللي سويته :busted_red:
تركته على هوااه​

لااسال ومطنشة على االاخر:harhar1:​

والله اهو اللي بالواجهة المفروض حسب ظروف عاداتنا وتقاليدنا ​

الزوج اللي يركض ورى المرة يحدد موعد الزواج ، يراكض وراى التجهيزات كل شي يسويه ​

لكن انتي الان اللي تسوينه انك تقومين بادوراه ومحسسته باهالشئ
حاولي تتركين مسؤولياته له:essen:
سكتي ولاتتكلمين بالموضوع فترة واصبري تحلي بالصبر كثر ماتقدرين:fish:​

لاتقولين تعال احجز ولامتى بنتزوج خليه يعالج اموره بنفسه وان شاءالله راح ينطق بالبداية
ويبدأ يتكلم بالموضوع بعديا بتشوفين نتايج حلوووووة​

انا عن نفسي طبقتها والحمدلله للان ترى اطبق واشوف نتايج حلوووة​

يجي مثلا يقولي تعالي غسلي الشقة اقولها لا اهلي مايقبلون
يقولي تعالي نختار كذا وكذا
طبعا لما راح يعتمد علي عرفي كل شي
راح يتعطل ويتاجل ليش لان روحي مع اهلك خلي اهلك ​

اقوله لا انت اختار ذوقك حلوووووووو​

انا مااقولج سوي مثلي بس لماتعبت من المماطلة وان يلقي مسؤلياته علي​

قلت خل اخلي كل شي عليه عشان اريح باالااالي​

وسلامتج يالغالية ان شاءالله تشوفين لك حل واحتمال زوجك
نمطه جنوبي شرقي لان اغلب هالنوعيات​

يتصفون باهالصفة:surrender:​

دمتي بوووووود:blush-anim-cl:​

أنا مع أختي أنهار الحياه وبقوة:icon31::icon30:

 

[ديالا2]

برأيي لا تستعجلي لا بالعرس ولا بشي وأعيدي النظر في خطيبك ولا تفرحي لأنك حتتزوجي لأ فكري كويس وخاصة بمسألة البخل اتاكدي من هالموضوع وخلي أهلك يسالو عليه
في العجله الندامة .............

 

[طموحة دائما]

بنات الريال ماشاء الله عليه طيب وحنون وملتزم وكريم .. بس بحدود الكرم... لكن هو ملتزم ويا أهله وايد ,انا أباه يحس إني أنا زوجته .. وراها مصاريف وبلاوي... بس هو حياته كلها دوام مزرعة ... الحين يقول لي مشتاق لج بس أنا أسوي له بو لباس... أقول أنا بطلع وأنا مشغولة .. بخليه يطفر عقب بقوله ما باك تشوفني لين ما تنجز شي من الأشياء.. لأني أنا مليت بعد .....وأهلي يتكلمون ....

 

[طموحة دائما]

اب

اب

اب

 

[ضحيةالظروف]

اختي بصراحه لا تصبري ابي اقلك شي الي الي هاذى اوله ينعاف تاليه,,,,
وين عقد الزوج لازم ذهب ولا زم ولا زم
الرجال ترى اذى انتيمطلبتي بصريح العباره صدقيني راح يتمادى الى ابعد درجه...
بس النوعيه هاذي عارفتها اذ طلبتي منه راح يتركك........... صدقيني

 

[طموحة دائما]

اب

اب

اب

 

[طموحة دائما]

اب

أريد أشوف بعد آراء وتجارب بليييييييييييز بنات ساعدوني...

 

[Um Jawdat]

احكي لأختك تحكي لزوجها وهو يحكيله ان لازم يتحرك من الآن عشان ما يتأخر العرس (حفل الزواج)
وحبيبتي مش غلط الوحدة تطلب من زوجها فلوس عشان جهازها وزي ما وصوكي الصبايا ما تحددي موعد الزفاف لحين ما تخلصي من الجهاز كاملاً
وخطيبك مجبور يصرف عليكي حتى لو انتي بتشتغلي
قوليلو ان عليكي دين وعم بتسديه من راتبك او الفلوس بتساعدي فيها اهلك او او او (اخترعي)

 

[@سجايا@]

الله يفرج همج ويهديه

حبيبتي شكله الريال متعلق كثير بأهله
ونصيحتي أنج تتقربين أكثر منهم وخاصة أمه
روحي لها البيت .. أشتري لها هدايا
خليها تحبج ... ومع الوقت روحي عند خواته
و أكسبيهم صدقيني راح تكسبينه
و لاتكلمينه او شي عن موضوع ازواج وغيره
حاولي تكونين قريبة وايد من الشخص الي هو يحبه ويسمع كلامه يعني مثلا امه او اخته الكبيرة
طبعا راح تواجهين صعوبة بس نصيحتي صبري وتحملي
لأن هذا يحتاج اقل شي شهرين

خلينا نشوف شطارتج

 

[سلة خوخ]

بيزات الزهبة من حقك أوكي

بس الهدايا مو إلزامية ياحبيبتي

لاتلزميه بهدايا وتطلبي منه ,, لأنها موبحلوة يعطيك هدايا بالطلب

وبعدين كل رجل له أسلوب في التعبير عن إهتمامه مو بشرط تكون بالهدايا

وإذا إنتي عمرك 27 وحافظة قرآن وأخلاقك عالية لاتدققين على موضوع الهدايا ,, كثير رجال مايعبرون لزوجاتهم بالهدايا ..
ويمكن هو منحرج منك عشانكم لسه مخطوبين .. زوجي كان هيك فترة الخطوبة

ربي يسهل لك ويتمم زواجك على خير

 

[طموحة دائما]

أنا مب مخطوبة لا

عقد علينا القران خلاص....

يعني زوجة ما دخل عليها

وأنا ما أفكر بالهدايا لا والله

بس أبا أحس إن يهتم فيني.. ولو بشي بسيط جدا ولو وردة....

مب لأني أدقق أو لا ... بس في أشياء تحسس الحرمة إنها كل شي بالنسبة له....