حبينا بعض حد الجنون ... بسسس آآآآآآآآآآه ياقلبي

[AMR2]

فيه كثير من البنات يندفعوا للمظهر وووو وينسوا واقعنا الاجتماعي
انتي لما رضيتي فيه هل فكرتي وش راح يكون مستواك بعدين؟ الرجال جاي يخطبك وعليه ديون الدنيا ودام انه دفع مصاريف حادث أخوه معناته هو المسؤول عن اهله الله يكتب لهم كل الخير بس لو باكر صار لهم شي زوجك لازم يتصرف.....

هل انتي مستعدة تحطين نفسك بهالموقف؟ أهلك ناس الله رزقهم من الخير وانتي ناويه ع رجل متسلف وعليه ديون بس عشان الخطبه وبعد الزواج وش راح تكون حالته؟؟؟؟؟ انتي و طلباتك من صوب وهو ومصاريفه من صوب وفي النهاية نكد وتعب نفسي...........

الحين بتقولين انك راح تضحين وتقللين من ميزانيتك ولكن باكر لما الله يرزقك بالذرية أقل شي تطلبيه بدله محترمة يلبسوها عيالك لما تقابلين أهلك وش راح يكون موقفه؟ عشان أوضحلك الصوره انسي التسوق في محلات زارا واشتري ملابسك من كارفور قسم الملابس تقدرين؟؟؟؟؟؟؟؟

أبوك أدرى بمصلحتك وما في داعي تتعبين الرجال معاك، الحياة الزوجية مو بس حب فيها مسؤولية وارتباطات.... نصيحتي فكري من كل الجوانب واهم شي الاستخارة وربنا يوفقك على ما فيه الخير *****

انا مع اختي بس عليك اختي بالاستغفار الدائم استغفري تقريبآ باليوم 500مرة بنية ان الله يجمع مابينكم وان الله يكتب فية الخيرة ......
وهم بعد عندي لاتروح من بالك انك جاية تشتكي لاهلك من عدم صرفة علي اوغيرة من مشاكل الزوجية قاموا يقولون اني اللي باغيتة خاصة اذا كانت امك ماهي حنونة وتغار منك . والله لايقول هذا حنا نتفاءل لك خير ان شاءالله بس الحذر واجب , لان زوجك راح تعيشي معه اكثر من حياتك عند اهلك اذا الله طول بعمرك.....
انا ماقول الله يجمعكم اقول عسى الله يكتب اللي فية الخيرة لكم,,,وعسى الله يجمعكم على خير , تراجعت لاني حبيتك لاني حاسة فيك مجربة الحب.

 

[مينا الكتكوته]

كل شيئ قسمة ونصيب كلام صحيح 100%


انا اريدك ان تكوني واقعيه اسالي نفسك
هل تعرفيه جيدا جدا متاكدة منه 100%
لو اصر اهلك على الرفض ماهي ردة فعلك النهائية الانتحار الهروب امور غير مطروحة اريدك اولا ان تقتنعي ان كل شي قسمة ونصيب ... اذا كان سبب رفض عائلتك انهم لايعرفونه لا تطلبي الموافقة انما اطلب من والدتك ان تتعرفوا عليهم اكثر قولي لها انا اجد فيه المواصفات المطلوبة لكن لنتاكد اكثر ونتعرف عليهم اكثركي لانندم بعد ذلك الاهل اولا واخيرا يريدون ماهو الافضل لك

لا تقفي امام والدك ففي النهاية القرار لهم ان رفضوه ستخسريه وتخسريهم وان وافقوا فربما تكسبيه وتخسريهم فهل انت متاكدة من المكسب اانت واثقة منه تماما ؟؟ اانت واثقة تماما من عدم تبدل مشاعرك بعد فترة ؟؟؟

انا اشعر بك ولاني مررت بمواقف مشابه ومناقض لحالتك اقول هذا الكلام
اقنعيهم ولكن لاتتشبثي برايك

 

[رجاي الله]

عليك بالاستخارة وربي بيكتب لك اللي فيه الخير ولا تتحمسين واجد اذا استخرتي وربي صرفه عنك ارضي بالامر الواقع لانها خيرة ماتدرين وش يواجهك بكرا ولا تدرين عن شخصيته وش تكون الله يوفقك

 

[samaaa]

الله يكتب لك اللي فيه الخير
لكن نصيحة لا تزعلين احد من اهلك والديك ولا اخوانك
واستخيري
الرجل يحب بقوة في البداية لانك بعيدة عنه لكن بكرة
لما تصير زوجته بين ايديه يفكر في غيرها
طبعا مو كل الرجال

حبيت اقدم لك نصيحة واتمنى تقبلينها

عن نفسي حبيته بكل جوارحي وهو نفس الشي
كان يبكي لما اتعب او اقول اه
كان يقطع مسافات بعيدة عشاني بالسفر
وفجأة تغير لما لقى له وحدة ثانية وتعرف عليها بالنت

اقولك واقع بعض الرجال
استخيري عدة مرات ولا تتعلقين فيه كثير

الله يكتب لك اللي فيه الخير ويوفقك ويسعدك
ولا يوريك اللي شفته لا انتي ولا اي بنت من بنات المسلمين

 

[مشاعر خجولة]

لاأملك لك الا دعوات صادقات بأن يفرج الله همك عن قريب
وييسرأمرك ويشرح صدرك ويسخر لك أهلك

 

[امل رحيل]

تمسكي به بكل ما لك من قوة وطمنينا عنك

 

[alwarda]

لا تسوين غلطت صديقتي وتتزوجين واحد مو من مستواكم ..

 

[امل رحيل]

الفلوس ماهي كل شي بالدنيا

شوفي هنا كم عضوة حاطة مشكلة الخيانة وزوجها مريحها من جهة الفلوس


هو شاب وطموح وشاريكي وفيه كل المواصفات لي تبغي

لا تتركيه ولا تتخلي عنه

 

[امل رحيل]

بالاسلام، " من ترضون دينه وخلقه"

مافي ريحة المادة بشروط قبول الرجل عند الزواج

ليه؟

لانه لما تكون اخلاقه صالحة يعني هذا اساس انه انسان مستقيم ويقدر يصنع نفسه ومستقبله

 

[زوجةاسير]

مالك الا انك تستخرين وتدعين ربك وتكثرين من الاستغفار

 

[شوكولاته اكثر]

شجاع والله وموقفه حلو بس الصراحة تؤلم ترا الحب شي والزواج شي ثااااااااااني..الله يعينك والله.مريت بتجربتين حب مايعلم فيهم الا الله..لكن الله ماكتب .لكن الحين انا متزوجة عن طريق الاهل والحمد لله .الله عطاني زوج بالدنيا حط لي الشمس بكف و القمر بكف وأحمد ربي على طول اني ماتزوجت واحد منهم الحين بس حسيت بعيوبهم وعرفت ان الخيرة ف اللي اختاره ربي..لاتتسرعين الحين ماتفكرين إلا ف الحب بعد الزواج أي مشكله تصير بينكم مابتقدرين حتى تفتحين موضوعها لأهلك.مافكرتي من وين بتلبسين.من وين بيلبسون عيالك وين بتسكنين""يمكن غرفه وحده لك ولعيالك""لاتنسين ديونه وكذلك هو مسؤول عن اسرة..يعني انا حاسة فيك والله بس رايي من راي ابوك هو ادرى بمصلحتك ..اتركي عواطفك على جنب وفكري فيها عدل وبعقل...وإذا شفتي نفسك تبين الحب غامري بس لاتلومين اي احد وتقولين ليش مامنعتوني ياهلي...وبالتوفيق

 

[اشرقي يا شمس]

حبيبتي اذا تحسين هو الرجل المناسب لك تمسكي فيه بقوة و زيدي من الدعاء في السحر..
لان انتي راح تعيشين معاه مو اهلك، والوحدة كل يوم ماراح تخصل رجل ترتاح له، صدقيني،

 

[’أم صلوحتي’]

بداية الله يوفقك ويكتب لك الخير واكثري من الاستخارة والدعاء اكثري منها في جميع صلواتك وفي سجودك بأن يكتب الله لك الخير

ثانيا إن كنت مقتنعة وخلاص الأمور منتهية كلمي اخته إذا تشوفينه عادي وتكلم إمك انهم شارينك ويبغون نسبكم ومن هالكلام ...
وعسى يكتب لك اللي فيه خير وصلاح

لاتنسيييييين الدعاااااااااء فهو سلاح المؤمن

 

[بابلية ’’]

قد اكون معك في كل ماقلتية وربي حسيت فيك :: اللهم يسر لك الامر ووفقك ..
لاكن حاولي ان تفهمي من باباتك لية رافض بس لمجرد عدم القرابة او لشي ثاني ,, يمكن وجهة نظرة تقنعك << رغم اني اشك >

وربي ياأنثي "" الرجال يعرفون بعضهم اكثر منا نحنٌ النساء لانهم يفكرون بالعقل اما نحنٌ فالله معنا من منا فكرت بعقل تفكيرنا بالعاطفة والحب وبس ..

ربي يسهل لك امورك ويجمعك به على خير ..

 

[آنثى ...~]

يابوي خلوني على كيفي اختار** يابوي هاذا العرس مابه غصيبه
يابوي لاترمون قلبي على النار ** وتصير بكره ياجماعه مصيبه
يابوي انا الي عارفه كل الاسرار** قلبي وانا ادري في دواه وطبيبه
يابوي انا مليت من كثر الاشوار** والموت من شور القريب لقريبه
يبه يبه يامكرم الضيف والجار** ياسيدي ياتاج قلبي حبيبه
لو شفت دمع تالي الليل مدرار** النوم حاربني وانا له حريبه
في خاطري هم وهواجيس وافكار** ماجابت الورقه من النوح حجيبه
الله يعين الي من الهم محتار** اعيش في دنياي مثل الغريبه
الحلم الاول مات يابوي وانهار **ذبحت حلمي ليه والله عجيبه
يابوي زاد الهم ضاقت بي الدار** صارت حياتي ياحياتي صعيبه
وش عاد لو في غرفتي ورد وازهار** اشوفها يابوي مثلي كئيبه
ياتاج راسي لا تحملني اوزار ** تكفي طلبتك لاتزيد المصيبه
تكفى طلبتك لا تزيد المصيبه تكفى طلبتك لاتزيد المصيبه


..
.


شكرا ً لكل من مره من هنا .. شكرا ً لكم بقدر السماء

.
..

 

[ضَوءْ]

الله يختار لك اللي فيه

 

[x.v_v.x]

عمر الفلوس مكان هي كل شي في الحياه ياما ناس الله منعم عليهم ومب مرتاحين وناس ع قد حالهم عايشين احسن عيشه اكفايه حبيبتي انتي مقتنعه فيه

خذوهم فقراء يغنيهم الله من فضله

 

[um-ameer]

شوفي حبيبتي ماحبيت اخرج بدون ما أرد عليك,,
أنتي قلتي إنك استخرتي سبحااااان الله يمكن هذي خيرة ربي انه يبعدك عن هذا الزواج عن طريق رفض أهلك ,,,ثقي ثقة تاااامة ان الخيرة فيما اختارة الله ,,,وماتدرين نصيبك وين معه أو مع غيرة ..!! لذلك لا تعلقي قلبك بشيء أشبه بالخيال واتركي الحب الى مابعد الزواج

وربي ييسرلك اذا كان لك فيه خيييييير

دعوااااتك لي بتفريج همي

 

[سلة خوخ]

إدعي وكثري من الصدقة وإنذري لربك والله ماراح يخيبك

موفقة

 

[االنعومة]

أسمعيني حبيبتي..........أولا وقبل كل شىء توكلي على الله وحطي ببالك ان المكتوب هو الي راح يصير
ولا يرد القضاء الا الدعاء..........قسم بالله مافي حل افضل لمشكلتك زي الدعاء..تحسين سبحان الله بالراحه النفسية والثقه ان ربك معك وراح يستجيبلك.........ولاتنسين الاستخـــــــــــاره
والله يوفقك وويسرلك الي فيه خير لك