حكاية غربتي .........

[اسيرة ذكرياتها]

انا اظن معاه وحدة
وكملييي
دايم اشيك عليها

 

[روفي 33]

كملي حياتوا متابعينك واتوقع لقيتي بيتك على البلاط باع اثاثك كله

 

[شمرية الشمال]

اتوقع باع العفش وترك الشقه

 

[ماريز]

الله حسيبه

اكيد لقيتي معه وحده

 

[الدنيا عكسي]

اتوووقع بااع العفش كله

 

[مـلاك الصغيرة]

اتوقع معه وحده

او باع اثاث الشقة وطلع منها

بليز كملي لاتتأخرين.................

نفس الشي اتوقع
كملي بسرعه لاتطولين​

 

[قموره4]

كملي يا الغلا

والله قصتك عورت قلبي

وهونت علي مصيبتي

حسبي الله ونعم الوكيل فبه

والله يرزقك باللي أحسن عنه

آآآآآمين

 

[قلب دكتوراه]

مشكورين جميعا علي التوقعاااااات ، بس ابي توقعات اكثرررر هههههههههه
راح انزل لكم البارت ان شالله اليوم في الليل اذا ربي اراد
معليش انشغلت هاليومين كان عندي بارتي سويت عزيمة العيد لصديقاتي الاوربيات مسلمات
اول عيد لهم وهم مسلمين ماشاءالله الله يثبتهم ياااارب
وانبسطنا وغيرنا جو الحمدلله
انتظروني مع مزيد من توقعاتكم ........... ​

 

[قموره4]

ما دام انتي متواجدة قلب

كملي

خليتيني كل ساعه أدش أشيك ع الموضوع

 

[مـلاك الصغيرة]

الله يوفقك حبيبتي ويسعدك
لازلنا بالانتظار

 

[قلب دكتوراه]

عشان خاطركم بنات وقموره نزلت لكم البارت مع اني مشغوله شوي وكنت ناويه انزله في الليل بس لعيووونكم حبايني

طبعا ياحلوين كل توقعاتكم كانت خطا للاسف خخخخخخخخخ لان اللي سواه زوجي شي مو متوقع ابدااا وشوفو اش شوفت خخخ

نكمل .......

دخلت بيتي البيت بيتي
بس اللي فيه مين
الاغراض لي هذا مكتبي
بس متغير الملاحم
وهذا مطبخي تركته مرتب وكل غرض في مكانه ..... بس الحين غير
وهذا صوت قدر الضغط حقي بس مو يدي اللي تطبخ به .... هذي يد امراه اخرى
وهذا صوت ساعه الفجر حقتي تاذن لصلاه الظهر ..... بس للاسف ماتناديني
وهذي ايه الكرسي علي باب غرفتي
وهذا لحافي .... بس متغير الملاحم
وهذا كمبيوتري المكتبي وهذي طابعتي وهذا وهذا .........
دخلت البيت وكانت خطواتي تسبقني مشتاقه لمملكتي المظلمة
اشتقت لسريري الدافي واشتقت لكل شي فيها
اااااااااه ياصدمه عمري
دخلت بيتي بس ماطلع بيتي
كل شي راااااااح
كل شي يد ثانية مسكتة غير يدي
كل شي اتغير من مكانة
دخلت وانا مصدومة
ماقدرت ادخل رجلي ترجف
وقلبي يدق دقاااات سريعه
وكل شي حولي اسووووووود
حاسة بدوخه
ماني قادره اسند نفسي
وجات وقالت لي مين بسم الله
وقلت لها انتي مين بسم الله
قالت هذا بيتي
قلت تخسين هذاا بيتي انا
وكل شي بفلوسي
قالت مين انتي طيب
قلت فلانة
قلت ومين انتي
قالت فلانة
والدموووع تسبقني
واغراضي وشنطي حولي
ظهري يالمني من حملها
كل شي يالمني
بس ماحسيت بشي من قوه الصدمة
كلنا نطالع في بعض
هي كمان مصدمة
جالسه تطبخ الغدا
وفي مطبخي
وتستخدم اغرضي كلها
وانا كمان مصدومة
تقولي لي كيف دخلتي بيتي
وانا اقلها هذا بيتي وبمفتاحي دخلت
نطالع في بعض كل وحده متفاجاه
قالت لها اش دخلكي بيتي
قالت زوجك
بس لاتخافين انا مو زوجه زوجك
هي كانت حاسه اني مصدمه ومممكن اتوقع انها طبنتي عشان كذا قالت مو زوجه زوجك او عشيقته
انا متزوجه وزوجي معايا
قلت لها ليش جالسه في بيتي
قالت زوجك خالد اجرنا البيت
وصار بيتنا الحين
وهوا وين راااح قالت مدري
طبعا هيا شافتني منهاااااره وقالت لي تعالي اهدي وصلي علي النبي
قلت لها وين اغراضي طيب
كتبي محاضراتي مكياجي
ملابسي وينها
قالت في المخزن
ان منهااااااااااره انا تعبانه
ماني قادره اوقف
ماني قادره امشي افتح المخزن
ماني قادره اسوي شي
بس اصيح بكل صوتي بدووون احساااس باللي اسويه
والله عمري ماكنت اتوقع يصير في كذا
فتحت المخزن
كل اغراضي مرمية في الارض كان شبح مو مخزن
والله ماحد يتخيل المنظر اللي شفتة
اغراضي كلها زي الزباله مرميه
هنا كتاب
وهنا ملابس داخليه
وهنا روج وهنا اله حاسبه
وهنا المترجم حقي
وقمصان النوم الجديدة حقت عرسي اللي مالبستها لسه وعندي امل اني البسها
جديدة ومن اغلي الماركااات
الحرير والدانتيل وكل شي
كله مختلف المعالم
وكل شي حاله يحزن
ااااااااااه ياربي
كنت اصيح واقول اللهم اجرني في مصيبتي
وقالت لي هدي نفسك كل شي يتصلح
زوجك اجارنا بيتك وقال كل شي في البيت حلال عليكم
واستخدموا
تقول انا استغربت اقول لزوجي البيت يهبل وكل شي حلو وجديد
مومعقوله يتركونه كله لنا
قال خالد لهم كله حلال عليكم
زوجتي رجعت وكلنا خلصنا وعندنا بيت في بلادنا احسن منه
فمانبغ شي من هالبيت
وطبعا اخذ منهم اجار البيت والتامين
وطبعا كلها حقتي وفلوسي ومبلغ مو بسيط
انا هنا مدري وين اروح
لمين اشتكي
مين يوقف معي
مين ومين ومين
وين انام الليله
وين اهلي
امور كثيرررررر في راسي
قلت لها لا هذا بيتي
وهذي اغراضي
وانا توني جايه من السفر وابي انام في بيتي وعلي سريري
ولسه ماخلصت دراستي
انا جالسه هنا
قالت لي والله مدري زوجك قال لنا غير هالكلام
هيا كانت مررره مصدومه يقلبي عليها
قالت كيف زوجك يسوي كذا فيكي
تعالي اجلسي وارتاحي قلت لها ارتااااااااح وين
انا الحين في دواااامه
ولازم اطلع منها
ولازم احلها وانتقم منه اشد انتقام
قالت لا بليززز ماابغا اتسبب انا وزوجي في خراب بيتكم
قلت خراااااااب ايش
بيتي خرباااااان من قبل مااشوفك
بدات استوعب اني في مصيبة
بدات افوق في غفلتي وطيبيتي
بدااات احس اني لازم اتحرك
لازم انتقم منه
هذا ابدا مو من صنف البشرر
لازم ارد اعتباري والاهانه اللي سببها لي
وخاصه بين الناس
اتصلت عليه
والبنت جنبي تهديني
قالت انا دقيت علي زوجي الحين جاي
قلت لها اشلي في زوجك انا مشكلتي وانا احلها
قالت خلاص نطلع من بيتك بس اعطينا كم يوم نرتب امورنا شوي
قلت لها انا مالي فيكم
انا حربي بداااات مع زوجي
والله اللي خلقتي لارجع كل شي واخلية يندم علي كل شي عملوا
والله يابنات جاتني قوه من ربي
ماكنت اتوقع قلب ممكن تسوي كذاا
ماكنت اتوقع اني اقدر اوجه واسوي اللي سويتة
بس خلاص اعلن الحرب علي
وانا قبلتها
حسيت اني كنت مغفله حيل
حسيت اني كنت طيبية ومحترمه معاه بشكل سخيف جداا
مسحت دموعي واتصلت عليه
رد خالد الووو
طبعا اتفاجا من رقمي
لان طلع عندة الرقم اني في البلد
وهو في بالوا اني سافرت
اول شي قالوا خالد
اش جابك انتي
قلت جيت بيتي وجيت فيه
كان متفاجاه حيل
قال وينك الحين قلت في بيتي قال بيتك في ناس الحين معاد هو بيتك خلاص
واسمعي الضحكه حقته اللي صرخها باعلي صوته
قلت له ابي اقلك بس كلمتين
بيتي يرجع لي اليوم
باي طريقة كانت يرجعلي اليوم
قال بيتك خلاص بح
قلت له انا قلت لك بيتي يرجعلي
انا الليلة انام فيه
قلت وانتي الخسران
طبعا الحرمه اللي كانت في البيت اتصلت علي زوجها
وقالت له ان صاحبه البيت جات
وزوجها اتصل علي زوجي وقال ايش هالحركه البايخه اللي سويتها فينا وفيها
انا قفلت من خاالد وانهرت بكااااااا
وهيا تقولي اهدي يابنت الناس
خلاص زوجي وزوجك الحين جايين ونحل الموضوع ان شالله
قلت لها انا مالي فيكي وفي زوجك
انا الحرب ومشكلتي مع زوجي
وانا لااعرفك ولاتعرفيني
شنطي حولي
جسمي منهك
عقلي مشلول عن التفكير
يومين مانمت
هول الصدمة تاعبني
وين اروح وانا في غربة وبعيدة عن اهلي
مالي احد هنا
حسيت اني وحيده في هالعالم
قلت لها انا طالعه من البيت
قالت وين تروحين
قلت ارض الله واسعه
قالت زوجك وزوجي الحين جايين بيحلون المشكله
قلت مشكلتي مو معاكم مشكلتي مع زوجي وبس

وانا اعطيته المسج
بيتي يرجعلي وبس
وقد اعذر من انذر
قلت لها بس اغراضي ماقدر اشيلها انا تعبانه
وظهري يالمني
اخليها عندك لين اشوف وين ارواح واجي اخذها بعدين
شلت لاب توبي بس وشنطتي وخرجت من شقتي
اللي صارات لغيري
بدون وجه حق
اتصل علي خالد قال وينك انتي الحين
انا جاي عند البيت
قلت انا نازلة خلاص منه
وعندك ثلاث ساعات وبيتي يرجعلي
راح اعاملك بمايرضي الله
وكل واحد يروح في حال سبيله
بس رجعلي بيتي اول
وانا اكمله في الفون وامشي في الطريق
شفت خالد جاي علي البيت
وقفلت الخط بينا
وجاء قالي اش جابك انتي
انتي رجعتكي الشهر الجاي انا سالت في الخطوط وقالوا لي موعد رحلتك
قلت له انا حره اجي وقت مااجي
مو شغلك انت
قال بيتك خلاص اجرته
وانتي دبري عمرك
قلت ايشششششششششش ادبر عمري وين
بيتي يرجعلي لو مارجع بالطيب في قانون في البلد
والله لاافضحك واسوي شي ماتتوقعه
وقلت الطيبة خلاص بح راحت
قال ايش بتسوين قلت له تشوف
وكان في قمه الاستهتار
ويضحك بكل صوته واحنا في الشارع
وانا منهااااااااره وتعبانه
والله ماحد يصدق ايش الحاله اللي كنت فيها الا الله
قلت له انا الحين وين اررروح
انت انسان خسيس وحقير
كنت اتوقع كل شي منك
بس لهالدرجه عقلي مايوصل لهالتفكير الدنئ
حسبي الله ونعم الوكيل فيك والله ينتقم لي منك
قالي دبرررري عمرك
مالي شغل فيكي
قلت له بدل ماتقول تعالي استاجر لك فندق تنامين فيه وانتي جايه من السفر تعبانه
تقلي دبري عمرك
كفايه اجرت بيتي وراااح
كمان تقولي دبري عمرك
وعارف اني لوحدي هنااا واهلي بعيد عني
بس هذا كله بين معدنك الحقير
وانا مايشرفني اصير زوجتك
وتحرم علي ليوم الدين
وهو في قمه الاستهتار والضحك بعدهااا ماقدرت اتمالك اعصابي
خلاص ياناااااس الصبر وقوه التحمل اللي عندي خلصت
انا طبعي انساااااانه صبوره جدااا بس
اللي شفته شي يفقدك عقلك
واتذكر كانت نظارتي بيدي
ورميتها عليه من القهر والظلم وانكسرت عليه
ومشيت وهو ماحاول يقلي تعالي
ولاشي ولاتحركت فيه اي رحمه او احساس
ولاشي وقتها حسيته مو بشرر
شيطان علي شكل بشر
طبعا من ضمن الكلام الي قالي هو
انتي اش جابك اليوم لو اتاخرتي بس يومين
قلت ليش قال انا مسافر بعد يومين
واجرت البيت وحامشي
ااااااه يقلبي
تدرون كان بيسوي حركه في
ياجر البيت ويمشي
وانا اجي ومالقاه
واتورط ويخليني تحت الامر الواقع
بعد مااخذ الفلوس ومشي
بس سبحان الله ربي اللهمني اني اجي واكشفوا علي حقيقه
والله يابنات كنت دايم ادعي يااارب رد كيده في نحروا
وان اراد بي بسوء فاشغلوه في نفسه
تتذكرون لمن قلت لكم اني مو مرتاحه عند اهلي واحلم احلام كثيرر
كانت كلها اشارات من الله
اني ارجع واشوف المصيبه
بعدها مشيت وانا منهاااره
وهو راح البيت جاء زوج الحرمه
وانا امشي في الشارع وابكي بكل صوتي
وانا مااحس بشي ابداا
ماحس اني ابكي بهالصوت
لين وحده اوربيه قالت لي انتي اوكي
اللي حولي يسمعون صوت بكااا ويناظرون في وقتها احس ان في شي مو طبيعي
واني مافي فرق بيني وبين المجنوون
تعبااااااانه والله حيل
وين اروح وين اجي وين انام
يااربي مالي غيرك
يااربي انتي العالم بقلب واللي فيها
يااارب انتقملي منه اشد الانتقام
يااارب انت وحدك عالم بكل شي
وقتها تذكر صديقه لي
اتصلت عليها
وقلت لها ممكن اجي عندك البيت اليوم بس
انا تعبانه شوي وتوني جايه من السفر
قالت اوكي ورحت عندها
وصلت البيت جسد منهك
بدون صوت صوتي راح من البكاااا
اتذكر قلت لها بس بصلي ركعتين
صليت ركعتين
ودعيت ربي
قالت اشفيك قلب
قلت لها ظلمني والظلم ظلمات يوم القيامه
وبعدها فقدت وعي ونمت وانا علي سجادتي
نمت ماحسيت بنفسي
بعد مابكيت وبدون اكل ولاشي
نمت يوم كامل تقريبا
صحيت الصبح
اخذت شور وحسيت اني احسن
طبعا اغراضي وملابسي كلها في بيتي تركتها
اخذت ملابس من صديقتي
وقلت لها انا الحين بداتي حربي معاه
صحيت لقيت اتصالات من خالد ومن الحرمه
اتصلت عليها اشوف اش تبي
بكل صراحه الحرمه بنت ناس ومحترمه جداا
واحنا الحين صديقات صرنا
ومالهم ذنب هم مثلي
كله من الحقير
حطنا في موقف محرج كلنا
كلمتها قالت ان زوجها اتكلم مع زوجي بعد ماعرف حقيقه الموضوع
وقال والله ماتنكتب علينا نجلس في هالبيت
ابداااا بس اعطينا يومين بس نرتب امورنا وان شالله بيتك يرجعلك
قلت لها انتي مالك ذنب يابنت الناس
وانا اسفه عن زوجي والموقف اللي حطكم فيه
وقفلت منها
بعدين لبست وطلعت
وكنت افكر في طريقه كيف ارد اعتباري وانتقم من خالد
رحت المكتب حق شقتي
وقلت لهم الحكايه
قالت قانوينا مايحق له ياجر بيت باسمك مو باسمة
وتقدرين تشتكين عليه في الشرطه وتاخذين حقك
فكرت فيها وقلت استخير واقرر
وكان نفسي اسويها بس
للاسف ماقدرت
لاتربيتي ولا اخلاقي تخليني اسوي كذااا
بس الله حسيبه وينتقملي منه اشد انتقااام
اتصلت علي صاحبه البيت الجديده وقالت احنا طالعين بكرا ان شالله تعالي بيتك
وسامحني عن كل شي
قلت لها انتي مالك ذنب والله ينتقم من اللي كان السبب
طبعا خرجت من البيت الصباااح
وجعت لبيتي واول شي سويته
جبت رجال وغير لي قفل الباب
لان خالد معاه نسخه
ومعاد اضمنه ابدااا
ويحلم يدخل في بيتي ثاني
غيرت قفل البيت وجلست في بيتي ارتب اغراضي
البيت غيرر البيت
اغراضي دماااااااار صايره
وكل شي متغير ومتعب
شلت وغيرت ورتبيت وسويت كل شي يوم كامل
صديقتي جات ساعدتني
وفي الليل خلف الباب احد يبحاول يدخل مفتاح يفتح الباب
عرفت انه خالد
وسويت نفسي مو في البيت
طبعا المفتاح ماراح يفتح معاه ابداا ههههههه طلعت اذكي منه
استغرب جلس يدخل ويجرب مره ومرتين
وكمان مافتح دق الباب مره ومرتين
وماحد رد عليه
اتصل علي قلب وردت قلب عليه
قلب اش تبي
قال اش سوتي في البيت قلت له غيرت المفتاح .... قال مااتوقع انتي تسوين كذاا قلت ليش ترا انت الحين بتكلم وحده ثانيه مو قلب الاولي
وافتح الباب .... ليش
ابي ادخل وانام في البيت
هههههههههههه مت وقتها ضحك
تنام في بيتي
خلاص كل شي انتهي بينا
روح دور لك بيت ثاني
روح عند عشيقتك
خلاص وانسي قلب
قلب لشخص ثاني ان شالله يستاهلها انت حقير
قال افتحي الباب
قلت لو تموت ماراح ينفتح الباب
جلس ساعه ساعتين اربع خلف الباب علي امل اني افتح
بس يحلم
كنت وقتها امراه من حديد خخخخخخخخ
جاتني قوه سبحان الله
والله يابنات للحين مومتخيله انا سويت كذا وصار في كذا
احسها حلم
صديقتي تقول لي قلب حياتك وقصتك مسلسل ناحج
والله لو وحده حكتني هي مااصدقها اقول هذا بتالف قصه
بس شفت كل شي قدامي مااقدر انكر
طبعا خالد قالي اخر جمله
خلاص كل واحد حيروح في حال سبيله
بس افتحي الباب ابغا اخد اعراض لي مهمه في البيت
كنت مخبيها
قلت له رجلك تحرم تدعس علي بيتي
قولي وين وانا اعطيك هي
طبعا ماقال ولاراح يقول لانه خواف وجبااان
وانا خلاص ماعاد استامنه عن شي ابدااا
وراح خالد قال بكرا يصير خير
حاول فيا بعدها كثيرر اتصالات بالفون
رسائل عشان اتنازل واخليه يدخل البيت
وانا مصره وحالفه مايدخل
ابغا انتقم منه وارتاح منه خلاص
قلت له طلقني خلاص مااابيك
قال طلاق ماتحلمين فيه
انا ابيك واحبك
ههههههههههههههه انا وقتها موت ضحك تحبيني عيدها بالله الله يخليك عيدها
ماسمعتها زين احسها اكرهك مو احبك
اذا تحبني وتسوي في كذاا اجل اذا كرهتني اش تسوي
خلاص القلب عااااااااافك ومايبيك
طلقني وريحيني منك
طبعا هوا كان مصر علي الاعراض اللي في البيت
طبعا نسيت اقلك لمن رتبت بيتي والمخزن اللي كان فيه اغراضي
لقيت لخالد اغراض وحطيتها كلها في اكياااس وارسلت له مسج وقلت له اغراضك برا في الشارع تبيها تعال خذها
وجاء واخذها وكان مصدوم من الحركه الي سويتها رميتها برا خخخخخخخ
بس خلاص الطيبه قلب راحت بح
بس كان مصر ان في اوراق مهمه في الشقه
ومو راضي يقول وين مكانها
بس يبغا يدخل ياخذها بنفسه وانا مصره مايدخل بيتي لو ايش يصير
ربي وقتها الهمني اني ادور الاوراق وقلبت عليها البيت لين لقيتها
وطاحت في يدي
وماكنت ان هالاوراق هي السبب اللي راح تجبر خالد انه يطلقني
طبعا خلاصه القصه
خالد خطط انه ياجر البيت وياخذ فلوسي ويسافر ويرجع بعد شهرين بعد النتائج ماتطلع
بس انا جيت وخربت عليه خطته وانقلب السحر علي الساحر
والحين انا اللي ذليت خالد وقدرت انتقم منه واتطلق بسبب هالخطه
وان الله سبحانه وتعالي يهمل ولايمهل


وللحديث بقيه ...........
انتظروني في كيف كانت الاوراق سبب في حريتي ودموع خالد امامي وانا اضحك ومبسوطه والحمدلله


​

 

[اسيرة ذكرياتها]

يوووووووووه
حلللللللوة حركتك والله
سبحان الله

ننتظرك يالغلا

 

[قموره4]

الله على الظالم ....... والمظلوم له الله

الحمد الله ارتحتي منه هذا ما بشر صدقك

 

[قموره4]

ننتظرك تكملييييييييين

 

[الدنيا عكسي]

بصرررررررراحه اعجبتني الحركه اللي سويتيهاااااا فيه

غيرتي شخصيتك لشخصيه اخرى ماكان يتوقعهااا ابد

برااااااااافو عليك خليه يعرف ان الحرمه تصبر ثم تصبر لكن طاقتها بعد كذا تقول علي وعلى اعدائي

 

[قموره4]

احنا في انتظارك

 

[&الماس&]

الحمد لله على نصر ربي لك ننتظرك بفارغ الصبر

 

[احسدني عليك]

الله يفرجها علكمي كلكم زي مافرجها على الاخت

 

[في محجري دمعه]

الله يعينك.........بس لا تطولين خلينا نتعلم منك....

 

[ريوم هقاوي]

أنتظر بقية القصة بفارغ الصبر لأن هناك ماله علاقة ببعض ماأمر به بسبب الغربة ووووووو أمور أخرى أسأله سبحانه أن يحلها :