خطيبي اهانني

[اخت رجااااال]

مرحبا صبايا هذي اول مشاركه لي واتمنى تساعدوني انا مخطوبه<متملكه> من سنه وخطيبي عفش لابعد درجه ومايعرف يتعامل مع الجنس الناعم ابد المهم اليوم دق علي يبي يقولي انه يبي ينقل من مكان عمله الى قريه اهله بحجه ان الحياه صعبه في المدينه وماراح يقدر ع المصاريف المهم انا رفضت وقلته ليش تغير رايك وحنا متفقين من البدايه انه نعيش في المدينه وان الضروف الماديه راح نقدر نتغلب عليها المهم قالي فكري واعطيني خبر المهم انا عارفه انا هذا مو رايه بس متاثر بكلام ابوه المهم رديت عليه وقلتله انا رافضه وعشان احاصره قلت عادي انا ابي نبني حياتنا من الصفر وعندي استعداد اني اتحمل ضروفك رغم اني مالي ذنب<هو عنده ديون ماخذها عشان اهله>فقالي خلاص تعيشين معي ولا تفتحين فمك بكلمه ولا اسمعك تقولين ابي الشي الفلاني وترضين بغرفه وحمام <يقصد بيستاجر شقه صغيرونه> بصراحه انا ماحبيت طريقه كلامه معي وقلت لوسمحت لاتتكلم معي بهالطريقه............................... طبعا لو اهلي يدرون انه قالي كذا ماراح يخلوني ع ذمه ثانيه وحده اذا من الحين هذا كلامه وش يبي يقولي بعد الزواج ابي ارائكم بصراحه احس مجروحه من كلامه الوحده في فتره الخطوبه تعيش انواع الدلع والاهتمام ويوعدها خطيبها انه راح يعيشها احلى عيشه واحلام ورديه وانا جالس يقولي تحملي اللي يجيك وكانه متمنن علي وبصراحه انا وحيده اهلي البنت الوحيده بين اربع شباب وتعودت على العز والدلال ومابي احمل هم الحياه من الحين اسفه ع الاطاله اللي عنده حل يقوله واللي ماعنده حل لا يبخل بدعوه وشكررررررا.....

 

[وحيده في دنياي]

نصيحتي لازم تخبرين امك
لان اذا رحت وحطلك شي رمو زين بيقول انا قلت لك
ساعتها حتى اهلك ماراح يقدرون يتصرون

والله يفرج همك

 

[الـحـرهـ]

بنت رجاااال مسميه نفسك يعني ماشاء الله راح تكوني خير عونله في الحياه

المهم

ازعلي منه وطنشيه ومدامه من القريه خلاص هم تعاملهم كذا

 

[moon shadow]

استخيري ياعزيزتي اكثر
وربي ييسر لك الخير وين ماكان

 

[مييسو]

لا حبيبتي نصيحة انتي توك عالبر ضرورري تعلمي اهلك يمكن لهم راي ثاني

 

[اخت رجااااال]

شكرا لك اللي ردوا علي انا واثقه انه يحبني بس مشكلته يسمع لاهله حيييييييييييييييييل وانا اخاف من هالشي احب ان يكون له شخصيه مستقله واحترررررررت وربي دعواتكم

 

[انثى خلوقه]

ياعمري الحب مايكفي, وش فايدة الحب من غير احترام,علمي اهلك احسن لك وخاصة اخوانك لان الرجال ادرى بنفسيات بعض

 

[روحي واو]

يآقلبي أنتو الحين بالبـدآيه وتقدرون تحلون هـ الاشكآليه من دون وجع رأس

يـآ انك تخبرين هلـك ., يـآانه تصآرحينه بمخآوفك .,

لانه اذا هالحكي يقوله الحين تحملي ولاتطلبين ., وش بقى لمآ تكون معه بالبيت .,؟

الله يعيـنك

 

[اخت رجااااال]

اختي روحي واو ممكن اكلمك ع الخاص

 

[دانة الشام]

في نوعية من الرجال صريحين زيادة على اللزوم وواقعيين يعني خطيبك بدو يخليكي تشوفي واقعه من البداية ماناوي يعيشك بأحلام ورومانس ويعطيكي وعود كاذبة من البداية وهو أكثر شخص عارف أنه مابيقدر يحققها ...اذا عنده إيجابيات حاسة ممكن تتعايشي معها وتركزي عليها وتتغاضي عن أسلوب حياته واذا عندك استعداد للتضحية بالكماليات والاستغناء عن بعض الرفاهية يلي كنتي عايشتيها عند أهلك اتوكلي على ربك واكملي معه لأن كل حياة بل بداية صعبة وبإذن الله تنفرج أموره ويقضي كل ديونه ....أو استخيري أكثر وشاوري أهلك حتى لاتظلميه ولايظلمك ...وربي يخترلك الخيييييييييييير..

 

[فقيره حظ]

الله يفرج همك

 

[نضوج أنثى]

الحب لوحده مايكفي ياقلبي خطيبك ماغلط بشي تبينه يعيشك بأحلام ورديه ووهم وهو ماعنده امكانيه الحب ماراح يعيشك وخاصة انك متعوده على العز والدلال والترفيه صدقيني ماراح تتحملين استخيري ولا تخبي على اهلك انا ماحرضك بس اتكلم بواقعيه الماده مره مهمه

 

[شوق دوعه]

مدري صراااحة هو عفش
اذا كان كرييم مالك الا الصبر لاكن ان كان بخيل انحاشي

 

[فازل]

مدام يسمع كلام اهله فحيجي يوم يسمع كلامك بأذن الله بعد مايحس بطيبتك واخلاقك وشوفيه اولها سمع كلامك ومانقل للقريه
ومن قالك ان المملكين كل بينهم رومانسيات والكثير منهم بس كلام بس قولي الحمد لله ان زوجك صريح معك وماحاول يعييشك في خيالات وبعدين تنصدميين في الواقع وانا اتوقع قالك كذا عشان يجبرك ع الموافقه لا اقل ولا اكثر بس انتي اصري ع كلامك بالسكن وحدك في المدينه و لا اوصيك بالدلع والسنع
وفي رجااال كثير مايعرف للرومانسيه بس اذا تزوجتي علميه حبه حبه

فازل​

 

[لروووو]

حبيبتي اذا بديتي حياتك با التنازل راح تقضي حياتك كذا وانتي متعودة على حياة المدينة تقدري تعيشي في قرية
وعلى فكرةسكنتي في بيت ضيق راح تقضي بقيت حياتك كذا
من البداية يكون رجال ويامن حياتك تمام وبينك وبينة فهمية على طلباتك واذا حسيتي انة ماراح يفهم خلية يجي ويقول لاهلك وانتي بيني لهم وجة نظرك ولاتتساهلي هذي حياة

 

[الدنيا صعبة]

انا مع البلقيسيات ..
بلغي اهلك عزيزتي ......
..
لروووو
كلامها عين العقل

 

[فجرا جديد]

حبيبتي مالك غير تكلمين اهلك وهم يتصرفون معاه ياخذون عليه تعهد ما ينقل من المدينه ومن حقك تسكنين في شقه 3 غرف

لانه ممكن دحين يسكتك وبعد الزواج غصبا عنك ينقلك للقريه واذا اتكلمتي بعدين يقول هي تدري بكل شي

حبيبتي فتره الخطوبه فتره تعارف ووضع النقط على الحروف مو فتره حب وخرابيط وتنازلات لان اي تنازل الحين بأثر عليك بعد الزواج

الله يوفقك ويكتبلك الخير وين ما كان

 

[أرجواان]

لاتفكرين بقلبك فكري بقلك

في شئ يخليك تستغنين عن الرفاهيه اللي عند اهلك
يعني هو اخلاقه تمام
طيب كريم حنون حلو شئ مثل كذا متدين اللخ

وانتي شوفي ايجابيته وسلبياته واستخيري وافضل ان امك تدري عن كلامه اللي قاله فديتك
وربي يوفقك في حياتك

 

[أماني بونفور]

عزيزتي ممكن خطيبك يعيش ضغط مادي رهيب و هذا ما أثر على تعامله معك كلميه بهدوء و حاولا التفاهم على أمور بمودة و محبة و الله الموفق

 

[حزن وحزن]

عزيزتي ممكن خطيبك يعيش ضغط مادي رهيب و هذا ما أثر على تعامله معك كلميه بهدوء و حاولا التفاهم على أمور بمودة و محبة و الله الموفق

السالفه لها ست سنوات يااختي اكيد اللع وفقها ان شالله وتزوجت