حملت وبنتي عمرها خمس شهور..

[الأمل]

السلام عليكم خواتي..

ما لقيت حد افضفضله إلا انتم... الله لا يحرمني منكم...

توني مربيه شهر8.. ببنوتي العسل... طبعاً ثاني طفل عندي ولد.. الحمد لله

طبعاً متنت... بطني ترهل... جسمي تعبان... وتفاجأت بألم مبرح بالظهر من أدنى مجهود قبل شهر تقريباً... وآلام دوره.. وبعض الافرازات المائلة للون الأحمر...

رحت العياده ومب على بالي الحمل أبد... لأنه ولدي يوم يبته تمت عندي مناعة طبيعيه أكثر عن سنه بسبب الرضاعه الطبيعيه...

المهم فجأه تقولي الدكتورة.... ما شاااااااء الله.. انتي حامل :shiny: وأنا!! :tears: :no:

تفاجأت.. انصدمت... سطلت... أقول لها صج صج دكتورة لا تمزحين... وهي تضحك

المهم ... الحمد لله على ما أعطى... وقالتلي اللي يصيرلج من آلام وإفرازات يمكن معناتها ان حملج ما بيستمر...

أنا ما عرفت شسوي... خايفه من الحمل بنتي فديتها صغيره وأبي أرضعها.. وولدي 3 سنوات.. صغير بعد... وجسمي تعبان ما ارتاح من آخر ولاده... وبنفس الوقت خايفه ما يستمر الحمل وأتعب ويستويلي نزيف أو شي جيه...سوتلي تحاليل الدكتوره وقالتلي يمكن يستقر الحمل... وعطتني مثبت بس ما خذته

ما خبرت هلي... وقلت لريلي ما يخبر هله.. وطبعاً وايد مقهوره من ريلي لأنه عادي كووول ولا جنه شي صاير...

الحين تعبانه من الوحام وبروحي.. وما أبا أخبر حد... وبصراحه مستحيه أخبر حد.... فشله توني مربيه... وبصراحه من الحين الناس يقولون شكلج تعبانه.. وبعض الملاقيف يقولون لا يكون حامل شكلج والله :sly: شسوي ياربييييييي....

أقول ما أبا أخبر الناس عن حملي إلا يوم أدش الرابع.. وأنا الحين صارلي شهر ونص ومبين علي.. أصلاً بروحه عندي بقايا كرشه من حملي السابق...

والله لا ياكلون ويهي... وبتهزأ... خصوصاً من هلي... تراني كله أوهقهم بعيالي... الله يخليهم لي....


أشيروا علي يا بنات.. بليييييييييييييييييييييز:sadwalk:

 

[ابيك لغربتي]

:tears: :icon1366: :icon1366:


وربي خنقتني العبره يوم شفت موضوعك ...

انا نفس الحاله بس انا قيصيري ولسى الجرح ماطاب ...:sadwalk:

في البدايه ماكنت اعرف وكان معي نفس ماقلتي دم خفيف ...

وكنت مذهوله لما حللت ومنصدمه ومو عارفه شسوي :no:

صياح وصحت وهم وانهميت وكل اللي فبالك بس ربي كاتبه ورضينا وقلنا الحمد لله والشكر ..

شوفي يالغاليه لايهمك الناس اهم شي انتي ونفسيتك تكون مرتاحه لان محد شايل همك والاهم ان زوجك بيطفش ...زي زوجي :busted_red:..من كثر مااشتكي طقت كبده ماصار له وقت عشان ينسى حملي الاولي بديت بالموال :in_love:

الله يفرج لي ولك بالسلامه ويريحنا ربي هو اللي شايف وش كثر متازمين ...

 

[أم خماس]

ربي يسهل عليج ويجعله من الذريه الصالحه

 

[الأمل]

أمس قالتلي الدكتورة الحمل ما بيستمر خلاص!... وقالتلي يوم يستويلج نزيف تعالي...

بصراحه ما ارتحت لكلامها.. جنه بحول لدكتورة ثانيه..

أبيك لغربتي... مشكورة الغاليه عالرد... يعني انتي نفس الحاله.. الله يكون بعونج.. بأي شهر الحين؟ واستقر حملج ولا لا؟ الله يسهل امورج ويكتبلج اللي فيه خير...

اختي ام خماس.. مشكوره عالدعاء يزاج الله خير..

وراح أوافيكم بآخر الأخبار... وطمنينا عنج اختي (ابيك لغربتي)

 

[ابيك لغربتي]

مرحبا الامل انا الحين بالسابع ..

وبدت العمليه تالمني ... الله يعين ..
وانتي غيري دكتورتك وتقبلي الوضع اللي من الله حياه الله ....

 

[أحب بناتي]

الله يعينكم ويكتبلكم الخير

وكلي أمرك لله وبإذن الله تسير الأمور على أحسن حال

والناس ......ولاتفكري فيهم مره .....لو عندك طفل عمره 3سنوات قالوا يوووو صغير بدري

كلام الناس وجع رأس....عيشي حياتك بحلوها وبمرها .....الدنيا ماتستاهل .....بكره بإذن الله يكبروا وترتاحي بحول لله وقوته

الله يكتبلكم السلامه بإذن الله

 

[الأمل]

الغاليه (أحب بناتي)

يزاج الله خير عالرد.. وصدقتي الناس ما يعجبهم شي.. الله يعين..

والله يسهل اللي فيه خير..

 

[ميعاد الأمل]

صدق الله يكون بعونكم وشكلي أنا بعد عندكم لان صارلي سبعه وخمسين يوم ما نزلت عندي الدورة (( الله يستر)) بس الحمدلله بنتي كملت السنة وتسع أشهر بس الا واحسها بعدها صغيرة

 

[أحلى أيام العمر]

هذي نعمة من عندالله ما يحس ابها الا فاقدها حمدي ربج

 

[الأمل]

الغاليه (أبيك لغربتي)...

سامحيني توي أشوف ردج... ماشاالله الله يتمملج على خير.. والله قلبي وياج.. الله يسهل حملج..

اختي (ميعاد الأمل).. هلا بج والله.. الله يكتبلج الخير.. بس لا تكونين طماعه بنتج عوده

(أحلى أيام العمر)... صدقتي والله يزاج الله خير... الله يرزق كل محرومه.. آمين... نحن ما نعترض على قضاء الله بالعكس.. الحمد لله على كل حال... بس تعرفين نخاف عالياهل الموجود إنه ما يلقى حظه من الرضاعه والرعايه.. وما نقوم بحقه كما ينبغي...

 

[sara555]

اناثاني طفل حملت والاول عمره خمس شهور وظليت طول الحمل ابكي ونفسيه متحطمه وجبت الثاني الحمدلله

بس تعرفي يختلف عن اخوانه عصبي ولايتحمل المزح والله ندمت على هبالتي وماعشت فترت حملي زين

اعرف حريم قبل الاربعين حملو والله في قمة البسطه توكلي على الله وهذي نعمه وادعي الله اذافيه خير يتممه عليكي ويزيدكي صحه وعافيه يا حبيبتي لاترهقي نفسك بالتفكير

 

[الفارسة]

الله يتمم حملج انشاءاللله
ابيك لغربتي من عقب العملية كم خذتي لين حملتي؟؟؟

 

[حواء ثقيف]

ماشاء الله الله يبارك لك في حملك ويسهل ولادتك وتربيت عيالك ويعينك عليهم راح يكبرون ان شاء الله وتنسين تعبهم

 

[الحورية]

حبيبتي الأمل..
أسعدك الله ويسر لك همك وسهل لك حملك..
أنا حالي من حاالك بالتماااااااااااااااااااام والكمال حملت وبنتي 5 شهور وما أبي اقول حق احد وتعبااااانة ونفسيتي ازفت منها مافي وزوجي مو عارف اش معناه حمل ورضاعة في نفس الوقت وبنتي مو عارفة افطمها ولا ابي افطمها لأنها اصلا ما ترضع غير من صدري وحاااااااااااالة صعبة
لكن الحمدلله على كل حال مشي حالي وبنتحمل ونحمد الله عالنعمة
بس عارفة شو القهر فيه؟؟
اني صرت جاااااااامدة مع زوجي وعلى طول اعصب بس هو للأسف مو فاهمني...
يالله يا الأمل انتي الأمل فاحمدي الله واصبري واحتسبي فكل باجره وادعيلنا معاكي...
أختك الحوووووووورية..
تحيااتي..:icon26::icon26:

 

[some1]

الحمدلله على كل شيء حبيبتي
طولي بالك
وما يصير غير الخير من رب العالمين
انصحك بزيارة طبيب / طبيبة نسائية اخرى علشان تسمعي اكثر من رأي
ديري بالك على صحتك وعلى زوجك وعلى اولادك
حماك الله

 

[RedRose]

هو اكيد الموضوع مو سهل وتعب وكل شي

بس قولي الحمد لله على كل حال ...

وقولي للناس بعد فترة انك حامل بس لا تبينين لاحد انك مقهورة وزعلانة ,, بالعكس قولي الحمد لله كذا احسن ,, التعب واحد واربيهم مع بعض وارتاح كم سنة بعدها اذا تبغين تحملين بعدين ...

انا نفس الشي حملت بالثاني والاول توه في الشهور الاولى ,, وزعلت في البداية بس الحين مرتاحة الحمد لله لانهم يكبرون مع بعض وتعبهم واحد وقررت ما احمل باذن الله الا اذا دخلوا المدرسة عشان ارتاح

توكلي على الله واحمديه على النعمة وحاولي ما تنكدين على زوجك بالعكس خليه يشاركك فترة حملك ويروح معاك الدكتورة عوديه يهتم باولاده وخليه قريب منهم ,, لا تحسسينه انهم يطفشون عشان ما يطفش منهم ويبعد ولا يتحمل المسؤلية

بالتوفيق ,, والله يقومك بالسلامة انت وجميع الاخوات

 

[عذوبة طفلة]

عزيزتي الأمل​

أنا حصلي نفس ماحصلك ولادتي الأولى في بنوتي ربي يحفظها قيصرية وكانت ولادة مبكرة وظلت بالمستشفى لمدة شهر ذقت فيها الويل والمعاناة ماتهنيت بشي بالمرة كل يوم أروح لهاالمستشفى وأنا كان لازمني راحة واقعد بجنبها لساعات طويلة والكل يقولي كل هذا بيأثر عليج وانتي توج مسوية عملية وماكنت اهتم لاني كنت احاتي بنتي وااااااااااااااااااايد وربي وحدة بس اللي يعلم بحالتي والله اني ماكنت انام الليل كل شوي صياح و دموع وحالتي حالة لين ماربي جبر بخاطري ورخصوها من المستشفى ولله الحمد والمنة وبعد ماصار عمرها 6شهور حملت بنفس اليوم اللي سبحان الله كنت رايحه أشتري فيه حبوب منع الحمل ولما عرفت اني حامل نفس حالتج ماصدقت انصدمت وتعبت وايد تمنيت استغفر الله العظيم اني انزل البيبي من كثر صدمتي والتعب والمعاناة اللي شفتهم في حملي و ولادتي ونفاسي الأول ماأنكر مرت لشهور الأولى النفسية زفت وحالتي صعبة وايد لكن الحمدلله رب العالمين اللهم لك الحمد والشكر يارب اللحين الحمدلله ماشي الحال وربي يتمم علينا بسلامتي انا والبيبي وخلقته الكاملة وصحته السليمة بإذن الواحد الأحد ماقولج كل شي كان في البداية صعب و صعب وايد انا حاسه فيج بس بمرور الوقت والايام الحمدلله تقبلت الوضع وقلت الخيرة فيما اختاره الله وان شاء الله هالمرة ربي يعوضني وافرح بولادتي والبيبي ويتمم لي على خير وسلامة بإذن لله وانا اللحين بالثامن وطبعا عارفه فيه تعب وارهاق وانا أشتغل بعد دوام الصبح وغير مسؤولية البيت وبنوتي الله يحفظها أنا اللي اسوي لها كل شي والتعب لكل مرحلة بالحمل والثقل وماتتخيلين الوضع كيف صاير بس الوحدة تقول وبكل رضا وقناعة الحمدلله ربي كريم وحنون على عبادة بس أنتي توكلي على رب العالمين
والناس لاتفتكرين فيهم انا كنت مثلج كنت قول اللحين وش بيقولون عني لكن بعيدين قلت محد له شي عندي و زوجي طبعا مستانس هو مب تعبان في شي هههههه وقلت هم بنوتي فديتها ربي يحفظها ويخليها يارب بخاويها وبيكون العمر بينهم قريب حلو يشاركون بعض ولازم بيكون فيه جانب من التعب ولكن الله المستعان .​

أعذريني طولت عليج وايد بس والله أني حسيتج مثل أختي وعورتي قلبي وقلت الوحدة منا لما تلقى أخت لها مرت بنفس الوضع وتحس فيها هذا ممكن يخفف عنها ولو شوي وربي يفرحنا ويتمم علينا ان شاء الله بسلامتنا احنا والبيبي بالصحة والخلقة الكاملة والذرية الصالح اللهم آمين يارب العالمين
ويفرح كل قلب يتمنى مبروك أنتي حامل :cupidarrow:
والسموحه على الإطاله​

 

[حبني وحبيته]

الحمد لله على كل حال والله يكتب ما فيه خير لك

 

[الأمل]

خواتي الغاليات...

الله يجزيها كل خير كل أخت ردت علي...

sara555... الفارسة... حواء ثقيف.... الحورية... some1... RedRose.... سمو المشاعر.. حبني وحبيته

فديتكن... اسمحولي برد للجميع.. اشكر اللي كتبت تجربتها من أعماق قلبي.. ربي يتمم حملكن على خير.. ولكل من رفعت معنوياتي ودعتلي عسى الله يوفقج ويرزقج كل خير..

اعتذر وااايد عن التأخر في الرد.. والسبب ان حملي ما استمر.. ياني نزيف وتعبت أسبوع قبل وبعد الاجهاض.. بس الحمدلله ربي ما احتجت عملية تنظيف... تصدقون يوم رضيت وتأقلمت على موضوع الحمل ربي ما كمله... اللهم لا اعتراض... عساها خيره.. كنت ادعي اللهم خر لي واخترلي... ان كان هذا الحمل خيراً لي فاتمه لي على خير.. وان كان شر لي في ديني او دنياي فيارب انهه وارضني بقضاءك..

الحمدلله على كل حال..

وعسى الله يتم حمل كل حامل على خير... وما اوصيكن بتكرار الدعاء بصلاح دين ذريتكن.. ومعافاتهم في أبدانهم وعقولهم.. اللهم آمين

 

[RedRose]

حمد لله عالسلامة ,, ما تشوفين شر ,, والله يعوضك خير ان شاء الله