حماي مقلقني

[دمعة الغيمه]

انا حامية نفسي لما يطلع زوجي اقفل ع نفسي بس زوجي يقول انتي تنقصي من قدر اخوي زوجي صار يحن عليه مرررة وكل شوي يدق عليه يقول فلان حس بغلطه بس انا خلاص هو اتتهى بنظري يابنات ها انا كذا اكون ظالمته لان الله تعالى حرم الظلم ومابي اكون ظالمة استغفر الله

قولي حس والا ماحس خلاص صرت اخاف من تواجده بكره لو غلط مره ثانيه بيقول اخر مره
ومو كل مره تسلم الجره.....
ولكن فعلا احرصي على حماية نفسك قفلي بالمفتاح لحد مايجي زوجك ولا تروحين لمكان نومه
وده يجيب ملابسه يعطيها اخوه والا المغسله احسن او تخيس بمكانه انتبهي
لو يجي صدفه لمكان نومه مااحد يردي شنو ردة فعله...
الله يحميك

 

[الجده الصغيره]

الحمو الموت هكذا قال رسول الله صلى الله عليه وسلم.........لاتتهاونين وانت اللي بتخسرين لو بيصير شي.......احرصي على نفسك الين ربك يفرجها من عنده

 

[أم الأقمـــــار]

وش مكبره السالفه ماعنده سالفه زوجك يقول هالكلام

احقري اخو زوجك ولاتغسلي له ملابسه ولاتسوين له شي وحاولي ترسلين له مسج البيت يتعذرك ياقليل الادب

خليه يحس انه كان بنعمه ورفسها

زوجك خليه على علم بالامر والمفروض انك صرتي حازمه مع زوجك وطلبتي انه يترك البيت والا انتي بتتركينه

تحرش جنسي ويقول مكبره الموضوع !!!

البلاد الثانيه يصير فيه حبس امد الحياة وسين وجيم

اقربهم مايكل جاكسون مات وللحين قضيته ماانتهت



.
.

صراحه حماك وقح

وانا لو منك والله مايبقى عندي دقيقه

لاوبعد باخوي

 

[طيبة البشر]

لاتسكتين عن حقك قولي لزوجك مابيه عندي واصري على هالشي والله هالفئه ينخاف منهم الله يعينك ماعاد فيه خوف من رب العالمين الله يستر عليك ويحميك منه

 

[حالمه ولكن]

تصرفك طبيعي وقولي لزوجك لو اخوي ولد امي وابوي سوى هالشي برضو حقفل على نفسي وامكن اطلعه برى بيتي وقوليله الحمو الموت وماأظن انه فيها شي تقفيلة الباب هو مكانه بالمجلس وبس

 

[ياربي انصرني]

اولا المفروض ان زوجك اتخذ موقف حازم مع اخوه ----ومايترك الحبل على الغارب يراقب اخوه ويبحث عن سسبب

انتكاسته ومن هم اصحابه 000


وبالنسبه لتقفيلك هذا اقل شئ تسوينه (اضعف الايمان) وتفاهمي مع زوجك ان يسكن اخوه برا البيت ---لكن وجوده مع موقف زوجك المتخاذل اكبر خطأ والله المستعااان

 

[ألين2011]

لا حول ولا قوة لا بالله عين الصواب يوم قفلتي عليك الباب والله يستر عليكم

 

[أبكاني ذنبي1]

والله لو في زوجك غيرة عليك بعد تصرف اخوة كان اطره من الشقه هذا تصرف فضيع ومايجوز الخلوة حلوووووووووووه ذي مكبره الموضوع الا سكري وسكري والله يستر لاسكسر الباب هذا شيطان الله يكفيك شرة بس ماقلتي وش رده فعل زوجك اضربه ولا اطرده واهلك وش قالوا

 

[الـ ريحانة ـدار]

الحمو الموت

 

[نــور2010]

معاك حق
والحمو الموت

الله يحفظك من كل شر

 

[تــ زرقاءـــوته]

ليه مايطلع عنكم
فيه شقق للاجار ,قولي لزوجك خل اخوك ياخذله شقه ويعيش فيها

والله اللي سواه مو شي بسيط

الله يعينك ياعمري

 

[مسرعه بشويش]

الله يسعدكم والله انكم تريحوني
زوجي مو انه مايغار بس مشكلته حنون زيادة عن اللزوم
وانا بطلت اخدم اخوه
واهلي مادروا الا اخوي الكبير وامي
ابوي معه سكر والباقي اطفال ومتهورين
اخوي قال لي لاتروحي بيتك الا يطلع بس انا رفضت لان انا ماجاني من زوجي خطا واخو زوجي اقدر احمي نفسي منه
وبتي مملكتي ماخليه اخاف اخليه ويجيب شلته الوقحة تخرب حرمة البيت لان زوجي من النوع الي مايتناقش هادئ وعلى النية

جزاكم الله خير

 

[جروح الروح]

المفروض تطردونه يسكن بروحه الكلب اشلون يتحرش باخوووج عمى -- واقفلي على نفسج انتي شرف اهلج بكره لو يسوي لج شيء اول من يتخلى عنج زوجج خل يبتعد يروح سكن خاص به

 

[تباشير المطر]

كيف تخلي اخوك الصغير ينام عنده المفروض انك خليتيه ينام في غرفة ويقفل على حاله
دنيا مافيها امان

 

[i can do]

كيف يجلس بالبيت وزوجك مو موجود .؟

الله يكون في عونك .. ومعك حق في كل اللي تسوينه .. اهم شي لو كررها مره ثانيه .. او حسيتي ان فيه شي مو طبيعي .. اطلبي زوجك يطلعه خارج الشقه .. لان هذا خطر .. والله يهديه ويهدي شباب المسلمين

 

[وايليه]

معاك كل الحق

 

[اشراقة الملكه]

حبيتى انتبهى على نفسك ولايهمك كلام زوجك واذا قال ليش تقفلى الباب قوليله اتعودت وما اقدر انام والباب مفتوح لو سار شى لاسمح الله بيدافع عن اخوه ويطلعك انتى الغلطانه000000000

 

[مهمومه جدا]

كفاية قول الرسول صلى الله علية وسلم (( الحمو الموت ))

ومنتي ظالمته ولاشي ابدا هذا ابسط حقووووقك انك تحمين نفسك ومو كل مرة تسلم الجرة والشيطان شاطر ..
ادعي دايم ربي يكفيكي شرة ..

 

[سموره22]

حبيبتي الله يكفيك شره انتبهي لنفسك وتصرفك صحيح (الحمو الموت)
الله يعينك

 

[الرعبوبه~]

الله يعينك على مابلاك
وانا اقول لك لاتعيدي السالفه لزوجك وتكرريها لانه بيقول تدور الزله لانها تبي الفكه
اصبري لبعض الوقت واقفلي عليك باب غرفتك بعدها بمده قولي له يروح يسكن مع شباب
يدرسون مثله بسكن خاص للشباب اريح له بشقتك واريح له هو ولزوجك انه مايحاتي
والله يهدي زوجك لك