جذابه ولكن .. تعبت

[الاميره..]

غاليتي البارونا
أنصحك بقراءة هذين الرابطين ..
وقسم الصحه النفسيه والتطوير مره روووووعه

http://www.niswh.com/vb/showthread.php?t=73360

http://www.niswh.com/vb/showthread.php?t=84481

 

[سكر زماني]

الاميره والله كنك تتكلمين عني اعاني من نفس الشئ
والحين لمن انخطبت تعالي شوفي انواع الحقد والجسد

الله يكفيني شرهم انا اللي مريح بالي اني بروح لمنطقه ثانيه بعيد عنهم بس الله يكون بعون اخواتي اللي اصغر مني لانهم يعانون من نفس الشئ

وهالشئ مايدل الا انهم ناقصين ومافيهم ثقه بنفسهم صح احيانآ الواحد ينقهر لمن يشوفهم يعزمون بعض واحنا لا بس الحمد الله الناس الغرب دائما تحسسك بقيمتك الحسد بس بالقراب

ارميهم ورا ظهرك ولا تعبريهم مثلي انا واخواتي

 

[الاميره..]

سكر زماني ..

ع البركه يااااااااارب والله يوفقك ويهنيك .. ويعوووضك الخير كله
بالفعل الاقارب مشكله كبيره خصوصا انهم يأذونك لكن تقولي في نفسك نبي الاجر والثواب من رب العالمين
وصلة الاقارب واجبه ... بصراحه صرت اتعامل برسميه بشكل ماتتخيليه والغريبه انهم ينقهرون بعد معاملتي هذي
والله غريبين ان صفينا لهم جحدونا وانكرونا وان طنشنا يووه انواع التساؤلات والمكايد بس بالنهايه بقوم بواجبي ولا احد عليه حجه علي والله يعيني
اهم شيء مرضيه ربي ووالديني والحمدلله ان رزقي مو بيديهم
منوره بطلتك ياقلبي والله يهنيك وتلاقي الراحه والسعاده مع شريك العمر
دعواتي لك بالتوفيق انتي وخواتك ..

 

[جنة أمل]

تجاهلي أنهم موجودين وامشي بخطى وبثقة وانتي مرفوعة الراس.

 

[الاميره..]

جنة امل
مشكووره ياقلبي والله يوفقك دوووم
منوره بحضوورك

 

[عالية المكانة]

عادي انتي مكبره الموضوع اللي يطنشج طنشيه واللي ما يبي القعده وياج خليه يولي .. انا عندي قاعده عايشة عليها بحياتي وهي ان اللي مايبيني بحياته خسران وما يستاهل وحده مثلي تكون معاه ، لا تحسبيني مغروره بس انا واثقة بنفسي وما اسمح لاحد ان يحطمني...

وموفقه

 

[الاميره..]

الله يديم عليك ياقلبي
ومشكووره ع النصيحه والله لايحرمني نكم خواتي

 

[نهر الحياه]

شكلج تواجهين انتقاد يحبط معنوياتج

عشان شي ماتقدري طنشي

لو طنشتي احتمال نفسيتج ترتفع

واحتمال يااختي ظن بالنس

ع كل حركة اة نقد قلتي تغار او تحسد

المهم لو منج بسوي تقريبا مثلج

الناس الحسودة والللي تغار مني راح اكون في وسطهم

لبس عادي وتصرف عادي ....لكن ولو يغاروا ويحسدوا ماراح يسكتون

 

[الاميره..]

انتي قلتيها حبيبتي ماراح يسكتوا يعني صدقيني مايخلصووون
قررت اني اطنش واسووي اللي علي والحمدلله يارب ..
فعلا الموضوع كان مضايقني كثير لان هالشيء اصبح يأثر على علاقاتي الاجتماعيه
والحكي لابد مايكون فيه نغزات تسم البدن وتخطيط حتى توصل لحد الاهانه وانا بطبعيتي مرحه واحب الجمعه والناس
اضطريت اني اغير من اسلوبي بس عشان هالحركات .. رغم ان اللي يعرفني زين والله مايشوف الا البياض
مو مدح بنفسي .. لكن احب اتعامل بصراحه وببراءه وهذا اكثر شيء اتعبني
"يعني كيد النساء مااعرف له والله ما اعرف له " ومواقفي تجي دايم عفووويه ومو مقصوده
ويمكن هذا اللي يسم ابدانهم مني
لكن والحمدلله وانا اعتبرها نعمه الله يديمها علي ان هالمظهر اللي معطيني ايه ربي
حتى ما اتأذى من الناس لاني بطبيعتي وسموحتي اشوف الناس ببياض ..
لكن بعد اللي شفته قلت لازم اني اتصرف ع شكلي حتى لو كان سمح لازم يكون فيه حدود للتعامل
والحياة عبر وتجارب والحمدلله يارب على كل حال

اشكرك غاليتي على مرورك صفحتي ومشاركتك لي ..
الله لايحرمني منكم

 

[هنادي]

يسلموو ع الموضوع

 

[عيون الوجد]

راجعي نفسك

أختي العزيزة ..
أنا أتفق مع البنات في كلامهم أنك تطنشين تصرفاتهم التافهة وتعيشين حياتك ..
لكن عندي نقطة أتمنى أنك تتقبلينها مني بصدر رحب ..
وهي أنك تراجعين حساباتك مع نفسك ، حيث أن تصرفهم هذا إما أن يكون ناتج عن حسد منهم لما تتمتعين به مزايا مارزقك بها إلا رب العالمين .. أو أن الخلل فيك وما يقومون به ليس إلا ردة فعل منهم ..
اسألي نفسك ::
هل أنا (( خلوقة )) في تعاملي معهم .. يعني بالطيب والكلمة الحلوة ..
هل أنا (( متواضعة )) ؟؟
هل أسلوبي في الكلام حسن ورااااقي .. هل أنا ممن كلامه تافه وأفكاره سطحية جدا لا ترتقي لمستوى العمر الذي أنا فيه ؟؟
أحيانا بعض الناس يظهر منهم تعالي وترفع على الناس اللي حولهم إذا رأو أن الآخرين أقل منهم في أي شيء
..
وقد لا تكونين متكبرة في الحقيقة إلا أن جمالك وجاذبيتك وأحيانا ملامح الوجه الغامضة إذا صاحبها جمود في التصرف مع الآخرين يوحي لهم بإيحاء معين وهو أنك متكبرة ومتعالية عليهم لأنك جميلة مثلا ..
صدقيني حتى وإن كانوا حساد .، حسن خلقك سيجعلك تكسبينهم اولا واخيرا وتكسبين الأجر من الله قبل ذلك ..
و لاتنسي أن تحافظي على ثقتك فما دمت تعررفين نفسك لا يضرك ما يفعل الآخرون ..

أخيرا .. اتمنى أن تتقبلي ما قلت لك فهذه بمثابة نصيحة من أخت لأختها ..
وتحياتي لك يا غالية ..

 

[الاميره..]

هلا وغلا عيون الوجد

بالعكس نصيحتك على عيني وعلى راسي وانا فعلا جلست مع نفسي ولاحظت نقاط الضعف والقوه فيني
طبعا واستعنت باعز صديقاتي اختي ووحده من قريباتي ..
حتى الاحظ الخطأ وارد مني او منهم ولكن افراد المجتمع ليسوا واحد وقد عاشرت الكثير غاليتي
فالامزجه تختلف من شخص لشخص ..
ولله الحمد اكتشفت الغيره في النساء هي مصدر تعبي اما ثقافتي وحسن اسلوبي واخلاقي فهي مصدر اعجاب الجميع
لكن تبقى هناك حولي نفوس مريضه .. اكتشفت لها علاج واحد وهو التطنيش

اشكرك غاليتي على ردك الذي يدل على مكانتك وذووق
لاعدمتك أخيتي

 

[جوريه ورديه]

مراحب الاميره والله انك اميره بجد والدليل انك مترفعه عن اساليبهم السخيفه
وموهاين عليك تكونين بنفس اسلووبهم مو عشانهم بس عشان قلبك صافي
والله يديم عليك هالصفايارب ....

اموره والله احس انك تتكلمين عني انا مثلك ربي عطاني جادبيه حلوه والحمدلله
لبسي كثير بالعايله يتكلمون عنه ويمدحونه طبعا بنات العايله يغارون مني لدرجه
كبيره تخيلي والله لو يشوفوني لابسه شي حلو وحده فيهم ماتطيق تسلم علي ولا تطل بوجهي وتجلس تعلق ان هاللبس انا شفته في السنتر وماعجبني وماادري كيف
انتي لابسته ومن هالحكي ....والله عندنا وعندك خير وصلت معاهم لدرجه ماتتوقعينها انهم يتخبون بغرفه من غرف البيت اللي نجتمع فيه عشان مايسلمون علي لا انا ولاامي ... عيب على الاقل امي احترموها ولو يشوفوني يجلسون بمكان ثاني وحركات وبياخات والله كنهم صغار مع العلم انهم اكبر مني ... والله نصيحه
ترفعي عن هالاساليب تراهم يبغون الغلط يطلع منك بس عشان يشوهون صورتك
قدام الناس ...روحي صلة رحم وسلمي على الموجودين وان شفتيهم سلمي وان ماشفتيهم يكون احسن واجلسي مع الموجودين اما انك تروحين تجلسين معاهم
وتعطينهم حجم على الرغم من اساليبهم وحركاتهم اسمحي لي مايستاهلون
وبيني قدامهم ان وجودهم زي عدمه والله انا بديت استخدم هالاسلوب وبديت اكون علاقات مع الناس والبنات اللي يجون في بنت جدتي واطنشهم ووسعت علاقاتي
وتعرفت على بنات مااعرفهم ويكفيني لما هالبنات يروحون لبيت جدتي ويسألون
عني قدامهم ماتتخيلين قهرهم والله طنشي والبسي وتدلعي وخليهم على بياخاتهم
مستمريين لانهم في الواقع مقهورييين منك وماهم قادرين يتجاهلونك ...صدقيني
كل هالحركات تدل على انهم مسوين لك اعتبار والا ترى الشخص اللي ماله قيمه ترى
مافي احديعترف فيه وانا اقولك في حل في الفتره الاخيره قمت اسويه لو رحت وحسيت بملل صرت اجمع العاب بالموبايل حقي واجلس هناك والعب فيهم بدل مااجلس طفشانه او تلقيني اجلس بالحديقه اقرا كتاب او مجله او اروح اجس مع واحد من اعمامي وبالنهايه قمت اخد اللاب توب حقي هو مررره صغير واحاول اتعلم على
برنامج الفوتوشوب ...المهم اشغل نفسي وتفكيري عنهم وبسسسسسسسسس...

 

[الاميره..]

تسلمين ياقلبي وهذا من طيبك ومنبعك .. :in_love:
ع قولتك طناااش .. لاكبيرهم ولاصغيرهم عقول صغيره صرت اعمل الواجب واللي أقدر عليه
والله كلامك انه مثل اللي يصير معاي واللي يقهرني تعاملهم مع امي .. انا على نفسي اتحمل لكن امي ما ارضى عليها شيء.. وهذا اللي مخليني انقهر لكن ع قولتك صرت اتعامل ببرود شديد ..

تراهم يبغون الغلط يطلع منك بس عشان يشوهون صورتك
قدام الناس .

فعلا قبل فتره صار فيه سالفه وانكشفوا على حقيقتهم .. انهم يدورون علي الزله :thumbdown: لكن الحمدلله يارب انقلبت عليهم ... وكانوا مخططين انها تصير على راسي
لكن ما اقول الا الحمدلله لأنهم امتحان من رب العالمين ..


أفكارك رهيبه خصوصا تركيب الالعاب بالجوال .. :icon30:
قراءة الكتب واللاب كانت هي المنقذ لي وقت الحركات اللي مالها داعي :busted_red:
الله يحميك وفعلا التطنيش احسن حل .. مووووفقه ياقلبي
نوورتي صفحتي بحضوورك الدافي لاعدمتك ياغلا