خطيبي ما يصرف علي :( (أرجوج ناعمة ساعديني)

[طموحة دائما]

السلام عليكم ورحمة الله وبركاته ...​

خواتي سيدات مملكة بلقيس... أنا سعيدة جدا إني سجلت في المنتدى ... وكنت بس أقرا المواضيع وعاجبتني وايد والله خصوصا قسم الديكور... المهم ما بقولكم قصة حياتي وكيف دخلت... بس عندي موضوع مؤرقني وايد.... وااايد... ساعدوني قبل ما أدخل الحياة الزوجية جد...​

أنا الغاليات عمري 27سنة وما تزجت ... كلما يخطبني واحد ما يستوي نصيب... وأنا ولله الحمد جميلة بجسمي وشكلي وشعري... والحمدالله معروفة بطيبتي وإجتماعية وايد ... وفيني مواصفات كل ريال يتناها أف زوجته ... مب جمالية لا .... خصوصا في هالزمان والله الحمد والمنة...المهم كنت أنخطب من كان عمري 16 سنة ... من أهلي وغرباء ... بس الله مب رايد لي الزواج من أي حد منهم....والحمدالله...​

المهم كملت دراستي الجامعية وتوظفت ... بفضل الله ومنته علي... وفكرت في حياتي الآخروية ... ورحفت تحفيظ القران ... كنت طول عمري أستغفر وأدعي الله يسترني ويبعد عني أولاد الحرام... وطول ما أنا في دورة التحفيظ أرفع يدي وأدعي... لين ما قال لي زوج إختي في واحد يباج زوجة له ... واستوت قصة لين ما شافني وشفته وملجنا.....والحمدالله...​

الحين صار لي شهرين مالجة ... وما حددنا موعد الزواج ... ولا عطاني بيزات الزهبة... ما يتصل لي إلا نادر .. دائما يشتغل لأهله .. وأنا مايسوي ي شي مولية .. حتى هدايا ما يعطيني... إيزورني كل أسبوع .. بس ما يسوي لي الهدايا ... صح أنا أشتغل بس بعد المفروض يعطيني شي... صح ولا أنا غلطانة؟أبا أحس إني زوجته ... متى.. صارحته وصحت مرة مب عسب الهدايا لا قلت له ... أريد أحس إني زوجتك ... وتسأل عني ....​

قلت له فلان وابدلع أبا بيزات الزهبة ... الحين كل شي أسعاره نازلة كل مرة يقول لي إن شاء الله إن شاء الله بس ما يتحرك... أقوله فلان أنا إتصلت على القاعة الفلانية ... قالوا سعره جي وعليها عروضات .. قال لي إن شاء الله اليوم بنسير العصر... عقب إتصلت به جان يقول روحي إسألي عن كل شي ... واحجزي وادفعي العربون وأنا بعطيج بعدين...قلت له لا ... كيف أسير بروحي ... هذا عرسنا ... مب عرسي بروحي... إنت بس تخدم أهلك وأنا خطيبتك وزوجتك ما أسوي لي شي ليش ليش... قال إن شاء الله كالعاده ...بس مارحت ...ورحت دبي اشرا للزهبة برغم إني ما عندي بيزات بدون علمه أشرا... بس مقهورة والله مقورة ... ما أعرف كيف أقول له...شي يضايق صراحة .. كله مجرد كلام في كلام ... ما يبدأ أي خطوة ... قال لي حددي تاريخ 30-4-2010وبالفعل حددت وياهم وهم يبون تأكيد ولازم نكون عندهم
أنا مضايقة ما أعرف كيف أطلب بيزات الزهبة ...
شي يحرج والله ...:sadwalk:
شو اتقولون إنتوا ... وشو تقولين يا ناعمة .. شو أسوي .. كيف أخليه يبدأ بخطواته الأولى عسب يحس إني أنا زوجته ولها حق إن يصرف عليها....؟ كيف أحجز كيف أخلي يسوي كل الأمور هو ما يتكل علي... هو يعرف إني مبدعة وطموحة وحركية .. وأنا ما أبا يعتمد علي كلية ..ساعدوني يا بنات وردوا علي وخبروني بخبراتكم الله يخليكم ... أنا مقبلة على الزواج ولازم أتعلم ... قبل ما أتأزم....
الريال طيب حنون وهادي ... ملتزم .. محافظ ... ​

 

[امبراطورةالرياض]

لا تحددين الزواج لين يتعدل حاله ويعرف انه راح تكون عنده زوجه ومسول عنه والا راح تتعبين اذا تزوجتي

واذا جاك اعيال رح تندمين اذا كان هذا اوله ينعاف تاليه

وهذا ينطبق عليه المثل <<الكتاب باين من عنونه <<باين انه بخيل من اوله وماعنده استعداد يتحمل

المسوليه

 

[طموحة دائما]

أشكرج على الرد... وينكم بنات؟

 

[انهار الحياة]

باالاول الف مبرووووك وربي يتمم لك على خير ان شاءالله
:icon26::icon26:

ثانيا من ناحية قصتك ومعاناتك انا مريت بنفس الظروف القاهرة بس بمواقف ثاااااااانية

امر وادهي // وكان اعظمها تاجيل زواجنا لاجل غييير مسمى
:sadwalk::tears:

حبيبتي انا عن تجربة سويت هالشئ وحسيت ان في بصيص امل من الحركة من ناحيته


مثلا تركت الحبل على القارب:thumbdown:

يعني لما تعبت من كثر متى ومتى وصار لنا كذا وابقيك تتحرك كان ردة فعله تضايقني

ايش اللي سويته :busted_red:
تركته على هوااه


لااسال ومطنشة على االاخر:harhar1:

والله اهو اللي بالواجهة المفروض حسب ظروف عاداتنا وتقاليدنا


الزوج اللي يركض ورى المرة يحدد موعد الزواج ، يراكض وراى التجهيزات كل شي يسويه

لكن انتي الان اللي تسوينه انك تقومين بادوراه ومحسسته باهالشئ
حاولي تتركين مسؤولياته له:essen:
سكتي ولاتتكلمين بالموضوع فترة واصبري تحلي بالصبر كثر ماتقدرين:fish:

لاتقولين تعال احجز ولامتى بنتزوج خليه يعالج اموره بنفسه وان شاءالله راح ينطق بالبداية
ويبدأ يتكلم بالموضوع بعديا بتشوفين نتايج حلوووووة


انا عن نفسي طبقتها والحمدلله للان ترى اطبق واشوف نتايج حلوووة

يجي مثلا يقولي تعالي غسلي الشقة اقولها لا اهلي مايقبلون
يقولي تعالي نختار كذا وكذا
طبعا لما راح يعتمد علي عرفي كل شي
راح يتعطل ويتاجل ليش لان روحي مع اهلك خلي اهلك

اقوله لا انت اختار ذوقك حلوووووووو

انا مااقولج سوي مثلي بس لماتعبت من المماطلة وان يلقي مسؤلياته علي

قلت خل اخلي كل شي عليه عشان اريح باالااالي

وسلامتج يالغالية ان شاءالله تشوفين لك حل واحتمال زوجك
نمطه جنوبي شرقي لان اغلب هالنوعيات

يتصفون باهالصفة:surrender:

دمتي بوووووود:blush-anim-cl:
​

 

[حافيه القدمين]

لا تتجهزين لين يحجز بعدين يمكن مايصير شيء .. لا شفتيه دافع روحي تجهزي ,,,

انتبهي ,,,

ومن ناحيه القاعه خلي ابوك ولا اخوانك يكلمونه .. يقولون خير البر عاجله .. ويلا احجز خلنا نعرف من ارضنا وسمانا,,,

ومنها البنت تستعد,,,وأنت لا تتكلمين,,

 

[طموحة دائما]

كلامكم صحيح..
وأنا بالفعل ... حاليا بسكت .. وأنا الحين جهزت بعض الأشياء لأن في تنزيلات يعني دفعت من جيبي 1000 درهم حاليا ... بس خلاص .. ما بسوي شي موليه....ولا بتحرك درجة وحدة .... بعيش حياتي مرتاحة ....
وهو عليه كل شي... بس أخاف يماطل بعد....باجر لزم إييه بيتنا بس أنا بقول له أنا معزومة بيت خالتي....
ما أبا أيلس وياه... أحبه ... بس خلاص أبتعد أحسن لين ما يسوي شي واحد عشاني...

 

[طموحة دائما]

مقترحات اكثر من فضلكم

 

[النوني]

uuuuuuuup

 

[طموحة دائما]

فووووووووووووووووووووووووووووق

محتاجة لكم والله

 

[أحب حبك]

حبيبتي خلي ولي امرك امك ولا ابوك
يكلمونه عشان الفلوس
اكيد راح يستحي ويعطيك الفلوس
ومبارك عليك
وباذن الله خيره لك
يمكن اهو مو بخل بس عدم اهتمام ومبالاه

 

[reem ahmad]

ياربك سترك والله المشكله عند الكل مو عندي لوحدي
انا ممكله من سنه وتسعه شهور وشكلي بكمل السنتين >>>> ياجبار اجبر بخاطري
انا تقريبا سويت مثلكم وما رديت على اتصالته من تسعه شهور بس اذا ارسل مسج رديت ويكون في مناسبه غير اني امس حسيت نفسي مضااايقه وايد رحت رسلت له رساله وانتظرت ساعه بس ما رد والله انقهرت واااايد والى الان حس ولا مسج كمان

والله هذولي الرجاجيل ما جابوا لنا غير الهم قبل وقته

الحمد لله على كل حال

ويارب يسهل لنا ولكم الخير

 

[طموحة دائما]

الله يسامحهم .......يالله اكتبوا بنات.. خلونا نفيد ونستفيد

 

[سالي تو]

الله يعينك عليه

 

[القمر المنير200]

شوفي حبيبتي لاتعلمينه أنك أنتي اللي تدفعين
إذا قالك دفعي و أعطيك بعدين يعني مايبي يعطيك
إذا قال قولي ماعندي أنت الملزوم تصرف علي
حتى وان كنتي تشتغلين ملزوم هو اللي يعطيك ولا ليش يتزوج اللي يبي يتزوج يتحمل المصاريف مو لعبة
ولا تقولين له متى بتحدد ولا عطني خلي ابوك ولا احد اخوانك يكلمه

 

[نعومه حيل]

الله يعينك وييسر لك وكل فتاااااااه

تقبلي ودي قبل ردي

 

[توباز]

ليكون بخيل ؟؟!!

وجتى لو بخيل محد يعرس ببلاش واللي ماعنده يدفع لا يبهدل بنات الناس


خلي الرياييل يتفقون وياه ع كل شي .. لا تستهينون فهالشي تراه زواج مب لعبة

يمكن شاف محد رمسه قال بيرضون باي شي

واختي فكري عدل واستخيري

ولا للتنازلااااات .. ماشي يجبرج تتنازلين عن حقوقج .. هذا حق

واللي مايستحي منك لا تستحي منه


وبعدين روحج قلتي مواصفاتج انتي ماينقصج ولا يعيبج شي عسب تتبهدلين

الله يهدي النفوس وبالتوفيج

 

[الوفية لزوجها]

حبيبتىانت لازم تتاكدى من طبعو هذا وهذه الاتكالية ليست جيدة للحياة الزوجية لازم تحددى معاه مستقبلك المالى يعنى تتفاهمو كيف تنفقون المال وكيف تتشاركون مع بعض من الان باين من كلامك انه اتكالى كثير لهذا تصرفي من الان والزميه بهذا فانت مسؤولة منو ولو لك دخل والتفاهم هو الحل وانبهك ان تضعيه تحت الاختبار يعنى تشوفي درجة بخله او ممكن عندو اعذار ربي يوفقك الى ما فيه الخير على فكرة خليه هو يتحمل المسؤولية من الان وساعديه ان كان يحتاج مساعدة

 

[طموحة دائما]

مشكورين يابنات

بعطيه مهلة لين 15-1-2010

وبعدين ببدأ ألح عليه

 

[salmaa]

تلحي عليه؟ ليه
بالله عليك مين اللي يجري ورا التاني
الرجل ام المراه
بقولك نصيحه
لاتتنازلي ولا تلحي وحبي نفسك اكتر منه
لان الرجال ينسون التضحيات والتنازلات
واللي تلح تكون رخيصه (اسفه)
حبيبتي عزي نفسك واقولك زوجك علي ماتعوديه واذا الان رامي المسئوليه اما بعد ماتجيبوا عيال بيخليك تشحتي عليهم
لا والف لا
جلوسك في بيت اهلك اكرم بكتير من زواج بدون كرامه
هذه حياه العمر كله لاتتهاوني وياخدك الشوق وترجعي تندمي
صدقيني لو حطيتي زوجك فوق راسك ما هيشوفك
اعملي لنفسك قيمه حتي يعرف ان زوجته تستاهل يتعب عليها
لاتتصلي بيه وان كلمك ردي من تالت رنه وسيبيه يتحدث وكلامك كلمتين وبس لاحب ولا شوق
ولا تفتحي سيره الزواج كانكم لسه مخطوبين
واشغلي نفسك بحالك ولمحيله انك هتتركي الوظيفه عشان تتاكدي من نيته هو طمعان بوظيفتك ولا يحبك انت
ارجوك لا تلحي اعطيه فرصه ليثبت حبه وان فشل فيكون لايستاهلك
ان لم تسمعي كلامي والله انا متاكده انك ستندمين في يوم من الايام
الله يقويك

 

[صبا بردى]

تلحي عليه؟ ليه
بالله عليك مين اللي يجري ورا التاني
الرجل ام المراه
بقولك نصيحه
لاتتنازلي ولا تلحي وحبي نفسك اكتر منه
لان الرجال ينسون التضحيات والتنازلات
واللي تلح تكون رخيصه (اسفه)
حبيبتي عزي نفسك واقولك زوجك علي ماتعوديه واذا الان رامي المسئوليه اما بعد ماتجيبوا عيال بيخليك تشحتي عليهم
لا والف لا
جلوسك في بيت اهلك اكرم بكتير من زواج بدون كرامه
هذه حياه العمر كله لاتتهاوني وياخدك الشوق وترجعي تندمي
صدقيني لو حطيتي زوجك فوق راسك ما هيشوفك
اعملي لنفسك قيمه حتي يعرف ان زوجته تستاهل يتعب عليها
لاتتصلي بيه وان كلمك ردي من تالت رنه وسيبيه يتحدث وكلامك كلمتين وبس لاحب ولا شوق
ولا تفتحي سيره الزواج كانكم لسه مخطوبين
واشغلي نفسك بحالك ولمحيله انك هتتركي الوظيفه عشان تتاكدي من نيته هو طمعان بوظيفتك ولا يحبك انت
ارجوك لا تلحي اعطيه فرصه ليثبت حبه وان فشل فيكون لايستاهلك
ان لم تسمعي كلامي والله انا متاكده انك ستندمين في يوم من الايام
الله يقويك

أنامع سلمى والله ييسرلك ويكتب لك اللي فيه الخير