جنوبيتي وشمالية زوجي وشمالية أمي وجنوبية والدي ........عالم من المتناقضات

[طير مهاجر]

up ya banat

 

[أريج الذكريات]

مسائك ورد اختي اريج والله يبرد قلبك زي مابردتي قلبي ويسعدك دووووم


لي اسبوعين وانا احس في ضيقه وتعب نفسي بس من يومين

قريت قصتك ومشاركات البنات ياالله ارتحت صرت كل مااتضايق



افتح الموضوع واتصفح والحمد لله مبصوطه الحين لأني غيرت مافي داخلي من احساس
~~~~~~~~~~~~~~

بس لي مداخله للأخت احلام احلام~~~~

حارمها من اشياء كثيره سليط لسان يتطاول على اهلها(( يضرب ))واكيد يجرحها في الكلام


خليه تكتب صفاته في ورقه وتكتب تحتها وش انعكس عليها من فضله


ماراح تلقا إلا الخوف والقهر والقلق والضيم والذل يعني متحطمه وانتي قلتيها

أمانه هذا رجال اخاصمه علشان بيتزوج علي ليش انقهر وهذي معاملته لي موب حسافه

خليه يفكني ويولي يمكن رحمه من ربي

علشان يجرب غيره ويعرف خيره يمكن تكون قويه وتكسر راسه (أعذرون مقهوره منه !!!

خليها تقوي قلبها وتطنشه وتقوله تبي تتزوج الله يسعدك

اللي مثل هالاشكال مايطول زواجه محد يتحمله

الف شكر حبوباااات
عزيزتي تاج ملكه والله ما تتخيلين فرحتي لما أقرا ان وحده من البنات ارتاحت او اخذت من قصتي حل او استفادت من موقف
لأني حاسه بكل وحده تنظلم من اي زوج جاحد ما يخاف الله
شاكره تعليقك

 

[أريج الذكريات]

لا اله الا انت سبحانك اني كنت من الظالمين

 

[سنية وافتخر]

اكملي حنا وياك الله المستعان لاتغفلو عن الدعاء لانه يفتت الصخررررة اللهم فرج همي انا وزوجي

 

[لؤلؤة الدنيا]

يااه تعبت وانا افتح بصفحات موضوعك بس جداااااااااا استمتعت


مع اني تركت النوم منشان اكمل روايتي بس اسلوبك ونصائحك ومداخلات البنات جذبتني ولا تحركت لحد ماقريته كلها


سلمت انمالك وجزاك الله كل خير على افادتك انا وجعله في موازين اعمالك

وفرج الله همك واسعدك في الدارين:bigsmile:​

 

[أريج الذكريات]

هلا فيكم حبيباتي البلقيسيات
والله يسعدكم ويسخر لكم يارب
وشاكره مروركم وتعليقاتكم

 

[وفية زمن]

حبيبتي تذكري ان هناك اخوات لك قرأو قصتك يدعون لك بالخير والفرج قرررررررررررريب ومصير الليل يجي بعده نهااااااااااار مشرق باذن الله

 

[أريج الذكريات]

حبيبتي تذكري ان هناك اخوات لك قرأو قصتك يدعون لك بالخير والفرج قرررررررررررريب ومصير الليل يجي بعده نهااااااااااار مشرق باذن الله

لا أريد الا الدعاء عسى الله ان يفرج هم كل مهمومه

 

[fal]

يعطيك الف عافيه على هالموضوع الرائع

ودي استشيرك في موضوع عالخاص اذا فيه مجال بليييز

 

[أريج الذكريات]

للرفع

 

[الجورية2008]

عزيزتي اريج يزاج الله كل خير على موضوعج الأكثر من رائع,وصديقيني ياما قريت مواضيع عن الشمالي الشرقي بهالمنتدى الجميل بس! ما أثر فيني كثر اللي كتبتيه,يعلم الله كيف تأثرت بكل حرف وكل كلمه كتبتيها لأنج ييتي عالجرح,لاني عانيت و مريت بكل اللي كتبتيه من 15 سنه ومازلت اعاني مع القليل من التحسن والحمدلله,ما تتصورين كيف كانت مشاعري وانا اقرا قصتج كأني اقرا عن نفسي وتخنقني العبره أريد اصيح بس أحس اني دموعي جفت من كثر ما بكيت من هالشمالي,بس في فرق بين حالتج وحالتي انه انت كان عندج متنفس وايد حلو وهو دراستج بالجامعة,وانج ساكنة في بيت بروحج,أما أنا فكنت طول هالسنين ساكنة في بيت اهله وتوني انتقلت بيت بروحي من3 شهور تقريباوهذا احد الاسباب اللي خلتني ارتاح نفسيا شوي وما أتأثر بكلامه وحركاته نفس قبل,وبالنسبة للطلعات فهو في ال8سنن الاولى -وكانت ازفت فترة بحياتي-كان حارمني من الطلعات للمولات او حتى الجمعيات لشراء الاغراض بس للعيادات وللضرورة,أما الزيارات فهي أكره شيء لقلبه يالله يوديني عند اهلي بعد ضرابه وممنوع ابات عندهم حتى لو هو مسافر,وسفراته كانت دايما بحكم عمله بالجيش,يعني اجتمعوا فيه علتين شمالي شرقي وعسكري بعد,يعني تخيلوا عاد كيف بتكون المعاملة والقساوة والعقاب اذا ما تنفذت اوامره,غير العصبية والسب واللعن اللي خفوا شوي بالفترة الاخيرة بس مستحيل يخليهم وقت ما يطلعنا مكان,آه يا أريج آه والله انه موضوعج هيج فيني ذكريات الذل والألم والمهانة بس ما اقول الا الحمدلله اللي خلاني أتعرف على هالمنتدى الرائع,شكثر خفت احزاني يوم عرفت انه مو انا الوحيدة اللي تعانيو يوم قريت عن نمطه وصفاته عالاقل خف حقدي عليه,وخف زعلي منه وصرت أبرد على عمري واقول انسان مو طبيعي,بس على كثر اللي قريته عن الشمالي-سامحوني على هالكلمة- لاعت جبدي منه,ما قدرت أطبق كل شي قريته لأني كل ما اقول خفت حركاته وهدى شوي يرد مرة ثانية وثالثة لحركاته ,بس انا تعودت نوعا ما عليه وبردت خاصة بعد ما سكنت بروحي,بس اللي ذابحني ومزعلني ويخليني احبط انه لين ألحين ما يوديني بيت اهلي متى ما أريد -اولا الطلعات أثناء الاسبوع مستحيلة اذا بيطلعنا بس بالويكند اذا وداني هالويكند مستحيل لو تنطبق السما عالارض يوديني الاسبوع اللي بعده حتى لو عندهم عزيمة او شي ,وزيارات لبيت الاهل نادرة جدا جدا بس اذا شي عزيمة ومش كل مرة,حتى بيوت اخوانه ما نزورهم الا اذا شي مناسبة أو اذا أمه كانت بايته عندهم اكثر عن أسبوع ويريد يسلم عليها,المهم انه مسكرها علي من كل الجهات-وطبعا ممنوع اطلع مع اي حد غيره سواء ابوي او أخوي الا في حالات نادرة جدا ومش للسوق-اما بالنسبة للطلعات للمولات فالحمدلله صار يودينا من كم سنه بس لازم يعصب ويهاوش في الطلعة واذا قال ممنوع تشترون شي يعني ممنوع حتى لو ماتوا عياله من الصياح,
سامحوني اذا طولت عليكم بس هاذي نبذة بسيطة جدا عن معاناتي ويا الشمالي,واللي اريده منكم يا اخواتي وياخت اريج بعد الدعاء لي ولكم بانه الله يسخرهم لنا هو:كيف أقنعه يوديني بيت اهلي بشكل دايم لأنهم المتنفس الوحيد لي, او عالاقل يخليني أبات عندهم بالاجازات لانه لين ألحين روحتي ومباتي عندهم مو سهلة واذا خلني ابات حدي 5 أيام بس ويا كثر ما تهاوشنا على هالشي بس ماشي فايدة يذلني عالزيارة,احس اني خلاص زهدت بالنسبة لزيارات الاهل والناس ومسكلتي اني احب الناس بصفتي جنوبية غربية-وهاذي مصيبتي بالحياة-ياحظها الشمالية اللي -ماخذة شمالي مافيني اقعد اتهاوش وياه مثل أول قبل كل زيارة او بعدها عقدني من الزيارات والعزايم ,بس زيارتي لاهلي اباها تكون بدون مشاكل خاطري يجي اليوم اللي هو من نفسه يقولي تعالي بوديج,او روحي باتي غيري جو انت والعيال-شكلي وايد أحلم- من دون ما أترجاه!الحمدلله على كل حال
وأشكرج مرة ثانية عزيزتي أريج وكل من شاركت بهذا الموضوع الله يوفقكم
كلمة اخيرة كل أخت زوجها جنوبي تحمد ربها وتحافظ عليه لان الجنوبيين من احسن الناس

 

[الجورية2008]

وينكم يا اخوات ,وينج يا أريج الذكريات ليش ما كملتوا الموضوع,ترى كلنا نريد نستفيد من تجربتج,تحياتي بانتظار الرد

 

[أريج الذكريات]

ياعيوني يالجوريه توني انتبه لردك
شاكره مرورك ياقلبي والله عينك بس اتوقع انك لازم تقرين في مواضيع التسلط لان زوجك شكله متسلط مررره الله لا يسلط علينا
والله اني رغم القرايه والمعلومات المفيده الي تعلمتها الا اني لا زلت اعاني وفي كل مرره اتندم واقول ياليتني قلتله أبشر وبعدين أسوي الي أبي , ودايم الوم نفسي على لساني الي ما يعرف يتدلع على زوجي وانا الي معروفه عند الناس بأساليبي الي تسحر ( لدرجة ان الناس يحسبون زوجي ذايب من كلامي واسلوبي , بس الشيطان شاطر الله يبعده عنا

 

[شموخ المدينه]

الله يسخره لك يااريج ولنا جميعا يارب
استفدت كثير من موضوعك الله يجزاكي الجنه يارب

 

[أريج الذكريات]

الله يسخره لك يااريج ولنا جميعا يارب
استفدت كثير من موضوعك الله يجزاكي الجنه يارب

وياك يالغاليه

 

[الجورية2008]

مشكورة عالرد حبيبتي والله اني قريت وقريت لين ما قلت بس ,ما خليت موضوع عن الشمالي والمسيطر الا قريته,بس غلب حماري على قولة اخوانا المصريين,كل ما جيت اطبق اللي قريته وجيت اريد امدحه يسوي شي يستفزني ويهيج كل الذكريات الكريهة اللي سواها فيني فلازم يطول لساني بحكم اني عصبية وانسى كل اللي قريته,مع اني الحين احسن بديت امسك لساني وايد واتجنب احتك فيه على قد ما اقدر,والله يقدرني اني اطبق ,الله يسخر لنا ازواجنا يارب ويجعلهم سهلين هينين
قبل ما تيينا جلطة,ومشكورة مرة ثانية على كل اللي كتبتيه

 

[جنان الرحمن]

صراحة موضوعك اكثر من رائع

عجبتني كثيرا ادام الله سعادتك


وانا اول مرة اسمع عن هذا التصنيف هنا بالمنتدى الرائع

وبدات اقرا كثيرا عنه

لكن مايحيرني

اني صنفت نفسي جنوبية شرقية بدون شكك

لكن زوجي احترت كثيرا في امره ياليت هناك من تساعدني

فزوجي تنطبق عليه هذه الصفات

سريع الغضب سريع الرضا

صوته هادئ وعندما يغضب يزداد حدة في الاسلوب ويرتفع صوته بشكل مزعج

يميل ان تكون قائد ولا يحب ان يكون تابع
بطيئ ولكن يحب ان ينجز العمل بأختصار وتهمه التفاصيل

ذكي يفهم تلميحات الآخرين

يحب النوم والاسترخاء ويعشق الحياة والراحة والاستمتاع بيومه

همه الأكبر تسليم الاعمال بنفس الموعد او حضور الموعد

يحب المديح والتشجيع

يحب الانطواء والانشغال باعماله

ودود يحب الرعاية وحنون

واقعي ولا يحلم كثيرا الا بما سيحققه بالمستقبل

يتخذ قراراته دون حاجة لاستشارة أحد

مرهف الاحساس ولا يسمح لاحد بجرحه وياخذ حقه بنفسه لكنه عجول

طموح فلا يكتفي بنجاح واحد فالنجاح يدفعه لنجاح آخر ولا يستطيع التوقف
لا يميل الى تكوين الصداقات الكثيرة
يحب الحصول على مبتغاه من مجهوده الشخصي
يميل الى الأزياء الهادئة ويعشق الجوده والفخامه والماركات المشهورة


يواجه مشاكله ويبحث عن الحلول


يعشق الرومانسيه قولا وفعلا


يحب أن يتكلم كثيرا عن نفسه وغامض في خصوصياته

رومنسي جدا ويعبر عن رومنسيته

وبشوش و يحب اطلاق النكات و المزح

لكنه صعب التفكير

عصبي جدا

يريدن ان يكون محور حياتي دائما

يكره ان انشغل عنه لو ثواني

يكره التجسس على خصوصياته

يحب الترتيب بشكل مزعج

يكبر المواضيع احيانا عن حجمها

لكن كما عرفت ان من صفات الشمالي انه كتوم و صامت دائما

زوجي ماشاء الله يحب الكلام كثيرا و يعشق الكلام عن انجازاته وافعاله و تعلق الكل فيه في العمل وبكل مكان

وايضا من صفات الشمالي انه مايودي ولا يجيب الا بالطلب

بس زوجي ماشاء الله يحب الطلعات و الروحات ومايحب جلسة البيت يبغا طول الوقت نطلع نتمشى

يهتم باولاده فاحترت جدا في تصنيفه



فصعب علي تصنيفه هل هو شمالي او جنوبي ؟؟؟؟؟؟؟؟

ساعدوني في تحديد شخصيته ليسهل علي التعامل معه

لكنه شرقي هذه اكيده ولا جدال عليها

 

[روقيه]

واااااااااااااااو توي اشوف القصه جنااااااااااااااان يالغلا ياروجه يعطيك العافيه

والله استفدت من القصه كثير

 

[أريج الذكريات]

روقية ياعزيزتي
رغم ان الموضوع قديم بس احداثه لا زالت تتكرر ومازلت أنا والقوة في حرب ضروس
زوجي قوي قوي فوق تصور الكل وذكي وغامض وكتوم وله ماضي اسود وأقارب الله يكفيني شرهم
ويقويني عليهم
بس الله يخليلي البلقيسيات الغاليات وهذا المنتدى الرائع
والي يصبرني ان التغيير يحتاج لوقت وليس بلحظه

 

[أريج الذكريات]

لكل من ترد علي ولا انتبه لردودها
لكن مني خالص الدعوات ولا اراكن الله مكروها
وغفر لكم وتولاكم برحمته