جاني امس وشوفو وش سوى

[حبيبي K]

امس في الساعه تسع ونص جاء البيت
وسلم عادي انا رديت السلام وبعدين رحت غرفت بناتي وهو جلس في الصاله مع البنات وانا بقيت في غرفه مسويه نفسي مشغوله وبعدين ارسل بنتي على قلت قولي ماما مشغوله وراحت وقالت له
بعد مارحت جاء لمي وقال وش فيك نافخه خشمك نظرته بستهزززززاء ورحت اكمل شغلي
قال وشفيكي كني موجود عندك
قلت لا اشوفك بس عندي شغل
قال وش اخبار العيال مارديت قال تبون شي قلت لا قل طيب انا بروح
مع السلامه
بعدين قال قبل مروح مابيك تدعين علي
انا لي تقريبن اسبوع بطني عورني ونزل دم مع البرز <الله يكرمكم >
قلت كانك ظلمني الله يزيده
قال انا وش ظلمتك انتي اخذتي حقك مني وزيادة لكل معي كم عشر سنوات خلاص اختي حقك لي بقى حقها هي
ضحكككككككككة
تركته
ومشى وراي وقال اسمعي انا لهلحين ماخذت منها شي ولا نمت معها وهي صابره المسكينه
مادري وش فيني
اكيد انتي مسويه شي لي
قلت ايه االله الي سوي موانا الله يخذ حقي منك ياظلم يكذاب لاتكذاب انا صح طبيه بس موغبيه ولا سذجه لهدرجه شيفني مصدقتك
قال والله هذ الي صاير
قلت طيب وش اسوي انا فيك
اصلانا انا معاد ابيك تجي وكنت مرتاح ومستنسه قبل اشوف وجهك لوسمحت انت قلت انا طالع ممكن تطلع عشان انا ارتاح والبنات يانمو بكره مدرسه
قال طيب اوكيه انا طالع وطلع
وش ريكم في الي صار والله قهرني وذبحني جد انا كرهته موت هذا مونسان هذا وحد بدون احساس وش اسوي معه امانه قولولي اروح بيت هلي ولا وش ريكم

 

[حبيبي K]

والله عجززززززززات نام من القهر الفيني حسبي الله ونعم الوكيل فيه

 

[ام ربرب]

احذري تروحي بيت اهلك ويارب يرده لك ردا جميلا

 

[الزوجه الاولى]

حبيبتي الله يعينج ويفرج همج انا حالتي مثل حالتج صارلي 3سنين من تزوج علي ومازالت الحره والقهر والغيره في قلبي ولما شفت نفسي عايشه في هم صليت استخاره ودعيت اذا كان عيشته ونومته عندها كل يوم فيها خيره لي ياربي اكتيها لي واذا فيها شر اصرفها عني ما أتصدقين يا أختي اذا قلت لج أنه ربي صخرني اني أتنازل عن ليلتي لها وخليته يعيش عندها وقلت له أنته خلك لها وانا اعيش في بيتي مع أعيالي وخدمي وعطني مصروفي الي يكفيني والحمد الله بفضل الله وكرمه عايشه مرتاحه واسوي الي يريحني وما أخلي في نفسي شي الحين صرت ادلع نفسي وهو بين وقت ووقت يحاول انه يرجعلي يس انه تعودت على الراحه والحريه يس اخليه يجي كل يوم يزور أعياله بس ما أخليه يشوفني أنشاء الله ربي يصبرج ويفتح لج جميع أبوابه ويسر امرج ويسخر لج الي يسعدج

 

[زحمه جروح]

شكله حاس فيك وتشوفينه يقولك لا تدعين علي لاتروحين اجلسي انا ابقرى مشكلتك وراجعه ان شاء الله

 

[كلي حنو]

لاتروحي بيت اهلك ..

ولا تردي علييه خلي وجوده وعدمه واحد بالبيت ..

اهم شيء يجيب كل اغراض البيت .. وبناته يوديهم مدارسهم

يعني كل حاجه له حق فييه يسويه .. وانتي لا تعطييه اي اهتاام ..

بس اهم انك ماتروحي بيت اهلك والبيت اللي انتي جالسه فييه هو بيتك

اجلسي فييه معززه ومكرمه ..

والله يرده لك مذلوول عشاان يعرف قيمتك صح ..​

 

[همي اكبر مني]

مادام انه حاس انه ظالمك استبشري بخير
اما كلامه انه مانام معاها هذي كذبه لانك سامعتهم يضحكون ومبسوطين
انتي حريتيه لما ما عطيتيه وجه وجوده زي عدمه
اهتمي بنفسك ورتاحي على الاخر
ان شاء الله يرجع لك

 

[حبيبي K]

طيب وش ريكم بتصرفي معه صح و غلط

 

[الزوجه الاولى]

حبيبتي انا جالسه معاج ومتابعتج قومي صلي لج ركعتين ودعي وشكي همج لربج والله يفرجها علي وعليج وعلى جميع امة محمد آمين وان شاء الله البنات يفيدونج والخيره في ما يختاره الله

 

[كلي حنو]

انا اشووف تصرفك صراحه عيين العقل ..

خلييه يحس بيقمه غلطه .. ​

 

[دلوعة مجودي]

لاتشيلي همه خلاص اشغلي نفسك بأي شي
هدا انتي جاك وطردتيه خخخخخ يستااهل هع

 

[وسام الحزن]

ماشالله عليك زين ماسويتي فيه الله يصبرك ويربط على قلبك كل ماضاقت بك افرشي سجادتك وصلي وادعي يمكن اللي صاير معاه من اللي سواه فيك اللهم لاشماته بس ادعيله لاتدعين عليه

 

[الزوجه الاولى]

للرفع

 

[حصه أخت رقيه]

الله يعينك حبيتي على مابلاك حبيبتي حلو تصرفك يوم
جاء وحسك مشغوووله عنه بس مدت البوز مالها داعي
عشان ماتحسسينه انك ميته عليه المفروض مثلتي عليه
وسويتي نفسك ريلاكس ومبتسمه وعادي وياريت تقوليله
قبل ما يجي يتصل يعطيك خبر وإذا سألك ليه قوليله بستهتار
عشان أفرشلك البيت ورد ياحبيبي وأنا مغزاي من كذا عشان
تتكشخين وترتبين البيت والبنات بس بدون تكلف ومره يجي
يدورك يلقاك معبيه البانيو ورد وشموع ومسترخيه ومطرفه الباب
عشان يشوفك ومره معاك كافي وعلى الابتوب ومره تعمدي تتلطلعين وقولي معزومه عند صحباتي ومن هلحركات مو تنحاشين لغرفة بناتك وماده البوز وجالسه ترتبيها كذا والله بينحاش منك وموراجعلك وبعدين إذا تكلم معاك كلميه عادي
وما كأنه هامك خاصه انه حاس بتأنيب الضمير وسهل يرجعلك
بس المهم تحااااااولين تحبين نفسك أكثر من أي شيئ بلوجود
خاصة بلفتره هاذي وتقوين قلبك وعيشي دور الممثله ولا الممثله
الشاطره المقنعة وبكيفك إذا صرتي بلحالك فضفضي وصيحي
وطلعي كل إلي بقلبك وقولي آمين يارب مع هلأذان الله يرده
لك ويسعدك وجعله مايشوف غيرك من نساء الدنيا كلهم
( آمين يارب العالمين )طمنيني عليك حبيبتي أوكيه

 

[الوردوالياسمن]

الله يفرج همك

 

[زحمه جروح]

اول شي انتي طلعيه من راسك وانسيه حاولي تلهين نفسك بشي ثآني مثلآ انتي وش هواياتك ونضمي وقتك مثلآ الصباح فليها نومه والضهر صلحي غدا لك ولبناتك وكل ماجا ببالك استغفري الله ولهي نفسك باي شي كولي وبعدها اهتمي بنفسك مثلا اصبغي شعرك بنفسك قصي نفسك مو لازم مشغل تعلمي ترسمين كحل لعيونك(عقدتي هذااا)هههه وخلي بناتك يشاركونك كشخيهم معاك اصبغي اصابعهم مناكير العبي معاهم اجلسي عالنت العصر صلحي شاهي وكيك واجلسي مع بناتك كلمي بالتلفون ذاكري لبناتك اخترعي اي شي اهم شي لا تفكرين فيه اذا انتي مسميته بالجوال اسم دلع غيريه وحطي اسمه العادي عشان اذا شفتي اسمه ما تجيك الغصه والحسره ولله حاسه فيك ونصيحه اذا جاتك الصيحه صيحي لين تحسين قلبك بينقطع من الصياح لين خلاص تشبعين وتطلعين القهر كله وبعدها خوذي المصحف واقري لو صفحتين بخشوع ورتلي وارفعي صوتك واجلسي مع بناتك سمعي لهم قران القران شفاء الصدور وحاولي تلهين عنه ورددي بنفسك انا اصلا ما انقهرت انا قويه انا اقدر انساه صدقيني لها مفعول قوييييييييي ما تتخيلينه ابدااا والاطباء يقولون
واذا جا لو جلستي معه امسكي جوالك ارسلي رسايل لصديقاتك كلمي احد اقاربك انسجمي معهم بالسواليف كانه مو موجود ولا مع بناتك ضميهم بوسيهم خليه يتمنى انه بمكانهم ولو تكلم عطيه بووو لباس على قولت الاماراتيين فديتهم وش حلو لهجتم

اهم شي غيري اسمك بالمنتدى لانه احس كل ماتشوفينه بترجع لك الصيحه**والقهر ما يستاهل هو وجهه لو قدامي الآن فقعت وجهه وبطيت عيونه قليل الحيااا

والله مرررررررررررررررره تفاعلت معك احس كانه صار لي الموقف

 

[الزوجه الاولى]

الله يعينج شي يقهر ما ألومج الله يفرج همج

 

[لقيت نفسي فيك]

الله يعينك ويفرج همك وييسر امورك ويجعل زوجك ما يقدر على فراقك

 

[ساحرة]

اختي تقولين تحبينه وسألتي عن الاشياء اللي تجذب شخصيته وقالو لك الدلع والاهتمام بالنفس وعدم الجدال وعدم الحده
وشايفة ان الفرصة جايتك من السما كون اوضاعه مع الثانية مو تمام, مع ذلك نفذتي العكس وقاعدة تخسرين الفرصة , يعني اذا اعتاد على جفافك واستثقل الدخول لبيتك و حس انك كل اللي تجيبينه مشاكل تتوقعين بيظل يسأل عنك؟ او بتجيك فرصة زي هالفرص تعوضين فيها؟ بعدين انت قلتي تزوج مو زنى ولا راح كل يوم يتعرف على بنات ويواعدهم لو كان كذا وش بتسوين؟ تداركي نفسك وزوجك ومادام استطعتي تضغطين على نفسك وتطنشينه كل هالوقت وتحرمين نفسك وبناتك الانس بوجوده اضغطي على نفسك واكسبيه لنفسك وبناتك وتناسي مسألة انه متزوج اذا طلع من عندك اشعري نفسك انه راح لعمل وانشغلي ببيتك وبناتك واذا جا عيشو حياتكم راح تكسبين نفسك وراحة بيتك وتعيشين اكثر استقرار ومحد ياخذ من حياته اكثر من اللي قدره الله

 

[~ أنثى خيالية ~]

هونيها حبيبتي الله يهون عليك

ليش الانهزامية ..

احنا يالحريم المفروض ماسمعنا حكايات .. المفروض نستقوي مو ننهزم

ليش تستغنين عنه وانتي الاصل ؟؟؟

::

هو لسه يبغااااااااااااااااااااك ,, وقاعد يبين لك انه ماقدر ينام معاها حتى لو كان كذاب ..
انتي مالك الا باللي يقوله ..

رجعيه لك بشطاااااارتك .. وهو تزوج وخلاص بس المهم يعدل مو يتركك ..

قسما بتظلمين نفسك وعيالك لما تستغنين عنه و تخرجينه من البيت .

ازعلي تغلي .. لكن مو على طول ..

خليك احسن من اول في اشياء كثيرر .. خاصة النوم معاه وتكشخي .. كانك انتي العروسة حتى لو مو موجود بلالبيت ..


حرااااااااااام اللي تسوينه .. وياجماعة لاتشردوووون زوجها منها بكلامكم ..

ساعدوها تنتصر و يرجعلها و يحبها أكثر .. مو ينفر منك

::

وبصراحة انا ماني عارفة انتي اش تبييين ؟؟

فكري جديا هل انتي مستغنية عن وجوده .. ولا تبغينه بس كرهك مؤقت من الزعل ؟؟

اذا تبغينه ارجعي اقري كلامي

واذا ماتبغينه ,, ترى بناااااااااااااااتك بحاجته ويبغونه ,, وارجعي ركزي بكلامي

الله يسددك وكرري (( اللهم اشف غيظ قلبي )) وسبحانك لا إله الا انت اني كنت من الظالمين