تكفين ساعديني يهمني كلامك؟؟

[أهم شي مستانسه]

السلام عليكم
كيفكم بنااات بصراحه اول مره انزل او اكتب بالمنتدى بس تشجعت كثير لما شفتكم كيف تنصحون بعضكم بشكل حلو ومفيد وكانه وحده من اخواتكم ...

ومشكلتي اهي اني متزوجه من سنتين ولي طفل والحمدلله سعيده مع زوجي واهل زوجي والعلاقه بيننا محترمه جدا ماشاء الله

بس زوجي يبي يسكن عند اهله حكم انه مافيه الا امه وابوه وهم جدا طيبين ماشاء الله الله يزيدهم يااارب

والدور الي فوق فاضي مافيه الاجناح لخوه الي ساكن خارج مدينتنا ويجي زياره بوقت الاجازات مو اكثر انا متردده كثير من مااسمع عن المشاكل الي تصير عند اهل الزوج واخاف تصير وياي ونخرب العلاقه وتاثر حياتي مع زوجي
اخاف من كلام حمواتي واخوات زوجي حكم انه بيكون لي استقلل تام ومالي دخل فيهم يعني كاني ساكنه بعيد عنهم هذا على كلام زوجي بس اخاف يتغير بعدين وانا اكون صريحه معكم ماابي احد يتدخل بدخلتي وطلعتي او شنو جبت او زوجي شنو جاب لي انا افكر فيها من جميع الامور ومااخفيكم انا مستعده اخدم امه وابوه من اعيوني بس مو مستعده حق خواته وحريم اخوانه وعلى فكره عندهم خدامه يعني مو محتاجين لي ابدا والله لايحيجهم حق احد
شنو رايكم تنصحوني اروح اسكن معهم حكم ان زوجي هم تقريبا الي يخدمهم من بين اخوانه وهو يبي نسكن معهم او ابقى بشقتي حكم انه كان شرطي بالزواج بيت مستقل بس لما شفت اهله حسيت انهم حبوبين واقدر اعاشرهم بس الخوف من بعدين
والوشوشه الي بتصير ليه ماتنزل وليه ماتسوي ومن هالكلام والله اني محتاااره تكفون لاتبخلون بارئكم لانه حيلللللللل تهمني الله يسخر ويوفق كل من رد علي ويحقق مررررده ياااااااااااااااااااااااااارب

 

[ملكة بدون مملكة]

والله الموضوع صعب مو سهل

لانها حياة مو يومين وخلاص

فكري بالموضوع مضبوط

وشوفي ايجابياته وسلبياته

وانتي بس اللي تقدري تقرري

ولاتنسي الاستخارة قبل كل شي

وربنا يخترلك اللي فيه خير لك

 

[أهم شي مستانسه]

ملكه يااااااارب يوفقك انا محتاااره حيل ومادري شنو اسوي اخاف اندم وبنفس الوقت ماشفت منهم شي ياذي وبريح زوجي بقراري

 

[ماسة الجمال]

ماادري بس والله مستصعبتها
اكيد في الاجازات ينزلون اخوات زوجك واخوانه وحريمهم ويكون البيت ازعاج وغلبه كثير واذا متعوده على الهدو بتتعبين انا هذا للاساس عندي الاستقرار والهدوء قبل كل شي وانتي حبيبتي بكيفك وتعرفين نفسك ادرسيها كويس

 

[القلب المهجور]

طيب شوفي قولي له نسكن مع اهلك
بس لو شفت الوضع ماعجبني نرجع لشقتنا
وهذا من حقي
واهم شي يكون لك قسم بالبيت مستقل بمطبخه وبكل شي فيه
ولو كتب الله وسكنتي معهم خليك رسميه مررره نفس أول
والله يكتب لك اللي فيه الخير

 

[صدمتيز]

شوفي يا اختي هذا زي اي موضوع ثاني له حسناته و عيوبه
تري ممكن ترتاحي عندهم بس بتفقدي الخصوصيه في حياتك حتى لو بعضها
انا من يوم تزوجة ساكنه في نفس العماره بس مافيه اي خصوصيه مع انا امه طيبه
ولي احسن من زوجي و علاقت معاها ممتازه بس لما اشوف سليفي والخصوصيه في حياتهم
انقهر على حياتي كل شى يصير معانا العايل تعرف عنه و البركه في عمتى
بس انا تزوجت في سن مره صغيره عشان كذا ما عرفت احط حدود لتعاملى معاهم
ممكن اتى تكوني احسن منى
الله يكتب لك لي فيه خير ويضل البعد حلوووووووووووووووووووووووووووووو

 

[أهم شي مستانسه]

ماسة جمال اكيد الهدوء مهم وانا بصراحه مشكلتي حيل طيبه واسامح واخجل عشان كذا خايفه ان رفضت بيقولو ليه وان سكنت هم اخاف من المشاكل

 

[أهم شي مستانسه]

القلب المهجور هو بالفعل استقلال كامل وبنفس القت مو قادره اكل او اجلس وامه تحت لحالها احس بيكون ارتباط

 

[أهم شي مستانسه]

صدمتيز وهذا الخوف منه الخصوصيه والاستقلال هوالي محيرني وام زوجي اي شي بتشوفه اكيد بتقواله وهذا الخوف منه واحيانا افكر اكلم سليفتي لانه من زماااااان ساكنه معهم والحين طبعا انقلت بعد ما كثرو اولادها واسالها كيف كان تعامل معك بس اخاااف تنقله حق زوجها او احد من اهل زوجي

 

[ـ غرور انثى]

ـ اختي احس الافظل تجلسين ببيتك
ابعد عن الشر وغنيله يعني خليك كذا لاتندمين بعدين

 

[.PRADA.]

لا تنقلين عند اهله ابدددددد مهما كانوا طيبين
خصوصا وانك من البدايه كان شرطك سكن مستقل
وزي ماقلتي انتي انسانه مستقله ماتحبين احد يتدخل والا تصير وشوشه نزلت طلعت راحت جت طبخت ماطبخت ..

باختصار لاتنقلين عن اهل زوجك ابدا .

انتي الحين تشوفينهم طيبين لانك بعيده عنهم , بكرا اذا نقلتي بتتغير الاوضاع , نصيحه خليك سعيده وانتي بعيده

 

[شاهزنان]

بالنسبة لي أشوف السكن مع أهل الزوج طبيعي جداً جداً إذا كانوا هم طيبين

إذا كان لج جنتح مستقل انتي تقدرين تفرضين استقلالج مو هم اللي يقولون لج استقلي أو لا

وبعدين إذا اجتمعوا خواته ليش يعني تنجبرين ابهم والا تنجبرين تنزلين ؟؟ عادي انزلي شوفيهم لين تشبعين واصعدي أو لا تنزلي خير شر

خصوصاً زي ماقلتي معاهم شغالة يعني مو بحاجتج

أنا كنت ساكنة مع أهل زوجي في شقة بنفس البيت ولا شفت أي مشكلة مع أن خوات زوجي يجتمعون شبه يومي ولا التزمت فيهم، إذا حبيت أنزل أنزل وإذا لا خلاص

ولما أخو زوجي راد يتزوج عطيناه شقتنا لأن احنا مو مقيمين في السعودية فحرام نحبس الشقة وهو يتمرمط بديون واحنا سكنا في غرفة تحت عند أهله بس دورة مياه مستقلة ولا حسيت بأي مشكلة أصلاً

أم زوجي ما تتدخل فيني وتحبني وتحب عيالي وخواته نفس الشيء

 

[شاهزنان]

نسيت لا أقول لك إذا ما عجبك الوضع مو ممسوكة عن الرجعة والإستقلال بمكان برا

 

[بسمه؟]

اهم شيء حياتك خليك في بيتك ابعد عن الشر وغنيله حتى لو كانوا طيبين

 

[أحبـه ولكن]

ياااعمري انتي صرااحه انا مااحب اكون ببيت عائله أحب اكون ببيت لوووحدي

لاني احب الهدوء واتنكد لو كان في أزعاااج فكري بالموضوع واتخيلي حياااتك كيف بتكون

إذا يناااسبك الوضع اوكي واافقي وإذا لا لاتوااافقي ومن رائي احلى كل وحده متزوجه لها بيتهاا

ومملكتها اللي تهتم فيهااا..أستخيري وبعدهاا قرري ...​

 

[اتعبني هواك]

حبيبتي..أمشي على مثل اللي يقول((خلك بعيد غلاك يزيد))
لاتسكنين مولشي بس,,انتي فكري لبكره اذاسكنتي وتعودوا عليك
بتلاحظين انك مقيده ولازم يدرون وين رايحه وين جايه..وشوي شوي
انزلي تغدي وتعشي وافطري معانا مافيه الا انا وانتوا ولازم على كل مشكله يبون يدرون عنها.. وخصوصا انكم فوق يعني اي مشاده بالكلام بينكم ويطلع الصوت تشتغل اللقافه ..شفيكم وعسى ماشرومن هالحكي اللي ماخوذ خيره,,خلك بعيده احسن لانك اذاسكنتي عندهم وخلاص فكرتي تستقلين انواع الزعل بتلاقينه غير ان نظرتهم لك بتتغير وانك بعدتي ولدهم عنهم ويالله كلام النغزات اللي يضيق الخلق:30: وحتى زوجك بيقول ماابي اطلع واخلي امي وابوي لحالهم وبيزعلون علي ..وقتها تخللي فوقهم عيوني أسأل مجرب ماعرفت الراحه الابالاستقلاليه وانتي اذارحتي هناك بتندمين قدشعر راسك ماعليه معاملتهم طيبه الايجي سالفه تنقلب
انا اقولك خلك على وضعك اكسبيهم وحبيهم وقدريهم من بعيد وبس

 

[ما العمل]

في مثال بالمغربية يقول (بعد من دمك لا يطليك) بمعنى ابتعد من دمك يعني اقرب الناس اليك لا يوسخ الدم ثيااابك... وفي مثال ثاني يقول( الدوام يثقب الرخام) بمعنى لو قطرة ماء تنزل على رخام مثلا تثقبه مع المدة بمعنى الاحتكاك يولد الاشتعال استخيري الله

 

[شذا الليل]

استخير ي وشفي نفسك اذا مرتاحة

 

[انثى تعشق رجل]

انت حطي شروطك من الان

قوليله بوافق علشانك وعلشان اهلك من الان
شروطك تكون قسم مستقل افرضي جاهم ضيوف وانت ماتبي تشوفيهم
افرضي في مناسبة وانت مريضة لا قدر الله تبي يكون لك قسم مستقل تاخذي راحتك فيه
ولو كذا سهلة الامور انت اهتمي باهله وهم لوحدهم
لكن اول مايجي احد من سلفاتك او اخوات زوجك هي اللي تقوم بنفسها
وقوليله اذا صار مشاكل او اي شي يضايقني ويحرمني خصوصيتي برجع اسكن لوحدي

ولو بترفضي قوليله انا خايفة من المشاكل وافقد خصوصيتي وزي كذا
قوليله ليه مانسكن بيت قريب على بيتهم مثلا

 

[كيرن]

اسمعي كلامي لاتسكنين كلامى لاتسكنين وحده مجربه ولاتعطين وجه ماينفع معهم الطيبه