حاسه بقلق فضيع ..ريحوني

[المجروحه بصدمه]

:icon26: بنات انا باكتب قلقي وخوفي من اللي افكر فيه ابغا احد يريحني بس وعارفه انكم ماراح تقصرون الله يسعدكم ويفرج عليكم
انا حامل ومابقي شي على ولادتي ادعولي اولد بالسلامه
وهذا اول مولود ليا...
المهم راح اروح عند اهلي بالنفاس بالذات انه اول ولاده ولازم احد يساعدني ..كنت بأتكلم انا وزوجي عن جلستي عند اهلي وقلت له يمكن اجلس بس اسبوعين او بالكثير 20 يوم يكفي لاني مااحب اتركه فتره طويله لاني اسمع حكايات تخوف كثيررررر
تخيلو ايش رد؟
ليش؟ اجلسي شهر او ال40 كله ليش مستعجله؟
انصدمت من رده اغلب الازواج مايطيق فراق زوجته كثير ليش هذا يقول كده؟:tears:
انا خايفه يكون وراه شي او فرحان يرتاح مني؟؟ وياترى راح يشتاق لي ولا لا؟ راح يفتقدني؟
كلامه خوفني حسيت انه مايفرق معاه
وكمان قال انا اصلا بأستناك تولدي وبأسافر عندي شغل وبأغير جو وطبعا ماراح يأخذني ...نفسي اقنعه:tears: بس الشكوى لله ((شمالي)) عنـــــــــــــيد

 

[المجروحه بصدمه]

ولا رد؟؟؟
شوروا علي اخواتي,,,اكيد عالاقل وحده بس عندها رأي او فكره او عالاقل حاسه بقلقي

 

[تعبت اخبي دمعتي]

يمكن يبغاك ترتاحي واغلب الرجال كذا يحبو السفر حاولي تقنعية بطريقه حلوه تسافرو سوا بعد نفاسك والله يوفقك

 

[بداية إبداعي]

ليش ما تولدي في بيتك وتخلي أمك تجي عندك

 

[المجروحه بصدمه]

مشكورين اخواتي...
ياليت اقدر اقنعه بالسفر...اللي عندها طريقه تدلني
مااقدر اولد ببيتي لانه حيكون في زوار وضيوف وامي لوحدها معايا صعب واخواني بالبيت

 

[المجروحه بصدمه]

:icon26:منتظره باقي الردود والمساعده...

 

[نعومه كول]

حبيبتي حتى لو بيسافر ايش فيها؟؟
انا بعد بنفس عند امي ان شالله
وبترك زوجي الاربعين كلها وقلت له اني بولد عند امي وبجلس الاربعين ماعلق احسه مو فارقه معاه

 

[احبك بجنون]

الله يكون في عونك اختي
بس حبيت انبهك اذا انتي قصرت عليه بشي في هالفتره وحب يحسسك بهالشي يطريقه غير مباشره
الله يهون علي وعليك وكل مسلمه
اااااامين

 

[المجروحه بصدمه]

اختي احبك بجنون
مافهمت ؟؟ كيف يحسسني وانا اصلا مو جالسه عنده؟

 

[المجروحه بصدمه]

نعومه كول..
حبيبتي انا مو السفر اساس مشكلتي ...الظاهر ماقرأتيها مضبوط

 

[مدام فلمبان]

حبيبتي خلي ثقتك بزوجك كبيره

وفكرري فيها بحسن نيه

يعني يمكن قصده يبغاكي تجلسي عند اهلك الاربعين كله عشان ترتاحي وهناك فيه امك تهتم فيكي

بس اذا جيتي هنا راح تكون المسؤوليات عليكي

يعني انا اشوف انه يبغى راحتك خااااصة انه اول مولود لكي وتحتاجي امك تكون معاكي طوول الوقت

الله يقومك بالسلامه يارب ويفرج عليكي

ودي

 

[sweeeeeeeety]

الله يقومك بالسلامه وسوي زي ماسويت أنا خليه يرافقك في المستشفى ودائما بيني أنك تعبانه صدقيني هو حيشيل هم كيف يسيبك

 

[زمان الوصل]

الشمالي لا يحب الإلتصاق

ويتكلم من منطق العقل للعاطفة

وهو حسبها في عقله... فالأفضل له ولك ان تذهبي عند أهلك
أمك موجوده والزوار داخلين وخارجين عليك
وهذه اجواء لا يحبها الشمالي الإنطوائي

يعني المسألة ليس لها دخل بمقدار حبه أو تعلقه بك
يمكن ان تقنعيه بان تتنفسي في بيتك
إن قلتي له لا أريد تحميل أهلي مسؤوليات مصاريفنا
وإزعاجهم بضيوفي
سيتفهم الأمر ويقلص فترة جلوسك عندهم

 

[المجروحه بصدمه]

مشكورين خواتي ...بدأت ارتاح شوي
بس المشكله انا احس زوجي اذا انشغل ممكن يطنشني ويجافيني بحجه الشغل او بحجه انه عندي ضيوف مايا يشغلني او باي حجه
احس اني ماراح افرق معاه وماراح يهمه مده غيابي وهذا اللي مزعلني

 

[المجروحه بصدمه]

يابنات وينكم عني؟؟
انا املي بالله ثم فيكم

 

[حرم الطيار]

الله يسر ولادتــــج ويقومــــج بالسلامــــه

ولا تجلسين تفكرين من الحين ...لما تولدين لكل حاادث حديث,,,

 

[جروحي تنزف]

الله يعينك

 

[صعب مثلي تعشقون]

ماعليك منه أولدي عندأمك ,,,مادري هاالرجال وش يملا عينهم ,,, تبين نصيحتي سوي مثلي
خليك ثقيله ولاتلزقين فيه سوي اللي يريحك وخليه هو يسوي اللي يريحه’’
بالتوفيق حبيبتي ’’’ تولدين بالسلامه يارب,,,دعواتك لي ياعمري,,

 

[ام ريونة]

عادي انا الحين عند اهلي في اجازه ومن اسبوع ما فكر يتصل اويكلم ولده لما انا اتصل والمكالمه لاتتعدى دقيقه,ههههههههههههههههههههههههههه
مايشوف شر هذا الشمالي

 

[المجروحه بصدمه]

ليش كده :tears:
ايش هذا الاحباااااااااااااااااط؟؟
اصبري ..لاتقلقي...عادي...طنشي
:tears::tears::tears: